辛味屋

營業中

休息中

睇完戲揾野食見到佢地擺出窗櫥既幾好就入去食。老婆叫左咖哩海鮮烏冬熱檸茶我就咖哩吉列朱扒蛋包飯凍檸水，個烏冬先到老婆放對筷子落去就覺得唔對路，個咖哩湯底好稀，水+色冇乜味，到我個飯黎到個汁唔杰好似湯咁，蛋包飯仲揾笨飯上面放塊蛋皮就算，埋單仲要$140，唔使講都永冇下次。

我本身好鐘意食咖喱，由其係印/泰類既咖喱。日式咖喱就睇一間間，因為唔太鐘意較甜身果D上次經過依間好似都幾吸引，所以依日去試下一人點一個..我要個"吉列豬扒奄列咖喱飯"炸豬扒外層好脆..肉質都嫩唔乾身但咖喱味覺得偏甜，咖喱味唔算好香奄列蛋無乜特別，蛋層都唔係好滑"吉列豬扒咖喱飯"只係少奄列..味道一樣加左$20..有湯,沙律,汽水&雪糕沙律菜都新鮮，味噌湯味道無乜特別雪糕揀朱古力味..但似谷古味多D整體食物普通..比之前食過既2間咖喱飯遜

荃灣下了ㄧ場大雨 適逢中午，看見陽光的出現，想起日式食物，於是來到這間日式食店吉列豬扒奄列咖喱飯豬扒 炸得剛好，不鬆不油，配上咖喱汁 十分可口。而弄得非常漂亮的奄列包著一粒粒香噴噴的飯。 非常讚

尋日(13-6-2015 Sat)等男友放工去荃灣買o野,由於我屋企o個邊等好耐至有車,所以叫男友自己搵地方坐低食先.之後我問佢o係邊?佢答o係呢間,OK,我o黎到,佢都就o黎食完佢o既$29.00咖哩飯,加$8.00要一個奄列,加$7.00要汽水.我就要$48.00o既豚肉湯烏冬.過o左一陣,我o既豚肉湯烏冬到o黎,咖哩味道溫和,又唔會太杰身;烏冬口感正常,食到啲蛋味; 豚肉唔臊,OK.呢餐埋單$101.00,原來有加一.抵食係2.5分其他:呢o度蕎頭同酸薑免費供應.

晚上家中裡沒飯開，只有在下一人走到荃灣，為今晚的晚飯尋覓一番。走到荃新天地，朝向目標進發，不消一刻。便到了餐廳門口了。辛味屋是全新食店，有著淺木色的門口，也有一個以淺木色的櫃子，內裡有著食物的模型，走進餐廳，也有個載滿飾物的櫃子，後面便是出品的廚房。另一邊廂，卻是以一道以淺黃色的牆壁，掛上了各款食物的相片相框，配以淺黃色的燈窧，一切都以柔和的色系，讓人感到柔和舒適。打開餐牌，均以咖哩為主，當中有主食和小食，主食有分米飯和烏冬，也有丼飯。主食均以單為主，但是也可以加銀兩升級為套餐，分別為加至二十個大洋，分別有湯，飲品，甜品和小食。在下當然有加了十二個大洋，有多三樣。例湯為紫菜味噌湯。近來喝的味噌，多以口味清淡為主，加上紫菜，使湯頭有種紫菜的濃郁味道，使湯頭有點睇頭。吉列雞扒咖哩飯，過去甚少吃吉列雞扒，也較少遇到，既然如此就棧吃一個。雞扒炸皮炸得脆口，內裡的雞肉並不嚡口，有種口咬的感覺。至於主角咖哩，日式咖哩一向並不辛辣，但這咖哩卻有著微的辛辣，不過仍有種甜甜地的味覺。選了一個士多啤梨雪糕，雖然只是平平無奇，但卻又是一個滿口士多啤梨口味的雪雪，都幾滑的。加上一支甚少見到的樽裝可樂，也讓在下

