跑緣 (已搬遷) 新店位置

時間：2022年7月上旬，假日下午時段。環境：乾淨企理，感想：同女朋友深水埗去抱石，之前就想先食野。上網見到呢間會以跑步做主題cafe，而且食物都採用無激素食物所以想試一下。到場後餐廳裡面已滿客，但可以坐cafe bar枱。下單食物包括：1） 飛毛腿（無激素雞下髀）配黃薑飯2） 黑椒豚肉腸意粉3） 兩份甜品4）兩杯飲品超級驚喜係見到食身定價係“自由定價”，隨心奉獻，先知道係基督教有關cafe。食物質素有驚喜，而且份量絕無因自由定價而減少，我平時都食好多野但一個主菜加甜品份量非常滿足。豚肉意粉味道不過不失，但外面餐廳可能只會提供3分2份量。雞髀飯果然招牌菜，雖然要等20分鐘（即叫即做）, 但雞肉好滑好入味。飲品方面，點左一杯Cappuccino, 份量適中。服務態度好想讚一下，店員好熱情，因為岩岩係附近書店買左本行山書，佢地都會搵你傾計，而且因為坐bar枱佢地都會再執一下以便有更多空間可以存放袋。下次再到都會想黎多次支持下。