車厘餐廳

營業中

休息中

#車厘餐廳 呢間餐廳自己bookmark咗好耐，丟低咗一直冇咗回事，因為佢唔算太就腳，今次就決定去試下佢嘅晚餐。網上面嘅評論比較兩極，有人認為好有人情味，亦有人批評服務態度好差。可能時間上早，晚市六點開始得我一個客，係西餐廳格局比較昏暗，不過晚餐價錢非常吸引，只係$55，凍飲+$2。#羅宋湯 味道偏酸，似蕃茄湯，唔係一般羅宋湯嘅味道。#牛油多士 都仲有少少隨身，唔係啲普通茶餐廳看完包脆。#西冷牛扒意粉 ，比較欣賞嘅係意粉，有少少鹽調味，加埋洋蔥汁稀杰度同味道都啱啱好唔會過鹹，我幾欣賞👍 至於牛扒就係薄牛扒，有兩塊，成個主菜份量都算多。#凍檸茶 就比較普通。服務方面唔係話好熱情嗰種，但又講唔上好差，不過睇得出店員係好記得每個熟客嘅喜好，呢啲正係小店嘅特色。車厘餐廳西環西營盤水街25-35號地下3號舖@foodiehck2022#港飲港食平靚正 #西營盤 #港式西餐 #晚餐 #小店

對新客人服務態度差劣，對熟客反而會傾計食物難食，魚柳係翻熱，仲有酸味，一Pat汁求其倒上碟頭飯面，似嘔吐已經冇哂食欲，一食落去旦汁仲要係十分難食，情願比我食白飯仲好，簡直係劣食之選，難食之選檸茶冇味都係預料中事，基本上係茶記洗杯茶雖然價平但都未致於要做到咁難食其實係行過求其入左來，但都有熟客來，食客多數係藍領及學生，不明白呢間專做藍領及大學生生意既餐廳都可以咁難食？如果可比零分，絕對係零分，呢啲餐廳應該要淘汰，都冇心做野食又態度差！

我覺得呢度嘅羅宋湯係全港最好飲！好多菜、好足料、夠哂味！！但係佢嘅位置唔明顯，喺水街，比較黑，好似冇乜人察覺到佢嘅存在。所以多數幫襯嘅都係附近嘅街坊。除咗個湯，多士都烘得好薄好脆！通常我都係叫石斑意粉/飯/薯菜，石斑煎得啱啱好，皮脆內軟，意粉多汁，真係會比好多汁你除左杯飲嘢比較失色之外（因為通常你叫華田、好立克都會比較稀）其他嘢都好出色！特別係每次見到廚師好用心煮，每次你都會熱情招呼，每次埋單之後都好有禮貌咁講多謝拜拜，好窩心！有時見到佢夜晚好似靜左（佢地又無加萌panda同roo記）希望多啲人識得呢一間小店，多啲支持佢！

住喺附近，依間舖頭食物價格算平，水街附近都無類似依類港式西餐廳，但兩位阿姐嘅服務態度一直都係不敢恭維，最近落去食早餐，阿姐黑口黑面過來落單，落咗單後又唔 repeat 張單內容就走左去。另一位阿姐態度仲差，現在我都小咗去幫襯。

女服務員態度差到極，食物沒有味道，好一般。個女服務員一開始已不禮貌的說你多少人，要佢指定坐位給你，如你不同意就面黑黑。老實講，去附近7-11 叮食物好過，不用受氣。

今日去食早餐，果個阿姐黑口黑面，好似欠錢咁樣，我係學生，做緊功課，阿姐故意敲碗碟（拾枱面時）催促我離開，種講“望咩呀望，痴”，好似有仇咁樣，食物及其普通，之後絕對不會再光顧。

今日中午去西營盤覓食，行到水街見到一間食肆放個餐牌在門口，價錢比起同區西餐廳略為便宜就入去試試。一踏入餐廳人客唔多，但門口個阿姐黑口黑面粗聲粗氣當啲食客喺仇人咁。都算嘞！坐落叫餐，一句「無紅湯只有白湯！」，咁喺咪咁早就賣晒唔再做呢？！就算真喺無都唔使想殺人咁嘅語氣㗎！好快個餐湯已放在桌上，噢！不知所謂嘅忌廉湯，淡而無味，還要喺加鷹粟粉開嘅，一入口只感到成口被漿住嘅感覺，唔喺開粉開到傑澾澾就叫忌廉湯㗎！接著主菜是「煎朧脷柳意粉」，白雪雪一碟熱騰騰嘢放桌上，對於一向有下廚經驗的我來說一望就知嗰碟意粉是用微波爐叮熱而並非新鮮煮出嚟，嗰塊朧脷柳啲肉豪無質感，又爛又霉，意粉又硬又乾，簡直難以下咽！最後嗰杯黑媽媽苦澀嘅熱檸茶更不用多說，叫佢自己撫心自問俾咩茶嚟沖俾啲客人飲！結帳時我都提出對食物嘅感覺，個阿姐反而大大聲話「我地啲嘢一向都喺咁，喺你唔啱口味」。Omg! 怎可以用呢種態度繼續經營服務性行業㗎！！(There has been a big deviation since these two guys took over)

話說在西環除了有不少老店外，還有一些家庭式餐廳。今次便在朋友的介紹下來到這間 - 車厘餐廳就位置來說頗偏遠~不近地鐵站，而且還要稍微行上山！另外朋友推薦來吃的是扒餐~價錢大約是$58起扒餐會跟餐湯，我們都選了羅宋湯 不論是看起來還是味道來說都很濃，但卻不是酸~是甜的耶而且有點意外的是配的不是常見餐包，而是香脆的多士!!朋友點的都滿吸引，特別是那厚切豬扒。我自己點的則是 - 羊扒配蒜茸汁 ($123) 有3件羊扒，吃落雖然有羊羶味，但是可以接受的~肉質也很軟嫩。再加上惹味的蒜茸汁確實不錯！因為還可選擇配飯、意粉或薯菜，所以份量來說十分飽的喔最後有一杯餐飲，點了咖啡~就普普通通那樣子吧

