辣媽川湘私房菜

營業中

休息中

元朗食川菜，黃金炸饅頭酸辣鱸魚，辣子田雞鐵板水晶粉只有元朗有希望佢係九龍或者港島開多啲分店好好食辣得黎有中國風味黎咗幾次質素都好好下次會再叫埋屋企人過黎食👍🏻

聽人講話呢間餐廳幾好味，第一次過嚟幫襯，星期五都唔洗等位，即刻可以入座，我估唔洗限時，入座侍應都無講。7點坐低安排左我哋兩個坐2人枱（合理），三樣菜上齊加啤酒真心迫，一係等我地食晒第一碟收埋先上水煮魚，到7點半入座率得6成，生意咁冷清其實可以係服務做好少少，換張4人枱會鬆動啲。食物出品其實幾好，上菜速度快，價錢都合理，餐廳環境都算光鮮企理，佢呢度係QR落單既，入到去落單時得時唔得，要改進下，下次都應該只會黎食午餐，當食快餐係唔錯既選擇🤣

唔想北上，但又想喺元朗國食川菜，一定會諗起辣媽川湘私房菜呢間十年老店，呢到主打各式各樣嘅正宗風味川菜，仲有唔同辣度可以選擇，啱哂啲無辣不歡嘅朋友仔～酸菜桂花魚(條)💰HK$329賣相唔錯，成條魚原條上，魚片集中喺中間位置！桂花魚肉質嫩滑而且冇乜碎骨，酸菜亦唔會太酸，bb辣呢個辣度剛剛好，連個湯都好好飲好開胃～膠原脆皮豬手💰HK$99足足有5舊大大舊，豬皮整到又香又脆，啖啖都充滿骨膠原之餘，亦唔會覺得隻豬手好重油膩感，令人回味無窮～乾鍋椰菜花💰HK$89椰菜花經炒煮之後外層變得香脆可口，內裡保持住脆嫩嘅口感，加埋香料嘅香味同埋微辣嘅味道，簡直就係帶比味蕾一種獨特嘅享受～

元朗呢間野嘅小菜超好食，所有小炒套餐都好香好味！勁有鑊氣！基本上呢到每款都好正，中意食辣嘅朋友快啲嚟啦！唔鍾意食辣嘅朋友都有套餐可以食ga!今日就試左個黃薑雞套餐，都係好驚喜，估唔到唔辣嘅嘢都炒得咁香！餐牌（有飯有粉麵）黃薑炒雞飯🥇（絕對推介！小朋友都應該食到，完全唔辣，仲要超好食！打算聽日再食多次）回鍋肉飯（之前都有食過，但係唔知點解今次唔同咗味，唔知係咪轉左廚師呢？嗌咗微辣都好辣，平時我食開酸菜炒肥腸，係勁香勁正！）餐飲跟湯（蓮藕湯，凍奶茶）今日獎牌：🥇

平日夜晚都排晒長龍，味道水準極之接近內地嘅川菜，啱晒無辣不歡嘅你：😍必食推介：1️⃣ 酸菜桂花魚勁鮮嫩既魚片配埋金黃色既湯。魚肉鮮嫩多汁，湯底酸辣開胃，絕對是辣媽餐廳既招牌菜之一。😋😋😋😋😋2️⃣重慶辣子雞這道菜用辣椒同香料炒製雞肉，風味獨特，辣度適中。啖啖都感受到辣椒的香同雞肉既鮮嫩。😋😋😋3️⃣ 蒜泥白肉配涼麵厚切白肉配上蒜泥醬汁，再搭配涼麵，味道勁濃厚。😋😋😋😋4️⃣ 芥辣花螺新鮮既花螺配芥末，螺肉口感鮮嫩彈牙。😋😋😋😋5️⃣ 酥炸饅頭配煉奶酥脆既饅頭搭配香濃煉奶，口感豐富。饅頭外酥內軟，搭配煉奶濃郁甜味，口感勁好。😋😋😋😋6️⃣ 紅糖糍粑糍粑口感Q彈，甜度適中，食川菜必叫嘅甜品。😋😋😋😋

