軒尼詩冰廳 (駱克道) (已結業)

在灣仔軒尼詩冰廳食晚飯，小炒，扒，粉麵都多選擇，意想不到扒餐幾好食。紐西蘭直送西冷牛扒，包有羅宋湯，味道夠酸夠入味，非常開胃，菠蘿包幾鬆化。主角西冷牛扒相當大塊感覺巨型又夠厚身。表面煎到焦香，內層 keep到肉汁，口感夠嫩身味道又重牛香！估唔到食到幾有質數既牛扒。Xo醬海鮮炒飯，餡料幾夠豐富， 八爪魚，蜆肉，蝦仁等，層次感夠豐富，而xo醬味道幾惹味夠香！飯粒炒得幾爽身唔油膩，份量都相當足又幾夠鑊氣。西蘭花炒帶子，雜住 d炒什菇，葱頭幾香口！西蘭花夠清爽清身，帶子夠厚身又綿密！