輝哥私房菜 (裝修中)

坐低叫完一堆點心等左成大半個鐘先開始上第一碟然後好似法國大餐咁慢慢逐樣逐樣上到上奶皇包喇一咬落去個心凍嘅好似喺雪櫃啱啱攞出嚟咁完全食緊垃圾同啲吖姐講佢剩係識等陣黎緊冇下次

一到週末，就最鍾意一家人去飲茶，幾盅點心，一碟炒粉麵就已經可以共享天倫之樂！近排見到呢一間餐廳推出90分鐘點心放題，一於叫拉朋友去嘗試，每位只係$98，講真的確係抵食。所有點心都即叫即整，熱辣辣，炸嘢酥脆可口。估唔到飲茶都可以食到＂北海道粉絲蒸元貝＂而且味道質素都幾好添！餐廳嘅菜式以中西合璧為首，很有特色，而且款式選擇多，不單有傳統的點心：蝦餃、燒賣、叉燒包、奶皇包、菜苗餃、健康粗糧糕、腸粉、春卷、香煎黃金糕、椒鹽魷魚鬚等等。更有香港經典西式茶點：菠蘿油，咖央西多、絲襪奶茶，沙嗲牛肉麵等，食完今餐真係好有滿足感。餃類點心皮薄晶瑩，蝦餃餡料都幾飽滿，包點嘅皮亦都非常軟身，炸物更加係油而不膩，酥脆美味。椒鹽魷魚鬚更加係香口至極！除咗點心之外，仲有四川口水雞呢類嘅一品料理，雞肉唔會好乾，辣味適中，加上花生同芝麻，亦都係令人拍案叫絕！

放題食得多，點心放題就真係第一次！！人均百多元就可以食到咁多款式既點心都真係幾爽🤣🤣呢度點心食物既選擇都唔少，仲有個自助食物醬料區添常見必食既當然唔少得蝦餃燒賣啦包點腸粉鳳爪排骨都有齊仲有唔少香口惹味既點心可以揀！！！好似炸魷魚鬚、雞軟骨都可以食到😍😍要飽肚既又可以點返份炒粉麵或者XO醬炒腸粉都好有鑊氣✨仲要連港式菠蘿油同一口西多士都有，食物種類真係好豐富👍👍私心推薦既一定係大大粒既蝦餃燒賣🤗🤗藥膳雞腳同芝士蝦春卷都值得一試！！！最後一定要食埋香甜奶滑既芒果布甸💕下次有機會要食下今次因為太飽而未試既點心先得😛😛

🧡❤️💛一定要食流心奶黃包🌼幾年前嚟過依度飲茶，趁住假期😝再次同屋企人過嚟食點心放題！性價比一樣咁高，食得岀真係新鮮貨色🤭所以我哋都encore咗好多round！(尾圖張單有紀錄.❣️90分鐘任點任食點心放題❣️ $118/位如果平日嚟食唔計$12茶位，唔計服務費，$98一位真係好抵食🤣假日嚟食，價錢會上調，建議大家先訂枱再嚟食呀！🤍水晶蝦餃皇🤍飲茶一定要食蝦餃啦😆蝦餃大大粒，一籠有3粒，既然係任食緊係嗌多幾籠！因為嗌咗好多籠，我哋決定放埋一籠慢慢食🤫外皮夠薄帶軟糯口感，蝦肉都有3-5隻，啖啖肉好過癮！🧡蟹子燒賣皇🧡燒賣都係一籠有3粒，將幾粒大大粒嘅燒賣放埋一籠，睇落真係好誘人😍！肉感實在，入口有飽滿嘅感覺！🩷韭皇鮮蝦腸粉🩷腸粉嘅選擇都幾多，口感滑溜有米香，軟糯外皮 內餡配料份量適中，鮮蝦爽彈有口感！食腸粉前一定要浸一浸豉油😛更鮮更香！🤎農家粗糧糕🤎好少地方會有依款糕點，粗糧糕味道微甜，口感軟糯蓬鬆😆屋企人話依個係養生糕，健康又有營養🤣💛流心奶黃包💛今次嘅重點，絕對係放喺流心奶黃包上🤤評論褒貶不一，決定親自一探究竟🫣初頭都幾驚冇流心效果，不過食咗幾籠之後終於放下戒心🤪用流心奶黃包打卡先！流心

