通達食店

營業中

休息中

非常喜歡佢個辣魚蛋,魚肉本身屬於有彈性果種,辣亦可以入到魚蛋入面,真係好正!!!!一串$8既魚蛋只有6粒@@  唔夠候呀~~~魚蛋外亦試過佢個X米飯.....諗住一樣咁正....點知原來佢用痴飯既飯.....求其加豉油就算@@完全無"立"味既味道.......失望

花園街除了餐廳眾多之外，寵物店也是一樣的多，正好人在此，點都要做例行公事才得以安息...鼠鼠等我哦~!(衝~)雖然鼻敏感事後隨即發作但可以看到一眾肉體都是值得的，真正踏上歸途前，發覺肚子仍有5%空洞，便篤串魚旦吧。最就腳只有這間食店，八蚊六粒差不多啦(屯門價是一蚊一粒)。不辣魚旦但醬汁的色水都幾深色，甜甜香香最緊要夠入味，真是好味道。魚旦夠爽口更帶些微嚼勁，意料之外呢~我最怕遇到是碎濕濕 / 淋劈劈 / 粉雷雷的貨色。事後上網查看才得知此店是我都聽過不少次的通達食店，失覺哂，原來魚旦都是'名物'之一，呵...幸好今次無選錯呢。

天氣咁熱都無話想食好多野，所以就去食下o的街頭小食啦。o的辣魚蛋都幾彈牙，同埋個辣汁真係幾夠味！腸粉都幾滑o加！值得一試！燒賣就好似蒸得耐左o的，所以過淋！亦試左塊豬排，望就好靚啦，食落就干左小小。最後，我明白環保係一件好事，不過如果唔需要咩都放o係同一隻碟就好啦，因為o的味唔會溝得咁厲害！

展開了上課生涯，少不免要要遲一點才歸家，是晚又是上課的一夜，或許要吃小小東西才有點精神上課，是晚吃一點小食便可了。來到通達食店，是一間小小的食店，座位有限，而且來到時已經高朋滿座，還好的，進入了店舖，就很快便有座位，不用等得太久。在下不想吃油渣麵，只想吃混醬腸粉。店員送上來時，已經加上了麻醬和芝麻，在下便加上甜醬，麻醬和少許辣醬，除了這些，還有豉油在內。腸粉本身不夠滑溜，也不夠米香，只好把醬混在一起吃。其實當中麻麻醬十分香口，花生味十足，在眾多的醬料中最夠味道。豆漿是冰凍的，但只是一杯普通的豆漿，甜味十足，但是豆味微弱，豆味不夠濃郁。還好的，是在下對於腸粉和豆漿沒有甚麼預期和盼望，只是在於上課前後不致於餓過龍。

【通達食店】由它早在葵芳葵涌廣場營業時已光顧。及後知道其搬至油尖旺區,本人作為捧場客當然繼續支持啦~小時候最愛吃它的魚肉湯,除因為魚肉的造型呈正方形外,最主要每每見到店員在旁切魚肉時,本人就非常快樂, 份外親切 ^^但人大了, 最愛吃它的油渣麵。配料十足: 大愛之辣菜圃、火腿、冬姑、肥豬肉~麵質像烏冬~實話實說, 味精一定有~但多年的味道沒有變實屬難得!唯價錢就年年增長$2 而另一近期心頭好就是魚餅。其實就是魚肉湯的魚肉,不過大大塊,大件夾抵食。魚餅的外層煎得脆脆,魚肉又夠味,二人食三塊確實飽飽呢~結賬!!

好似小女呢D無好多錢又要貪靚既學生妹經常行花園街 食既就係街邊小食 而通達既魚蛋就係我呢個魚蛋控既首選啦通達既餐牌好正既辣魚蛋同燒賣 不過D魚蛋都真係叫有D辣嫁 辣係比唔辣既好食 唔食得辣既朋友要自己決定啦魚蛋8蚊6粒 燒賣都係8蚊黎多張辣魚蛋 就算你食一串兩串魚蛋都好 你都可以坐低食外賣兩串魚蛋起有兜~~ 可能你會話就係隔離就有龍津 5蚊串魚蛋咋但一分錢一分貨 呢間就係收貴D你 但係好味D呢到D煎釀三寶就唔係好抵食喇 10蚊三件 但真係一舊比出面大舊好多既但味道無咩特別得閒經過既買串辣魚蛋試下啦

