車厘哥夫餅店

營業中

休息中

阿媽的好介紹, 佢d 曲奇餅好鬆化好好食0架! 通常我0地會半磅半磅咁買, 包括普通的牛油味, 朱古力味(成件啡色0個隻), 另一隻貌似花塔餅的朱古力味, 咖啡味同有粒almond 0係面0個隻!幾可惜紅磡家維村0個間執0左笠, 之前紅磡0個邊的一磅係平過太子0架!不過0岩0岩星期日就有不愉快經歷, 遇著兩個態度勁差0既阿姐. 我0地俾晒錢(cash) 先發覺原來八達通付款有得10% off, 我0地買成$100 (2 磅曲奇餅), 梗係想慳返$10 0架啦, 就問阿姐可唔可以俾返$100 我0地, 等我0地可以doot 八達通, 當重新做過一次transaction. 個阿姐就用鬧人0既語氣話, "咁麻煩! 我俾返$10 你算啦! 你搞到盤數亂晒喇!" 其實做生意係咪需要咁惡呢? 睇0黎而家想請個有禮貌d 0既員工, 真係唔容易.

又話用八達通有九折, 但星期六去買麵包就無俾九折我. 不過算費時又走入去問d店員. 不過我買其中一個合桃麵包真係好好味, 咸咸地又d似硬豬仔包既口感配埋知桃真係唔錯, 下次都要再買來食先.

芝麻提子辮包都幾大個,而且有好多好多芝麻,但係包身頗硬,而且味道怪怪地,雖然提子份量ok唔算少,但係唔知點解食到一d好似蓮蓉的味道,食完又會令人覺得飽飽滯滯咁…唔太喜歡…

每次去車厘哥夫,見到佢地d面包,都唔會想買,因為每個包都好似比人用手"渣"過咁,好醜怪,不過...我放工時間都會去買"焗西米布丁"食,因為都幾香滑,幾多西米架 $8一個,ok price la.另外個個收銀亞姐個樣都好鬼死串,真係好似欠左佢咁.

自從對我o黎講最就腳o個兩間分店執o左之後，就好少幫襯車厘哥夫。早幾日「破o左戒」，路過太子，食o左佢個十字包。十字包（至少我食過）有兩種：一種係好似餐包咁，有提子乾同埋有2 條拉成個「十」字既吉士；另一種係好似軟曲奇餅咁，有提子同埋有個無掃蛋汁而成既「十」字，而車厘哥夫十字包則為後者。個十字包有成隻手板咁大，亦都有成隻手板咁厚。每咬一啖（記住，係「每咬一啖」），都有2~3 粒大大粒既提子乾，但單睇佢個樣，就唔多睇得出佢有咁足料（D 提子乾沉哂底？）。雖然曲奇十字包偏軟，但勝在夠香，同新鮮出爐。咁既十字包賣$4（八達通9 折o左，原價$4.5），算幾抵食。

老牌餅店一間,最可惜係見到佢D產品o既水準不穩.入去想買兩個飽做早餐,發覺個個飽都窿口窿面,好難先揀到個咖喱牛肉飽同波蘿油.咖喱牛肉飽只有小小咖喱味,味道唔係咁搶,ok,牛肉切成粒狀,並有小許洋蔥,喱個飽都幾好食.波蘿油就差D,波蘿飽頂層嚴重脫落,個飽已經可以宣佈失敗!牛油相當厚而大塊,但好難食,成大塊牛油食感覺牙煙.下次試其他飽.

因為突然想食車輛包,所以入左去買食. 不過認真麻麻地, 又無咩提子好失望. 反而個肉鬆包就好正, 佢地用芝麻咸包加埋d肉鬆個味道都好正. p.s. 佢地宜家用八達通仲有9折.

車厘哥夫既提子方包切得比較簿,口感亦比較硬,但係特別在於甜甜地,而且有淡淡既黃色,不過略嫌提子唔夠多,個包邊又唔夠軟熟,質素可以話只係普普通通,同佢既曲奇差左一截!(因為曲奇係好好味既!)

過黎車厘哥夫買十字包, 見到個三角蛋糕表面焦焦黃黃咁, 大大個先至$5, 好似幾好味咁, 就買個黎食.食落頭幾啖都覺得幾好, 好香蛋味, 但係食下食下突然"卡啦"一聲,原來有蛋殼,諗住間有一粒無乜所謂. 但係一路食落去都枕住有殼碎, 唔通佢成隻蛋殼放左落去加口感?!

知道屋苑商場(籃灣半島)開了此麵包店非常開心，第一次前往購買，看見窗厨所放的麵包已沒興趣，第二次經過見有改善便進入購買，麵包好味、服務態度差，第三次購買因為麵包好味，但竟然見到個店員用手排蛋糕(沒有帶手套)，十分不衛生，很難想象如此出名的麵包店會服務態度差及不衛生。

o岩o岩出爐既時候最正,外層脆, 內層軟~而且個味道幾特別~企如果唔係出爐既時候食就唔好咁好味啦, 會好"un"架~出爐時間約3pm ~

今日去行去太子,深水埔一帶掃街第一站係車厘哥夫,分別買左十字飽,曲奇, 方飽十字飽比想象中差飽太硬,但味道都幾好,都可以接受曲奇都幾多選擇,本人覺得最好食就係咖啡味個隻方飽比起超級個D新鮮.買左返屋企第二日做早餐過左一日麵飽都係咁有單性

有多款多士，ｄ多士都幾大包，$8包，以多士黎講都唔算好抵，但ｄ味又ok喎，成日都見到d人買多士，曾經見過有人一次過買好多包走！我買左咸麥多士，但唔知為何內藏左一塊白多士，呢塊多士有ｄ芝士，幾好食，下次決定買呢款～但要彈既係佢地ｄ多士放得好亂，多士款多形狀又唔同，但係又無名，要估估下or問人，都幾麻煩下!

之前看見丫LI 說這裡的車輪飽唔錯,今日經過便買了一個.它真的幾鬆軟、提子味又很夠、真係唔錯,如加上牛油或花生醬會更加好味.但這裡的服務員就真係太差了,明明用八達通比錢可以九折,我正在拿錢的時候說用八達通比,她竟說已入了機,叫我下次先用,那今次咪無得用(當然無折啦).心想立刻走人,唔買(但最後還是買了).現在還有這種服務態度,真係不吐不快.

X月X日，總之就是逛花墟的日子。我不愛甜食，但獨愛這店的車輪飽。因她夠鬆軟、牛油味夠豐滿、提子味夠真。最重要是她充滿了我兒時回憶^m^賣回家和家母、大小怪魔分享，那感覺很特別。可能那便叫溫馨。但美中不足的是質量欠穩定，試過燒焦了。