農米莊 (厚福街)

營業中

休息中

一碗可以連湯都飲晒嘅米線 - 農米莊朋友經常話公司樓下開左間農米莊好好食，於是呢晚大家收工後帶埋我去試下～ 店面裝潢新穎，以卡位為主，朋友傾計都自在 D，冷氣亦好夠，綜合黎講環境好舒適！朋友話佢開到凌晨3點，平時收工收得夜都幫佢醫肚好大忙 !以前朋友以為食米線一定要辣先好味，但試過農米莊之後就改觀！雖然雞湯米線售價由58蚊至78蚊不等，比起平常既米線的確較貴，但呢個價錢可以飲到靚湯、食到米線，仲有咁多配料，算係抵食！若想平食既話，亦可挑選自選配料米線，價錢都只係由30蚊起 ! 除左其他米線店都有既酸辣、麻辣，呢度仲可以揀各類雞湯，湯底算多！仲有多款配料可加，配搭算係多元化！簡單講下我地叫左咩野食啦:我叫左懷舊藥膳雞湯米線，要讚一讚啲雞好滑嫩，湯底絕對可以飲，唔算多味精，朋友叫左酸菜魚雞湯米線，完全唔腥，啲魚仲要無骨，啖啖肉，仲好有正宗北方味道，但係令佢估唔到酸菜魚同米線又幾夾！最估唔到酸辣湯朋友都飲得晒跟餐飲品就同其他餐廳分別唔大，都係出面有既呢度都有，就唔多介紹啦~ 農米莊地址：尖沙咀厚福街2號地舖電話：3596 7908營業時間：07:00 - 03:00

呢間餐廳開咗好幾年，但係一直都冇入去食過，今日見有位就入去試吓啦。佢個餐牌都幾豐富，除咗米線之外仲有好多小食選擇，加上而家做緊八周年優惠，小食買一送一，計落真係幾抵！黑蒜雞湯米線黑蒜湯感覺都幾健康，食落去黑蒜味都幾濃，加上雞件份量多得黎又夠滑，推介！爆芝黑松露燒大菇呢個睇個名好有期望，但係見到實物就有啲失望，因為佢唔係燒啡菇，而係整熟咗之後再加黑松露同芝士餡面求其燒兩燒。食落去冇燒菇嘅香味，不過都尚算Juicy。黑金雞翼呢個係佢哋推介嘅雞翼，先將雞翼炸好，再加上佢哋嘅秘製醬汁煮，味道幾特別。三樣嘢埋單唔使$100 ，真係幾抵，不過建議兩個人食，因為一個人食兩個小食真係有啲多。

行完街好肚餓 3點3黎到厚福街搵食見到佢有午市同下午茶都幾抵食坐低嗌左碗 黑蒜湯雞米線 加 豬軟骨我會話 黑蒜湯底本身都幾濃味 好味敗筆加左$12叫了豬軟骨無估到佢竟然係五香肉丁味嘅豬軟骨。。。仲以為係似雲桂香果隻佢呢個豬軟骨 係連骨都淋嘅 質感ok但個味道係甜甜酸酸咁。。。仲要個汁油淋淋 撈埋落湯 每飲一啖都好油咁同我碗湯唔多夾 食果時後悔 早知叫佢另上講返雞件 係滑嫩嘅 連雞皮雞翼尖雞毛兜米線係大碗嘅 本身好肚餓 食左一半飽左服務好嘅 雖然落單都只係企係收銀大嗌問我佢自動幫我轉左下午茶麵價同野飲午市價埋單$67加左餸包野飲 okla 因為個豬軟骨 下次未必敢試新餸😂😂醫肚ok 可能其他湯底更好食 都好多人嗌椰子雞湯 同 藥膳雞湯有諗過嗌酸菜魚湯 但90幾蚊又貴左啲總結 不過不失啦

