影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
相關文章
早陣子在附近的店吃了不好吃的雲吞，於是這晚決定來逸東餃子食餃子🥟來補足一下胃口！餃子的口味有十種可選，湯餃、煎餃及蒸餃都有，惟煎餃是不能雙拼口味的啊！湯餃的湯底只有兩款，分別是招牌蕃茄薯仔魚湯及酸辣碗仔素翅，今次只試了前者。蕃茄薯仔魚湯像家中煲湯的味道，淡淡魚的鮮甜。這次共點了3款口味的餃子，餃子大隻，餡料飽滿，餃皮厚薄適中。雪菜蝦酥鮮肉餃 (10隻)，雪菜味道不會太濃，能嚐到蝦味及肉味，食材的味道平衡。咖喱雞洋蔥鮮肉餃拼粟米芝士鮮肉餃 (10隻) ($64)，雙拼口味加多$2，前者的咖喱味入味，香得來又不會蓋過肉味。個人最喜歡的是粟米芝士鮮肉餃，一咬開就見到餃子內充滿芝士，芝味十足，加上粟米的香甜及肉的鮮甜，好吃！鮑汁豬手 (3件)，豬手炆煮得入味，鮑汁微甜，豬手有咬口，爽口彈牙，不會炆煮得過稔。這晚總算滿足了一下想吃餃子的食慾。
繼續閱讀
Random搵到的餃子店，有驚喜！鍾意呢度嘅餃子皮厚度適中，咬落有口感🫶🏼同埋想特別讚吓佢嘅蕃茄魚湯🥰非常鮮味，每次食完10隻餃子都仲會飲晒啲湯！冇口乾！🥟芫茜胡椒餃 拼 大白菜鮮肉餃 配 蕃茄魚湯 🟢重口味之選！出色個位係芫茜同胡椒竟然夾到好和諧，兩㨾重口味既材料食落口有種心癢既麻感😆非常好食🥹但都揀饕客，畢竟唔係個個都頂得順芫荽🤭大白菜餃就不過不失，肉唔係特別肥，冇驚喜，但都係安全之選🤓🥟韮菜鮮肉餃 拼 麻香三椒鮮肉餃 配 蕃茄魚湯🟢韭菜鮮肉都係安全之選，食得出啲菜都新鮮嘅🥕調味偏淡麻香三椒是招牌，的確好少舖頭用三色椒做餃子餡，作為唔鍾意食三色椒嘅人我必須要講佢仍然有陣青味，但因為加左花椒油中和左好多！多咗種風味🧘♀️鍾意食三色椒嘅朋友食到欲罷不能😆🥟煎黑松露香菇餃🟢有驚喜！用左新鮮東菇食到一粒粒好有咬口🥹混埋黑松露癖咗草青味，一啖接一啖，係略嫌有啲油姐🥹不過都好味的
繼續閱讀
出得街食得晚飯，閒閒地都過百銀💸💸想食平啲就會諗起逸東餃子🥟1️⃣蕃茄魚湯已經出晒名，每次都會飲晒。配芝士豬肉餃子（6隻$48），皮薄到可以透到啲饀嘅顏色，芝士份量加得恰到好處，好味。2️⃣涼拌拍青瓜（$18）唔辣，好香醋味，仲好似有少少話梅味（？）夾埋好啱胃口，好開胃。3️⃣豆腐片（$18）係滷水汁，似腐皮豆腐咁，但太索汁有點偏鹹，配青瓜食會清爽啲。💮晚餐食三樣嘢$84，平。靚。正。😼
繼續閱讀
食物普通, 唔算驚艷, 湯味偏淡, 同老母滾魚湯咁上下服務就係無服務, 行入去無人招呼, 唔緊要行埋去諗住講聲外賣, 喝我稍等, 好, 我等俾完錢等15分鐘攞外賣, 我接受15分鐘後返去, 袋野喺枱面, 望一望我, 無反應好, 自己攞囉, 成件事就完喇我真係好想撐本土, 但係收起自己既傲氣先啦各位老闆
繼續閱讀
作為大埔人，都幾慚愧自己好少食好多好好食嘅餐廳。今次嚟到東昌街呢邊，就想再試真啲呢間餃子。嗌左個椰菜木耳豬肉（？）餃子酸辣翅+通心米線，咁多野都係$50 大大碗。平時冇乜機會食通心米線，係好食嘅通心粉質感，但係長version😂軟硬度岩岩好~碗仔翅夠味（酸辣！），git6度都夠，米線都吾少，餃子好食幾飽，非常物有所值$50！下次會食一樣嘅xd
繼續閱讀