逸翠軒點心專門店 (已結業)

一家人出街食飯，雖然要揀經濟實惠，但耐唔耐食吓buffet或放題亦無不可。最近嚮長沙灣食火鍋放題，每人送多一籠即蒸點心，埋單平均$170左右，算是攞到平衡。老實講，如果點心件數由3件加到4件，賣相會好好多。Anyway, 韭菜餃幾好，層皮夠晒簿。辣雞煲份量爆燈，好入味添! 正常食得晒都經已七成飽。火鍋配料亦好有睇頭，大蝦、肥牛、魚腩、冬菇、生菜...叫做樣樣都有d。光睇賣相及色澤，都知新鮮! 雖然話係任食，份量關係，嗌多一轉肥牛便停手了，好滿足!

返工咁攰！放工梗係搵好嘢食， 星期六嗰晚揸車經過長沙灣見到這間逸翠軒門口貼住 食點心＋雞煲＋火鍋＋任飲，每位$168另加十蚊醬油免加一， 所以星期一放工立即去食。 一坐低店員送上兩籠點心， 有燒賣，粉果， 鮮蝦菜苗餃。 三款點心的味道都很好， 燒賣大大粒有肉汁， 粉果和鮮蝦菜苗餃皮薄餡靚。 之後就到雞煲了，店員還會一次過送上火鍋配料。 飲品是自助的， 啤酒，汽水，檸檬茶， 自家製椰汁西米露。這裏的雞煲做得很入味， 雞肉又滑又嫩，我點了微辣， 入口又香又惹味， 份量也很多， 兩個人有半隻但係都食唔曬。 火鍋配料有豬肉，牛肉，蝦，豬潤，丸類，魚， 青口，冬菇， 菜類。 第一次送來的份量已經很多， 兩個人基本上都係食唔曬， 打邊爐的配料很新鮮， 豬肉和牛肉肥瘦適中， 海鮮類好新鮮， 丸類爽口彈牙。整體來說百幾蚊一個人就可以食到點心，雞煲和打邊爐， 仲有任飲添！真是好抵！

夜晚收工約左朋友一齊去逸翠軒飲茶同食雞煲，地方寬廣舒服，坐左好耐都無人趕晚市都幾多人,大部份都係依雞煲,聞到都幾影幾好味,我地都叫左一個 我地叫左個雞煲同一D點心，款款都好好食！雞煲好豐富,雞肉彈牙唔會太淋，夾埋其他絲食都幾爽口，好味！食完小食好快就上埋湯，可以打邊爐,食完都開始飽飽地小食就揀左最出名既百花釀鱼肚，極力推介！入口非常鮮嫩多汁，值得encore雙色蝦餃好鮮嫩，蝦肉好新鮮,一D都唔油膩👍馬拉糕幾香口,味道不錯👍總結:小食同雞煲都唔錯,值得再來

經常打邊爐的我，今日又食火煱放題。這火煱店的格局似餐廳多一點，也沒有多數火煱店都會有的 "煙霧瀰漫" 和 "喧嘩"，感覺會是舒適一點。入座時冇留意，坐定定才知呢處的放題是包點心併盤的，算是bonus。當雞煲滾起時，陣陣痳辣香氣撲鼻，倒是惹味得很。火煱食材雖是任點任食，可是第一盤上枱的雜錦配料實在太大盤，不用叫第二盤已食飽飽了。除了罐裝汽水和啤酒任飲外，還有自家製的椰汁西米露。飲得多汽水，轉吓口味都唔錯架!