街坊裝的sunflowerting除了喜愛外帶, 偶會坐下來觀察一下附近小店運作, 今次有空檔就來個中式brunch: 點選了必食三寶:腸粉, 碗仔翅, ,粢飯 (註: 可能您會唔認同係您嘅三寶!後兩者是外帶) 而煎魚餅是首次嚐試: 浸油的魚肉用了太多粉, 唔香口反而黏口 腸粉彈牙硬身, style 唔可以同布拉相比較, 唯鍾情其芝麻醬配甜豉油簡單香滑而已 粢飯: 糯米同內涵嘅肉鬆比例軟硬合適, 但本人喜少炸菜,故特別安排內涵的油炸鬼是附近粥店貨品, 故十分香脆~碗仔翅是重口味的糊仔, 肉絲,菇,木耳超多, 但亦不是本人喜好嘅style, 馬上要飲佢嘅淡口豆漿緩和一下 此店四周有大量強國人出入 , 在拍照前後五分鐘就看見吧

相信每個人都會有試過呢種經驗 , 就係突然會好想食一樣野午餐食完無幾耐 , 就一路個心諗住下午茶要去食魚肉翅 , 如果o個樣野係有可能食到 , 就好似我放工好快去到太子通逹咁食呢碗魚肉翅就會格外美味 , 整晚都會因為咁而滿足愉悅最慘係得個諗字又無機會食到 , 好彩 ... 我今日o既 target 不遠矣基本上通逹係我鍾意食魚肉翅同油渣面o既食店 , 其實好難取捨 ,因為一個人去食就只可以二選其一 , 再好彩 , 今日有 target 而來 1.魚肉翅 $21~ 最主要係鍾意食佢 d 一粒粒方丁魚肉 , 好煙韌好好趙 , 而且份量好多 , 魚肉味係少 d , 但勝在口感正 , 味道都唔差個翅配料有只木耳絲 , 粉絲 , 肉絲等 , 味道偏濃 , 帶少少甜味個人鍾意食濃味o既 , 呢個就最好不過 , 醋都可以落少 d 生菜o係最底 ,清甜爽脆 , 相比起魚肉粒 , 份量顯然比較少 2. 煎炸韮菜餃 $8／3~ 煎餃又係必食 , 好脆好脆 , 門口有個阿姐即叫即炸 , 新鮮熱辣皮好薄 , 咬開中間有肉汁流出 , 仲有好多韮菜 , 香口味美 ## 幫襯左通達都有六七年喇，雖然不停加價

是日, 因要等齊戲腳看電影的關係, 於是在花園街附近找了一個地方, 有坐的, 有吃的...跟友人提及很久沒有嚐試豬油渣麵了, 所以有見及此, 我們來到了通達!!見到這張Menu, 令一向偏愛街頭小吃的本人心花怒放 但今天是特地來拜會一下油渣麵的, 因此其他心愛的, 不可以點太多 豬油渣麵看似材料豐富, 但驚覺有點兒奇怪火腿?!?! 豬油渣麵有火腿的嗎?! 冬菇絲有點乾, 但辣菜圃份量剛好, 不會令到湯底太辣或太淡...麵質一般, 豬油渣有夠腍!!清湯底未免太清, 像開水一樣, 若點了走辣的麵, 不敢想像該味道!! 另外, 豆漿太淡, 是水開的嗎?! 煎釀三寶來了!! 比起其他的, 這邊的確實是巨大...人家是切四份一邊青椒時, 他們是開二份一出來的!!豆腐, 青椒和茄子都非常好, 但... 魚肉出事烏!!薄得不能夠再薄... 師傅們, 釀魚肉的功力有這麼好嗎?! 可以這麼的薄... 佩服!! 佩服!!特別新聞報道!!本攝制隊發現花園街某食店出現價值$8元的油菜, 但因物價騰貴的關係, 老闆可能為了節省開支, 決定只供予$2元的份量!!特別新聞報導完畢!!