夜晚十點餓餓地，唔想食太油膩嘅野，見到有米線食，而且幾多配料選擇，就一於試下。一入去店員即刻安排座位，可能宵夜時間，基本上唔洗等，上菜速度都好快，五分鐘內完成！🤣自選雞湯米線（轉蕃茄湯底+8，烤香甜粟米+8，芥蘭+6，煙鴨胸+12，溏心蛋+12）蕃茄湯底飲落似羅宋湯🍅，仲有少少西芹粒、紅蘿蔔粒，味道濃郁，幾開胃，酸酸甜甜咁；米線都幾滑身，不過就腍咗少少，唔夠爽口，可能煮得耐咗；烤香甜粟米有驚喜，本身粟米夠甜🌽，而且廚師時間控制得啱啱好，唔會烤得太乾，加埋調味粉，好惹味！煙鴨胸略少，得三塊，味道中規中矩；溏心蛋就正常發揮，不過蛋味幾香，流心好正！😝

最近坊間很多藥膳的米線，間間味道都差不多，這間也是今晚我選擇叫了雞髀，需要加多$10（感覺少少貴，因為唔係全脾，同文字表達有落差）再加多個雞髀菇$6（這個都正常 - 有四片）

确实是怪个人疏忽打着语音走进来没有看清这家只收现金，导致钱不够。在确认过不能按照汇率兑换以后说是可以未带够的剩余部分一比一微信支付（正好我微信也有零钱），几个店员态度都心平气和在耐心解决问题，突然来个老大妈（估计是老板或者什么管理人员吧）凶的要死说只能用支付宝从来店里用不了微信，然后拿出自己支付宝收款码，之前说可以用个人微信帮忙收款的店员也吓到噤声，所有人都赶紧统一口径说不能用微信，所有店员在老大妈来了以后立刻躲五百米开外。一家米线店搞得紧张兮兮真的是有够神经，两个看着像内地来的女生也有被她凶到小心翼翼用支付宝付了款，还听到她们在出门后轻轻安慰自己没差太多钱，听着真的很sad.真的想说不喜欢用移动支付的商家可以理解，但是就香港服务态度不好的刻板印象不是靠几个年轻的店员努力有用的，老板内心里没有这个意识真的都白搭。最后推荐所有来厚福街吃米线米粉类的朋友去隔壁新开的春城铜锅米线（味道浓郁底料更丰富，不会像这家吃到最后料吃完了只剩底鸡的口感也是冻很久的，而且刚开业时说没有来得及设置移动支付还按照汇率算了价钱）or对面的马祖台湾汤面馆（很养生的味道料也很足，lunch set很划算），这条街上

今日約咗朋友去尖沙咀飲酒，但時間未到…見有啲肚餓，諗住去食啲嘢先，但又想食啲健康啲嘅嘢，話晒今晚要做啲唔健康嘅嘢，😂上次聽朋友介紹尖沙咀有間健康特式米線，就決定食你啦！呢間米線店位於厚福街，街頭’門口寫住一碗可以連湯都飲晒嘅米線，可能深夜時分？人唔算好多？還好12點幾仲有餐廳開，仲要有健康嘢食，呢間米線店，主打健康有椰子雞湯米線同埋懷舊藥膳雞湯米線同黑蒜雞湯米線🍜聽聞黑蒜好有營養價值，就試呢碗米線啦！其實我都係第一次食黑蒜😂開頭我仲好驚會唔會好大浸蒜味？點知原來唔係我諗嗰樣嘢？好彩…黑蒜嘅味道有少少酸酸，甜甜加埋米線有幾好食喎。真係估唔到…原來健康同好食，真係可以掛鉤👍🏼😋

第一次嚟食呢間叫做農米莊，個名好有農場Feel，環境都還可以，唔知係咪今日係星期日，我嚟嘅時候已經係下午茶，人比較少，可以坐得舒服d，呢度專食雞湯米線，都幾多湯底可以選擇，落單叫咗個懷舊藥膳米線，上米線嘅速度都幾快，一上枱就聞到好大陣藥材味，飲啖湯幾甘甜容易入口嘅味道…都唔錯…雞件好滑…不過食食下中途被一位女士破壞小弟雅興，眼見佢大大聲指責企係收銀嘅侍應，應該係因為碗中有小昆蟲，我眼見嗰位侍應已經不停講唔好意思…有小昆蟲都唔係侍應嘅問題，要指責都係要指責廚房..扲個侍應出氣太冇品…Btw農米莊嘅米線可以嚟試一試…下次試下椰子米線