做老闆的成日講要資源增值，做食客的也希望同一個價錢，份量越大選擇越多質素越好; 所以，坊間有很多火鍋併刺身/海鮮/安格斯....，今日食的雞煲火煱配點心拼盤就比較少見。坐底先至知，原來呢間食肆係翠河集團旗下的，那質素肯定是有一定水準。點心全部是即叫即蒸的。辣雞煲的份量頗多，我唔肯定有冇是否全隻，但目測肯定不少於半隻。雞煲隨後上的火煱配料雖然款式不是太多，但質都唔錯，特別是肥牛--很多地方供應的任食肥牛都是肥肉居多，這裡郤不是。飲品也是任飲的，選擇確實有點少，但相對價錢$170有找，那就是超值。

羅白糕和春卷這兩款點心都是高度推薦，適合IG打卡，而且外形也不錯，春燒肉汁鮮美,羅白糕也口軟熟,十分足料。羅白糕美味程度：💛💛💛百花釀魚肚,餡料十分新鮮，入口不錯，而且份量頗多,以這價錢來說實在抵吃美味程度：💛💛💛💛💛燒賣的蝦肉爽口彈牙，滑嫩鮮甜，外皮薄而鮮，非常好吃。美味程度：💛💛💛💛💛美味程度：💛💛💛💛這道灌湯餃也是十分足料，入口吃到大量餡料，十分新鮮,配上醋汁也是十分可口。而且上桌時還是很熱的。招牌雞煲美味程度：💛💛💛💛雞煲味道很香，雞肉彈牙滑嫩，份量也很足。而且不算太辣,辣味反而令肉質更香,更可口造訪當天，餐廳職員很願意與客人作簡單的食物介紹，這方面值得一讚食物質素：💗💗💗💗環境衛生：💗💗💗💗💗服務態度：💗💗💗💗餐廳氣氛：💗💗💗💗💗價錢抵食：💗💗💗💗再訪意願：💗💗💗💗

Dinner 約咗人傾project，所以想搵間唔迫，又唔趕人走的餐廳。見到呢間grand grand 地，人唔多，食點心飲茶一定唔會比人趕走啦！本身以為貴貴地，點知好抵食。雖然已是晚市，但特價紙依然點得！黃色紙仔最抵，$36 有點心加粥。其他散叫都唔貴，even 平過平時酒樓食。粥都好大碗，味道正常。老雞湯好足料，有好幾塊肉。菜苗餃大大隻咦，除了茶位，無收加一！3個點心+1粥+1湯，2個人食到飽都是$117，真心抵食！

食雞煲火鍋放題+點心，都是第一次，所以將逸翠軒排首位，今日有時間就與先生過來試嚇。食雞煲火鍋放題+點心$168，免加一，酱料加$10，任飲任食2小時，非常抵食及期待哦。餐廳裝修整潔，卡位舒適，來到門口由玻璃已見到裡面很多人在食火鍋，見到一大盤的火鍋配料，已經非常吸引。飲品櫃有2個，有多款的汽水及啤酒，椰汁珍珠露等任取任飲。雞煲很快就上枱，放到爐上滾上3-5分鐘就可以食，因為雞是已經熟了九成多的。等雞煲的期間，㸃心上枱啦，有鮮蝦菠菜餃，蟹子燒賣及潮州粉果。鮮蝦菠菜餃的蝦肉質爽彈鮮甜。蟹子燒賣有蝦及瘦肉，肉質新鮮多汁，面上的蟹子粒粒帶爽。粉果裡面有花生瘦肉粒等料，粉皮厚薄適中，大大隻可以隱約見到裡面的材料，味道調較得很入味。食完㸃心，雞煲就剛好可以食了，揭開雞煲的一刻，麻辣，芫茜蔥及雞煲的香味逸出，真是好香哦。滾到卟卟響的雞煲及香味，令人食指大動，先夾一件雞肉，入口先感覺到麻辣及濃濃的雞汁味道，雞肉嫩滑多汁帶麻辣，雞件挂著濃濃的芡汁，真的是非常好味，非常多的芫茜蔥令雞煲更為惹味，非常推薦。雞煲食到差不多，侍㒣放上一壺濃湯底，可以自己加湯打火鍋，及侍㒣奉上一大盤的火鍋配料，用冰底墊著，有牛肉

