通記麵食專家

營業中

休息中

响旺記閒蕩，夠鐘食晏，想食碗麵，不其然又想起呢間老麵家...坐低，見到上幾次冇嘗試叫嘅鹵肉，於是嚟個鹵肉魚片雙拼麵....鹵肉用嘅係豬頸肉，食落質感滑溜，仲有少少入口即溶嘅感覺，出色，如果D鹵水做得更濃就更好...魚片食落隱隱帶有魚味，有少許彈口，不俗...麵送來時放响匙羹之上，係傳統嘅serving manner。吃一口，不太淰，鹼味亦輕....水準仍舊不俗。要响旺角食碗稱心滿意嘅麵，呢度跟好旺角可謂鐵膽...

成日唔知係旺角有咩好食,今次先看這裡果然有好發現,聽說最有名既係魚蛋,不過今次想吃牛丸跟牛腩,牛丸好正, 裡面有肉汁,牛腩也算不錯, 唔會太鞋,最重要既係,湯好好飲啊@0@吃完碗河粉,湯都被我喝光嚕而且雙併才$21,係旺角黎講好平下次一定再來試試出名既魚蛋XD

昨天跟女友到有十六個笑的通記用膳,約下午六時前往,發現只有我和另一枱食客,場面實屬冷清.坐下後看看餐牌,只有粉麵,想找其他飲料或小食也沒有.之後便向呀姐幫我落單~我叫了牛腩豬肉丸麵,女朋叫雲吞魚蛋米線.落單後又想想,食粉麵沒有可樂,就似中秋節食月餅沒熱茶.所以便向呀姐查個究竟,她說"有呀".便差不多等五分鐘才送到枱中.(相信他們是想幫我開個汽水蓋才等五分鐘,我會睇諒!)約十分鐘後,差不多同一時間來了兩碗麵.當然第一時間我和女友來個互相交換啦!真正食評如下:豬肉丸:普通(因我當時叫錯,我是想食牛丸,聽聞好出名)牛腩:好味.用快指一來唔散,肉和脂肪比率恰到好處,外實肉腍.牛筋:好味,入味,很有膠質,入口即溶.麵:普通,但湯底好正...雲吞:普通.不算很大粒,但勝在有鮮蝦味魚蛋:好味.我在街外很少食到如此味道的魚蛋,好特別同彈牙.真的要試試後來我女友也叫你一罐雀巢檸茶,原來才發現有罐裝飲品出售.還有牆壁上也可以看到餐牌沒有的東西.如:卥肉飯等.雖然效率麻麻,但食物方面補救,一定有下次!

通記開業五十年近年來常去幫襯去親旺角一定首選有時仲會買一些魚旦返屋企煮添佢地的魚旦好好味又少味精好香架有時買番屋企上左車香味傳出去好正另外魚角魚片都係一流牛筋牛腩豬頸肉鳳爪豬手都不差粉麵質地則一般唯一缺點是環境不太好

五一黃金週的旺角街上充斥著同胞,簡直水洩不通,沒什麼地方好去,惟有找些好吃的便打道回府.果然沒有選擇錯,店內只有兩枱客.一坐下,不假思索便叫牛筋撈麵,因為這裡除了地方不潔之外,所有食物都很有水準,價錢一般.兩分鐘便有得吃,份量和賣相不錯,這裡的麵一向都有梘水味,只爭輕重,爽滑的程度亦不差.牛筋的份量也足夠,下一匙辣椒油已經足夠,因為勁辣,但香氣則不足,因它自稱食素人士也可吃,自然是沒有葱蒜之類.主角的牛筋很淋,入味,是上佳之作,和著辣椒油是天下美味.是十分滿意的一餐.

响旺角覓食永遠係一個大難題。路過女人街，經過呢間老舖，號稱始創於一九五七年，有成差唔多四十年歷史，响呢頭確實係一朶奇葩。我對呢D舖頭永遠心存一份尊敬。唔試吓唔得la...第一次嚟，要試晒所有招牌嘢，莫過於叫個紫菜八寶米，嚟一個大包圍，再加碟炸魚皮...差唔多係諗到嘅配料都有--- 雲吞、魚皮餃、魚蛋、魚片頭、豬肉丸、牛丸、墨丸及水餃。每樣水準平均，冇一樣特別難食，亦冇一樣特別突出；湯底係標榜豬骨及地魚，但飲落非常淡，淡到好似白開水。可以肯定係冇添加味精...都可以嚟試吓ge...

今日下午經過想食熱野, 又做左功課記得呢間野好似唔錯! 一入去都幾多人, 間鋪細細都幾迫, 同埋地下濕濕咁, 環境唔得! 我見好多人食魚蛋河, 唔太好魚蛋, 就叫左個墨魚丸炸醬米, 以一間粉麵店, 我覺得佢地都煮得幾耐, 不過唔緊要我唔趕! 初初以為係湯米加炸醬加幾粒墨魚丸, 原來我叫左炸醬撈米, 三粒墨魚丸用湯上! 夾左一粒墨魚丸食, 好爽好脆, 唔錯! 炸醬好似五香肉丁既味, 不過, 就幾油! 我無食哂, 因為個底好油! 埋單收我十八蚊, 嘩...好平呀! 下次再試下蜂巢牛肚先!

