轉角 (已結業)

聖誕節🎄同老公無地方去，就去左呢間著名黃店😻其實華都商場經過好多次，但真正行都係第一次👫因為限聚令既關係，每張枱只可以坐2人，等候時間都耐，我晏晝1點左右等左45分鐘以上🤦🏼‍♀️不過都好值得，堅好食👏🏻💫咖哩唐揚雞扒蛋包飯 $64@🐥一黎到，我有啲好奇點解隻蛋咁橙色，好似錯左重點😂可能係用日本蛋既關係。每啖飯都沾到滑嘟嘟既蛋😍我老公讚不絕口。雞扒係即叫即炸，每碟有兩大舊雞扒，咬第一啖個陣直頭差”辣”親個口,雞肉好嫩好多汁，真係超好食🥳🥳咖哩吉列豬扒蛋白飯 $66 🐷豬扒都係即叫即炸，醃得好入味，又炸得好脆，不過我都係鍾意食雞扒多啲。💫Dirty (套餐轉飲品半價）$36見到呢個名即刻上網search,原來它係由凍鮮奶加上Double Ristretto組成，因啡色的Espresso一點點弄污了純白的鮮奶而命名。 黎到個陣感覺有啲普通，飲落似係鮮奶咖啡，唔值咁貴👅呢間野絕對有下次，我老公已經叫我save低，唔使食黎食去都係連鎖店👽

難得去到屯門唔想食連鎖店，屯門嘅朋友就推薦呢間人氣cafe，就算晏晝都多人要等好耐位，等咗半個幾鐘終於到我哋 order野食。滑蛋蒲燒鰻魚飯鰻魚好大條，味道正常，個蛋炒都好滑，達到左水準，但唔算特別出色，望落份量以為好細但都食到好飽。All day breakfast有車打芝士腸，薯餅，炒蘑菇，煙肉，沙律，奶油吐司。冇諗過最出色係佢嘅奶油吐司，望落去平平無奇，但佢嘅外層係超級脆同埋甜甜地，應該係落過砂糖再烤，唔係出邊一般嘅吐司咁。一定要試吓！

呢間轉角Cafe真係開喺轉角位，成日經過都見到大排長龍，好多人行完山都會嚟食，有一日終於冇咁多人，終於比我食到喇🤩 食完我就明點解成日都咁多人排隊😋😋【吉列豬扒咖喱蛋包飯】$66首先，見到個價錢覺得好親民，份量又多，咖喱汁鋪到成隻碟都係，豬扒好大塊， 60幾蚊食到咁大碟飯已經覺得好抵！味道方面，吉列豬扒炸得好脆，豬扒本身都醃過，好夠味，如果厚返些少就好喇😁 咖喱汁係日式咖喱，味道偏甜，一啲都唔辣，好開胃，好啱我食😋 蛋包飯嘅蛋亦好滑😋【咖喱漢堡扒蛋包飯】$90漢堡扒雖然得一塊，但係好厚身，我試左少少，煎得幾香，肉質唔會好鞋好乾！我中意佢配蘆筍，咖喱汁都係好多，足夠撈晒成個飯。【紫薯鮮奶】（熱跟餐+$17、凍跟餐+$19）我叫咗一杯熱紫薯鮮奶，朋友叫咗一杯凍紫薯鮮奶。凍果杯就影相靚d，而熱果杯飲落就感覺到係真材實料，唔係用粉沖出嚟，飲落有少少紫薯蓉，有淡淡嘅紫薯味，都唔錯！🌟整體來講，性價比都幾高，價錢可接受，又好食，又近行山嘅地點，大家如果行完山都可以去試吓😋✅總評：（5分為滿分）環境：4/5味道：4/5性價比：4/5推薦度：4/5更多食評可follow IG : athena_yan

以前去屯門經常都係食市中心大商場入面嘅餐廳，後來越來越多特色小店進駐屯門嘅地鋪同細商場，今日有屯門人帶路，就嚟到華都商場嘅「轉角」🍛🍝☕️餐廳唔少人都點咗咖喱蛋包飯，炒蛋望落好滑，賣相不俗，但係今日想食下意粉，所以就點咗香蒜白酒蜆肉意粉。🍝香蒜白酒蜆肉意粉($70) 意粉嘅軟硬度適中，蜆肉嘅份量都算幾多，蒜味同白酒嘅味道就唔太明顯，味道較淡，加$18可以配沙律/餐湯同埋飲品☕️，價錢合理👌我同朋友夜晚7點前嚟到只係要等1張枱，一路食一路見到出面越來越多人等位，所以唔想等咁耐就記得早啲嚟喇🕖

轉角💛 两個人食 人均消費$148 💛💛💛咖喱唐楊雞扒蛋包飯 $64日式咖喱配上唐楊炸雞簡直係絕配 個蛋包飯好出色啲蛋好滑值得一試 軟殼蟹青醬燉飯 $84 而家都好少見到餐廳有青醬 而佢依家都做得唔錯 加埋大大隻軟殼超級滿足 超抵食！水牛城雞翼 $38/4 不過不失 蒜蓉辣味炒蜆 $33 蜆幾新鮮幾甜 稍為鹹咗少少 南瓜湯 +$18轉套餐包湯/沙律及一般飲品 唔會太杰好甜仲有少少南瓜蓉 牛油果乳酪奶昔 跟餐半價$20 牛油果加上乳酪唔會太甜好fresh 嘅感覺 Oreo奶昔 跟餐半價$20 超級邪惡Oreo味極濃

