通達食店

營業中

休息中

碗仔翅好味，很多料；但有味精，吃完後很頸渴！三寶米較抵食，$20有5-6 件煎釀三寶加一個米粉。

前日去左食豬油渣麵,湯底幾甜,胡椒味重,唔覺多味精;麵比一般白麵條粗,圓身,其實更似烏冬;加埋辣菜甫,冬菇絲,火腿絲,好好食.不過就都一路食一路抺汗,實在幾辣.p.s. 我係o係油麻地分店食,好似係地鐵A出口(唔肯定),寫住通達第二/第三分店,係孖鋪黎.

食生菜魚肉, 魚肉係粒粒,好味.但生菜略少.湯底好味.但味精勁重.口超干.

將魚肉切成方粒加生菜放湯, 又幾特別, 魚肉入口好彈牙, 湯底飲落幾好味, 以為下左唔少味精, 但飲完又唔覺好口渴。

我覺得d 野都真係幾好味...唔錯...=)

我以前都食過，覺得佢d碗仔翅幾好，又要料仲可以配埋麵。上星得期我再去食，覺得好失望，碗翅好杰，好明顯落得多漿粉得濟，我下次唔會再食lu~~~

嘩．．．呢度ｄ野真係好好食架．．．都唔知點解可以正到咁．．．哈哈～～又唔係貴喎．．．不過真正囉．．．．我就最鍾意食油渣麵．．．材料好夠．．．味道好好，又唔算太油．．．係就係多人左ｄ，但咁先代表好丫麻．．．每次去親個度都必會去個度食野．．．又便又正，行得支力支力地又可以去坐～～真係唔係唔係講笑～我就真係長期支持者黎既，由之前葵芳到而家ｍｋ呢間．．．ｅｖｅｎ油麻地呀．．．度度都成日去食．．．間間都好正～～～不過我就覺得ｍｋ個間就最好，最熱鬧！！你地話人ｄ魚旦貴，攪到即刻唔想食．，大佬呀，幾蚊串姐，都唔係貴啦，而且人地又熱辣辣又新鮮，好心你地就唔好咁講啦～～～你都要諗下，人地可能租又加．．而且又覺得經濟又好左小小．．．點解唔加呀，比我係老細都加啦，而且佢地都係加小小姐．．．我就覺得值囉，況且人地都係搵食姐～～～！食唔起咪唔好食囉．．．嘩～真係講一講，口水都留埋，聽日又去試下先。哈哈～～～

8/10 和亨亨叫了一人一個油渣麵, 一碟腸粉, 二杯豆漿，油渣麵幾好, 腸粉好滑, 亨亨話油渣麵幾辣, 腸粉唔夠熱, 我就覺得唔係好辣, 不過這間嘢好多人食, 地方好迫!!

通達D腸粉好滑.... 好好味...以前係附近返工時都成日買黎做早餐.....仲有柴魚花生粥....勁多料....好好味....

很久以前,葵芳也有一間同名小食店,佢地既碗仔翅做得幾好架,而且好旺場,不過之後不知為何關門大吉,某日,行經上址,發現此店,當然不放過機會,看看是否能重拾舊愛~~只吃了一碗兩溝(即碗仔翅加魚肉),翅本身稀杰適中,冬菇絲,肉絲等,亦都很足料,而魚肉本身軟腍適中,加一點麻油,再加多少許醋,噢!實在美味!能夠重拾久違了的味道,已很滿足矣~~因為吃翅時段,正值五時多,本來想再叫店內其他小食,但因晚上要和友人吃飯的關係,因此只能吃這樣,下次再途經上址時,必定再試其他款式,大快朵頤一頓~~

我鍾意食呢到o既油渣麵,坦白講,相比起深水土步果幾間,佢真係冇咁多油渣,但係呢到有火腿絲同冬菇絲搭夠,反而我覺得冇咁膩.記憶中呢到d 煎釀三寶,九菜餃子同雞翼都好味. 始終食呢d小食,熱鬼辣辣,都係有得坐係到食好d. 環境都算可以. 比起深水土步果d衛生. 雖然我都怕肥,間唔中我都會o黎呢到放肆o下gae! 通常我都會係到食完o野之後過隔離o既汁店買o野飲! 感覺好過又係飲奶茶咖啡汽水嘛.

我久唔久就會入去食因為真係好好味係旺角區最好味的一間！！碗仔翅，油渣麵真係好好味！正！不得不吃暢粉都做得好好，=)飲品方面奶茶涼粉冰不俗！食過這間，其他的都唔敢再入喇！必吃之選！

魚旦由三蚊加到四蚊串呀!! 雖然$4 唔係貴, 不過我以後唔會再幫襯了~以前$3會覺得"抵食", 加價後0既感覺係"不吃也罷"

哈佬呀各位～！．．嘿嘿～！小妹琴日行花園街．．經過一間小食店．．叫佢咁多人．．又好似好好咋咁．．就同我個ｆｄ入左去試下喇～！．．嗉．．雖然ｌｅｅ間野好多人．．好迫．．不過又真係抵咁迫架啵～！因為真係好好味架．．好味到你唔信．．哈哈～！＊我叫左一碗〝碗仔翅〞～我個ｆｄ呢．．就叫左碗〝油渣麵〞～！嘩．．．食到我停唔到口呀～！真係想叫多碗黎食．．不過太飽喇～！想食都食唔到．／．就唯有叫一碗外賣拎走～！又唔係話太貴～抵食！！！如果大家想食好野既．．真係要去試下喇～！＊就係旺角花園街之嗎～！好方便架～！．．真係諗起都想食也～！＾

以前食過lee 到既"痴"飯係即叫即包的.....熱騰騰的"羅"米包住大量肉鬆,脆既油條,炸菜.....都好大件......正ar......