農耕記 湖南土菜 (嘉威大廈)

店面裝修有特色，首先要讚嘅係上菜非常之快，服務態度夠好，真係同本地好多餐廳有好大區別，菜式亦特別，亦多種類，喺其他餐廳比較少見，怕辣既都可以選擇小辣免辣，幾適合香港人口味。我哋兩個人叫咗三個餸同兩位湯，招牌湖蝶魚係呢度嘅招牌菜，魚片有咬口又香口，同一般食嘅好唔同，擂辣椒皮蛋辣度適中，侍應會幫忙攪碎，拌飯一流，香芋蒸排骨既芋頭夠粉，排骨亦好嫩口，松茸土雞湯飲落都好足料，如果湯類有多啲選擇會更好。總體嚟講，屬香港少見又有家常菜感覺嘅地方。值得再來。

農耕記由大陸開到嚟香港，以後食小菜唔使北上！價格都好親民$ 100左右都有一個餸，人均一兩百～鮑魚辣椒炒肉辣椒好香口，炒上嚟好好送飯，鮑魚仔嘅數量都唔少，肉質素唔錯！蒜蓉粉絲蝦仁超級好食，粉絲好入味，吸滿蝦精華同埋豉油香。啲蝦都好大隻好彈牙果木脆皮烤雞大大隻，味道不過不失雙椒蒸魚頭魚頭好大，有兩種味岩岩好。不過紅色嗰邊真係好辣😂 食得辣嘅朋友先好叫大蒜炒臘肉臘肉比較瘦，但佢唔會好嚡～用蔥炒整碟都比較油炒絲瓜都幾甜～油豆腐燜拆骨肉香口～麵包誘惑中間嘅麵包脆口，唔錯嘅甜品

今日去咗農耕記食飯，佢係好多唔同嘅地方香港，廣東，北京，上海，新加坡都有分店，開業嗰陣時做到五折，六至七折好抵食，而家都仲好多人排隊，佢應該算係正宗嘅湖南土菜，啲餸都幾有鑊氣，北角呢間分店幾大間新裝修幾靚我食咗以下幾樣小菜，每款都味道唔錯，值得一食鮑魚辣椒炒牛肉這道菜色澤鮮艷,鮑魚與牛肉非常入味,辣椒提供了不錯的辣度而不會蓋過其他食材的風味。鮑魚的Q彈口感和牛肉的香氣十分協調,整體而言這是一道出色的湖南風味菜餚。双椒蒸鱼头蒸魚頭是湖南菜的經典之選,這道菜採用了兩種不同的辣椒,在鮮嫩的魚頭上營造出層次豐富的口感。果木脆皮烤鸡這道烤雞採用了特製的醬料,經過果木炭火烤制,外酥里嫩,皮脆肉香。烤雞整塊上桌,既有視覺沖擊力,又能充分感受到食材的新鮮度。搭配餐廳提供的辣粉,更能突出這道菜的風味層次。家常炒絲瓜絲瓜的清脆口感和餐廳獨特的炒製手法令這道菜格外出色。酒釀馬蹄爽這道甜品清新爽口,恰到好處的酒釀香氣和軟糯的馬蹄完美融合。甜而不膩,解膩消食,為整頓豐盛的湖南大餐劃上完美的句號。總的來說,農耕記的湖南菜色佳,分量十足,價格優惠,值得一試。期待下次再來品嘗更多精彩佳餚!📍 農耕記 湖南土菜 (嘉威

農耕記 湖南土菜 📍分店遍佈全球廣東、北京、上海、新加坡、馬來西亞直營門店超過100間👏🏻👏🏻終於開到來香港～開業火爆排隊今日來左北角分店食晏～店內裝修好有特色！更設有獨立大包廂～能容納20人📍環境唔錯農耕記 湖南土菜主打湖南土菜使用原生態材料～現叫即炒夠鑊氣！叫左好幾款招牌食物好滿意～鮑魚辣椒炒肉、雙椒蒸魚頭配麵條蒜蓉粉絲蝦仁 、家常炒絲瓜 認真味道一流～大家快啲嚟試吓啦😆仲有特大杯1L 香水檸檬茶～📍北角渣華道146-166號嘉威大廈地下6-10號舖