這間舖頭吃過不少次最為人熟悉嘅是酸菜魚當然我都食過酸菜魚同水煮魚，但最為好吃的也是親人推介的酸菜魚哥哥就喜愛吃它的竹籤羊肉串，但我覺得偶然吃也不錯，可惜的是它調味不錯，肉質稍為有些過老背着家人，我也有吃過它的辣子雞，可惜的是沒有特別出色，只是炒了一碟餸而已當然出去吃也要吃一些在家裏吃不到的，或者少吃少煮的菜，所以它的辣炒花甲也是我其中喜愛點的菜式，味道不錯，家人說花甲偏小當然它的涼拌魚皮，香烤豬手也吃得過總括而言，想不到吃什麼的時候可以去吃一下

西菁街一向都食肆雲集，今次揀咗辣媽嘅午市套餐，以為呢度所有嘢都係辣嘅，其實都仲有啲適合唔食辣嘅人士。坐低咗之後侍應比QR code自己落單，可以慢慢揀！今次就試梅菜扣肉、海南雞飯、酸菜魚配飯。梅菜扣肉嘅腩肉偏肥，不過梅菜好多，只略嫌佢唔夠甜同埋比較多油🥹海南雞份量比預算之內多，雞肉都幾滑👍🏻酸菜魚係招牌菜，魚片份量都幾多，不過都係比較多油同埋覺得唔夠酸🤡我哋叫咗BB辣，感覺佢加辣嘅話應該好食好多

食在滋味——撈麵地酸辣甘甜，真係一碟令人食指大動嘅好物。餐到來鋪，麵條滑溜，配上嗰撻辣椒醬汁，夠哂kick又唔覆蓋麐麐嘅麵香味，真係得嚟又唔悶口，好過癮嘅！金牌豆腐——正宗家鄉味，光看就流曬口水。豆腐軟滑開陣，入口即溶，仲帶點點鹹香。佢那層外皮微脆，裡面嘅豆香又正，再配埋淋上頭的醬汁，太勁了！水煮魚——流晒口水🤤！魚片鮮美得滑，質感一流。那香辣口感配上翻滾嘅辣椒油，辣得啱啱好，仲有一種後勁。下次有機會，再配碗白飯，絕對可以食到掃光光。羅漢上素——菜式清新，對比之前嘅重口味，嚟點清爽嘅就最正！各種蔬菜色彩繽紛，賣相一流。味道天然，清甜可口，係飯後來碗最滋味。豉汁肉排——呢個讓我驚喜，甜甜豉汁味道同烤到啱啱好嘅肉排一絕配，咸香得黎唔死鹹，簡直係忍唔住一片片咁夾。滋味總評——今次來到呢間，每款菜色都做得好有層次，喺熱辣辣中仲帶有細膩嘅味道變化。重點係啖啖肉，份量大方！真係食到心滿意足，落口感覺得出廚師嘅用心。下次再嚟，一定要試吓其他推介，新鮮短過癮啊👍🌶️🥘！

這間在元朗千色對面的店鋪 招牌橙橙的 非常吸引眼球 每次去元朗經過都很想試試 可惜每次都有很多很多人在等候入座 所以一直都未去試 今天終於找到下午的時間過去試試😁·招牌酸菜桂花魚（例）可選辣度 因為朋友不太吃辣 所以這次選了BB辣 另外轉了薯粉😍份量是二人 魚的份量還是足夠真的建議選擇桂花魚 沒骨、魚質都好滑椰皇燉雞最近真的迷上了椰子 看到依個湯 我完全沒有抗拒的原因 香濃的椰香味 而且還要特別足料 👍🏻·牙簽羊肉串這個真的很特別把每片羊肉都加上一支牙簽肉質好滑 外脆內軟孜然粉跟羊肉真的是世間上最啱的組合就係份量有D少😂·紅糖糍粑糍粑都幾好食😋

