農場餐廳 (已結業)

以前喺中上環住食開半山soho區的牛扒一直都要三四百蚊一份，但系估唔到自從搬咗去大角嘴之间悛，依然可以揾到同樣高質素同埋好味牛扒仲要100蚊左右就有一份。雖然佢嘅地方真系坐得唔舒服，仲要有少少污遭，再加上煎牛扒個啊姐系有鄉音，但系食物quality已抵返晒。絕對系值得食完再食，食完之後再返嚟食，再推介朋友食嘅一間西餐小店。除咗牛扒出色之外，好似加少少$$仲可以加埋煎牛脷，或者系黑毛猪扒一樣都系好抵食。

大推薦！早幾日去深水埗食飯，原來有一家咁家庭式既餐廳，外面仲放左好蛋新鮮蕃茄，好有特色，就入去試下。一入去，連餐牌都係自己手寫，真係好特別既小店～叫左一入午市套餐，包湯、主菜意粉同甜品。蕃茄湯係好中式既，係淡淡蕃茄味。牛肝菌半份雞意粉。一上菜嚇親，咁大份！牛肝菌汁好香好濃，意想不到～雞肉都算滑，唔錯～朋友叫左份自選意粉，係黑毛豬配蒜蓉汁，又係咁大份！其實兩個share都得，好抵食！最後甜品係軟糖，好有創意，哈哈！

大滿足。美國12安士這間餐廳終於有分店恭喜平靚正希望老闆早日開回上水，不用我每次行開深水埗先來幫襯8成熟，燒得很好，份量足，平民價，所以只集中在食物質素（其他不在意）

老實講佢個扒就麻麻地，價錢都唔係真係太平，但個份量的確好足，而個意外收獲係佢個餐湯，開頭見佢寫牛肉雜菜湯仲心諗紅湯就紅湯啦，點知泥到真係用類似中式手法做既牛肉湯加雜菜煲，好好味，我會為個湯而特登打咁多字推介，希望有緣人能試到

上年某日經過南昌街時，聞到一陣好香的牛扒味，往前走幾步就發現了這間當時未有店名的店舖，就決定搵日去試試。到有次星期五放工後，經過看到未滿坐便走入去 ( 試過幾次全滿座唔想等就走了 )，當時叫了 12 安士的美國極級肉眼牛扒。預設跟意粉，可跟飯，或淨扒，不包飲品。味道上可以媲美同區突然出名人氣爆燈的某 " 數字自助牛扒店 "。另外，我亦認為比附近 2 間出名的港式老店更好，只係差在沒有套餐及鐵板上的選擇。牛扒有牛味就正常不過，感覺沒有用過鬆肉粉之類，咬口亦實在，惜筋位較多。快快手食完第一次後，已覺得會再有下次。上月第 2 次及今日的第 3 次都是叫 $88 的 12 安士美國極級牛扒，其實感覺和肉眼差不多，所以揀 C/P 值最高的就可以了。頭 2 次配菜跟西芹真的嚇壞！今次就是比較正常的椰菜。經過輕輕一煎的蕃茄，於最後才進食，可清除一下口內的油膩感，是不錯的選擇。這間我會列作經常去的食肆之一，大大份牛扒，價錢不用 $100，又不用排隊 ( 排隊就食其他 )，喺今日咁高物價指數的香港，可以在哪再找到？