逸月軒

營業中

休息中

出咗荃新天地睇戲📽️近近哋附近間酒樓飲茶,環境上算光猛闊落嘅,都多食客,但係人手不足夠,冇乜招呼😅仲要舉咗好耐手先有人睇到😅點咗以下食物:水晶蝦餃王黑毛豬叉燒腸金粟煎花姿餅芝士長春卷芝士蘿蔔絲酥燒鵝拼燒肉飯上菜算快、點心整體不錯,全部都熱辣辣,只是略嫌” 黑毛豬叉燒腸”及“水晶蝦餃王“皮睇落好精瑩通透,但係皮有啲黏口,攤凍咗仲會硬,影響口感,我就不喜歡,其他都算可以, 芝士蘿蔔絲酥嘅蘿蔔一絲絲的口感不錯,只是芝士不夠拉絲,..另 外其他味道ok...最緊要夠熱！不過呢間酒樓有人參烏龍,不是間間有,茶有蠟燭台熱住茶,可以keep住温度,算係甘😅

假日竟然唔洗等好耐，食完就知原因。呢間茶樓食物質素唔掂，味精多，價錢貴，性價比極低。侍應態度欠佳，舉手無人回應，尤其一男侍應，大声兼無禮，唔會再幫襯。奉勸大家荃灣多茶樓選擇，唔洗揀呢間。

第一次見到小籠包係咁既樣, 好特別, 大大隻係加埋啲湯咁食, 咁就唔驚佢穿啦, 味道亦唔錯.湯料好足, 唔會太鹹.燒賣有啲貴, 上面放佐啲櫻花蝦, 味道不錯, 够熱.馬拉糕唔會太甜, 熱辣辣, 啲熱氣keep到好耐都唔會散, 好食虎皮尖椒反而麻麻地.茶有keep住溫度, 唔怕凍晒

同屋企人假日飲餐茶，係要搵間酒樓座位闊落同感覺亮麗d！逸月軒位於荃新二期，周末中午幸好細桌不用等位～假日午市茶位$16/個揀左最common嘅香片，花味好香，茶亦濃郁如果家有長輩好注重茶葉，呢度很可以！假日亦設有優惠午市點心或抵食套餐！呢間酒樓係用QRcode 落單午市套餐 $208五香滷牛展 目測都有9-10塊左右，滷得好淋好入味蟹籽燒賣皇 燒賣大大粒，冬菇幾香～唯豬肉部分肥左sd豉椒蒸排骨 排骨調味幾好，墊底芋頭粒粒好淋入味沙嗲芥蘭牛河 河粉份量好多，牛肉食得出採用靚牛肉濃濃肉味！蝦餃皇2粒 假日$22蝦肉爽彈飽滿，很不錯！

消費券出 ，酒樓超多人。等位子很快，但很難找到服務員。除了收銀機那位不理睬人的女士以外，部長算不錯，先後換茶水，開單，帶位。皮太厚，食落一般。正常口感。紫薯味 ，公仔很可愛，味道不錯。好食，汁很香，量也多，開胃。也是不錯，很大粒新鮮。一粒粉果7粒花生，然後什麼都沒有。就是粉皮包花生自己，也不好食。感覺一般，上枱時賣相也很差，味道正常。金錢肚，有點辣，好食。這個好吃，很熱騰騰，層次分明，味道也好。好長一條，味道不錯一餐506蚊。

早排同女友行開荃新天地2期揀咗一間中菜酒樓叫《逸月軒》食晚飯，因為喺荃灣食飯來來去去唔係燒肉就去放題一係就打邊爐都食到有啲悶，所以決定轉轉口味揀中菜，行過又見倒呢間酒樓正門口同入面裝修都幾光猛同新淨，樓底幾高啲座位set得唔會好密睇落都坐得幾舒服所以就揀咗呢間，入座後睇餐牌都有好多選擇，但係我哋得兩個人最後揀咗個二人海鮮餐，因為呢個餐樣樣都有唔洗煩又有我哋鍾意食嘅海鮮同埋價錢做緊限時優惠$488都幾抵食已包以下菜式: 1.上湯焗西澳龍蝦伊麵(一隻) ［龍蝦上枱時睇倒肉質飽滿食得出鮮味，係新鮮貨同煮法用上湯焗唔會好似芝士焗咁漏，而且伊麵份量亦幾多一定夠飽，出面街市買隻西澳龍都過200蚊，仲要未劏未煮呢度絕對抵食］2. 古法蒸龍躉斑件(一份) ［ 蒸煮得剛剛好，魚肉肉質鮮嫩充滿骨膠元］3. 蒜蓉粉絲蒸鮮元貝(兩隻) ［ 蒸得入味香口， 水準之作］4. 燒鵝拼叉燒王(一份) ［ 燒鵝皮脆肉嫩，叉燒係半肥瘦有小小燶邊，這種口感最好食］5. 蒜蓉炒菜心(一份) ［ 蒜蓉炒菜正常水平］6. 精美甜品 (兩位) ［ 是日糖水係紫米露，飯後整番碗熱糖水真係甜在心頭］今餐都幾豐富真係食齊哂海陸空，呢度啲