早前我第一次品嚐了90分鐘任食港式點心放題，好有特色！價錢更只需$98 任食，真是平靚正的飲茶🫖放題！除了各款經典點心🥟，加上經典茶餐廳小食#絲襪奶茶 #菠蘿油 #咖央西多 #沙爹安格斯牛肉麵 ，仲有全新嘅大排檔惹味小食，食勻多種兒時都愛的港式味道，香港味十足呀！一來到已送上北海道元貝餃 ：元貝鮮味濃郁甘香！更有經典茶餐廳小食：絲襪奶茶、咖央西多、菠蘿油、沙爹安格斯牛肉麵港式風味茶樓點心🥧水晶蝦餃皇、蟹子燒賣皇、北海道元貝餃、鮮菰芋雞扎韭皇鮮蝦腸粉、鮮豬潤腸粉及椒鹽魷魚鬚等更有一些甜品奶凍 及中式糖水！想再豐富飽肚更有瑤柱帶子肉片粥、潮州肉碎蠔仔粥、北菰滑雞粥粉麵:金沙海鮮炒飯、獅城炒貴刁、廈門炒米粉輝哥私房菜 地址﹕佐敦長樂街18號18廣場2樓

想食點心放題，之前試過海天X同御名X，前者價錢唔平，後者價錢而家好似貴咗，所以想搵啲平啲嘅試吓，搵到呢間價錢好似都幾抵！網上買coupon $98位另加$25，買咗之後睇食評先見最近好多人話服務差啲嘢又唔熱，都驚中伏！但食後公道講完全冇咁嘅事，職員個個都好有禮貌，啲嘢全部都好熱，又冇話食完之後check吓我有冇食淨同比說話我聽，佢有兩個時段揀，11:30am同01:30pm，我揀11:30am，環境係有啲舊同地方唔大，但係都算整潔，嘢食全部熱辣辣，係魷魚鬚同雞軟骨就唔係熱，但係又未至於話係凍，整體食物質素中等，呢個價錢算好合理，仲有飲品任飲（雖然唔係好多款），食到好飽。

又嚟介紹特色餐廳喇🥢！今次想同大家介紹嘅係位於佐敦嘅一間點心放題😚。呢間餐廳喺網上其實都幾出名㗎，當中嘅放題套餐就係出名抵食($143連加一服務費) 🤑。難得今次有機會去體驗下，就緊係叫返幾款想食嘅點心介紹下啦🤪，想知我食咗咩點心嘅就要睇落去啦～食物方面☝🏻#水晶蝦餃皇個人覺得呢份水晶蝦餃皇真係好高質😍，相信大家都知道高質素嘅蝦餃放喺特點，價錢都比較貴，但係呢度可以任食真係好滿足🤩。蝦餃皮薄餡靚👍，當中嘅蝦肉大大粒，冇偷工減料㗎！#鮮蝦菜苗餃食完份蝦餃之後，都對餐廳蝦嘅質素有信心🦐。呢份菜苗餃賣相都幾靚㗎😎，唔單止外皮晶凝通透，入面嘅菜苗都呈鮮綠色🥰。菜苗嘅口感爽脆，同鮮蝦嘅口感都幾match😇。另外內餡夾起唔易散都值得一讚🙏🏻。#香茜牛肉腸粉之後就想同大家介紹下餐廳嘅腸粉🤤。我覺得餐廳嘅米漿質素好高，除咗帶有米香味之外，腸粉皮口感滑捋捋好過癮❤️。由於皮薄嘅關係，未食個腸粉都已經見到內餡有幾足料😬，再點埋豉油一齊食真係絕配，完全品嘗到牛肉嘅鮮味😋。#流心奶皇包我自己不嬲都好鍾意食奶皇包💛，特別係鍾意流心嘅效果🙏🏻。餐廳嘅流心奶皇包絕對滿足到我🥳，首先流心嘅效果真係好明顯，輕輕一擠就已經

我最近同朋友去左間中式餐廳，初初睇食評感覺唔太好，抱住一個試伏嘅心態去試下啦，點知！認真唔錯，我想講餐廳的服務態度比想像中更加好，覺得俾人造謠。侍應都有介紹下佢哋餐廳嘅食物種類。無論上枱還是清枱，他們工作非常有效率，點心種類都幾多，有各種各樣的點心可以揀。燒賣，蘿蔔糕，鳳爪，叉燒包等等，每一個都非常美味。另外，他們仲提供糖水，港式小食和小菜等，其他選擇都幾好吃。紅豆沙和菠蘿油等，呢啲都抵食。除左食物的豐富和美味，我仲要讚餐廳的環境乾淨衛生。這裡非常寬敞明亮，俾人感覺舒適同放鬆。總體而言，食物抵食，但份量小，服務良好，環境雅致，係一個唔錯嘅用餐體驗。如果你係一個點心愛好者，我建議你去嘗試呢家餐廳的午市自助餐。