咁啱行過附近諗住試一試呢間好多人都讚嘅雞湯米線，滿心歡喜咁行入去，落單後等左二十幾分鐘，中途有職員喺度鬧交，之後見到隔籬枱啲嘢食都上齊，問一問職員先知原來漏咗單，等多十幾分鐘先上到杯凍檸茶走甜，但係一望隻色就知唔對路，深黑色，飲落去有怪味，亦都唔係走甜，應該係頭先廚房水吧同前台鬧交，廚房發脾氣亂咁嚟。再等多陣先至有米線上，前前後後等咗差唔多50分鐘，由午市等到變下午茶，食完一啖已經知以後唔使再黎，普普通通。可能真係我咁啱黑仔，但對於顧客而言有過一次不愉快經歷就已經唔會再去。

吃茜的人有福了呢間雞湯米線都食過幾次味道都算唔錯今次嚟到見到佢竟然有芫荽湯米線台真係成碗都係滿滿嘅芫荽兮我諗真係唔係個個都頂得順佢嘅味道囧所以芫荽嘅愛好者有福了佢個湯係有好多整碎咗嘅芫荽加落個湯度之後再加滿滿嘅芫荽放喺上面食落唔會剩係得芫荽味，會有少少雞湯嘅味道（我覺得加少少辣椒會令到個米線更惹味（個人覺得都算幾高質不過友人就對芫荽嘛嘛剩係飲咗一啖湯就頂唔順對於芫荽愛好者，值得一試，冇想像中咁重味，都幾清新！

湯無雞湯味，雞無雞味，仲無以前咁嫩，芫荽湯但無芫茜碎，得少少渣載🥲米線同菜都無味，另外落左黃椒，都係得個辣，都係無味😔清湯米線一碗，以前係會追住食晒成碗，今時唔同往日

2023年都一直keep住幫襯開佢早餐，直到年尾近依兩三次覺得越嚟越差，首先一向佢啲熱奶茶咖啡無樣得。。。。。一飲落口好唔掂，溝熱水都無用，我啲同事都放棄，其實晨早杯提晨飲品真係好重要，係返寫字樓精神之柱。。。。仲有以往嗌開火腿素鮑魚通粉或者其他粉麵嘅湯底係好濃郁，好似鮮雞煲嘅湯底，但係近依幾次叫的都是淡而無味，要另外自己再加鹽，否則好似飲滾水咁，希望佢好好改善啦，如果唔係連我哋啲老顧客都會背叛離棄佢。

今日食嘅係招牌椰子雞湯米線👍🏽啱啱係尖沙咀附近做完運動 好多餐廳閂晒，見佢仲開緊所以入咗去食😂椰子雞湯米線 $59個湯底好香椰子味 🥥會不自覺咁飲晒個湯而啲雞件 🐥配埋個椰子湯一齊食 更加鮮甜啲配料都好足料啊:除咗雞 仲有冬菇、腐竹、豆卜、生菜至於米線質地 幾爽口唔會話好冧 好啱我口味😋價錢以尖沙咀食嘢來講 算係幾平上菜速度算快 姐姐服務都ok但係可能我去嗰日比較多人要同其他人搭枱 所以會比較迫呢個係唯一嘅減分位

鍾意食雞肉嘅人 應該都會ok睇到menu 係 ‘’全部都係雞‘’嘅feel😂😂咁早餐係會有正常 常餐 同有其他野食 飯類咁今次叫咗個 椰子雞湯米線比想像中冇打邊爐椰子味 唔重椰子味但又唔會覺超重味精會覺 椰子味唔重 唔太出 似雞湯上湯味重雞肉係滑身 價錢黎講 都算大舊同有幾舊雞以上+配料食下都會飲湯食 但未止於會飲曬啲湯小食叫咗 爆芝松露墨魚餅 上到枱 聞到好香 食落冇想像中咁重松露味 佢算係多松露醬係面但食落有少少咸咗啲好食嘅爆芝紫薯餅冇想像中咁爆芝 但有芝士 燒灼過好食嘅 但主要係紫薯 襯熱食 好食

個中年男子態度奇差，黑面黑到好似全世界欠佢錢。問佢野唔係用把口答，拎部電話show俾你睇就算數。落單佢寫錯單，同佢講返佢勁大聲zip。咁唔鐘意做服務業不如唔好做，我入黎食飯唔螺想受你氣