農場烤魚火鍋專門店

營業中

休息中

放工好攰唔想煮饭，同朋友两个人就嚟到屋企附近农场火锅专门店，座位尚算阔落, 坐得舒服, 冷气也够冻，本身我同朋友就比较钟意食鱼，叫了侍应生推介的D餐120分钟酸菜味烤鱼放题，店员好快就上烤鱼了 ，另外又上左霜降和牛粒同极上黑豚肉，6款前菜小食，仲有几十款火锅串，摆到成擡要系嘢食，查实条鱼真系好大条 卖相好掂，配菜有我喜欢嘅芽菜 青瓜 萝卜等等，烤鱼本身已经熟，放入锅中烤热即可 鱼肉鲜嫩口感一流 鱼背肉多 唔算太多骨 食落一d都唔腥，再配合埋酸菜一齐食，非常开胃，依d配料滚到中後段索哂d汤 越来越酸辣 越食越想食！总之分量足 鱼新鲜 味道好 有下次啊！

香港搵到好食的烤魚唔多，但黃大仙呢間烤魚，係我每次幫襯都會感覺非常滿足，沒有退步的一間烤魚店！同老公去黃大仙食烤魚，今次係第3次食。其實第一、二次食覺得好好食，所以今次帶埋老公一齊嚟食。店雖沒有華麗裝修，但簡單舒服，環境和餐具都潔淨。烤魚一定要食辣先好食，辣味令到條魚更加香口😍😍😍，味道才足夠！所以我地揀咗C餐$108可以任食90分鐘烤魚+串燒放題，仲要任食火鍋料😋首先叫左一大條麻辣烤魚，一嚟已經聞到麻香味💪💪💪，一睇就覺得好吸引 只要等佢滾起就可以食嘞。。。感覺此店的烤魚和其他店最不同的地方，是魚真的是先烤，而非先炸，所以🐟肉除了保持嫩滑，還保留肉汁。條魚唔算多骨，配上酸菜、蘿蔔和魚卜等配料，味道香滑、細緻。烤魚仍然係好味，Keep到水準！除此以外，魚湯也是真材實料，不加味精，所以吃得舒服又放心。價錢平、性價比高，最正係連烤魚🐟🐟都可以任食，我地總共加咗4次烤魚😬，真係食到停唔到口！呢間烤魚值得再黎encore啊！！

上次朋友带我黎食过一次，一直念念不忘，难得今日去开呢头，今次到我带另一个朋友黎试下喇.选择真系好多，鸡煲、烤鱼、串烧.唔理三七甘一，一於开始叫餐。佢有麻辣烤鱼，酸菜烤鱼，同蕃茄烤鱼三个套餐选择.我本人都仲意食辣，点左个麻辣烤鱼中辣，可以叫佢大中小辣.好快侍应生就抱住个炉埋黎，睇到条鱼又几大啵，配搭上都好掂咁，不禁食指大动👍🏻，口水分泌得吓死人😋终於主角由沉睡中，随住翻滚的水态，轻丝既烟霞中，飘散出那诱人，麻香辣的气味，我真的把持不住。急不及待地夹起一块烤鱼试试.味道浓郁，香麻辣混和一体，三感系口腔中循环不息，实在太邪恐了🤣🤣🤣🤣汤汁开胃。鱼皮香酥，鱼肉滑嫩，完全无因为多重既加工而影响鱼肉任何地方.整体而言，食物，价钱绝对值得赞的。唯独侍应既反应力需要改善一下!