辻利茶舗 (已結業)

我們一行2人，因為去了觀塘拜年，然後有時間就行去APM見到這店，因係沙田分店都食過綠茶軟雪糕，覺得好好味，所以就食這間，這分店除咗有雪糕同甜品外，佢仲有熱食 - 茶漬飯、丼飯、三文治同埋西多士。今日我哋食咗兩款 ： 鰻丼（鰻魚飯）- 這個鰻魚飯都足料同大碗，味道都OK，價錢合理；另外叫了一個甜品- 抹茶芭菲- 賣相幾靚，但味道就一般，可能因為之前係喺沙田分店食軟雪糕，而今日係食雪糕球，我覺得軟雪糕濃味啲（抹茶味）。整體而言：觀塘分店款式多啲同埋有座位提供，值得一試，但本人會推薦抹茶軟雪糕😋

APM人來人往，行到L2搵個地方唞唞先！ 星期六下午四點幾，約左二三知己出來Tea 吓！一衝入鋪頭裏面，真係串金呎土，只得兩張卡位，加埋全店不過20座位！點了招牌綠茶Parfait，淨係影相都夠，知己朋友share 最快樂！午餐肉綠茶三文治，焗得恰到好處，午餐肉加芝士生菜配搭完美，$62 確實有點貴不過冇辦法啦！ 綠茶珍珠Latte, 越飲越唔對勁，太甜，$42，詿飲完個胃都有啲痛！不過喺商場裏面可以唔俾人趕走，又坐得舒舒服服，已經很滿意了！

今日同班同事去apm食lunch, 食完個午餐唔覺飽， 見到呢間門口有賣綠茶雪糕， 又記得佢好似都幾出名， 就比36蚊買個食下。 36蚊呢個價錢喺香港嚟講算正常， 但其實用36蚊食一個雪糕喺唔喺一個正常嘅價格？。雪糕好重/濃綠茶味， 唔算甜， 全綠茶味仲會加小小綠茶粉， 食得太急會比綠茶粉攪到想咳。 除咗價錢， 呢個雪糕其實都算高質， 起碼唔會係假綠茶味， 同埋其他雪糕店嘅綠茶雪糕都係偏甜， 呢個反而算正常！有機會都會再食！

抺茶新地 $58有抺茶軟雪糕🍵🍦、抺茶蕨餅兩粒、忌廉🧁、抺茶凍同玄米粒抺茶軟雪糕🍦味道方面，奶味🍼比例較少，但抺茶味亦稱唔上濃郁，入口淨係感受到較為表面既抺茶味🍵，冇回甘☹️雪糕質地軟滑，冰感較重，唔會溶得好快👌🏻抺茶蕨餅口感煙韌，撒上抺茶粉令茶味更突出👏🏻成個抺茶新地入面最為出色💯忌廉無奶香🥛，質感唔幼滑，偏油唔加都無損失😂玄米粒脆脆地，玄米味好重，會係口腔停留好耐👅抺茶凍外表係綠色但接近無味既凍糕，無特別🤔整體而言，抺茶新地🍨質素平平😞本身仲期待抺茶雪糕會好重抺茶味，帶回甘，可惜雪糕味道令我失望🤦🏻‍♀️

辻利茶鋪一直都備受吹捧，今日襯下午有時間，見到冇咩人唔使等位喎，就即管去試一試啦！店內食物除咗甜品，都係以澱粉質類為主，我就叫咗個明太子玄米烏冬。另外加咗個抹茶北海道芝士棒。讚既地方係，烏冬都好煙韌，明太子亦都好充足，足夠撈哂全部烏冬。不過成碗面整體偏乾同埋咸，如果可以有少少汁就好喇！而芝士棒亦唔係太特別，純粹比佢個名吸引左，抹茶粉香味幾突出，但芝士味則冇乜特別。同樣，整體偏乾，唔係滑身嗰種，有少少失望呢

Lunch set 鰻魚飯幾好味打算下次食三文魚可惜焙茶味道不夠濃Tea set 抹茶三文治的確有驚喜，但抹茶味被餐肉和芝士蓋過。熱珍珠鮮奶抹茶味道有點奇怪。🙈可能凍飲會比較好喝🙂熱飲紅豆抹茶應該會比較好。整體滿意

路過想飲杯飲品，點知間餐廳既職員服務態度可以話真係幾差下，基本上無服務可言，你唔叫佢，佢都唔諗住應你甘，仲黑晒面甘款..☹抹茶我一般見佢百年老店甘就試一試，抹茶味一般而且飲品黎講價錢都幾貴好細杯唔抵飲...又一失望之選...😣😣

