逸翠軒點心專門店 (已結業)

阿姐接電話扮聽唔到唔接單，之後long起個電話放埋一二邊唔接單。朋友諗住幫手到現場落order，點知等咗20分鐘無人理。之前都聽過啲中伏野，不過無親身體驗過。喂！咁唔想做就食自己！I really don’t see how this kind of restaurant can survive so I really do wait and see it closing down sooner! Wish you a grand goodbye with no fans supporting you!

叫外賣點心，明明店舖內無乜人，點知要等大半個鐘有多，算數。點知外賣收費唔係逐個外賣盒計，係逐碟點心計，明明自備外賣盒，想環保啲，但都要逐碟收...離譜...再離譜既係雖然逐碟點心計外賣盒，但佢哋都係將兩三碟點心塞埋同一個盒，唔同味既點心撈埋一齊，大佬呀，外賣盒錢你又收左，唔係吖嘛？當你以為成件事已經好差既時候，原來仲未完呀。呀姐追住出來話要收裝住外賣盒既膠袋錢喎。講返食物質數，果個所謂既流沙奶皇包其實亦不外如是。多謝晒。長沙灣既外賣點心店唔只一間，長沙灣既街坊其實無需要幫襯你囉。

茶位$6/位,卡位內部寛敞, 服務態度很一般, 不用期待,點心大部份都好食, 只有少部份唔太識做, 例如紅油抄手, 雖說是特別推介但就是全餐令人失望的一點, 整個抄手只有皮沒什麼餡料, 這樣都算是抄手?而比較印象深刻的有蝦餃,雞包仔,腸粉同豉油皇炒麵了, 蝦餃$29但做咗兩種色嘅餃皮, 蝦肉上乘, 腸粉皮靚饀多抵食,雞包仔餡夠鮮味跟薑汁絕配,

呢間翠河集團旗下嘅點心專門店，已經開咗一段時間，今日同朋友入去試吓，門面及內在裝修都唔錯，簡潔光猛，仲有唔少卡位，啱晒香港人趕時間又想嘆番一盅兩件入到裏面，好容易搵到位，仲坐咗個好舒服嘅卡座，內在裝修，初步感覺都唔錯點心價錢都好親民，於是嗌咗幾個點心試吓⋯服務員態度都OK，放低食物是都算有禮貌講聲「多謝哂」，呢個菠蘿叉燒包，我個人覺得偏鹹咗少少，不過勝在熱辣辣！再嚟一個鮮蝦腸粉，蝦夠新鮮爽脆，合格另外糯米雞，比較淋身，荷葉味唔夠，餡料感覺唔多豐富，緊緊合格！牛肉球入口少少彈，帶淋，個人喜歡帶有纖維的牛肉球，呢度就應該係脂肪比較多啲嗰隻，個人喜好吧！呢度勝在坐得舒服，環境唔錯，容易搵位，食點心的另類選擇！

見佢新開張， 諗住傷去買幾樣返屋企試吓⋯⋯點知叫4個點心，收4個盒錢， 最後亞姐仲問， 你要唔要膠袋，收$1。我：食肆外賣膠袋唔收費喎⋯⋯亞姐：公司規定...你要唔要吖？