遇見花蓮

營業中

休息中

我真係幾鍾意食台灣野，因為佢有一種幾獨特，好地道既風味，作為港島人，眼見北角難得又開一間新店「遇見花蓮」，一定係化身捧埸客，撐一撐場先咖啦，咁唔知係遇見花蓮會唔會遇見到蓮花呢？📌花蓮小鍋 - ▪️ 花 蓮 一 品 臭 臭 鍋 - $118▫️ 黎得呢到識嗌一定嗌「花蓮一品臭臭鍋」，慕名而黎呀，一上枱已經聞到臭豆腐果種獨特既臭味，食落非常脆口，夠哂惹味；而火鍋配料十足，包括娃娃菜、白豚肉、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、嗚門卷、炸枝竹，性價比極高，主食嗌左個粉絲，吸收哂臭臭鍋湯汁既精華，相當滿足。📌花 蓮 地 道 小 食 -▪️ 花 蓮 小 食 拼 盤 - $88▫️ 而另一亮點「花蓮小食拼盤」亦係必嗌之一，鹽酥雞炸到外脆內軟；甜不辣口感煙韌；櫻花蝦餅夠爽口；香腸鹹香突出，麻辣鴨血辣辣地好夠味；仲有雞卷、滷蛋，地瓜條、炸花枝丸，成個拼盤認真抵食。📌花 蓮 蛋 餅 - ▪️ 古 早 芋 泥 肉 鬆 蛋 餅 - $46▫️ 台灣菜蛋餅又係走唔甩，呢個「古早芋泥肉鬆蛋餅」每一啖都食到芋泥，而且口感軟糯，肉鬆亦夠新鮮，連埋外層蛋皮一齊食，多重層次，好食。📌飲 品 -▪️

姪女喜歡吃台灣菜，今天趁她考完試帶她去炮台山遇見花蓮吃下午茶，順路去油街看展覽。下午茶餐選擇多，味道好，價錢實惠。姪女最欣賞台式香濃沙茶鍋配方便麵。湯底濃香夠味，配料豐富多元，有美味的牛肉片，米血糕，牛丸，鳴門卷，花枝丸，沙白，炸枝竹，粟米，金菇，娃娃菜，韭菜，番茄，青豆角等。食材新鮮多元，一人一鍋超滿足，食埋公仔麵夠哂飽。吃完鍋物怎少得珍珠奶茶，奶茶有清香茶味，珍珠有咬口。我揀了士林鹽酥雞，鹽酥雞咸香嫩滑皮脆，好食。滷肉A菜幾特別，A菜熱量低，纖維質豐富，有少少苦味，配滷肉不錯。鮮奶紅豆手工芋圓選了少甜，紅豆香，芋圓Q彈有口感。如你愛麻辣，一定要試下花雕雞卷麻辣拌麵，好食超值。拌麵又香又麻又辣，內有肉碎香葱，愈吃愈想吃，配冷盆花雕雞卷和冷泡台南高山綠茶最啱。雞卷酒香肉結實，好食。吃到又飽又滿足，不用加一，盛惠$250，抵食。

好多唔同種類嘅台灣菜 而且裝修幾靚坐得舒服 😌店員服務態度都幾好，價錢仲唔貴芋泥蛋餅🥞係經典台灣小食 加咗有粒粒嘅芋泥，肉鬆口感仲好豐富 唔係好大份 前菜就岩岩好 酥炒排骨拌麵🍜炸排骨好大塊 炸得好鬆軟多汁 啲肉係軟林林！推薦拌面都幾香 小小香辣味 幾開胃🤤 配紫菜肉丸湯 想拌麵濕潤啲就可以加小小湯 花雕醉雞湯麵雞肉卷嘅肉好滑 花雕味適中，唔會太濃太苦 🐥配湯麵 麵嘅質地同拌麵一樣 湯底就似牛肉麵果啲湯 肉味比較濃嘅湯 仲有啲酸菜飲品🍸有好多唔同嘅手搖台式飲品，茶🍵 我哋就簡左健康啲嘅：烏龍茶 & 檸檬薏米水最後就係好期待嘅甜品： 涼粉芋圓古早仙草芋圓 & 桃膠芋泥芋圓兩款都好好味 🤤 啲芋圓好堅韌 又唔會太甜～ 推薦！好近炮台山地鐵站🚉 幾分鐘就到 好岩同朋友食飯傾偈