網上話，即叫即蒸，抵食，實際係一般般，但好多都係微暖，炸品竟然係凍😮‍💨，而且冇乜年特別好吃點心 ，呢個放題價錢，只可說，微合理😮‍💨蝦餃燒賣也是普通😮‍💨

唔係特別好食 服務員態度惡劣見佢有98蚊點心放題心思思同朋友一齊去食本來係kkday book左1點 但係準時去到 佢地話1點30分先可以入去開始食 問職員 職員冇解釋原因 只係話1點30分先開始食 事前又冇任何通知 搞到要白等30鐘 嘥哂我地啲時間入到去職員態度唔多好 事前我地都知道食剩野要額外比錢 但係就夠鐘既時候 個職員逐張枱行過去 冇問過我地就將我地啲蒸籠逐個逐個拎起 check叫我地要食哂佢 呢個我都可以理解 不過講完呢句仲要話 ”仲有3分咋 食完快啲走 我地小店黎架咋 如果唔係就搞到OT" 比說話我地聽 經典茶餐廳小食係自助台出左一次嘢食之後就比人囉哂 冇再出第二次 想食都無得繼續攞而且啲食物普普通通 又唔喺話特別好食 收埋加一 呢個價錢 我寧願去茶樓食好過 下次都唔會幫襯 起碼唔洗受氣

食物質素水準中下，服務態度奇差，唔抵食嘅點心放題。1. 明明我們是預約1時的時段，準時到達時卻被無禮地告知1時半才能進去，而且沒有合理原因。2. 完全不明白為何要收加一服務費，根本沒有服務可言，相反，員工不斷對客人冷言冷語。旁邊一整台男人，只因為遞了3張點心紙而被餐廳阿姐兇到無聲出。在最後15分鐘，員工相當無禮地走到我們桌前，逐碟逐籠翻看我們還有多少未吃完，警告我們吃剩要罰錢，而且不要妨礙他們收工，要出OT錢給他們。第一次遇到這麼離譜的餐廳！每個員工的態度都好惡劣，四處可見他們很大聲地抱怨客人，如：「現在啲人要講 English 先聽得明wo。」3. 所謂的點心放題，外面即叫即整的小食檔（他們稱之為大排檔）只做了一round 就完了，完全沒有補給沒有再弄食物補上！4. 點心選擇奇少，沒見過這麼少選擇的茶樓。煎蘿蔔糕好難吃，凍的，超淋，無咩味。星洲炒米的味道很淡。最好吃的只有椒鹽豆腐。說價錢便宜，又不算便宜，在網上買的$9x，另外加一服務費和茶費，百幾蚊夠去一間正常的酒樓吃好味好多的點心，無必要忍受他們難吃的點心和惡劣的服務。完全想不到有什麼理由要去幫襯呢間酒樓，除非你只想用海量的劣食來

首先店內亳無招呼可言，除了第一冲茶後，真正全自助，再次補充水壺水自助，醬料自助，員工全程黑面，遞點心紙給他們，竟然得到他們不禮貌對待:等等先啦你見唔到我做緊嘢呀! 好食點心除了有蝦餃，蠔仔粥，白灼生菜外，其他真是，特別是排骨及燒買祇有肥肉，及大量梳打粉醃製味道，椒鹽白飯魚及椒鹽豆腐，完全冇味及冰凍的，因食物味道真的是不濟，最後本人只可以叫了一碟炒飯一嘗味道，炒飯味道是不過不失的，但是我們兩人去，竟然給我們一碟酒樓一般大的分量，最終我們當然無法完全吃得完整碟炒飯，當時該碟炒飯大約餘四分一碟，當我們打算離開之際，一名女服務員呼喝我們:你哋未食晒啲嘢係唔走得住，一係就按規矩收取費用各位將來是否光顧，請自行衡量風險

試過就好，劣食只能做低價放題。蝦餃皮厚，脆豆腐＆杞子圓肉桂花糕算係好食，有冰鎮奶茶。如果單點呢個質素就無人會叫，唔信就嚟試吓。食物：2/5服務：2/5清潔：2/5價錢：3/5

差唔多試晒，其實點心普普通通 任食openrice比完錢去到茶芥再46蚊兩人，貴到加上伙計姐姐催比錢催食完 明既 90分鐘就下一輪 但可以態度轉下 唔洗係咁企係中央咁催既冇咩feel普通茶樓 以我飲過咁多間佢係連平均位都差d reach唔到腸粉皮係厚既 粉果皮同菜苗餃皮都係厚既又冇咩特色點心其實唔洗特登去食 落自己樓下求其一間茶樓都得唯一讚下既係粉面類還可以啦 料係足既 但總體來講點心種類唔多 冇咩話特色點色 唯一我最期待既豬潤都一般般

和朋友去吃過一次，非常好吃😋看到評分不高，所以幫忙寫個評價。雖然地方不大，但是服務周到，上菜迅速，分量十足，美味可口，幹淨整潔，朋友們都說會再幫襯👍🏻希望下次吃到其他美味菜式🤤