辻利茶舗就在APM的二樓分店比IFC分店大得多，有堂食位置可以看到店內幾乎坐滿人雖然IFC分店目前已經關閉這是最新的餐牌堂食的主食有茶漬湯飯、烏冬、飯、三文治等等介乎$48 - $98可以外帶的有芭菲、甜點、抹茶。日本茶及軟雪糕辻利抹茶軟雪糕辻利茶舗是來自京都宇治很多年歷史的過江龍當然要吃抹茶食品才試得出它的利害之處店員最後再加上抹茶粉於軟雪糕表面，抹茶味提升更高層次，抹茶香遠遠已經可以嗅到雪糕的奶味超級香濃，幼滑度非常澎湃更重要的是頗大杯！

36元大杯綠茶雪糕🍦，好濃的綠茶味，香滑，而且有得坐，可以同朋友邊食邊傾計。係一個行街行到攰，然後抖下的好地方。見到有其他食物，包括湯飯和壽司，都有食午餐的朋友來。

42蚊杯 黑糖珍珠抹茶affogato 其實都幾貴 以為會有杯熱抹茶俾我自己倒落去 點知無😑 咁樣係新地而唔係affogato🙄抹茶比想像中少🤷🏻‍♀️ 唔多食到抹茶味 牛奶味重 黑糖味濃 珍珠比較淋 味道係ok嘅

下午3點，APM搵食之鰻魚茶漬飯，距離晚餐時間還有幾個鐘，秋風起特別易肚餓，經過觀塘買嘢，突然好想吃鰻魚去了APM,上次食過FOOD COURT個間，今次唔食了，試吓 骨仔啲嘅，於是循住日本餐搵，睇到呢間，呢間鋪本身賣茶，又有茶漬飯ちゃづけ大，又有鰻魚，所以決定呢間啦。以下午茶嚟講一個套餐唔算平，有一碗鰻魚飯，一壺煎茶湯，甜品有蕨餅，有杯茶，咁就$88，位置都唔多，座得冇咁舒服，食完即走。整體唔錯嘅。

原本以為呢度只有甜食，係三五知已食吓巴菲，吹吓水嘅地方，但原來佢都有茶漬飯、三文治等等嘅咸食供應，所以都有人喺呢度食正餐。我食咗3次，但全部都係甜食，當做飯後甜品。1. 黑糖抹茶牛奶珍珠- 好飲喎！作為珍珠奶茶忠實fans嘅我，覺得呢杯嘢仲好飲過🐯堂。可能佢係用北海道牛奶沖，而店舖本身又以抹茶為主打，所以茶味同奶味都好香。2. 抹茶+北海道牛奶扭紋雪糕- 好滑，有牛奶味又有抹茶味，好正！3. 抹茶雪糕- 上面直程加咗D抹茶粉喺面。但我比較鐘意扭紋多D。

雖然喺觀塘返工, 但作為抹茶控嘅我經過辻利茶舖咁多次, 都未有機會一試。難得weekend時間比較充裕, 就同朋友拜會呢間日本過江龍, 食個light afternoon tea。分店舖位頗細, 而且得3位店員, 採用全自助形式, 所以沒有加一服務費。裝潢採用充滿日系感嘅木系為主, 座位亦設有USB同電掣插座, 值得加分。濃度2.0抹茶軟雪糕($30)雖然叫咗細size, 但其實都幾大枝。雪糕質感幼滑, 茶味濃, 甜度適中。

抺茶蕨餅 $33 8/10抺茶味🍵突出，但未至於回甘。蕨餅質地軟糯而不失彈牙口感，亦唔會痴牙💯同係日本🇯🇵食到既蕨餅口感接近，幾高質👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯抺茶北海道芝士棒 $28 7/10芝士棒🧀質地較扎實，質感夠濕潤、唔會偏乾👌🏻芝士棒甜度適中抺茶味🍵同芝士味🧀尚算balance，唔會互搶風頭，相對地抺茶味就冇咁出，抺茶控可能會覺得唔夠滿足😝⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯整體而言，食物質素中上🎖可惜性價比💸唔高，食物份量較細～但值得一試🍽

今日我等朋友嚟到APM呢邊。冇乜嘢做周圍行吓行吓。行到去3樓見到一間好似幾有日本風味裝修幾靚嘅鋪頭跟住叫咗個沙冰坐低等朋友意外地發現個雪糕真係幾好食個抹茶沙冰個抹茶味都濃郁唔係啲溝左好多水嘅冰 個味道真係好特別 跟住我上網睇吓個佢地個背景，「辻利」在日本江戶時代末期萬延元年（西元1860 年）時誕生於京都宇治，創業者「辻利右衛門」堪稱是日本茶文化發展史上最有貢獻的人物之一 ，他亦是將香氣與甘甜度提升至最高等級綠茶「玉露」的發明者，讓大家可真正體驗到綠茶的最高級享受。如果大家下次等朋友冇乜嘢做嘅話都可以入嚟坐吓因為個環境好安靜價錢嘅okay la. Affordable 四十幾蚊有嘢飲有雪糕都幾大㗎佢仲有柚子味