星期六下午開完枱後,一行四人往元朗西菁街食晚飯,其中一雀友介紹到辣媽川湘私房菜，話食過印象都好深刻。我第一次到這間私房菜館,離遠見到招牌特別顯眼,等了三張枱就輪到我們,四人坐在卡位中,都幾舒適,餐廳寬敞明亮。朋友來過,所以負責點餐,由於大家都喜歡食魚,所以叫了一條酸菜桂花魚，食落魚片新鮮,肉質嫩滑,酸酸辣辣,都幾開胃加埋薯粉,盡享湯底精華,四人齊讚好食。跟住來個香爆大頭蝦,蒜香爆料十足,覆蓋大頭蝦,蝦肉彈牙入味, 膠原脆皮豬手,豬手大大嚿,皮脆肉嫩,夠曬入味, 與平時食德國鹹豬手有很大分別另外還叫了三個開胃小食。第一個是芥辣魚皮。魚皮彈牙,食落有芥辣味,平時少食,那種味直沖上腦,立即提神,但越食越想食。第二碟是涼拌花甲。擺放整齊精緻,食落鮮味,肉質超爽加上冇沙,放心品嚐。第三碟是鹽焗手撕雞。鹽焗味越食越開胃蒜香炒茄子－平時食開魚香茄子,首次嘗試這款蒜香炒法,果然好食,色香味俱全又好開胃，仲叫咗乾煸四季豆。都好入味,好彩我們叫了小辣, 如果唔係同行朋友都食唔到。每人都叫咗椰皇燉雞湯。雞湯味濃郁, 椰肉也非常好味，可以慢慢挖出來品嚐。雖然飯前大家都很肚餓,但食完都覺得好滿足,埋單每人都係4

ෆ⃛ 辣媽川湘私房菜 (元朗) ෆ⃛相信元朗人都有聽過呢間食川菜嘅餐廳，位於西菁街，之前見親都大排長龍⛄️ 我哋都幫襯過好幾次了，今次就分享埋比大家！必嗌的有酸菜桂花魚🐟小辣大部分人都啱食，桂花魚嫩滑無咩骨！酸菜都好夠酸，底下仲有啲粉絲非常吸味，但感覺好似比之前食嘅油🧂 每次都會嗌啲涼菜，今次嗌咗涼拌花甲同手撕雞🐥 花甲比滿滿嘅蒜油浸泡住，好惹味而且冇沙🐚手撕雞都好入味下面有青瓜墊底令到整體清新啲🥒最後必須推薦佢哋嘅燉湯同埋水果茶！超足料大杯又好飲！♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡

我愛辣，愛川菜，常在覓辣之路，見辣欣喜，尋辣而食。辣媽川湘私房菜麻、辣、香、鮮、味厚重的川菜料理，自然是嗜辣者的最愛。辣媽川湘私房菜主打平民價川菜，嚴選食材加上經驗老道的川菜師傅掌廚，口味道地讓人再三回味。冷盤大部份食客都推薦口水雞，但口水雞已經吃過很多家，所以這次特別改點少見的涼拌花甲。涼拌花甲散發誘人的呼喚叫我們速速清零，筷子夾起涼拌花夾送進嘴裡，嚥下的瞬間勁酸蔓延口腔，醋香沖鼻，涼拌花甲吸飽精華，柔嫩多汁，使人繼續大戰三百回合。辣媽川湘私房菜必點酸菜桂花魚，可口的酸菜桂花魚有夠下飯，濃酸爽脆的酸菜酸美湯頭底蘊讓人食指大動，越喝越有開胃。雪白細嫩的的桂花魚滑溜無骨刺，魚鮮十足，粉絲、豆芽使酸菜桂花魚多姿多彩，讓人吃到欲罷不能。湖南農家小炒肉挑選三分肥肉，七分瘦肉的豬五花肉煸炒爆香，逼出豬五花肉油脂香氣，滲入肉內，湖南農家小炒肉鹹香不重鹹，無比耐吃。金桔青檸特飲喝起來富有金桔和青檸甜甜酸酸的好滋味，入口滿是金桔的芳香，冰涼清爽，媽媽吸了一口後又狂吸好幾口，金桔青檸特飲黃金比例相當解渴，幫助消化。蒜香炒茄子熱騰騰的上桌，茄子軟嫩帶有微脆的口感，依舊保有美美的紫，光看就令人食慾大增。吸附

