軟飯王 (已結業)

一直都知要買到哩盒飯一啲都唔容易😗，突然有日心血來潮，打個電話通左仲要任我揀時間，我馬上急不及待衝去元朗🏃🏻。爆辣豬柳炒飯 $55前後都隔左成個鐘先食，但仍然好熱🔥，又唔會搞到好濕個飯。豬柳痴左線咁好食，佢淋得黎有啲爽，醃料好入味，香辣🌶既味令人想爬多幾啖飯。飯就絕對有水準，粒粒黃金分明🍚，乾身而有鑊氣。整體都超夾，越食越上癮。椒鹽豬扒炒飯 $55豬扒🐷比起豬柳就無咁香口，但同樣咁入味，蒜香味比較重，會岩唔食辣既朋友多啲。咁惹味既餸加埋炒飯簡直絕配，粒粒沾滿蛋香，仲有蔥花既調味，完美既組合。

-喺香蕉仔對面，有一間叫做軟飯王嘅炒飯，聽講要等3個鐘先有，點知係真嘅，佢6點先開，所以我地夜晚6點左右打左電話去落單，要9:15先有，無問題，等！！但喺最近軟飯王老闆終於可以食到軟飯，佢做埋今個月唔做啦，同埋開始暫停左電話落單，而家結左業🥲【椒鹽豬扒炒飯】 $55 (9.9/10)見到老闆做到唔停手，每個飯好堅持都獨立咁炒，老闆同老闆娘都好有禮貌，見到佢戴住護具，又成日休息睇跌打，可能都真係要休息多啲，講返個飯，等咁耐嘅飯的確冇令到我失望，一拎到個飯就聞到好香嘅蒜味，食落個飯非常之乾身，唔會好油，粒粒分明，有鑊氣，個飯都大大份，兩個人食都覺得啱啱好，好好食啊😋，豬扒就兩份兩份咁炸，食落偏軟身，如果想試嘅朋友，記得喺faceboook打電話去落定單，咁就唔洗等咁耐後記：後來我地先知原來5點已經可以打電話去落單，我好少比咁高分

聽聞元朗好多好野食，揀左幾間想試，軟飯王就係其中一間啦佢原來係位於叫“木頭車”既鋪入面，好誇張啊落單時佢話大約要等2小時先有，不過聽聞佢堅持每個飯都係要逐份逐份Order去炒而唔係炒定一大堆再分配/有單先翻炒，呢種堅持係咩到要講“快”既地方真係好難得，所以都係買個飯支持下先今次叫左個椒鹽豬扒炒飯試下，外賣後大約1小時先用餐，個飯竟然都仲係暖！（但一打開明顯發泡膠外賣盒上蓋係被豬扒熱熔左…）賣相色澤都幾靚，睇得岀每粒飯都好分明，而且個飯睇落都唔會好油（完全冇反光）。可惜唔知係唔係對佢太大期望，覺得椒鹽豬扒完全係冇味，雖然豬扒唔乾但竟然係0椒鹽味。個飯係好食粒粒分明，而且充滿蛋香但整體有d失望因為真係好淡…

📍「軟飯王」- 元朗今次食食食之旅嚟到元朗😌😭😭😭結業倒數嘅軟飯王‼️👧🏻排足個零鐘隊，終於成功落單，好感動😭😭😭📷呢間軟飯王做外賣做咗好多年，一直都好出名，我哋想試好耐都未有機會🥹點知‼️前排就見到佢出post 話老闆娘包起佢，可以食軟飯唔做啦🤣即刻係佢結業衝去試吓‼️老闆同老闆娘真係超有禮貌，服務態度一流💯💯💯🍴椒鹽豬扒炒飯💰HK$55✨推薦指數：10/10我哋早到咗，所以睇住老闆炒飯🤩一路睇住佢炒，就知道呢個飯係幾有料幾有誠意😍炒到真係手瓜起展💪🏻每一次都淨係炒一盒飯，唔會一鑊炒幾盒，確保每盒嘅質素🙌🏻飯連蛋一齊落不停炒，炒起既飯粒粒分明，仲要係好乾身，唔會濕濕粒粒🤗落埋生菜絲同蔥，令到飯底更加香🤤豬扒炸得比較乾身，因為脂肪量比較低，食落有少少🤏🏻韌，不過都仲係好食🤗成個炒飯量真係超級多，一個人唔會食得哂，記住同朋友/屋企人開心share 🥳🍴爆辣豬柳炒飯💰HK$55✨推薦指數：10/10其實呢個飯底同上一個一樣，不過豬柳加咗辣椒🌶️粒，令到個飯更加惹味🤤佢既辣椒唔會話好辣好辣，辣到食唔到，但係你食落又會有啲辣味吊住，幾刺激‼️就算👧🏻唔係好食得辣都食到😋辣炒豬柳食落好爽口，油脂感重少少，