今天朋友說發現新大陸，話有間點心店168蚊任食點心+雞煲+火鍋+任飲，唔洗茶介唔洗加一，抵到咁即刻去試啦！去到見到原來間野是翠河集團旗下的已經覺得未食已有幾分信心，因為平時食開的翠河餐廳份量同味道都不錯，咁姊妹店應該都唔差先啦～～入座地方光猛四正，飲品櫃多選擇，除左有汽水、檸檬茶等，要推介佢地自家製的椰汁西米，足料好味勁有椰汁味～必試！坐落先試佢的點心，今次食左潮州粉果、菜苗餃同燒賣，燒賣食落鬆軟唔油膩，潮州粉果同菜苗餃皮薄餡靚，真係想一食再食～～然後再試埋個雞煲，佢同出面果d唔同雞煲裡面好多蔬菜，如紅椒黃椒洋蔥咁～唔鐘意食的就頭痕但我自己就好鐘意，因為d蔬菜同雞一齊炒，已充分入晒味，正！另外雞煲的雞也出乎意料咁既入味又幾滑啊，要知道有時雞煲的雞好易鞋口又無味，但依到的雞煲有水準真不錯窩！而且份量好夠，d侍應仲不時走過黎話唔夠出聲再加,愛雞的人啱晒！食埋個雞煲開始打邊爐～估唔到依到打邊爐重會有海蝦、青口、魚片等提供，d料都夠新鮮好食，但最最最緊要係佢d肥牛，唔係坊間果d肥膏多過肉果種，而係似安格斯果種脂肪同肉質分面，入口軟弱果種靚肥牛。係到任飲任食兩個鐘真係食到抱住個肚走～～＄168有

朋友話有間點心店168蚊任食點心+雞煲+火鍋+任飲，唔洗茶介唔洗加一，抵到咁即去試啦坐落先試佢的點心，今次食左潮州粉果、菜苗餃同燒賣，燒賣食落鬆軟唔油膩，潮州粉果同菜苗餃皮薄餡靚，真係想一食再食～～然後再試埋個雞煲，佢同出面果d唔同雞煲裡面好多蔬菜，如紅椒黃椒洋蔥咁～唔鐘意食的就頭痕但我自己就好鐘意，因為d蔬菜同雞一齊炒，已充分入晒味，正！另外雞煲的雞也出乎意料咁既入味又幾滑啊，而且份量好夠，d侍應重不時走過黎話唔夠出聲再加！！！食埋個雞煲開始打邊爐～估唔到依到打邊爐重會有海蝦、青口、魚片等提供，d料都夠新鮮好食，但最最最緊要係佢的肥牛，唔係坊間果d肥膏多過肉果種，而係似安格斯果種脂肪同肉質分面，入口軟弱果種靚肥牛。係到任飲任食兩個鐘真係食到抱住個肚走～～＄168有依個質素真係讚！！！

情人節今年同愛人去點心同雞煲,平時傳統酒樓去得多啦! 今次和朋友去長沙灣食創意的點心。好多人等候，一早book定位先。環境又大又靚，連擺設都滿滿的驚喜。可愛點心出爐啦!引人瘋狂地打卡。晤捨得食~奶黄流沙包，好好食,奶黃好香,我地2個搶住食春卷好香好脆,又唔會好油,味道同口感都唔錯雞札又係好好食，皮薄又多料。之後開始食雞煲,雞肉爽口又香~又有菜粒辣辣地幾好食店員服務都唔錯,叫野食上菜快,下次都會再黎好像干炒牛河，河粉不纏繞，好好食

