連泰食府

營業中

休息中

野就幾好食、不過個女待應服務真係西到極點因為係訂位前一日已經落左幾個菜、訂左8點，8點去到仲要等15分鐘、咁我訂位做咩、入到去坐低咩都唔同我地講、直接上菜、之後叫佢拎野彩都唔彩人 、好食又點、絕無下次

老友生日再黎呢間太和附近既小店同佢慶祝生日🎂座位係壁少少😬但食物質素搭夠‼️💓魚香茄子米粉底魚香茄子🍆本身味道十分濃郁惹味🤤放係極少地方有得食嘅煎米粉底食落外邊脆卜卜😬中間既魚香茄子軟淋入味👍💓沙拉豬扒每件豬扒肉質軟淋😊拌入廚師特制沙律汁🙂酸眯眯讓人食得更滋味😎💓尖椒肥腸口感爽彈帶嚼勁肥腸加入小尖椒🌶️青椒和爆香的乾辣椒洋蔥🧅炒勻真心越食越過癮😊💓金銀蛋油麥菜用三色蛋包括皮蛋鹹蛋及雞蛋煮成😬油麥菜保持嫩綠爽甜😬 味道都非常不錯‼️

蓮藕煎肉餅上台係六大塊好厚身，一咬落去係好有口感，外脆內軟同好juice，齒頰留香！藥材雞煲 招牌菜就係走地雞，好足料，有紅栆，桂圓，杞子，成煲養生鍋咁。雞肉同雞皮之間無覺得會好多脂肪，咬落軟綿綿又好鮮味，真係物超所值！

之前家人食過大讚，試過兩次訂座都滿座，今天晚上六時竟然有位，開心呢。點餐：砵酒蒜芯炒煵片啫啫芥蘭煲客家釀五寶二人前．撐枱腳客家菜．中菜館味道適中送飯一流，足料大碟，兩人用食得很飽。

呢一間小炒係朋友極力推介嘅，本來以為小炒會好似大排檔咁，點知佢嘅裝修都幾靚幾乾淨，令我食得好安心我哋一行人三人，一人叫咗一個菜，仲叫咗兩杯酒，食到一半非常飽😂😂😂我自己最鍾意嘅就係呢一個嘅千島肉排，雖然個賣相你估唔到係啲咩，但以味道來講似係咕嚕肉，非常之開胃，而且啲肉好嫩，送飯非常之啱 胡椒湯味道就不過不失啦，但就真係好辣囉，怕辣嘅朋友千祈唔好叫，一定要喪飲水之後呢個唔知係咪蒜香黑椒牛仔肉，都算幾辣，但就非常之開胃，而且依種辣度我都接受度，黑椒汁唔知係咪因為落咗三椒同洋蔥，所以係幾香甜

同朋友慶祝生日，因為想轉下口味，所以就去左食中菜。咁佢就推薦去食尼間小炒。因為我地人太少，所以叫既野唔多，如果下次去，多D人叫多D送會開心D。咁我地叫左個胡椒豬肚湯。原本諗住胡椒辣，唔會好辣。但原來唔係，飲到我地個個都伸晒脷。但係我覺得佢真係整得唔錯。因為食落豬肚好脆，食落就知個豬肚係新鮮既，唔會話放左好耐放壞晒既豬肚。同埋佢完全冇內藏味，所1如果唔係咁辣既話我應該可以成煲飲晒佢。同埋最特別係佢加左娃娃菜落去，所以有好多菜食之餘，又唔會話好鹹。另外，我地仲叫左千島肉排。佢唔會話好膩，因為佢唔係只係用千島醬去烹調。佢仲用左類似咕嚕肉既汁，所以加埋一齊唔會話好膩，仲好開胃。所以鍾意食酸酸甜甜既送既話，就可以叫黎試下。同埋有興趣可以試埋佢既德國手工啤，有D有果香味，都幾易入口，送飯一流!