同男朋友仔無見4日，如隔十年，就算忙，都要搵佢食飯，2個海鮮怪去唔到大牌檔食海鮮，但都決定係茶樓叫海鮮二人餐！首先，以茶樓黎講環境滿分，好濶落，光猛乾淨，連茶杯都靚過人。食物上菜好快，第一碟係燒鵝拼叉燒，勁lucky,有鵝髀食！主食係龍蝦伊麵，足料，啖啖肉，個伊麵吸晒上湯既味，真係唔比海鮮餐廳失色！份量絕對不只2人，最後食唔晒，好可惜元貝大粒好味，蒜同粉絲比例都OK，2個人差d連汁都食埋！和對的人在對的地方吃對的食物滿心滿足！

在宣傳和酒樓門口都有特價菜，於是定了6位昨晚6:30pm食飯，朋友從香港和嶼山到來一試！於是5:50pm 再打電話再三確定有特價菜，但是到齊後說沒有，經理態度極差說不知道亦不負責其他職員的確認！拉隊走人！本人－直以酒樓作飯堂早年晚餐！但是大大失望，經理大支野，服務非常差！😡😡😡

今日同朋友去荃灣行街，經過荃新天地有d肚餓，朋友話想飲茶，見到有間叫做逸月軒酒樓，門面都幾靚，仲有好多款特式茶選擇，咁就入去嘆茶啦！坐落我哋叫咗我至鍾意的人蔘烏龍茶，唔係咁多酒樓有供應，味道唔錯。酒樓地方寬敞，唔會有壓迫感，點心就可以用手機或點心紙落單，都幾方便！先叫咗一籠二粒鮮蝦餃，大大隻鮮蝦，皮薄蝦新鮮都係特價$19，真超抵！黑毛豬叉燒腸，就肉香腸粉滑。生滾龍躉魚粥，粥底香綿加入龍躉提鮮，好味至極。乳鴨肉嫩香滑又juicy。天鵝香芋酥，外形美觀，廚師炸得鬆脆，芋泥包住肉粒係我至愛。最後朋友話要食甜品，我哋揀咗咖啡糕同紫米露 ，咖啡糕唔太甜，有香濃咖啡味，軟硬度又啱啱好，係我食過最好味的！整體這間酒樓的出品有酒店的水準！結賬唔駛三百蚊，都算抵食！

好少去荃灣會無諗食乜，太多好嘢可以食，但因為ad hoc去朋友屋企，於是就去咗呢間餐廳飲茶。前日去大公館飲酒，全因朋友話呢度有啲好靚嘅點心，話係荃灣都差唔多。朋友咁講，我當然信，因為咁啱喺荃灣有嘢做，就咁決定啦，就去逸月軒。呢度值得一讚好多茶葉選擇，然之後個茶壺都好靚。估唔到呢間地區酒樓，雖然唔係好出名，都有咁多得意點心。唔同類型嘅燒賣，仲要有魚翅燒賣，然後又有好靚嘅豆沙包，蝦餃亦都非常大隻，仲要有好可愛嘅樣嘅豬仔，全部都好似澳門8咁，當然呢度平好多。除咗點心之外，都試咗佢個燒味，叫咗個油雞河粉，中規中矩。出奇地荃灣咁多住客，但係呢度飲茶都唔算話逼得好驚人，等位亦都唔算等咗太耐。

