辻利茶舗 (已結業)

晚夜到了APM食飯，最近想食茶漬飯，田會長推介一間有茶漬湯飯食的店子，日本過江龍的京都百年茶店-辻利茶舖，主打抹茶，進駐香港都好一段時間，已有數間分店，今次可一試了。 餐牌，抹茶甜品好吸引，但今晚只想食正餐。 小小的店子，日式的茶店設計，裝潢是木系為主，晚飯時段多人，我們3人坐吧枱位置，對住人來人往的商場走廊，飲野坐冇問題，但用餐時有點老尷，同個位比較窄唔太好坐，但勝在有得差電。 等待中。 抹茶拿鐵，跟餐+$22，口感順滑，抹茶味濃郁，奶味唔太重，果然好味。 明太子茶漬湯飯，$72。 明太子茶漬湯飯，明太子份量頗多，感覺好滿足，倒入熱湯，米飯吸收了湯汁，味道清香更易入口，茶湯的濃味，配上明太子的鮮鹹味，略為鹹了點呢。下次有機要試抹茶甜品。

今晚食完飯 大家話想食甜品 就去左試呢間茶舖 見到呢杯黑糖抺茶牛奶珍珠係人氣NO.1又見個價位 又係抺茶應該無死啦平時又好多人幫襯一飲出曬事 首先個珍珠好硬 佢又唔係本身個質感硬而係佢好似未煮熟個種 珍珠內核好硬又有粉狀個茶係有茶味 但太甜 蓋過左個茶味 可能有得叫少甜啦搞到黑糖搶走左抺茶既香重點係 呢個價位 飲無兩下就無曬 份量超少 對比其他同類既專門店 真係高下立見 地方係舒服既 但係飲完 真係感覺好差

好鐘意食甜野同搵優惠既我，見到eatigo 有半價預訂優惠，再加上popsale-25蚊優惠碼，就即刻預約左用餐。🤓🤓不過半價優惠只可以用係門口左手邊既餐牌，換言之飲品同軟雪糕都好似係唔岩用。個日係星期日咁岩係觀塘，所以訂左係apm 位於2樓既辻利分店。辻利係日本好出名既抹茶品牌🍵🍵🍵，宇治既用餐店都經常有好多人拜訪，但我就未去過，所以就先試下香港店既質素如何。去之前都係openrice 睇下食評，睇下有咩好食，但發覺好多人其實評語都好一般，得抹茶2.0雪糕比較多人推薦，所以都令我有啲失望。但既然有優惠，所以心入面打左個底，唔好食都唔會咁肉痛。🤣🤣所以決定試下佢既店內招牌抹茶🍵芭菲。我地睇左評語話加左錢換既抹茶2.0軟雪糕係好味過原本個抹茶雪糕球，所以我地都加左22蚊換濃郁抹茶軟雪糕。 個芭菲原來78蚊，所以加埋錢換購就係100蚊。我地點餐後，店只就比部機仔我地等拎餐品。店內環境唔大，中間有張大台，入面有兩張四人卡位，適合影相打卡📸。同角落有張四人位同兩人位。我地日店內都坐滿人，所以只可以坐係口門邊對住出面既bar位。但店內利個位提供usb 插頭位🔌 ，所以可以充下電 🔋🔋。我地等左一

喺觀塘食完晚餐，口痕好鬼想食個甜品同朋友仔喺APM行下街就上咗呢間度食抹茶叫咗兩個黎試試左邊嗰個抹茶雪糕入口即溶幾正右邊嗰個芭菲下邊啲料有啲苦下次都係淨係叫雪糕就冇死，一定好味