落旺角拿件極難買的波衫，一向不太喜愛魚片頭，但不知何解是日想吃，行過這裡，見這裡的魚角都好似不錯，就叫了碗墨丸魚角米，加紫菜及多蔥，另外再要碟菜芯。大大碗，又好對辦。這裡是魚片頭是真正的炸魚片的兩邊頂，有炸邊的香口，又有魚蛋的口感，與許榮記那邊的炸薄魚片不同，食得過；墨魚雖然也是不夠重身，但彈牙有口感，都算實淨不會鬆泡泡的，也不錯。紫菜沒有沙，味道都好。湯底說是豬骨湯，有一點點味精啦。不過整體來說，已吃得過。加一碟油菜，埋單31蚊，都不是太貴。見這裡的鳳爪及豬手都不錯，下次會來吃這兩味。

話口未完又來試它的自製鳯爪了，叫了撈麵，十八元一碟，有六隻小小的鳯爪，是自製的，因為不是常見用油炸過的貨色，很淋很入味，汁水很濃，加上特辣的辣椒油，也很過癮，可惜今次麵有梘水味，稍為敗興．算是抵食的，味道不差和對食物有誠意，但如果可以揀的話，我會選劉森記．因為其他撈麵要廿五元一碟，湯麵要十六元，論價錢和質素，衛生都不及劉森記，因為除了陳設殘破之外，地方也很污穢．

很久之前己試過這店的牛腩,感覺ok,忽然又想食第二樣,今次叫了豬手麵,十六大元一碗,份量亦不少,比十元店稍大.有三件豬手.下午四時只有我一個客,似謀人寺多過名店,店內很多雜物,又亂又汚糟,可幸食物味道不錯,麵很幼,爽口,沒有梘水味.湯底不錯,味精不太多.豬手淋滑入味,稍為離骨,啜起來骨也有味.店內自稱魚旦,牛丸,魚角等都是自製,限量發售,下次要試試.這裡自稱辣油很勁,不是吹噓,而是真的有料到.甚佳.不介意地方,大可一試,不會失望的.

上星期去左兩次通記食粉麵, 因為呢間舖都幾好味架, 但係環境差左少少, d雜物好多。1/鳳爪魚蛋米: 湯底好濃好香鹵水, 鳳爪用鹵水汶到好淋好入味, 魚蛋就普通啦, 米粉較粗&硬身左少少! 2/牛筋腩魚角米線: 腩汁湯底好香濃(唔知係唔係用左50年呢?),牛筋腩都好淋好入味, 魚角(即係魚片頭)都算得上爽口彈牙! 每次叫會叫多一碟生菜, 10蚊大大碟又新鮮又好味, 抵食!

7.17(一)食lunch時間,特登遠遠咁行過黎搵食叫左碗鳳爪牛丸河$18+碟腩汁生菜$10呢到d鳳爪雖然夠淋,但我覺得唔夠入味囉至於牛丸唔係彈牙個隻,但好濃肉味,都算真材實料碟油菜太大碟啦~食唔曬~如果可以細碟d,平d就唔駛waste野~因為旺角好多面鋪都係$5碟油菜~

攞完電話去整之後一條友想食碗麵, 之後由登打士街行到差唔多亞皆老街, 為咗就係想食鳳爪麵。牛孖筋鳳爪麵- 牛孖筋有兩舊唔夠腍, 但入味, 其餘三舊就夠腍, 鳳爪入味又夠腍, 但又唔會成隻散晒, 麵來到時初嘗一口發覺有點硬, 過一會又唔覺, 仲覺啱啱好, 而家索咗D牛孖筋汁更正! 個湯底唔差, 成飲晒都唔係好口渴, 當然會食到有少少少精味喇!

琴日約左朋友仔o係旺角食lunch突然想起好耐無食潮式粉麵記得有人讚過呢度d出品唔差又黎識下係咪咁得手分別叫左牛腩河($16)同魚蛋鳳爪麵($18)牛筋淋份量又多但牛腩就韌左d結果放棄左好多牛腩店方自家製既魚蛋有魚味但就略欠彈牙招牌菜鳳爪入味而且炆得好淋一咬就得唔錯碗底仲有幾條生菜可惜麵就一般d仲留有好大陣皂水味但以呢個價錢計係食得過不過黎食要有心理準備要等同迫因為舖頭細但人又多搭檯係少不免架

15 May 2006 (Mon) - 晩飯返part-time前一個人既時間，就梗係食餐平靚正，呢度既鳯爪麵非常抵食，只需$13蚊碗，鳯爪非常之淋，仲有成四至五隻，湯底顏色雖深但一啲都唔咸！我仲叫咗個通菜，不過唔記得走油，所以略嫌多油．．．都係自己倫盡！不過$23蚊一個晚飯，又真係幾抵！