通記麵食專家

營業中

休息中

其實這店已幫襯多年,發現原來一直也沒有在這裡提起過!吃一碗麵其它的配套也很重要,除了喜歡用淅醋伴吃外辣椒油也不可缺少.這裡辣椒油的辣度是自懂吃辣以來最強嘅一間!豬手拼炸魚皮麵----這裡豬手的可以放心的吃!因為去毛去得好乾淨,炆得軟淋皮層吃起來很黏輕輕一咬已肉骨分離,部份骨頭更軟得可咬開吃到中間的骨髓.炸魚皮屬於厚身版本,吃起來尚算酥脆.牛腩拼鳳爪河----喜歡吃這裡沒經油炸的鳳爪,炆得軟淋入味!尤其雞掌中間位罝的肉,吃起來有爽彈的感覺.牛腩不是用上濃味的香料去炆,味道不算太強,夾起來更有點碎,咬下去卻非常鬆軟.辣椒油----辣的勁度很強,個人喜愛吃渣多過油,平常也不算吃得很辣,只下了3/4茶匙已辣得汗流浹背!相對亦胃口大開,所以每次也能連下兩碗.吃辣絕對會上癮,但要量辣而為!因為親眼目擊鄰檯一對男女,女的好意提醒唔好落太多辣椒油,男的不領情之外還不屑的說:"唔係淆呀嘛?"之後下了兩大羹…看他吃了一口後麵已立即丟下不吃,叫了兩支綠茶邊喝邊不停用粗口來埋怨女方帶他來這裡.

年初五, 仲放緊假. 本身打算去妹記, 因為妹記收得早, 次次都食唔到. 但係去到發覺佢初七先開. 冇計~~ 好在有Plan B. 做定功課, 就係咁, 今次就試左呢間喇.因為本來打算早少少食粥做早餐. 妹記冇開, 所以要周圍行, 當一搭正11點, 阿姐一拉閘, 就衝入去通記問, "開未呀?!" 問果時其實已經揾左張枱坐低左.黎得, 當然盡試佢D 招牌野啦... 兩個人一口氣試左...鳳爪拼豬手撈麵魚片頭拼豬肉丸湯河牛丸拼鹵肉湯米油菜一碟片頭肉丸河. 魚片厚切咬落頗彈牙, 還有一點點片頭獨有的香口"表面". 不過, 豬肉丸除左幾彈牙之外, 味道就冇乜特別. 質素同你行街買火鍋湯料d 貢丸差不多.繼豬油撈麵之後(安利也好, 鴻記也好), 呢個鳳爪拼豬手, 我覺得係最正嘅嘅撈麵配搭!! 曾經有一次, 我姑丈整左一碟鮑汁撈麵俾我之後, 就發覺呢d 膠質咁重嘅汁係同生麵咁匹配. 今次呢碟野一上到黎, 用筷子輕輕咁撈一撈起碟底果d 汁. 鳳爪同豬手兩樣煮出黎嘅汁, 濃郁幾近起膠. 生麵被濃汁依附著. 淨食d 麵都夠哂享受. 豬手份量不小, 鳳爪亦有兩隻. 同樣炆得好淋好入味. 唔夠喉, 叫多碗牛

成日都行唔返.搵唔倒間店(我認路係好有問題), 但係當家中果樽"通記自製辣椒油"食鬼哂,就迫自己搵返間店為止.....呢幾年,都搵唔倒一間既辣椒油係好食得過佢地自己炒既辣椒油!至於堂食，"牛腩魚餃河"，魚片頭，都係必吃；雖然佢地用既魚餃，係四海半斤盒裝果隻，但加埋Ｄ腩汁食，超正～！鳳爪都好掂架～！

是日本沙律陪皇太后係佢公司附近食lunch, 又係睇到各食家推介特登去試一鑊 平日大概lunch時間都係要等一陣位, 如果點半過後真係會好D 首推佢D魚角(魚片頭), 真係比好多乜乜連鎖麵舖正好多, 本沙律最憎油溢味都覺得佢咁樣少少油真係恰到好處! 浸入湯食個下真係有D似食煎釀三寶既魚蛋, 而且浸得耐又冇變味 另外試左豬肉丸同油菜, 油菜唔落蠔油都好好味, 豬肉丸又唔似雪藏丸 反而普通魚蛋同墨丸相比之下就失色D

之前o係openrice見到<通記麵食專家> (旺角通菜街89號地下) 依間有50年歷史的麵店的comment唔錯，咁今晚見唔係特別想食d乜野，又想食d唔係咁貴，所以就o黎依到一試。朋友就要了個炸醬麵 ($15)，我就要個墨丸牛丸河 ($20)。我覺得牛丸真係幾好食，彈牙又juicy，可以推介。另外叫了一個炸魚角淨食 ($18) & 一碟芥蘭 (好似係$12).......都ok好食......當然食依d粉麵，叫返支可樂雪碧先叫perfect！總括o黎講，都幾好食，湯底又唔係好多味精，價錢都叫唔係太貴，雖然環境坐得有點迫而且好似衛生麻麻，不過去得依d地方食粉麵，我諗大家都唔會預左坐得勁舒服 & 可以拎清潔獎吧？有機會會再o黎.......