朋友見佢黃店想支持下，12:00開門，未開門已經有10幾人等位，十分誇張，我們要等5張，問是否可以之後再回來，店員說最遲係70分鐘用餐，叫我們自己預時間，我們大約1小時再回來，已經叫到10幾號，店員說因過了太多張所以唔可能補枱，但頭先完全冇講過了幾多張枱不可以補， 就話正常也是這樣，應該要講清楚囉，最後也有補給我們，但條氣唔多順， 朋友係見到openrice有錭魚腩，好想食，但係Menu上面冇，食評是10月28日的，然後問店員，佢話呢度有咩就有咩㗎啦，我覺得佢擺明想倒咪囉，有枱前15行鐘就要我們先點食物才安排入座，飲品也是，感覺好chur，我不喜歡入座了，張枱明明店員已經清潔了，但係黐立立的，好奇怪， 朋友用濕紙巾用力抹了一下變成這樣， 有啲得人驚囉我一早睇中咗呢個All Day Green， 感覺好豐富有羽衣甘藍沙律，炒滑蛋，焗豆，蕃茄，大啡菇， 雜果包，芒果乳酪，成個配撘感覺好健康，雜果包烘過好好味咖喱吉列豬扒滑蛋包飯，正常，不太驚喜，吉列豬扒不是好鬆脆，皮肉分開既。榛子咖啡，好味的，不是好甜。Flat White，咖啡也不是好甜。好味的。如果安排可以好d，服務態度好d，衛生注意多

朋友見佢黃店想支持下，12:00開門，未開門已經有10幾人等位，十分誇張，我們要等5張，問是否可以之後再回來，店員說最遲係70分鐘用餐，叫我們自己預時間，我們大約1小時再回來，已經叫到10幾號，店員說因過了太多張所以唔可能補枱，但頭先完全冇講過了幾多張枱不可以補， 就話正常也是這樣，應該要講清楚囉，最後也有補給我們，但條氣唔多順， 朋友係見到openrice有錭魚腩，好想食，但係Menu上面冇，食評是10月28日的，然後問店員，佢話呢度有咩就有咩㗎啦，我覺得佢擺明想倒咪囉，有枱前15行鐘就要我們先點食物才安排入座，飲品也是，感覺好chur，我不喜歡入座了，張枱明明店員已經清潔了，但係黐立立的，好奇怪， 朋友用濕紙巾用力抹了一下變成這樣， 有啲得人驚囉我一早睇中咗呢個All Day Green， 感覺好豐富有羽衣甘藍沙律，炒滑蛋，焗豆，蕃茄，大啡菇， 雜果包，芒果乳酪，成個配撘感覺好健康，雜果包烘過好好味咖喱吉列豬扒滑蛋包飯，正常，不太驚喜，吉列豬扒不是好鬆脆，皮肉分開既。榛子咖啡，好味的，不是好甜。Flat White，咖啡也不是好甜。好味的。如果安排可以好d，服務態度好d，衛生注意多

🇭🇰滑蛋蒲燒鰻魚飯(半條)升級做餐有埋沙律同飲品前排發炎都無阻小編食好西💛但因為要戒蛋就麻煩咗店員分開個滑蛋上個蛋整得好靚 見到都覺滑 引到我差啲破戒🙈有得睇 冇得食 好慘😭鰻魚肥美又香 而且鰻魚汁好夠🤘🏻個飯係珍珠米 粒粒飽滿 配埋紫菜大大啖食 正😋小編表示一碗唔夠喉🤪蒜蓉辣味噌炒蜆蜆幾新鮮 冇乜唔開口🥳咸味適中 唔會太重口味但辣味同蒜都可以重返少少🤏食埋件cheese cake做晚餐結尾就perfect💕

原本諗住去令一間食All Day Breakfast,點知嗰間排好多人，決定放棄。行吓行吓就行到呢間喺角落嘅轉角。都係俾佢嘅All Day Breakfast吸引。不過結果我哋都係排左成粒鐘先入到去。今日嘅特飲係水蜜桃紅茶，叫咗個All Day Breakfast加$5轉煙三文魚🤤佢哋個奶油包第一次食，拎上手完全冇諗過可以咁重，都幾甜幾脆，本人超愛食甜野所以好啱食，男友就麻麻鍾意。我會話係正常嘅All Day Breakfast，不差。

