輝哥私房菜 (裝修中)

又帶德國朋友出去玩, 點心放題可以比佢一次試多款點心是最好選擇. 雖然點心質素唔可以話好好, 但勝在選擇多, 絕對對得住呢個價錢.所有點心對德國朋友來說都好新奇, 她最喜歡的幾款點心都是炸的.同埋其他食評講既漏單又不嚴重, 只是最後一張紙, 有1-2款冇上.蝦餃, 燒賣, 蒸魚肚, 菜苗餃芋頭糕, 魚餅, 口水雞, 手拍青瓜, 春風得意腸雲耳, 豬紅, 乾炒牛河, 雞腳炸鮮奶, 叉燒包, 排骨, 紅棗糕

收港幣155/位因為今天是端午節，食物一般，環境極差，冇冷氣，成個地方係好好好污糟，地氈全部係油漬地，地方又迫極，枱布濕㗎。 怪不得佢哋要喺門口先收錢因為如果唔收啦肯定好多人食完之後唔俾錢因為質量極差。 服務態度極差。 千萬唔好上當去食晏食完咗之後你絕對唔會俾錢。糟糕的環境。環境撞差過大排檔。食咗之後好會後悔唔明啲人點解會排隊入去食飯絕對係一個極差嘅大排檔而家明白點解佢哋要先收錢地氈係黑色㗎？嗰啲黑色嘅嘢就係油漬啊。

我喺openrice買餐飲券嘅，星期一至五就$88一位成人（星期二可以扣雙倍指定銀行信用卡積分，最多可以扣$50），兩位起。長者小童就平$10。星期六日餐飲券成人就$118。要早一日買券同whatsapp去預訂，到現場入場前要每人用現金畀$21茶錢同加一。佢寫住分兩個時段1130至1300、1330至1500，但其實隨時入場起鐘計90分鐘，一入場會有張卡仔手寫住食到幾點。佐敦地鐵站行過去都好近，閒日1130大約七、八成滿，雖然坐唔滿，但餐廳安排兩位嘅客人要搭枱坐四人枱，中間用膠板隔住。蝦餃、燒賣、牛肉、包類、腸粉、春卷、甜品都係寫點心紙，每次最多十款，多過十款就要寫過另外一張。即叫即蒸，出菜都算快，亦都冇漏單扣單。蝦餃正常酒樓水準，燒賣就食到怪味，唔推薦。腸粉就好爽滑，畀好多酒樓都做得好。另外自助大排檔區都有好多食物選擇，個人覺得質素畀落點心紙嘅點心仲高，仲要唔使等。有個姐姐會用個煎pan仔即煎蘿蔔糕、煎釀三寶、鮮蝦腐皮卷同粟米墨魚餅，好有舊式酒樓嗰個煎腸粉檔feel。而且真係每次煎少量，姐姐又好用心煎，全部經佢手嘅出品都好香脆，唔會有油益味。自助炸物就有炸豆腐、炸多春魚、炸白飯魚、炸

喺OpenRice度見呢一間嘅食評一般般，不過老人家上市見價錢又唔係好貴就去試吓啦先喺OpenRice度買咗coupon $88 位，入到去之後每人收咗$21茶位同埋服務費，埋單每人$109，食點心呢個價錢都可以接受呢間點心放題除咗餐牌上嘅點心零食之外，仲有個汽水櫃可以有汽水任飲，感覺上都幾好一坐低就開始劃點心，喺點心紙上面每一次最多10碟點心，點心紙上點心嘅種類都非常足夠，一般飲茶會食到嘅蝦餃燒賣嗰啲都有，除咗點心紙上面嘅嘢食，仲可以行出去攞啲熱食，可能今次係平日去人唔係非常多，所以整體上都OK

2024年復活節假期第二天 ，一家人試咗人生之中第一次 嘅點心放題！ 我們一家三口 ，可以坐一張四人枱 ， 唔使夾枱 。我哋早咗少少到 ，入座開始計時 ！煎炸嘢，直接自己攞自助的； 蒸點心 寫紙落單 好快就到 ；又有汽水任飲 ！我响鄰住買，買左優惠券100蚊位唔使！ 因為地方比較細，其他客人兩個人就需要搭4人枱！ 100蚊唔使，食物質素算不錯👍， 現場另加一21蚊(每位)俾現金！ 係訂位嘅時候 ，麻煩少少 ，打咗兩次都唔通個電話！好彩whatsapp第二日回覆！下次帶埋父母來試下！

食完第一輪，準備將第二輪交侍應，佢竟然話已經過咗時，我看手機時間都未曾到最後的20分鐘，但侍應話係要跟佢哋個鐘，所以已經過咗時，侍應回應態度極之差，想不到今時今日竟然還有這樣超差服務的餐廳，怪不得越嚟越多港人北上消費!

