迦南美食

營業中

休息中

叫得做無飯煑婦, 當然係成日周圍食嫁啦, 但深井D食市, 太另人失望, 好你嗰間KCAL咁, 越食越失望, 泰皇菜從無驚喜, 所以沒有失望, D茶餐廳唔駛講啦, 十年如一日, 新皇后, 卒之都頂唔住喇, 不過都頂左好耐喇, 比返個耐力獎個老闆啦, 好彩重有間滾得棧重KEEP到水準, 不過就越食越貴, 時勢唔好呀老細, 收平D啦.講返迦南, 當初好多FRIENDS都讚係深井之福, 亦係好多小夫妻嘅飯堂, 當然包括我哋啦, 但而家真係"越食越傷心"D食物時得時唔得, 試過D虾梅啦, D份量又少咗啦, 最大獲係有味精, 要食味精, 駛鬼要幾拾蚊食一碗米綫呀. 以前去迦南食嘢好似返屋企咁好有親切感, 自從轉左手比呢班後生仔, 真係要嘆一句無可奈何, 以前老闆做得咁好咁有良心點解唔做呀, 其實你哋開正路嫁, 見而家D食物水準差左咁多都有人等位就知啦, 深井食市D老細唔該比返D良心對待下我地D食客啦

今天晚上，又駕車到深井覓食。在OPENRICE的網頁上得知此間【迦南美食】食店不算太貴，食物也不俗，於是便決定一試。點了“椰香咖哩豬肉飯”，另加$18轉套餐就有飲品同一款小食，小食揀選了“炸雞軟骨”，此外我們還要了“金不換茄子炒雞肉”。金不換茄子炒雞肉：茄子大大的，很有口感，且帶點辣。此次結帳，共$98，加$2貼士，也算不錯。

今日悶悶地黎咗迦南美食，雖然地方唔算大，但食物方便值得令人讚賞．我ORDER 了一個茄子飯，魷魚鬆，仲有一個酒煮蜆＋飲品．茄子炒得好香(有種好特別的香料，好似係金不換)酒煮蜆，有好香嘅酒未，蜆好鮮甜肉質爽口，仲好大隻添　(推介)魷魚鬆皮脆熱辣辣即炸，好香口！

25/10/20086點鬆d就到左喇點左椰香咖哩雞飯同埋豬扒魚湯烏冬每一款加多18蚊轉套餐就有杯野飲同一款小食1.椰香咖哩雞,咖哩辣中帶甜,味道唔錯2.豬扒魚湯烏冬,豬扒醃得好夠味,又夠腍,個魚湯好有新鮮魚既味,唔會好似其他個d淡而無味,連烏冬都好似入哂d魚湯入面咁,非常出色,不愧為呢間既招牌菜!3.小食:雞翼同埋魷魚鬚都係即叫即炸既,夠哂熱喇喇!

見到咁多好評,諗住去試一試. 但發覺並不如其他的好評所說,只不過係夠健康,因為無加味精係魚湯度. 試過冬蔭功雞湯米線,十分一般,唔係正宗泰式冬蔭功,欠咗香茅味,只覺有酸及辣油... 仲有試過喇沙雞球湯米線,只覺落咗咖哩粉及椰子碎係湯底度,都唔係正宗. 不過,雖然味道一般,但會再試,因為老公貪佢夠健康. 鮮魚套餐好抵食,魚確係新鮮,另加魚湯泡飯,但魚湯味道唔夠濃....