好多人嘅口頭禪都會係講：得閑飲茶啊！試問後生仔同朋友講呢句說話，但又冇幾多人會真係約出嚟飲茶，因為從來飲茶都俾人覺得係老人家上一輩嘅人，老老土土，好悶嘅一種食物文化，或者就係因為咁，近年香港嘅飲茶文化放咗多啲心思喺marketing 度，正所謂”人靠衣裝，飲茶就要靠包裝”😆哈哈！千祈唔好小看包裝啊，因為普普通通嘅一個點心，如果經過”包裝”之後，價錢可以提高，亦都可以吸引到食客去點呢個食物。依間逸翠軒正正就係因為咁，我見都有好多後生仔女都係因為裝修靚D而黎，我依度每一樣點心都好好食春卷好香脆,又唔會太油,師傅有功架羅白糕又香又滑,食完唔會有好濟既感覺,仲想食多幾件添雞扎雞肉好嫩,平時好小食依味既我都食曬馬拉糕好大份,用古法制,所以會較有味道價錢唔貴,下次同其他朋友黎試試

朋友們下午去跑步，約佢地傍晚黎飲茶兼食飯去左逸翠軒,貪佢地晚市可以食雞煲加點心我幾鐘意呢道的雞煲，佢係雞肉好多，唔算多骨，但雞肉好香,份量都多,唔錯唔錯之後開始食下點心炸春卷一碟有3個炸春卷，呢個都好食，脆就基本啦，入面料一d都唔少，蝦都係大大隻，調味好香，都好大條，份量都唔會少,推介忍唔住食完一粒再食多粒！睇住流奶既流沙包好好食，真係做到有流心的效果。上枱個時真係嘩一聲好香，食同影相一流！前面的係糯米糍，下次要再叫！總結: 飲茶雖然係行舊式點心的路線，但係用料同食物都唔差，一d都無偷功減料，唔怪得近期大熱，必須讚佢的出菜速度快而且每一樣食物送到上枱都必定係熱！食物的溫度會影響食落口時的質感同味道，保持食物上枱的溫度其實都係保持質素的重要一環，但卻常被餐廳忽視，而呢道暫時每一次我黎都無呢方面問題，希望一路keep到！員工態度都幾好，每每上菜都告訴我們是什麼，夠主動，很好，會再來！

由細到大都覺得飲茶同晚飯好似無咩關係，一盅兩件似乎係週末先會同同屋企人食，但今次就要帶大家去一間好適合同屋企人或者朋友隨時隨地飲茶既餐廳。呢間餐廳係長沙灣，裝修幾舒服,方便老人家黎。坐低無耐就到晚餐時段,可以叫任食雞煲,佢地飲品都係任飲,我叫左個可樂先雞煲好快就黎左,都幾多料下,雞肉好滑,辣度辣左小小,不過媽咪就好鍾意食完之後仲可以食點心,好開心👧🏻由細到大都好中意食奶皇包，所以對奶皇包既要求好高，「睇住流奶」一上枱我地就已經俾佢可愛既造型深深吸引，內餡既蛋黃味香濃，唔係用吉士粉開出黎既漿，而且最驚喜係個包就算放左一陣都仲好爆漿，各位朋友仔食既時候要小心熱呀😝灌湯餃好入味而且幾足料，唔會太易散好難夾，配埋醋超惹味，重口味既朋友仔可以試下😋馬拉糕又係另一必食推介，入口軟熟同夠香，中意食馬拉垤既朋友仔一定會覺得滿足呀😆呢間店舖提供左多一個選擇俾大家夜晚食雞煲之餘仲可以食點心，雖然價錢唔貴，但食材都好新鮮同足料,值得推介 

開始放假了,同媽媽出去食下野,早幾日傍晚同媽媽出去食晚飯,經過逸翠軒,被雞煲的價錢吸引，媽媽深深吸引著要去食，實物與相片一樣咁靚，雞肉一咬開已噴晒汁,食果時真係要細細啖咀嚼，已免噴到成身醬汁。之後叫左D點心,蝦餃幾靚仔,綠色係菠菜味，白色當然係原味，兩款亦好味道，而且俾想像中大個，食左兩個已好飽.味道好開胃，尤其係蝦，非常爽口，比其他店好味好多。蒸燒賣味道也不錯，好新鮮,羅香糕都好好食,原本想食其他點心，但食完雞煲真係夠曬啦，同媽媽都唔敢再叫！下次黎會試其他點心。