復活節假過來荃新天地睇戲, 想試下新野。入到去，已經係下午茶時間，有下午茶套餐，款式都幾多。男朋友叫左個炸豬扒咖哩烏冬，$43跟沙律及湯。我見到奄列好吸引，但下午茶無奄列揀，唯有叫正餐，$52再加$12叫左杯凍柚子蜜同沙律。D野都算上得快，我個奄列其實係蛋蓋飯，個蛋都幾滑，連埋飯同咖哩一起食，好襯。個炸雞顏色略嫌偏黑，但食落去及香口，味道都OK. 份量岩岩好，估唔到我居然食曬成個飯！男朋友個炸豬扒咖哩烏冬，個豬扒炸得幾靚，烏冬都好彈牙，薯仔沙律幾好味，但最大亮點係除左主菜外，有勁多配料，紅蘿蔔阿，薯仔阿，肉粒阿，淨係配料都好夠食！下次睇戲又多個選擇！​

我去食果陣係下午2點半左右，果時店內都無咩人，但入坐後不到15分鐘，我岩岩先起筷食緊之際，突然多左勁多人入座，最後爆場，仲有人排隊等食，可能係因為下午茶時段啦，亦可能因為算係新開食店而且價錢公道啦，總之，因為突然爆場，店內所有一人食飯者全都要轉枱，食緊都要轉，一個人食飯者如我，就被要求轉到成枱都係單身寡佬寡母圍成一枱，感覺好奇妙，雖然其實我係ok既.........但如果可以一早轉枱而唔係唔食食下先轉枱的話，始終會比較好價錢來講，食日式咖哩都算好合理，唔太貴好公道，而味道就符合價錢，唔好諗到超級好食，但真係唔算差，以50蚊食咖哩飯質素講，抵食既！我叫左咖哩豬排飯食，上枱時幾香噴噴咖哩味，豬排入口熱騰騰同香口，咖哩配飯食幾好味。但最鐘意食係個漬物哈～

近年日式咖哩店越來越流行，多數都係主要得飯類選擇。今日來睇戲，順便試下呢間近日新開ge咖哩專門店。睇下Menu，發現除左咖哩飯，仲有烏冬，小食同丼選擇，豐富度更勝其他咖哩品牌。試左牛肉咖哩烏冬，waitress話可以選擇豬骨湯或咖哩湯底，又話咖哩湯底其實都係豬骨湯煲成，難得來咖哩專門店，無理由唔叫咖哩湯底啦，飲落個湯底唔會得個咖哩味同好稠，都幾甘甜。烏冬食得出係日本烏冬，無酸味，就算浸係湯好耐都唔會"LUM"曬。牛肉用洋蔥炒過，所以食落比較香口。加左杯咖啡，咖啡味道正正常常。埋單六十零蚊，我覺得以日本餐來講算抵食。

很喜愛日式咖喱，平常去荃灣廣場的銀咖喱，但質素和服務總是強差人意，今日發現荃新天地二期有這家日式咖喱店，價錢也很大眾化，點了一客咖喱漢堡奄列蛋飯，上菜速度很快，漢堡肉熱熱的，肉質很好，整個飯十分美味，一定會回頭再吃，加一後68元結帳，包一杯飲品，不錯。

記得兩、三年前跟豬大人試過一次''銀咖哩'',已經是一間價廉物美的好選擇。是日跟豬大人因要在荃新天地看電影，發現新開了一間同樣是以吃廉價咖哩為主的餐廳，青蛙當然急急拉著豬大人去試啦～甫坐下，就發現檯上有青蛙喜愛的蕎頭喔！二話不說，先來一粒，正正正呀 ^^如果能加上辣椒油來吃的話，會更可口呢～這裡的主食分為咖哩飯、咖哩烏冬及丼三大類，另可按個人喜好，加錢從四款選擇中任選／全選變為套餐。不過我倆見加配飲品亳不化算，便只選擇了加配三款（＄１６）:湯、沙律及甜品。沙律與湯 (不設款式選擇)什菜沙律: 賣相正正常常，芝麻醬汁很香挺醒胃。麵豉湯: 味道較淡，有點像喝有味水。吉列豬扒奄列咖哩飯 ($50)飯一上檯已經聞到香噴噴的咖哩味，咖哩汁不甜不辛，反而有點點肉的香氣。飯的份量剛好，還用上青蛙最愛的珍珠米，胃口大開，不過吃到尾段時，略嫌咖哩汁不夠。至於所謂奄列，其實只是煎滑蛋鋪在飯上，青蛙還一廂情願是蛋包飯，感覺較失色。豬扒外表炸得金黃討好，粉漿比例剛好，入口香脆，只是豬扒未夠鬆軟帶少許韌。炸雞塊咖哩烏冬 ($52)湯底的咖喱味不算濃，但幸好有香口的肉粒成了整碗咖哩湯的精髓。炸雞塊與烏冬分開上，可