星期六晚突然想食川菜，諗起朋友介紹過元朗 辣媽川湘私房菜。等候人數都幾多，但估唔到好快就可以入座，門口放咗啲椅子，方便老人家等候，呢點做得不錯！入到去就可以點菜，點了一道呢度嘅招牌菜：酸菜桂花魚加薯粉。魚片新鮮、肉質嫩滑，酸酸辣辣的味道好開胃，另外加咗薯粉去吸收湯底的精華，我們4個人都讚不絕口，叫咗香爆大頭蝦。濃郁的蒜香味配合大頭蝦的肉質 好彈牙入味，食完2隻本想再食1隻時，但抬頭時已被朋友掃光了，可想而知有幾好食呢！膠原脆皮豬手的豬手份量十足，皮脆肉嫩，好入味，而且在皮與肉之間還有一層軟綿綿的骨膠原，味道獨特，終於明白點解每枱都會叫呢個，真係值得一試！除此之外，我們還點了3個開胃小食。第一道是芥辣魚皮，好爽口彈牙嘅口感，吃下去有著芥辣的味道，非常提神，越吃越想吃。涼拌花甲鮮嫩爽口，而且沒有沙粒，讓人好放心品嚐，仲有鹽焗手撕雞，啖啖雞肉搭配鹽焗的味道，越吃越開胃，很快就被我們清晒啦！蒜香炒茄子都係呢度嘅必食推介，蒜香炒法又唔會好油，好好食，色香味俱全，非常開胃，加埋白飯，肯定可以食好幾碗最後仲叫埋椰皇燉雞湯，味道濃郁，椰香十足，香到隔離枱都聞到，為這頓晚餐劃上一道完美的句號。

我同個朋友係元朗行左勁耐嘅街都未揾到岩嘅餐廳食☺️特然係門口見到呢間嘅餐牌真係好吸引，呢間係正宗嘅川菜🌶️係門口已經見到好多人排緊隊，因為間鋪頭係正宗地道川菜大師傅做主厨，又有10年老店嘅名稱，食落去已經好好食，份量又多👍🏻真係川菜天花板，真係要試下先🌟酸菜桂花魚 $219我今次叫左例牌份量同BB辣🌶️呢份酸菜魚食落去係好嫩又好滑，無骨 ，啲魚煮到好入味🐠加少少麻，又加左好多嘅酸菜，下面都有薯粉，好彈牙，真係好足料🌟小米炒土豆絲 $79呢個我係第一次食，用左小米去炒，啲土豆絲食落去係好有鍋氣，好香口🥔好爽口，而啲小米係好有嚼勁，成份都勁多☺️🌟爆炒香辣花甲 $139一送到黎已經聞到好香，食落去好香辣🌶️又整到好入味，個花甲洗得好乾淨，完全冇沙，份量又多，食落去好香口😋好鮮甜，真係食到舔舔脷🌟經典口水雞 $69個雞食落去係有少少麻，但吾係好辣🐥啲雞食落去好嫩，吾會好老，又吾會好肥，值得一試🌟粒粒芒果沙冰 $39杯野飲顏值真係好高，下面用左純芒果🥭去整沙冰🍧上面仲有一舊舊嘅芒果，飲落去係酸酸甜甜，芒果味真係好濃郁

又到一年一度與中學同學聚會❤️兩個無辣不歡的人口味相夾🥰一齊食酸菜魚🐟元朗分店都食過幾次，以前都係同家人大班人食今日二人中午到達，單點酸菜魚桂花魚$219 🐟食好啲，揀桂花魚，真係物有所值，好滑，有魚味，完全無骨啖啖肉😋最愛用粉絲底，吸晒湯精華爆炒香辣花甲$139 🥢最期待這個菜，非常有獲氣，粒粒脹卜卜，無沙，好鮮美兩杯非常解渴的特飲🍹至尊健康水果茶$46，好足料，賣相又靚，西瓜片🍎🍏🍉蘋果片紅色火龍果片，粒粒百香果，好清新金橘青檸特飲$39 🍹酸酸甜甜，好解辣經典口水雞$69 🐔雞髀肉🍗小小辣，好過癮🌟回頭值高🌟服務好