飲茶是大多數的假日活動，今次發現荃灣有間新酒樓逸月軒，在荃新天地二期。假期的午市抵食精選。精美點心、炒粉麵飯熱茶用小蠟燭保溫香芋天鵝酥 $36造型相當可愛精緻！咬開有軟滑的芋泥，中間夾雜著香酥的鵝肉。點心拼盤 $28有蝦餃、叉燒包、豆苗鮮蝦餃、甜品叉燒包鬆軟多餡，豆苗鮮蝦餃皮薄餡靚，不知道拼盤有，又另外點一籠。燒汁煎雙寶 $33大大件賣相一流，茄子夠厚又多魚肉，而且不油膩青椒的魚肉都十足，這個有點辣，惹味。雙面黃肉絲炒麵 $118炒麵炸得乾身香脆，有肉絲、冬菇絲、芽菜等用料夠多。

Friendship never ends, 今晚就同老同學一齊食餐飯 , 傾下啲那些年的事。我哋去佐「逸月軒」叫咗個「海鮮二人餐」。海鮮二人餐，菜色如下。燒鵝拼叉燒王，叉燒燒到好香口，又軟又淋，係半肥瘦好好味 ；燒鵝皮脆肉香，好嫩滑，比元朗啲街邊嗰啲燒味舖好味得多。蒜蓉炒菜心，蒜頭炒得好香，夠鑊氣菜，心鮮甜，夠油水。古法蒸龍躉斑件，龍躉皮好好食，龍躉肉又香又滑又夠嫩，有魚味，唔係太油膩，都唔係好多魚骨。蒜蓉粉絲蒸鮮元貝，元貝好新鮮，加埋蒜蓉粉絲，真係一流，好有鮮味。上湯焗波士頓龍蝦伊麵，賣相好見得人，龍蝦大大隻，又厚肉好有龍蝦味，上湯好正，夾埋個伊麵食，真係好豐富，豪華感爆燈。最後仲有兩個甜品送真係100分 友誼都是一百分！！

今晚食物全部味道好鹹，沒法吃多些，本想唔浪費，奈何真的沒法吃下。 是否食材唔新鮮才需要添鹽？叫了一枝藍妹啤酒，埋單卻寫了2枝，請收銀員跟進，居然拿別張檯單來和我們話是寫兩枝，我請她對檯號，她才察覺。她又話是入單同事記錄兩枝，到這種情形仍然為自己辯護？弄到最後當然她需要更改！真可惜，今時服務態度與食物質素的確沒法留住客人再入嚟飲茶吃飯！

飲早茶，對於依家年輕一輩來說，真係好少會去，但係對於年長嘅一輩來說，就係佢哋每一日可以同朋友傾計嘅時間；今次如果唔係因為好早有事要處理，可能我都唔會有機會嚟飲早茶早茶時段，成日都有啲孖寶這些特別優惠，就算一個人嚟食都可以用一個相宜嘅價錢食飽，而且款式都唔少水晶蝦餃（兩粒）$20雖然看似$10一粒蝦餃有啲貴，但不論去到邊度，蝦餃永遠都係特點呀，大點咁，其實除返開，其實都差唔多價錢，所以難得食一次也沒有所謂；而且佢啲蝦餃都大大隻，唔算好厚皮，唔會皮一半陷一半咁，內陷都好足料，真係有一隻完整嘅蝦係入面，唔會剩係得啲蝦蓉咁鮮蝦炸雲吞 $26既然咁耐冇嚟飲早茶，當然一定要叫返啲細細嗰好鐘意食嘅炸雲吞啦，外表上和小時候的都冇甚麼分別，不過陷料就少咗好多，而且明顯是翻炸的，因為油感好明顯，不過配上旁邊嘅甜酸汁一齊食，也不算難食超級孖寶 $39.8孖寶就叫左一份蜜汁叉燒腸和鮮蝦菜苗餃；叉燒腸我相信很多人都鐘意食，依一間嘅叉燒腸味道都唔錯，雖然皮厚左少少，但係叉燒嘅份量都幾多，再加上甜醬汁，配搭一齊食就一定冇輸！鮮蝦菜苗餃都算晶凝通透，皮不算好厚，不過菜苗餃嘅皮原本就比較厚少少，內陷蝦肉嘅份量就唔係好多

我哋10人食飯，一間酒樓咩都冇得食，叫左餸成半個鐘，逐樣逐樣嚟同我哋講話冇，最慘叫咗隻片皮鴨，又話冇片皮鴨，跟住又話龍躉肉有冇，但係見到佢又片皮鴨畀第二張枱，我哋叫咗成半個鐘喎，六碟餸又兩碟已經話冇，咁即係叫我哋唔好叫我起身走人啦梗係，火都嚟埋仲諗住要我哋俾茶錢😡