農耕記終於開到黎北角啦，勁近我屋企超方便✌🏻農耕記喺國內超高人氣，次次去都排晒長龍，今日趁住早收工即刻去試下先😆北角分店門口掛滿紅燈籠，充滿中國風嘅設計，仲有間包箱可以容納20人，我同屋企人嗌咗幾款店家嘅招牌菜，全部都係下飯神器👍🏻鮑魚辣椒炒肉必點👍🏻店員會先送上鑊仔，再用枱上嘅爐去翻熱，咁樣保證客人就可以食到熱辣辣又有鑊氣嘅餸菜😋鮑魚雖然細細粒，但份量夠多有二三十粒，軟腍腍又入味，尖椒煸到軟身，令醬汁滲透其中，再加入爽脆嘅白木耳，口感非常豐富，鑊氣十足👍🏻蒜蓉粉絲蝦仁另一招牌菜👍🏻以鐵板上枱，裏面有十二隻鮮蝦仁，加上大量蒜蓉，下面鋪滿粉絲同洋蔥，等蝦仁熟透後就可以食得，蝦肉鮮美爽口彈牙，粉絲吸收晒蝦嘅鮮味，超級好食😋雙椒蒸魚頭配麵條魚頭以泡椒同辣椒各半去蒸煮，食到兩種不同嘅口味，香港版比國內冇咁辣，迎合香港人嘅口味🙂魚肉嫩滑鮮甜，辣辣地更加惹味，加入寬麵條吸滿又辣有鮮嘅湯汁，麵條彈牙煙煙韌韌，我同屋企人都一致讚好👍🏻家常炒絲瓜食咗幾款濃味嘅菜式，我地嗌咗個清清地嘅炒絲瓜，絲瓜軟綿綿，味道清甜，啱晒炎熱夏天食嘅家常小菜香水檸檬茶大大杯嘅檸茶，茶底味道濃郁，入口帶有一種清香嘅甜味，最適合

農耕記 地址: 北角渣華道146-166號嘉威大廈地下6-10號舖湖南土菜上深圳玩時一直想試，排隊人氣店，香港開了台價錢又唔係貴湖南土菜現炒有鍋氣，叫了個有間能容納20人包房，親友食飯朋友活動都可以book鮑魚辣椒炒肉，好夠油辣，要配白飯蒜蓉粉絲蝦仁，岩香港人味道。唔辣清清地，焗6分鐘香氣慢慢滲出家常炒絲瓜，都是岩香港人，唔食辣都ok 水份充足。香水檸檬茶 ，大大杯落到香港架國內餐廳，服務水平都跟了香港！排了一個多小時先有位，見好多客都等到唔耐煩轉場！

今日lunch去咗公司附近近北角滙一間新開無耐嘅農村菜🥰 門面同裏面都紅卜卜🏮🏮🏮超級大間，坐得好舒服👍🏻👍🏻QR code自助落單，好多菜式都可以揀辣度😎我哋三個人，叫咗三個餸：酸菜鱸魚（少辣）🐟：好足料，魚好滑，湯夠香夠濃，推介😍蒜蓉羅氏蝦（少辣）🦐：即係大頭蝦，呢個真係好好味，超級多蒜蓉，撈飯一流🥰🥰茶油炒土雞（少辣）🐔：呢個味道幾好，但係啲雞肉太碎，好似冇乜嘢食咁😓另外叫咗三杯嘢飲，超級大杯，食辣嘢真係要飲凍嘢先夠爽🤪🤪

北角5月新開，當時朋友問我去唔去試下，話有半價。因為無幾耐前先喺深圳食過呢間，覺得味精勁勁重，我本身對味精冇乜反應嘅人當晚食完都覺得勁口渴，油多味精多，不了。當時咁講。6月我喺北角經過呢間嘢，喺外面望入去都幾靚，始終香港呢啲價位嘅餐廳唔會咁落本裝修。後來同我朋友講不如去試下。睇下改唔改到對呢間餐廳嘅既有諗法。當晚未到7點去到攞籌坐住等，大約 10 分鐘有位。安排咗靠牆嘅兩人枱俾我地。叫咗呢幾樣：炒黃牛肉，青椒炒蛋，一罐可樂，兩碗飯炒黃牛肉揀咗少辣。上菜時點著枱面有燃料嘅爐仔將鑊仔放上去熱住。我等個鑊餸有熱力感覺時將牛肉兜兩兜就叫侍應熄火以防牛肉過老同啲辣味太出（個後生女侍應竟然係將個鑊放枱面，跟住抬起個爐用口吹氣熄火 😆，唔知邊度鄉下）。牛肉切薄片，口感唔嫩唔韌，咬到。大量蒜頭惹味，西芹段增香，幼薯仔絲增加口感，仲有辣椒粒，食材就係咁多嘢。其實個底汁亦唔係特別嘢，都係生抽老抽糖嗰種組合。係送飯嘅。味精冇深圳嗰次咁勁。但係唔係嘩好正？唔係。難食又唔係。$138其實叫左個唔知咩炒瓜絲，不過轉頭侍應過來話無晒，咁叫左個青椒茄子（$58），點知上菜後夾咗幾啖來食發覺啲茄子（切片，覺得係煮咗陣先

尋日中午和同事去試食，冇人排隊，原來優惠已於5月做完，只剩下50元優惠券，仲以為好抵。點知沒有午餐只有散叫，和晚上一樣。價錢偏貴。叫了酸菜魚，同事唔食得太辣，只叫炒黃牛肉（雖然和鮑魚炒牛肉只差10元），甜酸肉和空心菜。酸菜魚成180元，份量都足，不過食到成口油，啲湯飲唔到。炒黃牛肉，成130蚊，牛肉碎濕濕，唔知點解收咁貴。總括來講重口味，似返大陸食，但香港價錢。減50蚊後，每人仍要110。中午去食就真係性價比低了。

