辣將軍

營業中

休息中

凍奶茶太甜（我朋友已經叫咗少甜少冰）凍檸茶個底都係有糖漿較甜茶底偏淡手撕雞唔錯 雖然有啲鹹但幾好食👍🏻份量夠大魔芋餐似肥豬肉嘅質感同我預期中嘅有少少分別服務態度OK

難得見到海南小廚搬左大鋪，環境寬敞又乾淨左，點都去幫襯幫襯既😌👉🏽水煮魚（無骨魚柳；BB辣）盤水煮魚一上枱就即刻聞到陣辣香，撩左幾下睇有好多舊魚柳，又有海量既芽菜同木耳！碗底仲有埋紅薯粉，十分足料👍🏽👍🏽本身唔太食得辣但BB辣絕對冇令我難堪！真係食到辣但又唔會破壞我味蕾😙😙水煮魚仲有得揀有骨鯇魚定無骨魚柳，好似我咁懶既食魚柳一流！真係啖啖肉，又唔會煮到食到雪藏味，滿意！🤤🤤🤤呢盤水煮魚仲會送多碗飯過你，真係唔洗擔心食唔飽/唔夠餸送飯！👉🏽手撕雞（BB辣）個手撕雞又係勁大碟，好似唔洗錢咁😨食落啲雞未去到好鞋，但又唔係話好滑既，辣油都feel到佢輕手左，對BB辣選手十分關照😙整體黎講不過不失😗😗又係送碗飯過你架！食唔曬記得叫少飯！！！！

由佢舊鋪食到依家搬埋新鋪 嘢食大份夾抵食 味道又好好好惹味好夠辣食過好多唔同嘅菜式特別推介水煮魚同埋手撕雞水煮魚可以揀唔同嘅辣度 好大份 可以揀配飯定係配麵 但係本身個水煮魚有薯粉 魚嘅份量唔少 仲有好多配菜 例如雲耳個d 落嘅份量真係一啲都唔手軟 兩個人都未必食得晒個湯雖然略嫌有少少油 但係可以接受 都係果句佢好夠辣 好惹味 食川菜嚟講 佢係我心目中排名都數一數二高 再加上價錢唔貴 至於個手撕雞呢，好入味 份量亦都好夠 唔會好似有其他舖頭咁樣 濫竽充數 喺底度塞一大堆菜 但係手撕雞就得嗰幾條 姐姐嘅服務態度都幾好 so far 食過好幾次 佢哋都好熱心咁幫我哋解決問題 有時可能太忙聽唔到姐 大家體諒吓啦

因為住得附近所以平時都係外賣，但係見平日人就早少少去排隊食堂食。我唔覺得啲服務姐姐冇禮貌，基本上堂食真係好full，好多人。尤其係食晏時間今次散叫左個酸菜魚（江團）大辣新開呢到個酸菜魚比以前好食，夠酸夠辣又冇咁油加多個米線走湯，最鐘意加酸菜魚既湯落去食，米線夠滑唔會煮得太淋。另外叫左乾鍋（大辣）好大兜，麻香好足但可以再炒乾身啲。環境比以為好坐好多，而家又光又大食都食得舒服左。可惜得兩個人食想食埋個紅糖茲粑，唯有下次同多啲朋友嚟再叫

前身係海南小廚,想當年上學時間,經常係附近溫書,之後就係呢度佞晚餐,可能因為生意太好,而家細舖搬大舖,雖然價錢貴左,但款式都多左,而且仲KEEP到大大碟,永遠都係唔夠白飯送,暫時只係過一兩味菜,遲D會約埋朋友試多幾款

菜品多之餘好味，值得去，會再度回頭豆角睇得出好多，又有肉碎，呢個套餐好抵食，泡椒肥腸好好味，大腸味濃左，會覺得更好味，仲有椒辣魚就有滴過份重味，可以淡少少🤏，口水雞唔入味，唔會再點！

之前細鋪坐得好辛苦,見佢細鋪搬大鋪.就試一次!但係都係最後一次!平時呢間野太多人,所以就揀左5點幾黎食.岩岩坐低既時候,都係得5,6台客左右已經見到有客催單.叫左份魚柳酸菜魚同辣子雞.等左15分鐘開始,仲未有野食不斷見到好多碗酸菜魚都唔係自己.仲要遲黎幾台既人都有野食,仲要人地都係食酸菜魚!坐咁耐不斷有客催呢樣催個樣17:38落單!18:18 酸菜魚先到!催左4,5次發哂脾氣先有!同我講個酸菜魚整錯左,咁個辣子雞都係等左好耐先有!坐咁耐只係見到佢地不斷優先處理外賣!!!如果係咁就不如唔好搬大鋪吧!埋單收銀個位女仕完全冇歉意.好似無事發生過咁!對呢間野非常失望

在新北江發現了一間天水圍最差的餐廳服務員態度超級差去到門口上看看餐牌再決定入不入去，結果夾完面臭臭，指着角落的外賣紙說，你自己睇外賣紙啦…… 咁即係叫我外賣，唔歡迎客人堂食？都不重要，見到餐價錢都可以，就入去試下。明明大把座位，但是總要安排坐得很迫…… 特別是隔離的那個客人，狂在打乞嗤、包雲吞…… 見到有這麼空餘的位置，我們便問可否轉一轉位，結果店員很沒有禮貌地回應： 你地兩個人仲想坐去邊啊？ 唔俾轉都算，但這樣的服務態度真的吃不消……食物也很一般，第一杯奶茶就已經出事，我明明叫了走糖，但是就來了一杯超級多糖的，我叫店員轉的時候，店員也是面臭臭。轉了一杯新的奶茶，我飲到有少少番梘味…… 而且淡到不得了，放棄…口水雞我覺得是正常的味道不太差；不過水煮魚就真的令人失望，雖然一大盤好似好多咁，但是魚的份量很少，而且很不新鮮沒有魚香味，好似在吃澱粉，全盤都是油但而且完全沒有辣味，第一次吃咁難食的水煮魚。$70食一個這樣的餸，寧願去譚仔。.如果你問我最好食是什麼，可樂絕對是最好的。隔離座位的那位客人，你見剩下這麼多餸，你就知道有多麼的難食。.而且不提供清水不提供紙巾，你想要紙巾，自己比$3買啦。

雖然個名取自「海南」但其實呢間餐廳係食川菜嘅餐廳🍴今日就試咗水煮牛肉（小辣）同埋酸菜魚（小辣） 😋水煮牛肉同埋酸菜魚都各有風味。水煮牛肉辣中帶香，多重層次，份量亦都好多，食耐咗會有少少麻😍仲配有紅薯粉係底，吸收曬啲味道🉑滋味十足酸菜魚酸中帶辣，好開胃，亦配有紅薯粉係底，吸收曬啲味道，好味😋