本人好中意食咖哩，大大少少咖哩專門店都食過，淨食咖哩都知呢間係有heart 做咖哩既，不是平時食開既味道，咖哩帶甜，咖哩汁亦有不少材料，內有牛楠肉，紅籮白，薯仔，洋蔥，淨叫咖哩飯都得抵，炸魚都炸得好好，漢堡牛肉都同其他店有不同，一樣讚，服務員態度好好，地方簡潔，下次都會再來。（＾ω＾）

今日一支公來到荃灣做野, 唔知食咩好, 見間舖頭裝修OK就唸住食個快飯。平日12點幾, 唔洗排隊，即刻有位坐。入到去，原本想食咖哩飯，但果日喉嚨唔太舒服，唔想食得太Heavy，所以叫左個親子Don來食。雖然間舖頭好似係專食咖哩，但我覺得個親子Don都ok wo。雞肉好滑，滑蛋加埋nam曬ge洋蔥好香，上面好豪邁甘加左好多紫菜絲。原本唸住唔升級，但Waitress姐姐話唔洗加$12要兩樣野，可以淨加$7要一樣野，覺得都抵，即刻加杯柚子蜜來潤下喉嚨。由坐低到食完，只係用左15分鐘，快到無朋友。如果唔趕時間，可以叫多個雪糕來嘆下。

一心前來試新野去到，見到門口有人在排隊，以為真係咁好生意行到門口望入去仲有幾個位，等一陣有人帶位，坐進去餐廳格局有點像白熊咖哩，睇餐牌原來都價錢都唔貴，我們點了 燒牛肉咖哩飯，炸雞咖哩烏東等，還加了$16 加左碗苦味海帶湯，唔得的沙律，原裝細枝可樂正。講番個牛肉飯牛肉得3塊而且仲 un un 地，知到既話叫個$29 既剩咖哩飯會更抵，炸雞咖哩烏東唔掂，咖哩湯冇咩味 炸雞唔似樣原全不似日式炸雞又唔好食，真係唔會再來，還有個燒牛肉飯如果引用消委會的商品說明條例去告佢，一定告得入。如果有的選擇我另願比多小小，去COCO 咖哩或者平到盡去銀咖哩。

今日行過樓下， 見到有新食肆開張， 係一間日式咖哩店。 見門口有人排隊,，一於唔執輸， 試下新野。我也三個人等左陣就有位啦。呢間舖頭嘅裝修係日式cross-over西式，座位都舒服同寬敞。其實，宜家日式咖哩專門店都有唔少，不過價錢都偏貴，下下人均消費都超過一舊，坐低見到都幾多野食，而且價錢亦算合理，我地三個人分別叫左三個咖哩飯，再加$12升級做套餐，可以係野飲、沙律、湯或者甜品入面任揀兩樣。我地就叫左兩杯野飲，兩碗湯同兩杯雪糕一起share食。個沙律落左芝麻醬，入口清甜，杯咖啡都ok啦，食日本野都唔會expect佢d野飲好出眾啦。主食我地分別叫左炸雞塊奄列咖哩飯，吉列豬扒奄列咖哩飯同雞骨腸咖哩飯，咖哩汁入口仲係好熱，甜甜地，唔會太辣，好好送飯，我地三條佬唔洗十分鐘就食曬。炸雞塊同吉列豬扒都幾大塊，味道唔錯，而奄列加埋咖哩再加埋飯簡直係絕配，但雞骨腸得兩條，感覺就到喉唔到肺。最後，值得推介ge擺係檯面ge漬物，白色好似蒜頭甘都幾好送口，我地食左好多。整體來講，我覺得性價比相對高，食物質素同環境都幾好，份量就只係岩岩好，所以我地幾乎清曬。下次可以再encore。