元朗人氣炒飯早幾天收到消息間店做到6月底，即仲有幾日，即刻要食多次。本來已經好難買到，依家更加難買啦好耐之前試過5:15成功打到電話落order，要7點15先有得食。但今朝老細在社交平台出post 話呢幾日唔接受電話order，開兩點要親臨預訂於是我就1:30去到，嘩!已經要排長龍，可能是星期六的關係所以更多人吧!最後要9:40pm先有得拎，晚餐變成宵夜。兩盒飯都分量十足，好有鑊氣，炒得十分乾身，唔油膩。d 飯係老細一盒一盒咁炒，十分有誠意。個人覺得豬扒好食d ，但辣爆豬柳又更惹味，如有辣爆豬扒炒飯就最好啦!要執真係十分可惜。

與軟飯王相逢恨晚，一直都很想試，但因為地理位置和太晚的種種因素卻步.. 昨日聞來月底光榮結業的通知，幸有軟飯王fans的閨密，努力地打通訂購電話，遠道外送到我屋企樓下，終於有機會初嚐它的味道( ･ᴗ･̥̥̥ )/🌟辣爆豬柳炒飯 $50新鮮炒起的飯盒仍保持熱辣辣，隔住個飯盒都聞倒鑊氣香，而且沒有倒汗水ჱ̒⸝⸝•̀֊•́⸝⸝)蛋炒飯的飯粒炒得乾身又粒粒分明，完全沒有油膩感，伴隨啖啖肉的辣爆豬柳、蔥、蒜和辣椒香，非常惹味！老公一邊吃也不停讚不絕口，不消五分鐘，這個宵夜就被完美消滅ꉂ(˃▿˂๑)不過，好可惜第一次亦都係最後一次|•́ - •̀｡)… 唯有將呢份美味收藏喺回憶入面，亦都好多謝閨密與她的男朋友為我送上這份滋味🥲🫶🏻❤️

📍軟飯王 @ 元朗超人氣街坊小店🔥排2小時足料鑊氣炒飯ღ 椒鹽豬扒炒飯 $50ღ 乾炒牛河 $55見大家吹捧得咁勁又咁有佬味 梗係要試吓！而家可以5點幾電話落單 7點嚟攞我非常讚賞呢個政策 因為免卻企喺度排隊嘅時間（雖然老闆成日好忙打唔通🤣🤣）可能因為唔洗呆等 我覺得特別好食哈哈～炒飯炒粉都鑊氣十足！而且好足料！椒鹽豬扒一開啲蒜多到嚇親我 極重口味(◉３◉)豬扒冇骨 係啖啖肉 配椒鹽冇得輸～ 炒飯乾身 真係粒粒分明 冇多餘嘅油份但食落除咗蒜味外 味道就唔算太有層次乾炒牛河直頭驚喜之作！！呢個非常夠味 牛肉雖然唔係咩靚肉但收貨㗎啦而且都係好乾身 食到底都唔會有成pat油㗎！整體兩盒野都係重口味得嚟唔會油膩！正😆回頭指數😼4/5（絕佳 comfort food (*´∀`)~

之前有次放假想試吓個炒飯，點知可能係假日嘅關係，需要等3個鐘！！！所以今次決定平日嘅晚上，試一試佢個炒飯！5:10pm打去，炒飯已經排到6:50pm！但因為怕趕唔切，所以最後決定7:30pm先pick up！7:30pm左右去到，已經見老闆不停炒不停炒！聽到有客人問，即刻order已經要排到9:50pm！！！所以強烈建議，想試嘅朋友，記得5pm打去落order！椒鹽豬扒炒飯：老闆技術實在太好，個飯炒得好夠乾！加上豬扒醃得好味！辣爆豬柳炒飯：由於用指天椒炒，所以都真係有少少辣！但佢嘅辣度剛剛好！加上豬柳好濃味！所以個人嚟講更喜歡呢個辣炒飯！非常出色！$55一個炒飯，滿滿的，非常抵食！加上鑊氣夠，豬扒豬柳同樣出色！唯一唔好就真係老闆一個人炒，所以快極有限！所以要食記得預早2個鐘打電話去！佢哋係準時5點開始聽電話！

呢間小炒非常有性格, 傍晚先開門做生意, 就算預先打電話訂分分鐘都要等兩個鐘先有得食, walk-in 就更加唔駛講啦, 不過雖然係咁, 都無損小店係區內區外既人氣今次下晝3點幾去訂定, 準時6:00返去拎. 炒飯新鮮炒起, 隔住盒都feel到個種熱氣, 梗係即刻係附近公園坐低試試佢啦炒飯粒粉分明, 見到加左超多蛋同蔥花一齊炒, 完全比得上馳名中菜廳幾百蚊一個既炒飯👍🏻豬扒醃得非常入味, 不過同豬扒比我就更鐘意個炒飯, 如果有淨炒飯賣就好啦😂

