軒尼詩冰廳 (駱克道) (已結業)

呢間軒尼詩冰廳轉嗰角有兩間，都幾好特別，之前番工黎食兩間都係茶餐廳，點知今日行過見到轉曬做原來越南菜，日日番工食黎食去都係果d,新野梗係要試吓生牛肉湯河用湯浸一浸已經變熟，剛好唔會太硬。牛肉湯河俾埋青檸同辣椒碎，鮮味出曬黎。河粉份量唔算太多，剛好夠食。越式咖喱牛腩飯因為次次食唔晒，叫咗少飯，咖喱幾入味，但牛腩唔夠淋，都咬得開嘅，70幾蚊，灣仔嚟講係正常價格，未去到好平好抵食。配埋嘢飲，叫咗杯凍咖啡，反而越式咖啡個味道幾好。越式牛肉配紅飯呢個上到嚟反而大大份，色香味俱全，食落牛肉多汁又夠味，啱晒重口味嘅我，酸酸甜甜好開胃。跟餐叫咗杯熱綠茶，味道也幾好。

無錯, 仍是灣仔, 工作完來個快閃早飯, 今日是灣仔站對面的新開越南菜~軒尼詩冰廳, 睇個名以為係港式茶記, 睇埋門前嘅餐牌係食越南菜, 反正未食過, 便是了, 新裝光猛新淨,  坐梳化卡位很舒服, 一般的越式美食餐牌也有; 牛油雞翼、越式法包、湯河、撈檬、越南小吃.....凍檸樂  ($30）工作過後的順氣之選鹽燒牛肉沙律 ($82)嘩! 使唔使咁大碟呀, 足夠兩個人今日的纖維補充, 燒牛肉不是肥牛的油軟, 是有點口感的, 牛味較濃, 但沒根也不韌, 簡單撒些海鹽已經夠香口了, 沙律菜主要是較爽口的紫椰菜、白椰菜、紅蘿蔔及青瓜絲, 配少許鹽燒牛肉汁, 我哋就加埋越式魚露酸辣汁提升食味。芒果糯米飯 ($68)半個芒果尚算可, 芒果再放耐些, 熟點會更腍更甜, 糯米飯香軟得黎口感煙韌, 配埋個香甜椰漿

呢間軒尼詩好特別，原本係茶餐廳，原來佢已經轉咗越式菜，覺得好奇，緊要試吓😋老闆冇變服務態度一樣好，而且裏便裝修格局好骨子，好有feel😊我哋一共四人叫咗好多嘢食，越南春卷、圠肉米紙卷、馬拉盞炒通菜、椒鹽軟殼蟹、越式香葉炒蜆、蒜蓉包、雜錦炒粉絲、越式鳳爪，多到唔記得，粉絲炒得好爽，軟殼蟹好脆，鳳爪唔辣夠酸，值得再嚟食多次！食得越南菜緊係要嘆埋啤酒，認真整體好食，就係蒜茸包燶左少少🤏主要嘅服務態度好又夠衛生，有時差少少都會嘅，有同老闆講都肯接受意見，不錯不錯，今時今日咁嘅服務態度仲有邊度搵👍🏻👍🏻👍🏻

味道還可以，買外賣經常忘記提供餐具，今次已經講左要餐具。三個炒飯，一個意粉，俾幾對筷子我。未試過要用筷子夾炒飯食，食到一半已經好攰。減肥人士可嘗試呢間，可以減低食量。

個日係下午茶時間去到我個人唔係好肚餓但係我朋友好餓嘅關係所以入左黎食先坐低一陣都冇個侍應已經沖過黎落單人地都未諗好就逼人落單🤬上菜速度係快 同其他茶餐廳差唔多😬🍝金牌洋蔥汁豬排燴意粉 $53（下午茶餐）跟飲料🥤意粉一般 好頹 賣相唔太好睇🫥🫡但係朋友叫一個三文魚意粉就都還可以🤔👌🏼正常茶餐廳質素🥱下午茶餐黎講唔算便宜 但係係灣仔算係咁🤥但係下一次絕對唔會再黎🙄️食野好似食到好趕時間咁😮‍💨食得一啲都唔享受😕環境 🍃食物🍡🍡性價比💰💰推薦🙅🏽‍♀️回頭🙅🏽‍♀️