今日到旺角食夜宵,唔想食太多野,朋友介紹左我黎呢度食碗面 = ]Order左個魚蛋粉加腩汁~~湯底真係好濃味~~~唔錯唔錯~~魚蛋都好彈牙~~不過麵的份量唔係太多,如果想填肚的可能仲要搭多條菜~~我食夜宵就覺得份量剛好啦~~

抄下地址,,去到,,諗唔起網上以咩為多人讚,,見佢魚蛋專家,又有鹵肉家鄉名就一於叫左以上兩樣送+埋雲吞,,等左3mins,,,先試d肉,成塊豬頸肉咁,,味道一般,,口感亦麻麻..勝在份量多,,有7~8塊度,,試埋魚蛋..的確幾彈,,彈得黎夠結實,,以前另一間試過彈牙..但原來可以多d唔同口感同時存在..至於雲吞遜色d,,味道..每度兩粒,,河粉就有d粗有d幼,,味亦麻麻地..唔知有無下次..可能要好想食粉麵時先會諗起...始終粉麵同甜品差唔多..大同小異吧..衛生扣一扣.分..剩返個位 本身唔想坐,,因為chair係正幾桶浸住d碗筷既桶度..另外碗野黎度岩岩好有隻野係"台面"游走左好耐..

已經幫襯了很久，但因轉了區上班，也很久沒來了；因又到了旺角，帶朋友來一試；仍然點了墨魚丸加魚角河，魚角仍是可口美味，但墨魚丸就細粒了，而且少了一點咬口感，有少少失望，不過河粉十分之滑，湯底也好好味．朋友點了牛丸魚旦，牛丸很好，實得來是爽口的，魚旦雖有魚味，但都是魚角較好．不過仍是會再來的．

這間老店己五十幾年, 都算係mk 的集體回憶呢!一早知牛丸正, 但也是墨丸大王, 兩樣都好想食, 但之前己食了不少魚蛋...解決方法: 和豬豬女友 share 碗麵喇!叫個牛丸墨丸撈麵先~ 再加碟菜.個麵一上, 嚇一跳, 蠔油浸住d 麵!點會咁架?筆了成個羹咁多的蠔油出o黎!好采d 丸正, 各有3粒, 牛丸勁彈牙, 好正, 必食!墨丸好細粒, 都很好食, 但牛丸正d.菜正常.係太多蠔油, 如果唔係會食得更開心.

牛腩魚片頭米粉牛腩很腍很好吃，喜歡它沒有被大量化學品炮製過的感覺。魚片頭也不錯，沒有我最怕的小魚骨和魚腥味。 墨魚丸拼雲吞墨魚丸比雲吞好；前者非常彈牙，應是新鮮製造；雲吞則有點來佬貨FEEL。 上湯浸菜芯沒什麼特別。在旺角想吃粉麵的但不想吸入過多味精的，這裡是個好選擇。

落大雨,費事行咁遠,行十秒唔駛嘅路程到通記食碗河粉當午餐.唔係第一次幫襯的了,之前印象麻麻,只記得牛腩唔好味同辣椒油勁辣.但咁都會再光顧,還是那一句:就腳嘛~~午膳時間客人稀疏,但都要等幾耐吓,等食期間發現幾樣嘢:一.衛生情況有待改善,因都幾多烏蠅.二.原來呢通記係有成五十年歷史嘅老店,老店一定有過人之處先可以屹立不倒.一定要發掘發掘!!三.午膳時間間舖都係得收銀,樓面,廚師三位員工,應該要等幾耐......今次點了魚蛋河,十八蚊一碗大大碗,河粉唔駛加底都份量十足,有四粒魚蛋+三片魚片+兩三條生菜,算係咁啦!!湯清淡如水,河粉唔係我鍾意*滑身嗰隻,呢兩樣都係水準以下,魚皮偏腍,魚蛋就出色,彈牙得嚟又夠香,僅次於夏銘記,辣椒油真係夠哂勁,堪稱全港最辣!但,不是最好.今次印象比之前好,但只靠魚蛋+辣椒油不足以叫我再來幫襯,除非又是另一個下雨天吧!

第一次在這裡吃麵點了至愛之一炸醬麵　＋　腐乳通菜客仔多，等了１０多分鐘先有得食炸醬麵　非一般炸醬麵，平時吃開的酸辣味濃肉細，今次吃的不酸不辣不濃少油肉粗，味道不同，但也不太吸引；麵就ｏｋ腐乳通菜：ｏｋ但收了我正價，因為炸醬麵做緊優惠～～平時最少吃的丸蛋才是招牌，下次懂得選了！

同朋友食LUNCH,叫左個墨丸河,魚蛋河,牛丸河的確都等了好一陣子先有得食...一碗有好多河粉,份量夠曬~GOOD!個湯底係清甜既魚湯底,無味精,算係唔錯架喇辣椒油又真係幾辣,食得辣既我都只係落兩匙,不過嫌唔夠香,光是辣係不夠的~河粉唔係好夠薄和滑身,下次會試下食麵!好似麵比較好吃的樣子....至於重頭戲牛丸咬落去有肉汁流出,幾濃郁既牛味~唔錯唔錯(只可惜我唔太愛粗丸...)魚蛋嫌佢唔夠彈牙...D肉質似乎太軟...灣仔潮興好食D~墨丸個人認為無乜特別,只可以講唔錯啦,唔會食落口好多麵粉咁老實講,18蚊咁樣大大碗,仲想點先!不過環境真係坐得好迫同埋感覺不大衛生(舊嘛....)有得encore!

以前o係附近返工,,差唔多一個禮拜有3,4日都去食"牛丸米"有日同友人o係旺角行街,,諗緊食咩好,,之後我suggest去!我地2個都食牛丸米,,本來友人對丸類食物都冇咩興趣,,但係試完之後都話好食!牛丸入面充滿肉汁,溶解左既油脂,,正!之前去潮州旅行,,試過o固度出名既牛丸,,味道真係不相伯仲,,而且d牛丸全部都係人手打,,唔係機整,,所以特別有彈性!!

D牛丸好得手而且好特別咬落去有牛油脂到口中令人回味不過食物出得好慢好似係逐碗出, 無淥定甘