真係食到好谷氣，我其實已經食過三次，今次係第四次，亦都最後一次。先講服務態度，我在Togeta，分別買左三次coupon共6位，因為要配合其他家人，所以分開左訂，訂左星期日食，我星期五就打去想訂一張6人枱，嗰個嬸嬸聽電話一聽到我話買咗三張二人coupon，佢就即刻好激動咁同我講，你而家先講，我哋好少六人枱，你買三張就係畀三張二人枱你，咁我都平心靜氣同佢講，咁你而家有冇吖？有咪畀我囉，冇咪由佢囉，我都係唔想嘥咗你三張二人枱啫，跟住佢又死死地氣咁話有，但我就好谷氣囉，我係客打嚟訂枱都要畀人鬧。其實佢知唔知道點解佢哋要喺網上賣coupon呀？就係因為佢冇生意嘛！咁嘅態度對客，點會有客幫襯呀！未食都咁受氣，唔怪得啲人個個都上大陸食啦！又平又好服侍！唉！再講係食物，以前有炒粉麵飯，依家咩都冇，得幾款點心，以前大排檔啲食物可以落單點，依家就佢鐘意整就有，唔整就冇得食，冇得要求，同餐牌完全唔對辦，最攪笑係甜品，無論你幾點落單，都係臨收檔前全場一齊派，唔知想點，奶茶冇晒佢就喺你面前直接加水，咁都得？其實全間鋪個個員工態度都好一致，就係晦氣，我聽住有個客問佢地有冇豬腳薑，個員工反應非常快，大大聲答：冇喎

原本想和家人開開心心的食點心，1:30準時入座，諗住點咗點心紙先去拎現成煎炸點心，1:35已經被搶購一空乜都冇，點心紙亦都冇得叫煎品。店員亦準備收工抹枱，兩點行過嚟收錢，兩點半last order。但第一輪叫嘅點心亦都未到齊，只係到咗啲又凍又翻炒嘅XO醬炒腸粉，又凍又鹹嘅炒麵，又凍又無味既闊佬炒飯，就連春卷同鮮奶卷都係凍既。呢個時候，店員又走過來講冇晒甜品啦，落咗單都冇。仲要食碗仔翅，加埋鮑魚刷鋼絲✌🏼呢間嘢大家都唔好浪費金錢再去啦。認真，$78加$21茶錢，我仲last minute 加返個$118既小童，五舊水 四大一小，追追趕趕，我寧願返去稻香食啦🫥🫥🫥

90分鐘點心放題如單據所示及本人手寫補充，一共下單了17項點心（共分開三張單下單），但入漏左蝦餃、蒸滑雞、叉燒腸及上漏菜苗餃，似乎香港餐廳依然保持放題漏單漏上拖單的傳統！

本人於昨天2月25日不小心遺留了銀包一個。幸得酒樓員工的幫忙，路不拾遺，才能拿回銀包。萬分感激之餘，亦十分欣賞員工的真誠態度及高尚情操。再次多謝協助這次的幫忙。

上網見到唔駛100蚊就可以食點心放題午餐即刻訂左一行9人去食餐廳內座位都算闊 坐得幾舒服點心大部分都是熱的只有少數可能蒸完比較耐就只是暖上菜速度很快不過粉麵類個人就認為太大碟因為咩都想試 如果可以細碟啲會更好除非多人分享 如果唔係叫2碟 一個人食就飽晒很滿足的一餐

我哋三個人食星期六一點半至三點時段，寫咗兩張點心紙，最後等咗差唔多九個字啲蒸品先嚟，仲有好多例如流沙包腸粉都漏單，嚟又只係嚟咗一張點心紙點嘅嘢。夠鐘又準時趕你走，真係食唔到好多嘢！

原本都打算平平地唔會話有咩驚喜，但點知出乎我想的好。野食無漏單好快來，好熱，又好味，調味岩岩好。某些野食仲比出面的更好味。肉味都夠，滑雞夠滑，而且係任叫，真係無得輸😂服務都好，都有禮的，餐廳都好乾淨，坐得舒服不用同他人一齊坐同枱。有野飲任飲，雖然我都係飲茶為主。推介白花魚肚，燒賣，春捲，南瓜餅。我第二次加單的野食都好快來到，唔知係咪因為我呢日比較少人？ 基本上每枱都係二人為主。我覺得會再來，非常之抵食。

暑假最佳節目就是一家人外出吃喝玩樂,今次選了點心放題,是一個既溫馨又可渡過美好的暑期活動,團購假平均約$100一位,絕對是價錢與質素成正比。當天約有9成9滿座,食客都須預先在WhatsApp訂位才可人的場。點心質素中下水平,以大堆頭的廉價來吸客,就要預了服務及食品不可有過高的要求了。

我上星期兩個人去試咗，第一輪叫咗9樣嘢全部好快都整(部分蒸定)分量非常細碟味道普通不至於難食，唔夠飽再去入紙六樣嘢等了很久除芒果布甸及兩碟煎物蒸嘢全部冇出，不好意思追唯有去枱面取食物又已經所剩冇幾，見枱面布甸剩下幾個想要但她說要留其他客人，再問她入厨房看有沒點心是正在蒸给我的她說沒有，算了放棄走吧用$98體驗(配給式)放題係咁上吓吧！試了一次便夠唔會再去，#建議早段先在枱面取定點食或點些炒面(雖然賣相好一般)確保飽肚，另 椒鹽白飯魚根本韌到食唔到，煎釀尖椒魚肉梅爛