早聞其名，終於成功一試。當天提早電話下單，通話時老闆娘會告知最早的取飯時間。在木頭車內的一個細小舖位，老闆一次只炒兩盒飯份量，炒飯準時炒起，老闆和老闆娘很忙，卻都很有禮貌，客人取飯時異口同聲地說「不好意思，要你久等」，然後繼續埋頭苦幹。炒飯材料簡單，飯、蛋、蔥、蒜、生菜，面頭舖上份量十足的豬扒，炒飯很有鑊氣，而且乾身，粒粒分明，豬扒也鬆軟好吃，略嫌偏咸。整體而言，是足料、性價比高的飯盒，難怪每晚都滿滿訂單，實在值得一吃。

話說聽聞呢間軟飯王已久，其實係豐年路輕鐵站後面一個劏舖再細分出嚟嘅一間小店，只做外賣的之前一路淨係買過D小食都未買過呢間炒飯，就咁walk in要等成兩個鐘先有得攞架好彩佢都可以打電話叫定個外賣今次終於有機會叫到，做埋野過去就差唔多時間攞到個飯同同事一齊食分別就叫咗個椒鹽豬扒炒飯同辣爆豬柳炒飯每盒都係$55，但一大盒裝滿晒份量都好多下，試試佢個炒飯先又真係非常有鑊氣！粒粒分明乾身，豬扒同豬柳個肉質都好出色好惹味，尤其是辣爆豬柳更勝一籌！！總言之就係超抵食啦！等兩個鐘都抵！

係一間叫木頭車嘅鋪位之中，開左四、五個檔口賣不同美食，十足十一個超迷你夜市。今日朋友介紹嘅軟飯王就係其中一檔，同場仲有超高人氣賣香蕉煎餅嘅香蕉仔，可惜今日無開🥲-🐷椒鹽豬扒炒飯 $55大盒到幾乎爆盒，唔大食嘅話兩個人一盒就差唔多。炒飯夠乾爽唔覺油，非常有鑊氣。配料有蛋、菜，豬扒有5、6塊，唔鞋口。椒鹽味唔太重不過就好香口～-總結：平靚正，記得早啲打定電話落單唔係有排等🤭（禁晚市堂食關係依加已經提早到5點可以打電話落單啦）

【元朗木頭車系列 - 軟飯王🍚】軟飯王係元朗好出名既炒飯，係木頭車舖頭出面已經見到d鑊氣好勁。本身諗住食住炒飯等香蕉仔，可能係禁堂食關係，炒飯要等兩個鐘😱為左食佢既炒飯，我地決定等！(btw老闆同老闆娘好有禮貌☺️)兩個鐘後……🤣拎左盒飯未打開已經聞到好香，一打開盒飯多到瀉😳粒粒飯都炒到金黃色，而豬扒全部都係肉，一d都唔韌，椒鹽味唔重但香口，完全唔重口味👍🏻成盒飯有好多蛋、葱同椒鹽，簡直色香味俱全！溫馨提示：想食可以預先打電話去叫定先，差唔多夠鐘就去拎😉

呢間只做晚市既外賣生意，預先打電話落Order去到就可以拎。中🐖椒鹽豬扒炒飯 $50 ➕ 辣爆豬柳炒飯 $50 -拎上手未打開已經勁香，香得過份😱。每盒d飯都係塞到滿滿！2盒既飯底其實差唔多，飯粒炒得好乾爽夠鑊氣，無油膩感，係唔會想停口🤡。辣味個盒會再惹味d，蒜+辣，好似食避風塘味炒飯咁！椒鹽豬扒好軟淋，厚切豬柳同食豬頸肉差唔多，口感好爽彈油脂感重。

🔴 又禁晚巿堂食😮‍💨不過就趁呢個機會再食軟飯王😆佢而家提早半個鐘5點就聽電話接單👍🏻今次一夠5點就即刻打過去✨打咗兩三次就打得通啦😆嗌咗6點半拎👍🏻基本上都準時👍🏻不過頭先去拎聽到如果當時Walk in嘅話😮‍💨就要9點3打後先有拎啦😮‍💨所以建議大家都係打電話落定order好啲🙌🏻🟡今次嗌咗辣爆豬柳炒飯同椒鹽豬扒炒飯😗兩款都好有鑊氣👍🏻不過今次好似有少少燶味🤔上星期食就冇事🤣鍾意食辣可以試辣爆豬柳😊會辣辣地好惹味✨唔食辣就可以食椒鹽豬扒一樣都好香😛🟢老闆同老闆娘都超nice勁好禮貌✨