呢間餐廳上次試完之後, 回味無窮, 今日又專程來食...鮮魚餐 - 選鮮魚一條 (黃立倉, 生猛, 桂花,... )- 可魚湯浸 or 生炸- 跟魚湯泡飯 or 米線, 面, 螺絲粉....條魚非常鮮味, 唔使點支油加$18有小食+飲品...今日我就選左炸魷魚鬚 + 咸檸七再叫了海鮮冬陰公米粉....好驚喜, 有鮮虾, 蜆, 聖子, 青口, ...全味鮮味無窮.....唯冬陰公湯唔夠spicy....兩個都係$120, 真係海鮮wor

我同老公仔都好鍾意0黎迦南食0野. 致誠推介係冬蔭公肉碎米粉(可選海鮮), 試過一次難忘, 每次都好想叫, 鍾意飲冬蔭公湯既朋友一定要試. 泰式豆腐炒雞亦係唔錯, 再少油一點就very nice嘞. 咸檸七一定要試, 真係有咸金桔係裹面. 脆脆芋角又好味. 不過坐位好close, 如驚逼既朋友, 可以選9pm之後去. 不過10pm關門, 還有有位染左金髮高佻靚靚女侍應招呼, 遲小小去食, 等一等都值啦.

上個星期有幾日假期,同女朋友諗左好耐都唔知去邊度食,所以就渣車入去深井"番桌"迦南,一去到同以前一樣,都係要等位(等左15分鐘左右),不過以前試過味道唔錯等15分鐘又算得D咩.入到去ORDER 左幾樣之前無試過的野,因為佢地小食唔算大碟又平宜,所以可以試多幾樣,其中試到3種比較難忘IZZA 海鮮卷- 呢個係伙計推介,一條長長地, 咬落去好脆,點知中間既餡料(迷之餡料),比我一種食PIZZA 既感覺,我同女朋友都笑左出黎,果然無改錯名....青酒煮蜆- 食得出好新鮮,仲好有酒味.不過如果大隻D,會更有口感,勝在價錢唔貴.什麼酸梅醬魚柳跟飯(正式名真係唔記得),味道酸酸"尾尾",好開胃, 值得再試.食飽飽之後四圍望下, 發現唔見左以前個阿姐,問起先知原來最近轉左手,唔怪得感覺唔同晒,又有新既MENU,新既顯示版,好彩D水準仍然KEEP 到,聽個伙計講仲會一路諗D新菜,睇黎唔洗兩個月,我又要入黎食多次^O^

今晚只得一個人吃飯，心想試試迦南的叻沙。9點幾去到，有幾班人等位。有位男侍應(不是Jacky) 在門口安排座位，當我表示只有一人時，他只叫我等等，沒有給我number紙，然後帶了四個客入座。之後無再出來，其實裡面有兩張二人枱，一張近水吧，一張近窗，無人坐的，而因為其他人是3人或以上的，故仍要等位，但是我只是一個人…在門外等了10分鐘，有個買外賣的要走，個waiter終於開門送客，我便追問有沒有位，他才”記得”是有位是給我的，因太忙而忘記帶我入坐…我隨他入內，他指引我到近廚房的一張6人枱，兩邊各有2 pair人在吃東西，2 pair人中間的兩個位都放了手袋，他示意我攝位在2 pair人的中間。未坐下已經有壓迫感，不明白為何不給我坐一張2人枱? 要一個人攝在2 pair人中間，很不自在，更何況我是孤軍作戰的…其實我亦很明白他的安排，是為了如果有2位客人便可以立即安排入坐；而我只得一個人，可以用來攝位。但他真的可以確定他的預算可以成事實嗎? Maybe, good luck to him.但如果再想想，2 pair人正在吃東西，加上我，3組人迫在一起，不是一件好事，隨便一pair先走，他可以

小弟縱橫飲食界多年，眼見大量餐廳食市、由無客做到有客、但服務態度郤由無客時做一百，但多客時就係零!(舉例：勝利道間海南雞飯)另一樣就係餐廳有客後，偷工減料或加價，亦不要得。(舉例：荃灣中心果間叫黃仔的日本野，兩樣中晒!服務差及加價/減料)。雖然餐廳的食物質數不變，但患有上述兩種病態的食市對貴小弟來講，真係請我都唔會到。回講：迦南餐廳，由開張至今，由無乜客，食到要等位。郤無出現過上述情況。店內約四十個座位左右，竟用上四至五位待應，即係一個待應對八至十個客，這種專業態度值得一讚。店內價錢由40-60元左右，小弟比較喜歡喇沙湯底或亞參湯底的海鮮湯飯，叫餐連飲品及小食都係58元!價錢合理公道，食物新鮮、味道中上，如此服務態度及食物質數絕對值得推介!