不起眼的車仔麵小食店，但一行到附近即最到香味 ﹗就係依隻味喇 ﹗消失多年懷舊、童年既香氣 ﹗辣魚蛋呀 ﹗暫時即定依間保持此味道 ﹗一出油麻地地鐵鐵站，即時聞到遺忘左多年辣魚蛋咖喱汁既香味 ﹗絕對無錯 ﹗係十幾廿年前濃郁香辣既味道 ﹗諗都唔洗諗，坐低同女友每人兩串慢慢嘆。依家係市面上近年冒起既小食店完全做唔到依個質量 ﹗推介必食魚蛋檔。搵日我一定要黎食佢地既咖喱車仔麵，正呀 ﹗辣魚蛋呀 ﹗魚蛋口感一流，彈牙又有魚味，並無偷工減料。最緊要個咖喱汁，就係細細個最地道古法既味道，超香濃味美、啡黃色又杰達達既汁。

位於花園街內的通達食店已經經營超過十年了，主打一些香港地道的小食，例如魚蛋，燒賣，腸粉，煎釀三寶，碗仔翅，油渣麵等～每次到這店也是人頭湧湧的，而且搭檯是必須的，油渣麵及腸粉是最多人叫，油渣麵不只油渣，還有香辣菜圃，冬菇絲及火腿絲，比起平時食的油渣麵豐富，但是油渣麵很肥，差不多完全沒有瘦肉部份，我喜歡食半肥瘦那種。腸粉（＄10，4條）（＄12，6條），甜醬及辣醬可自行添加，味道OK，但腸粉不算太滑～辣魚蛋很香辣，辣中帶甜，很惹味！但是魚蛋欠彈性，魚味不夠～煎釀三寶很油，尤其是茄子，青椒，吸滿了很多油，但是很大件，算低食～生菜魚肉翅很多料，有冬菇絲，肉絲，木耳絲等，加了魚肉粒及生菜絲更加豐富，另加辣菜圃更好味，增加口感～豆漿淡而無味，應該溝了很多水，跟餐加＄5就有了，請不要抱太大期望！整店的小食中規中距，雖然不至於美味，但是總帶着很多小時候的回憶～

傳統香港小食, 當然是魚蛋, 魚肉碗仔翅, 燒賣, 腸粉. 今日經過花園街呢間食店, 長期都係好多人在外面排隊等吉魚蛋!! 其實巳到晚飯時間, 但我同朋友都唔餓, 所以就入去試下魚蛋同魚肉喇~!咖哩魚蛋好彈牙, 咖哩好入味. 食完一粒又一粒魚肉就唔得喇~ 湯有少少味, 自己加左大量既胡椒粉先令到湯底好味~魚肉份量雖然多, 但冇特別~白菜數片, 叫做有d 菜~~不值推介~凍奶茶叫左少甜都係甜~明明落左單, 但阿姐都係唔知邊個叫左~ 拎住杯野周圍問人...=_="環境惡劣就預左~間唔中食下都ok~不過可能真係吉串魚蛋就夠喇~~~

呢間店.無服務.無裝修.但竟然同一條街有2間店..一間食小食.車仔麵.另一間賣粥..我來呢間店的原因只是路過同等免費報紙...入到店內選了一個面壁位.之後點了1個3餸米粉.加豆漿...豆漿:無味的...同水無分別....3餸米粉...豬腸:一定有加化學.硬到似橡膠一樣..難吃!豬紅...份量多...彈牙.反而唔錯...雞翼.又硬又實.....好似煮完又煮咁......

行街肚餓, 選擇左黎呢度食野~ 呢間店成日都好多人, 一坐低叫個油渣麵先~一黎到即刻比讚~因為真係真材實料~食落辣辣地, d菜脯好正, 油渣都好厚下, 食完之後飽曬先廿幾蚊, 完全係抗通脹的表現~

今晚做完瑜伽. 去到己經晚上九時了. 雖然佢過多幾個字就關門了~ ,食物一樣很新鮮.,.,. 兩份煎釀三寶沒有用舊油.. 新油整. 足料, 大大件, 好好食.. 每次食完, 回家後都回味左成個星期.. 心育育好想再出去食過. 兩份燒賣., 今日好似實左d. 但味道冇乜差過.. 係我至愛.. 今日試左個腸粉. 唔怪之得咁多人食啦. 好滑阿~ 夜晚唔洗點食飯.. 己經好滿足~ 仲有好多款. 要等下次去試~ 兩人夾埋都係食左33蚊. ~ 真係好鬼抵.