車仔麵皇

營業中

休息中

昨天點看食評，睇到車仔麵附小食推介，今天特到此「試試…」，果真美味叫了炸燒賣、滷水雞全翼&凍豆漿。炸燒賣香口鬆軟，刻意唔落豉油或其它漿汁，試原味，果真好食！要親熱享用滷水雞翼有兩款，雞全翼一隻(要等約五分鐘)，和雞中翼兩隻(即點即有)。我叫咗一隻雞全翼，味道夠晒入，且汁香濃，質感嫩滑；只因太細隻，唔係好夠喉…凍豆漿清香好味，真的好新鮮下次必定再來食…試試其他款！

食過喱個區內嘅車仔麵檔，最好食係「車仔麵皇」套餐兩餸一麵$28大大碗，飲品另計。今日點了#烏冬米線菜心豬扒，另配熱奶茶；(因個人喜好關係，叫師傅將炸豬扒轉為灼)，另加牛腩汁有骨豬扒好有口感，好味道絲襪奶茶咖啡，香濃烏冬味道口感好其他食品推介：日日新鮮自製豆漿#清香可口, 限量發售；樽裝可樂⋯也備有其他飲品；牛腩, 芝士腸, 牛柏葉, 魚蛋, 柚皮, 炸燒賣, 春卷, 咖喱角, 炸豬扒, 滷水雞翼...

這間車仔麵皇可謂隱世 於深水埗及長沙灣站走過去都需要約15分鐘 地理位置絕不算便利但正正因為地理位置不便利 才令我能一嚐這間店內座位只有約八個的車仔麵店點了一個蘿蔔豬扒米粉 另外點了一碟炸燒賣及油菜 湯底可選腩汁 沙嗲或辣汁 我選了沙嗲汁 的確十分惹味 炸物亦炸得非常的鬆脆 份量亦十分足夠 而我與友人亦點了一碟油菜 份量亦非常足夠 我們一行兩人並不能完全把它完全消滅整體而言 味道不錯 主要推介店內的炸物 因為即叫即炸 的確非常香口

夜孖孖，好多鋪頭都收晒，行左好耐就見到呢間車仔麵皇！見到鋪頭入邊已經坐滿晒食物，老闆娘就喺出邊開咗張枱俾我哋！佢係逐個餸、面底咁樣計錢，可以食幾多食幾少，可以自己話事！我就叫咗沙嗲湯底同埋米線，餸就有豬扒、蘿蔔、芝心丸。男朋友叫咗個一樣嘅，再加碟油菜、一碟炸燒賣同埋兩杯凍檸茶，加埋120蚊有找！好飽好抵食物質素來講，雖然米線比較碎，但其他食物都係好食！炸豬扒咬落去仲係脆同熱！食得出係啱啱炸嘅加上佢煮芝心丸個時間應該預得啱啱好，所以啲餡一咬就自己！！好爽呀！係街邊食有另一種風味，好友車仔麵嘅感覺會再嚟食！

長沙灣有車仔麵嘅地方的確唔少，但呢間的確唔錯～首先食車仔麵要好食，環境就唔一定乾淨而且地方預咗細，入邊雖然有冷氣但係只有兩張枱～唔怕熱嘅可以坐街邊～店舖細細但係選擇都唔少呢度個炸燒賣係必叫，真心真係好食炸豬扒蘿蔔沙嗲湯公仔麵原本以為炸豬扒係另上，但係上枱原來放埋一齊～不過佢唔係酥炸嗰啲...所以跟湯上都冇問題～牛肚魚腐沙嗲湯烏冬唔食得辣嘅我本身想叫小辣，好彩後尾都係揀咗微辣～因為微辣都好辣下🌶...好彩咋😂個沙嗲湯好入味！好食👍🏼 埋單嗰陣一百零幾，我冇散子比左$200...老闆直頭唔收散子！$100埋單😱...依家邊度仲有咁好嘅老闆架👍🏼

聽講佢GE沙爹湯底出名, 所以叫左一碗大辣, 一碗微辣。微辣係少少辣, 湯底幾香, 係我中意果D果種辣, 但又唔會太油, 幾好。大辣就真是好辣下, 個人覺得。叫左菜肉餃, 細細粒GE, 皮較厚, 菜多肉少, 都OK。芝士腸正常, 午餐肉大大塊, 老水雞翼係另上GE, 夠入味, 不過細隻左D。

車仔麵，本乃香港平民飲食文化之一，價錢既便宜、配料選擇亦多，但進化到今天，車仔麵的身價與其本質，有點背道而馳了！五花八門的食材，總令人三心兩意。最終圈出了自己的心水，魚蛋、豬腸、牛栢葉、魷魚配米線，另加沙嗲汁！湯底顏色較淡，淺嚐一啖之後，沙嗲味道不夠突出，的確很啖口！魚蛋不是彈牙的那種，但質感還好，不是我喜愛的咖喱味道，辣度不夠。豬腸燜得爽滑腍軟，腸壁內的脂肪大致被清除，沒有肥膩感覺，但味道入口徧淡，鹵得不夠入味。魷魚跟牛栢葉雖然彈牙爽脆，但也有着同一弊病，沒有味道！一碗成功的車仔麵，除了食材之外，配料醬汁也非常重要，「車仔麵皇」要稱得上「皇」，看來真的要加把勁了！

這間車仔面門面毫不吸引,而且地址不就腳,做的是街坊生意。$19 有2送1面,我朋友叫了淨送,有豬皮,豬腸,魚蛋,白菜,魷魚,牛栢葉, 而我只叫了炸餃和生菜,米粉。店內只有老闆娘一人, 逄星期日,她女女會來幫手,店子很少, 如果不是街坊,真的不會發覺它。好,先說說我的2送一面,小SPICY,但不要少看這''少'', 我後來要勁加朋友的牛腩湯底來中和,味道不錯,略厭SPICY的程度有點搶。朋友的6送反而值得一讚, 魚蛋極之彈牙,沒有那''簡水''味, 豬腸洗得很乾淨, 而且全部送都很入味,友人說他每次來也是ORDER這6款。加支樽裝忌廉, TOTAL $60