今日接老婆收工食飯，老婆係大陸出生，鍾愛大陸菜式，所以揀咗呢間。原本冇乜期望，結果喜出望外，間野好有大陸feel, 好似返左大陸咁，而且口味偏重，8點多去攞位，都已經大部份坐位座满了，要排隊2位，非常誇張. 不收切餅費，這是香港人最期待的服務，仲問我地對餐廳的意見。 餸菜又好下飯，一個人都可以食一碗飯。有下次。

非常有特色嘅湖南菜！農耕記的辣菜製作嚴謹，選料認真，辣椒都是產地直送新鮮貨，像店裡招牌的樟樹港辣椒，號稱辣椒界愛馬士，一年只賣40天，據指口感爽彈！農耕記湖南土菜據報將於9月進軍香港，並在佐敦租下巨舖！農耕記於 2017 年，在深圳起家，店家堅持為承傳和發揚正宗湖湘風味，願景就是「把湖南鄉下菜，深圳城裏賣」，致力為食客帶來原汁原味的湖南特色小菜與食材。

端午節前夕, 星期六, 5:30去攞位, 都已經大部份坐位座满了, 非常誇張.餐廳優勢: 交通方便, 北角地鐵站A1出口轉右行1分鐘就到; 用餐不限時, 不收開瓶費, 不收切餅費 😊這是香港人最期待的服務.服務超好, 以為自己北上用膳添😂有些店員是講國語的, 廣東話識聽麻麻地識講(可能初到貴境)家鄉炒絲瓜, 并不是香港人認知的絲瓜, 好清甜爽口, 值得一試.柴火煙筍, 微辣入味, 仲意食筍的朋友大愛.東北米飯好大碗, 香甜有飯味, D餸菜又好下飯, 一個人都可以食一碗飯.

本身食唔到辣，冇食過湖南菜，但呢間農耕記新開喺我屋企附近，又成日見到佢排晒大隊，所以就抱着不妨一試嘅心態去試一試佢。入到去發現，原來佢有好多餸菜都係唔辣嘅。我地叫左扣肉，粉絲蝦煲，炒豬肝，燒雞，通菜，全部都唔辣，而且味道唔錯，都啱香港人囗味。確實有驚喜！

星期日去左北角, 朋友新居入伙, 本來想叫外賣返去食, 朋友提議去樓下新開既餐廳農耕記湖南土菜食飯。餐廳除左深圳, 係好多城市都有分店。我哋入到餐廳, 已經有好多人排隊等緊, 餐廳外亦出現人龍。餐廳裝修幾有特色, 坐位幾寛落, 主打湖南地道農家菜。我哋叫左鮑魚辣椒炒肉, 鮑魚好彈牙, 炒肉加上辣椒好香有鍋氣, 十分惹味。蒜蓉粉絲蝦仁, 餐廳用爐上蒸7分鐘, 粉絲好香蒜蓉味, 蝦肉亦爽口。另外仲叫鄉里蒸扣肉, 五花肉蒸得好軟滑, 加上酸菜, 食落不油膩, 好啱用黎送飯食。

呢間湖南土菜餐廳，特色食青色樟樹港辣椒🌶️，座位夠闊，好舒適。鮑鮑魚辣椒炒肉顏色鮮艷，有好多青椒、鮑魚仔同埋炒豬肉，鮑魚仔夠彈牙，青椒味道香辣啊，炒豬肉吸晒啲椒香同埋海鮮嘅鮮味。蒜蓉粉絲蝦仁沙漏斗計時，煲底有個火爐燒住，夠時間先打開蓋，一打開個蓋，熱辣辣，香味俱全 ，好多蒜蓉、撈埋蝦仁同粉絲啱晒。經典酸菜鱸魚好大盆，鱸魚肉質非常嫩滑，有鮮味，有好多片，份量好足，餸方面仲有唔同蔬菜，有金菇、黃芽白、彈牙薯粉等等，而湯底方面，有魚嘅鹹鮮香。鄉里蒸扣肉有好多梅菜絲同埋扣肉，扣肉份量都好多片，脂肪同肉質分布均勻，肉類吸咗梅菜嘅香味，啱晒送飯。青椒豆豉炒苦瓜好健康嘅一碟，有好多苦瓜片、炒埋蒜頭香味同埋青椒同豆豉香，好爽脆。雙椒蒸魚頭有青椒同埋紅椒，蒸魚頭，魚頭份量好大，估唔到肉質咁嫩滑，冇腥味，肉嘅份量都幾多，青椒部份，有小酸同埋好香嘅椒香，估唔到同魚頭咁夾。大蒜炒臘肉好香好香嘅臘肉味，啱晒送飯，臘肉有鹹香，配埋香蔥同埋椒絲，好香噴噴嘅一碟。酒釀馬蹄爽好得意，馬蹄爽被粉團包住，煙煙韌韌中帶點爽脆，而湯底係酒釀味道，配埋酒釀糯，夠晒滋補。麵包誘惑最上層鋪咗士多啤梨同埋雪糕，麵包中間有好多已經切好嘅麵