早了放工，去附近走走吧，要等埋朋友先走得，所以入嚟叫杯嘢飲。向來鍾意抹茶既我，梗係揀返抹茶嘢飲啦，同埋呢排黑糖珍珠鮮奶咁紅，梗係揀番杯抹茶黑糖珍珠鮮奶試試佢😀。因為唔太舒服關係，所以無左走冰，店員都好好人，容許我咁做。飲品嚟到個色水都好正喎，不過飲落抹茶味唔夠濃，亦都太甜，個珍珠係ok 既，但唔太食得哂。成杯嘢唔差但亦唔算太好，但亦無吸引人回頭再飲既魅力。😪為店家感到失望的原因，是因為我買完剛好撞到兩個經過的人，訴說店家沒有理會店員的安排，在某幾日比較敏感的日子，迫他們離開本店，在沒有交通工具的情況下，要求他們去到其他店舖幫手繼續工作。我不知道這是不是真的，但他們也是看着我，眼神怪怪的，我看一看店舖又真的有最少三四個店員在此分店。店員們都非常友善，如果這傳言是真的，希望店家可以檢討一下吧！😔

日本甜品鋪係我特別偏愛，可能因為我係抹茶愛好者原因，任何抹茶類食品都足以令我忍唔住想去食。 行開Apm 見有間食日本甜品鋪頭，就入左去點左個芭菲杯食。最愛佢裡面d厥餅，好煙嗯

很久沒行APM, 經過這間日式小店, 看見我最愛的抹茶, 又不用等位, 所以試一下, 是自助形式,點了一杯凍一杯熱, 用木的托盤盛著, 很和風的, 不過堂食也用即棄杯, 實在相當不環保, 無論凍及熱飲, 抹茶的味道不夠濃, 不是我想要的, 另外熱飲份量亦少, 坐位非常迫, 所以感覺不太良好。

行經觀塘apm創紀之城五期2樓，見到呢間綠茶甜品店。身為綠茶控嘅我，又點會錯過呢。即刻買左個濃度2.0抹茶軟雪糕(💲30細)，脆脆甜筒包裹著顏色清綠，抹茶味濃郁甘香，質地軟綿綿，甜中帶微澀嘅雪糕。炎炎夏日，冰涼香滑口感一流。下次一定要買L size多6元，抵食大支好多。服務呢就一般啦，沒有服務員清潔桌子，要食客自行清理。

箍牙妹因為一時大意，瞓覺前唔記得上返啲像筋幾個鐘，起身時先上返，咁我啲牙就痛足一日喇！😭😭😭成日都無心機食野，想坐低食件蛋糕，但apm選擇不多，最後見呢間有位就選擇左呢度！成間店得20個位左右，但都有位，原來真係伏黎，我呢個抹茶芝士棒配抹茶雪糕，其實我一啲抹茶味都食唔到，芝士棒又硬又實，可能呢款係咁，唔緊要，但抹茶芝士棒無抹茶味，又無芝士味，我究竟食緊咩？天啊！係咪我失去味覺😩😩😩個抹茶雪糕同樣食唔到抹茶味，但夠冰凍夠硬淨，食落好舒服，有種清清地好提神嘅感覺，難度呢種感覺先係抹茶味？😤

本身鍾意食抺茶，見呢間抺茶店好似都唔錯，就買咗杯軟雪糕試🍵🍦抺茶味冇想像中咁濃，而牛奶味奶茶都唔係好夠👎🏾整體雪糕口感唔夠滑，食落會feel到有少少砂粒咁☹️而且雪糕好稀，好快溶到變水咁，滴到周圍都係，亦搞到個cone好快冧哂... 雖然香港天氣熱，雪糕溶都係好合理...但試過其他雪糕店，雪糕密度都會比較高同稠啲，就算溶都唔會咁快變到水狀🍦坦白講，咁嘅價錢，呢個質素真係唔能夠接受👎🏾本身仲以為會有驚喜，最後有啲失望🙈如果之後再食抺茶雪糕，應該都會考慮其他鋪頭🙈