嚟到新環境第一時間視察吓附近有乜嘢好食，見到近近地就決定去軒尼詩茶餐廳試一試反正裏面冇乜人，入到去搵位都好容易，自助落單亦好方便。 $45 魚柳包餐 （下午茶）一眼望去已經肉酸，個包縐晒皮，拎上手個包係凍嘅，雖然魚柳係剛剛炸起，脆卜卜，還有蕃茄生菜和醬汁，但挽回唔到整體個包嘅劣勢，又貴又難食。熱央呢間嘢勁奇怪沒有水吧，飲品係由麵包櫃個阿姐沖出嚟。杯央淡而無味，茶味不足；啡味不濃，失敗之中嘅失敗！

早餐吃了歐陸的煙三文魚，的確有誠意。上碟是德國腸,不是普通的廚師腸，口感實在豐富。而奶茶可口，真心夠茶味，應該是絲蔑奶茶，真的不錯。自家製飽也夠誠意，菠蘿飽實在是好吃的。還有其他自家製的飽，賣相不錯，應該是很好吃。服務生姐姐也帶有笑容，會打招呼，感覺似有家的感覺。如果帶女友來，應該十分親切。可是，找數時竟然只收現金！天啊！！2023年竟然沒有任何的電子支付，害得我本來請朋友吃早餐，現在要她找數。暫時不會再來，太不方便了。通關後，相信國內同胞也不會帶現金吧。

前幾日食完柯布連道嗰邊間軒尼詩冰廳，食到舔舔脷，今日決定試埋駱克道呢邊嘅新店，估唔到前幾日食佢舊舖係咁地道正宗嘅茶餐廳，而呢邊會有另一番景貌，除左有靚靚裝修，仲有好多好別緻嘅西餐菜式，又再次令我流晒口水😍呢日我地叫左冬蔭功海鮮燴意大利飯（$78）、板燒黑椒牛扒（$65）、焗奶油脆脆豬仔包（$35）同埋牛油懷舊介央多士（$20），然後每人套餐再加$6 ，各自叫咗一杯熱檸茶同熱檸水。個冬蔭公海鮮燴意大利飯，冬蔭公湯夠酸，唔會淨係得個辣字，每粒意大飯都吸收到冬蔭公湯既精華，口感厚實豐富，而啲海鮮都非常入味，啲蝦又夠新鮮，份量啱啱好，極之開胃！至於個板燒黑椒牛扒，黑椒味濃，肉汁濃厚，肉質軟腍易入口，配合上趣卜卜厚實嘅薯寶，真係冇諗過60幾蚊，可以係lunch食到個咁豐富嘅扒餐👍🏻而個牛油懷舊介央多士，中間夾著一塊厚厚的牛油，而咖央醬則是滿滿地塗在多士上，很肥但很滋味。另外，個焗奶油脆脆豬仔包，個包新鮮焗出黎，脆得黎又夠牛油香，配埋煉奶食，簡直一流！😋😋😋軒尼詩冰廳 （駱克道）地址：灣仔駱克道139號地下

今日同朋友黎到灣仔我地都好中意港式野經過見到呢間茶餐廳就決定入去試下餐牌好多選擇，有意粉，飯，豬牛雞全部都好吸引羅宋湯湯底好濃郁，飲落唔會好辣好溫和順喉，入面好足料有牛肉同蔬菜，營養均勻黑椒牛扒意粉牛扒好大份，7成熟食落好嫩滑多汁煮得好好黑椒汁好惹味，加上意粉爽口彈牙好好食鮮茄焗雞扒飯雞扒好滑，好嫩口加上茄汁甜甜酸酸好惹味，食到停唔到呀真係！唔係講笑炸雞髀+薯條雞髀生炸，食落皮脆內滑切開肉汁爆出黎，好誇張

在灣仔軒尼詩冰廳食晚飯，小炒，扒，粉麵都多選擇，意想不到扒餐幾好食。紐西蘭直送西冷牛扒，包有羅宋湯，味道夠酸夠入味，非常開胃，菠蘿包幾鬆化。主角西冷牛扒相當大塊感覺巨型又夠厚身。表面煎到焦香，內層 keep到肉汁，口感夠嫩身味道又重牛香！估唔到食到幾有質數既牛扒。Xo醬海鮮炒飯，餡料幾夠豐富， 八爪魚，蜆肉，蝦仁等，層次感夠豐富，而xo醬味道幾惹味夠香！飯粒炒得幾爽身唔油膩，份量都相當足又幾夠鑊氣。西蘭花炒帶子，雜住 d炒什菇，葱頭幾香口！西蘭花夠清爽清身，帶子夠厚身又綿密！