之前在其他食肆好食過d唔好食的喇沙,所以唔想再食.不過老闆話絕對推介,咁就一於試吓雞球喇沙,最多唔好食以後唔幫襯.當日好多人,等咗25分鐘左右,終於有野食.一睇賣相..幾好wor.湯底好惹味,好香椰汁味而且唔係好咸,雞球都幾嫩唔算鞋口.朋友仔叫咗日式咖哩牛肉飯,咖哩汁好香唔算好辣,而牛肉份量都幾多,如果叫套餐仲有一款小食,都有好多選擇.朋友仔點咗豬扒,都炸得幾好又唔算好鞋.可以接受.值得一讚係老闆的服務態度,當日晚飯時間超多客人所以食物出得好慢,眼見鄰座等咗好耐都未有食物,後來因為佢地趕住返屋企睇電視而要將食物打包,此時老闆非常識做話唔收佢地錢...從事服務行業能夠明白客人需要絕對係成功的另一半...不過如果賺到錢可以換部大d嘅電視就仲好,因為佢部電視只有聲音而畫面黑...美中不足.

第一次去食lunch，叫咖哩豬頸肉飯，後來多問句，才知道可以加辣，實在太開心喇，因為對無辣不歡既我，立即抱住期待既心情等飯到，當飯來，好大碟飯，分了一半給友人，估唔到餸好多，咖哩汁好多，份量十足，再試一口咖哩汁，嘩，好辣呀，辣味也十足，豬頸肉很爽。老闆好好招待，是座位有時會迫一點。但總括食得幾舒服。亦會試魚湯類！

舊年搬到深井住, 10月開始幫襯迦南, 佢地好强調冇味精, 最初都唔信, 試過之後, 都唔到我唔信, 因為我有味精敏感, 一食就會心跳到想死, 所以日日要帶飯盒, 我就只食佢地魚湯系列, 自從佢地有成絛魚同海鮮泡飯食, 我就好開心, 因為我好鐘意食魚同海鮮, 有時仲有隻蚧仔, 估唔到細細隻好好肉, 而且整得好好, 我次次連湯都飲埋, 我相公就試過佢地所有嘢, 就最鐘意佢地個椰香咖喱, 本來佢鐘意食牛肉, 但唔鐘意肥牛, 但最近佢地有牛柳肉, 所以佢食親咖喱都叫牛柳, 佢話好正喎, 我唔食牛所以唔知, 佢地個清酒海鮮烏冬都好正, 同埋好鐘意佢地D凍飲, 大大杯而且唔會冰多過水, 最適合我相公D大水桶, 總括離講佢地D食物好正, 價錢好抵食, 好有誠意, 招呼又好好, 好似識咗好耐咁, 聽講個老扳兩夫妻都係做開文職工作, 可能因為咁所以好有心機做, 實是深井之福, 希望佢地可以keep住水準啦.

心思思, 再幫襯, 熱情後, 真冷靜; T B A , 沒兩樣, 賓客多, 是主因? 減蟶子, 省了蝦; 大換轉, 魚肉片!無失望, 是大話.

價錢合理,材料新鮮; 一個TBA, 免飲$45,清甜魚湯,番茄湯底,泡飯米線,任君挑選,味精欠奉,誠意十足,有四蟶子,一小扇貝,蛤肉四蝦,一小象蚌,天然滋味,如同自製!魚肉雲吞,鮮炸脆口,鮮榨果汁,再加八元.即叫即製,什有準則,烹調得宜,深井之福.