今日原本有4個人去食中菜的，點知有一個唔舒服，得返3個人。所以改地方。朋友想去辻利茶鋪。但上網睇冇電話查詢book位事宜。所以我一放工就去睇吓咩環境。坐位唔多。而且好迫。一問之下，男職員話原來係冇得book位的。但我去到時只係6:45。但朋友要7:00才可到。問咗職員話可以隨便坐幾耐都得。咁我就坐底咗。到朋友嚟嘅時候。就出去買嘢食。 係要自己出去買的。朋友買咗2個鰻魚飯+煎茶。鰻魚飯睇落唔錯，鰻魚都有半條。算係大了。汁液分量都唔錯。唔會過甜。到我買嘅時候就有少少唔開心。我買溫泉蛋烏冬+一個吞拿魚飯團。（原本想買2個的）但呢位女職員就話只有一個。當時佢對眼係望住個飯團。但冇叫我自己攞。咁我當然唔咁攞啦！到我去攞烏冬時，發現唔見個飯團。一問之下個女職員話要自己攞的。咁點解當我比完錢佢唔叫我直接攞呢？而且態度認真麻麻。（見食評都有講d職員態度差。而家信了）講返個烏冬。寶在太少了，湯多過烏冬。好彩買咗個飯團。如果唔係就真係要去補食魚蛋粉。吞拿魚飯團食完熱嘢，買多杯雪糕芭菲$78。雖然係貴咗d。但個綠茶雪糕非常有綠茶味道。而且唔係太甜。（如轉軟雪糕要加多$20。而且個雪糕球係冇咗的）

🤤抺茶控系列🍵🍀(重要既事情講3次🔥）▫️餐廳：辻利茶舖（續）▫️地點：全香港有4間分店（中環、觀塘、沙田、屯門） 📍觀塘分店可以堂食🤪▫️營業時間⏰：Mon-sun 11:00 am -11:00 pm▫️價錢：🍦$30（細）$36（大）📍大🍦抵好多—美味：🍵🍵🍵🍵環境：🍵🍵🍵價錢：💰💰💰—之前都介紹過依間控茶店🤤抺茶同綠茶有咩分別🍀？同樣係綠色，但係個味一食就知🧐😏抺茶果種苦苦地但食完之後既回甘係抺茶控先知🤓🤓鐘意有點苦而正宗抺茶既你，可以食吓辻利茶舖既抺茶甜品。👧🏻今次就試咗佢地既抺茶雪糕，覺得性價比高，而且比其他食品較平，苦而甘既感覺令人滿足🤫🤫

每次黎apm都會 經過呢間野本身唔鍾意綠茶，所以知道一定唔會入去食，今日諗唔到食乜，太太話想試下呢間因為有烏冬食所以先會去試叫左2樣烏冬，一個溫泉蛋烏冬，一個明太子烏冬，由未夠2點坐到2點幾D野食都未有到有得食差不多成45分鐘首先比個溫泉蛋烏冬，之後仲要收走我個牌，話齊晒，比張單佢睇，話仲有個明太子烏冬同2杯茶未有，之後黎完2杯茶問係咪到齊，仲話我係咪order左2個溫泉蛋烏冬個下我真係爆粗。成張單寫明要咩唔睇。我太太話應該之前有2個係我地比其他人拎左，有晒號碼都比錯客。成班女仔掛住玩，收銀個掛住玩電話態度好差

係APM行行吓街，見到呢間專賣抹茶的甜點，身為抹茶控的我當然毫不猶豫便闖進去！抹茶蕨餅一向都是我的至愛，咬落去時煙煙靭靭，口感極佳，不過就不是平日我愛吃的那種味道。另外軟雪糕非常香滑，一半是濃度2.0的抹茶，另一半是北海道3.5牛奶，兩者味道混合交替，不會側重於某一種味道，味道亦不會過甜。相比起抹茶嶡餅，我更喜歡這裏的軟雪糕。

呢間鋪又係開到一街都係，我又走去食左個雪糕，抹茶芭菲，大概7十幾蚊，堂食啦。我覺得個抹茶雪糕幾好食，中間又有脆粒甘，又有好似啫喱甘一條條的綠茶啫喱條，口感好正。而且呢個芭菲都幾大杯，一個人食曬都好滿足，同有點飽。同埋價錢還好啦。