影片
港鐵屯門站 C1 出口, 步行約10分鐘
繼續閱讀
電話號碼
66425434
付款方式
以上資料只供參考, 請與餐廳確認詳情
涼涼地最岩食梗係大排檔，經好友介紹黎到辣哥小廚，晚上時間店舖全場爆滿，約15分鐘先有位，經人手點了以下食物：1. 惹味雞煲(小辣)：基本上配料有雞、蔥段、蔥頭、紅椒、洋蔥、豆卜外，估唔到有豬肝，整體味道適中唔會太重味。2. 蒜蓉炒豆苗：豆苗冇渣，炒得幾靚幾好食，份量多，唔錯。3. 椒鹽脆豆腐：豆腐好滑，好爽身一粒粒唔會散，忍唔到口會不斷食。4. 麻辣牙籤仔炒牛肉：小辣都好辣，食到出曬汗，用牙籤吉住牛肉黎炒，花生都炒得幾脆口，如果飲埋啤酒一流。5. 豉汁黃鱔煲仔飯：有大食大，即叫即製預30分鐘，煲得好靚，飯焦金黃色卜卜脆，鱔已去骨可以大啖大啖食。整體上好食，以上小菜個人最愛「豉汁黃鱔煲仔飯」& 「椒鹽脆豆腐」。而且服務態度親切有禮，冇漏單上餐速度亦好快，只係煲仔飯即製所以等耐左，但絕對值得。期望下次食「椒鹽九肚魚」。
繼續閱讀