今日3人行食晚餐咁朋友強烈推介食佢地家庭飯堂咁就試下啦每個餐都會包兩片多士、紅或白湯、飲品咁我地各自叫左1.燴牛脷飯* 牛脷數量足夠 * 有菜附上2.芝士焗肉醬意粉* 肉醬及意粉數量都多* 但味道是甜甜地那種肉醬3.石斑薯菜* 大塊有咬口* 薯菜數量多* 仲有配菜朋友說這裡的份量可以提出，例如想少湯，檸茶少色等等而環境方面，可以坐到4-5 桌客人，最後個張就會逼啲，我地坐尾2個張，當最後個張準備入客，店員即時叫我地坐前啲，等佢地唔駛咁逼，不過後尾我地見佢地坐完之後，凳之間都有啲位剩，所以向後返少少，鬆動啲

食物好與不好 已經不能輓回任何分數。入到餐廳，簡直是活受罪，兩個亞姐黑面到趕客甘，我們9人叫我們逼在最後的6人台上，我們根本坐不下，我們要求4個人坐4人枱，5個坐6人枱，佢話張枱俾人訂左，我們要求另一張。亞姐態度由7級差上到10級，之後的服務差到想殺左我，由落單到，到結帳都...都不想再講。總之不會再去也不推介朋友到這用餐。

今早一個人叫左個$30早餐，之後食完由於忘了帶紙巾但有鼻水，所以用左另外兩個位原本已經放左嘅紙巾，跟住個姐姐（應該得佢一個樓面）過唻話：”姐姐仔，你一個人用4張紙巾咁多！”我望吓之後答：”唔好意思，我用左3張”,過一陣我去俾$，佢話要收$32，我問唔係$30？！佢就答你用在4張紙巾唔洗收$呀！我話我都係冇紙巾響身唔係專登，佢就即刻話如果個個人都攞咁多我咪蝕本！其實唔係錢嘅問題，如果我自己本身有紙巾絕對好用多，講真個女人態度真係好差，一間咁樣嘅餐廳我真係唔會再去...結果同亞囡D同學家長傾開先知原來中伏，佢哋一早知道個女人態度好差....再好食嘅餐廳咁嘅服務質素，唔使錢都唔會再去受氣

兩點幾都未食晏，兩隻餓鬼路過此店，見是日午餐只是４２元，拿拿林衝入去啦！先來羅宋湯２客，好多菜，有西芹椰菜紅蘿蔔，可惜就是太酸。洋蔥汁雞扒飯，雞扒大大塊，有２塊，汁多好送飯。煎龍脷刁草汁跟薯菜，龍脷混蛋汁煎香，魚柳下有很多菜絲，薯角亦是即炸。小店出品認真又有誠意，絕對值得支持！！

平時少到這兒附近，不知不覺間又發現了一家港扒餐廳，某晚拉著友人同來吃扒。餐湯要了一紅一白，紅湯很多蔬菜，酸味之中還帶有點點辣意，醒神開胃。白湯香滑兼備，喝後令人感到很舒服。是次我們拚棄牛扒，改食魚柳餐。龍脷柳配的是薯條，整碟扒沒多少汁，較為乾涸，幸魚柳的肉濕潤，表層微脆而不油膩，薯條亦不是炸得死乾，薯肉亦厚，粉粉的很和味。跟龍脷柳成為一個反比的芝士菠菜魚柳意粉汁多味濃，魚肉加菠菜匹配至極，意粉更透出陣陣誘人芝士香。兩個魚柳餐各有特色，這一餐確是魚樂無窮！

西環的變化真大, 從舊社區轉眼間已變成外國人的新貴。新餐廳越開越多, 越開越貴; 不少親民的餐廳已逐漸消失。今晚想經濟些, 很遠少少發現這間「車厘餐廳」, 紫色的門面加上閃爍的燈飾感覺似一家家庭式經營的港式西餐廳。晚飯時間客人差不多坐滿這餐廳, 入去一試! 餐廳內地方不太大, 装潢沒有大亮點。餐牌跟名字一樣用上車厘做圖案, 餐廳老闆跟車厘有什麼情意結??這裡的食物都附送湯, 餐包及餐飲。食物選擇多而且大衆化, 難怪食客大部分是街坊。忌廉湯味道一般, 但B女竟然好鍾意。羅宋湯反而有驚喜, 這裡的羅宋湯味酸中帶點辣味, 幾開胃。羅宋湯內有不少蔬菜湯料, 不錯的選擇。烘麵包熱辣辣, 塗上牛油特別香口美味。牛脷併薯條牛脷及牛尾都老爸的選擇, 我平時甚少食這兩個部位。牛脷似是用咸水浸過, 有咸香味。原來牛脷是爽口的, 真係唔食唔知。連皮薯條厚身, 炸得香口, 咬下去較粉是我杯茶。紅酒燴牛尾牛尾肉比較少得肉質比想像中嫩滑。個sauce好驚喜, 好惹味, 立即想叫碗白飯撈汁!羊架併薯蓉羊架表面塗上孜然粉, 味道香食落好惹味。羊架烹煮時間恰到好處, 外層脆口裡面呈粉紅色, 賣相對辨。薯蓉份量多, 但缺