次次行過都好多人，今日難得佢開舖前黎到，點都要黎打個卡💛 $66咖喱吉列豬扒蛋包飯🐷吉列豬扒浸住咖喱汁都仲脆口，但薯仔得兩舊😂蛋白飯蛋夠滑，咖喱汁都夠配哂成個飯食👍🏻味道不過不失。$88蒲燒鯛魚腩蓋飯🤤超！好！食！鯛魚腩夠哂肥美，燒出黎魚油香溶埋入飯粒😋😋配埋沙律菜食，油膩感又冇咁高☺️餐配一細舊熱玉子燒，夠實身唔會太甜👍🏻餐飲+$16有熱榛子鮮奶咖啡🌰好飲👍🏻唔會太甜+$18凍玫瑰鮮奶咖啡🌹好香玫瑰味☺️上菜大概等咗15分鐘，兩個人埋單$188☺️但鯛魚腩真係大滿足👍🏻👍🏻👍🏻店舖又夠黃💛💛💛

今日約左朋友入黎屯門一日遊, 住屯門既我一定要盡地主之誼帶佢食好野, 睇好野。第一站就係去位於華都的「轉角」。我地約左1:00pm係餐廳等, 我一早就知道呢間餐廳旺場, 加上餐廳內要保持適當的社交距離, 令座位數量減少左, 所以我都特登早15分鐘左右去到拎定飛, 點知都係遲左… 籌號已經拎到21 (但只係叫到9號 😂😂) 朋友到左之後, 大概等左半個鐘左右, 終於等到… 由於仍然有好多人係門口等緊入座, 所以店員都有溫馨提示我們入座時間只有70分鐘。漢堡扒咖哩蛋包飯 ($90)丸久小山園抹茶鮮奶 ($38)首先上碟既係呢個漢堡扒咖哩蛋包飯, 外貌尚算唔錯, 蛋炒得剛剛好, 有少少蛋汁唔會太乾。雖然表面有少少瑕疵, 但都接受得到。至於咖喱汁方面, 濃稠度岩岩好, 甜度適中, 辣度輕微, 幾開胃。而且咖哩的份量足夠俾我撈哂成個飯都仲有淨, 哈哈! 而漢堡扒方面, 第一眼睇落去好似有點細, 但因為佢都幾厚身, 所以份量都OK。另外, 漢堡扒雖然未做到好鮮嫩多汁, 但肉質唔會鞋, 而且煎得幾香。至於飲品方面, 抹茶鮮奶係我的至愛, 所以次次見到餐廳有呢款飲品, 我都會忍唔住叫番一杯, 睇下好唔

呢間喺華都商場轉角嘅小店長期都好多人排隊，平日晏晝嚟到都要等成五六張枱。不過店員嘅安排都幾好，入去舖頭嘅時候就即刻幫你落埋單，所以成個過程都唔駛等好耐我今日試咗佢個咖喱炸雞扒蛋包飯，雖然佢寫話係雞扒，但係食落其實似雞球多啲。外皮炸到脆口，裏面嘅雞肉都仲保留到肉汁，抵讚至於佢個蛋包飯，啲蛋係比較生嗰種滑蛋，食落都有啲生蛋味，我自己就接受到，但係如果你唔受得生蛋嘅話，就最好叫廚房幫你整熟啲啦。咖喱汁方面都幾夠味，唯一係份量有啲少，撈飯就唔係幾夠啦。餐飲方面我就加錢叫咗杯latte，估唔到都幾OK，個拉花仲幾靚仔添！

今日晏晝又要出街食飯 今日喺屯門返工 係屯門華都試咗一間良心小店 🥰今次點左咖喱唐揚炸雞蛋包飯 個蛋超級滑 個雞扒外面脆內裡好嫩滑 隻蛋點解可以咁鬼滑 我自己都做唔到！價錢$64超級抵又好好食😋

難得係雙十爆買日嘅禮拜當然就要盡力食💛店啦~ 嚟間cafe長期多人，之前食都要排一個鐘，今次都唔例外。PS.用餐時間得50分鐘但係等位都要排成個鐘真係好誇張入座前可以先喺門口落單。叫咗兩個餐~ 今次都以舊補咗錢轉特飲(跟餐轉特飲半價)。玫瑰鮮奶咖啡同紫薯鮮奶拉花非常靚，味道唔錯，兩款都唔係死甜同得香精味。平時見到好多人都叫咖喱蛋包飯，我第一次食：真係好好味！香滑嘅蛋包住日本珍珠米飯連埋咖哩一齊食真係好正 咖哩只係好少好少辣但就好香。隔離仲兩大舊炸雞扒，熱辣辣入面好多肉汁又唔怕油！All Day Breakfast之前已經食過次。全部配料都好新鮮(通常睇沙律菜就會知)，味道亦中規中矩，只係今日啲蘑菇炒得有啲燶~ 最中意係佢個包，好有誠意，落咗超級多牛油同砂糖嘅厚多士，極度邪惡整體黎講CP值高，但係下下都要排一個鐘以上真係好令人卻步... 如果可以開多間分店/多啲枱就好啦！

超級好味 份量足而且價錢唔係好貴超級推介唯一挑剔真係太多人排隊食起碼要早一個鐘排隊😂大家食之前要做好心理準備雖然鋪面唔算好大但入面都坐得好舒服而且服務態度都好好我比8.5/10