軒尼詩冰廳 （駱克道） (灣仔)灣仔駱克道139號地下一個人的午餐，來到灣仔這個地段，隨地都可以找到餐廳，但因為工作關係，所以要快靚正，見到這間餐廳門面光鮮，立即入來食個快飯。餐廳內光猛整潔，午餐時段比較多人，但整體感覺良好，枱面夠大，坐得舒服。黃金蝦$80+$12配飯和例湯這個是大排檔經典小菜，通常去到餐廳見到我一定會叫這個菜，因為自己在家比較難煮到。金沙黃金蝦，蝦肉鮮嫩彈牙，炸過後又香脆可口的蛋黃碎，大大粒蝦球配上香濃鹹蛋黃份外滋味。鹹蛋黃蝦球配白飯，簡直一流，很送飯，而且來湯清甜，紅蘿蔔豬骨湯，冇咩味精。

一次過叫十幾份餐，由灣仔送去金鐘，心預左會唔夠熱，但估唔到有驚喜，食物夠熱，包裝企理又好食，炸髀仲係脆既，份量適中，餐廳職員仲好窩心咁每盒寫晒名，完全冇錯單，抵讚，會再叫

這間餐廳茶記，在灣仔已經很耐歷史，最近開咗分店，都在灣仔，證明其實有很多人幫襯。今次幫襯新的分店。餐牌上正正常常，例牌都係早餐ABC DEC。而特別的是跟早餐的麵包，一般是跟多士或者餐包，甚至係丹麥多士，但軒尼詩冰廳，早餐跟的麵包是輕量版菠蘿包（即細size菠蘿包）。叫咗A同B餐，早餐味道OK，正常。沙爹牛肉都算多及大塊，亦不會用鬆肉粉拿到變晒質地。鮑魚火腿通粉，鮑魚絲俾其他有些茶記的少，但算係咁啦OK。飲品正常，冇特別。記着：這間餐廳的重點，餐包是跟菠蘿包。至於菠蘿包好唔好味，一般，唔算係新鮮出爐熱辣辣。可能我哋的用餐時間當時已經是9點幾～

今日同女朋友黎到灣仔我地係到傾緊食咩女朋友話想食中菜但我就想食西餐點知俾我地經過見到呢間餐廳中西菜都有就即刻入去試下！餐牌好多選擇，實滿足到你魚香茄子煲中菜必點既一道餸魚香味充，咸味剛好茄子煲到軟淋入味加上肥瘦均勻既肉碎，送飯一流菠蘿咕嚕肉咕嚕肉肉質爽口有咬口做到外脆內軟既效果加上酸酸甜甜既醬汁好惹味西冷牛扒西冷order左5成熟，一切開呈粉紅色火喉剛好，廚師功夫非凡肉質軟淋，肉味濃郁係一塊高質素的牛扒呢個價錢食到，物超所值紅豆冰，奶茶紅豆冰紅豆軟淋入味，配合奶飲一流推薦！

軒尼詩冰廳有兩間分店，一間係哩間駱克道，另一間係喺柯布連道，偏偏兩間都唔係喺軒尼詩道，每次同朋友食都總會有人講起哩樣野！駱克道分店環境闊落，有兩層，牆身有特色設計，引人入勝。而菜式選擇同其他冰室大同小異，由鑊氣炒粉麵、常餐快餐、 鋸扒焗野咩都有！ 今日就一般般想食常餐，所以就叫左個咖喱吉列魚柳飯！馬來咖喱吉列魚柳飯咖喱飯係「馬來咖喱」，一上菜已經見到有兩大舊魚柳，而且好大塊，大過我隻手掌，基本上食完飯都重有剩！咖哩汁做到馬來口味，有椰漿的香味，冇咁辣得黎有少少甜，正！蒜蓉脆脆雞扒朋友叫左個蒜蓉脆脆雞扒。佢係雞脾扒黎，肉質幼嫩，好味！總結，食物質素係正既，性價比ok，我大貪啲，如果可以野飲跟埋湯就更好了！餐廳：軒尼詩冰廳 （駱克道） Cafe Hennessy （Lockhart Road）地址：灣仔駱克道139號地下Address：G/F, 139 Lockhart Road, Wan Chai #肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔 #觀塘 #屯門 #早餐 #午餐 #晚餐