💛🤍🤎臭吓臭吓 烚吓烚吓🍲有時「臭」又唔一定係負面嘅，臭臭鍋唔臭又點叫臭臭鍋呢？好耐都冇食臭臭鍋啦！🤭今次搵到間隱世台式料理店，入面有火鍋又有唔同台式料理，性價比仲好高添！🩷花蓮一品臭臭鍋🩷 中辣 $118中辣嘅味道剛剛好！入面有娃娃菜、白豚肉🥩、臭豆腐、新竹貢丸、米血糕、大腸、鴨血、沙白、鵪鶉蛋、蕃茄🍅、榨菜絲、韭菜、金菇、鳴門卷、炸枝竹，真係超級豐富！🤤臭味主要來自於臭豆腐，味道濃郁又嗦汁，臭得過癮！🍲🧡蜜汁滷排骨麻辣拌麵🧡️️ $72麻辣手工拌麵都必食，辣度唔會太刺激，麻麻辣辣好醒胃！🌶️麵條有口感，份量足夠！🍜蜜汁滷排骨香甜又酥脆，成個配搭味道豐富！❤️私房麻辣牛三寶❤️ $68食肉獸朋友仔可以嗌依個，肉量十足！有牛腱心、牛肚、牛筋，🐮牛腱心軟腍啖啖肉，超正！💛起司肉鬆捲餅💛 $42真係好掛住台灣嘅蛋餅，依個內餡足夠！肉鬆加上芝士🧀️鹹鹹香香好過癮！餐廳環境都幾大有卡位有窗位，採光度足夠，打卡都適合！🪷繁忙時間可能要等位，不過店員效率好高，好快有得入去坐啦！BTW記得save post，方便向店員查詢有關台式菜啦❣️📍遇見花蓮📍北角電氣道183號友邦廣場14-15號舖

做完嘢餓極，一行三人在炮台山搵食，本想去食胡椒豬肚湯底嘅潮州河，點知原來已經無咗，有人提議食茶記，但人多又坐得唔舒服，竟然發現呢間台式嘢，環境唔錯。一進店，店員笑晒咁指示入座，一望餐牌，嚇一跳，四十多元有好多款嘢食，仲要包嘢飲，於是一人叫一個餐，結果成枱又飯又麵線又紫菜湯又小食，仲有台式飲品，樣樣少少，但就食得非常滿足，下午茶餐時段入，食到６點幾當晚餐。大家都覺得係性價比非常高嘅一餐，真心抵！整體食物係ABOVE AVERAGE水準，值得我專登嚟OPENRICE讚吓佢。如果住得近又或呢頭返工，我哋應該會成日去食。有機會再去呢頭，一定會再幫襯。BTW，太餓又食得太開心，食物相無打卡，只好影張單出嚟，證明一下呢度有幾咁抵。:-D

被九宮格小食拼盤深深吸引而來🤤主打多款台灣菜式選擇🤩除左小食，手工麵，蛋餅，滷水飯等仲有招牌台式一人火鍋🍲花蓮一品臭臭鍋🍲臭臭鍋顧名思義就係以臭豆腐為主，台式小鍋岩晒1-2人分享，鍋裡配料仲有大腸，鴨血，米血糕，豚肉，新竹貢丸，沙白，鵪鶉蛋，鳴門卷，炸枝竹，娃娃菜，榨菜絲，蕃茄🍅，金菇及粉絲等份量十足，麻辣湯底揀左小辣🌶️，寬條薯粉好快熟又煙韌，米血糕好似糯米食落軟糯，但沙白連麻辣湯底都掩蓋唔到腥味，明顯唔新鮮🥹，而臭豆腐及蔬菜類吸晒湯汁好入味，全部食晒好滿足😋花蓮小食拼盤🍱擺盤好吸睛🤩一次過試齊9款地道小食😋，好有台灣風味包括有麻辣鴨血，牛肚🐮，豬大腸🐷，炸魚塊🐟，蝦餅🦐，鹽酥雞🐔，香腸，溏心蛋🥚，醉雞卷等，每款有2件，麻辣鴨血食落唔腥夠爽口，台式香腸薄切加上蒜片食更有層次，醉雞卷帶有酒香味，口感嫩滑，牛肚及豬大腸滷得入味，食落夠軟腍，但炸魚塊中間部分未熟透，硬身咬唔開，隨即叫店員很樂意幫我哋換新一份，其他小食正常發揮自家芋泥鮮奶🥛加$12轉飲，芋泥份量唔夠多，飲落口感唔夠厚實又唔滑，鮮奶味亦唔重，整體比較遜色

晚上六點前去咗北角電氣道183號友邦廣場13-14號舖的遇見花蓮台式餐廳，餐廳寬敞舒適。原本想食晚餐，但原來餐廳下午茶時段去到六點，於是嗱嗱聲叫了下午茶餐。花蓮一品臭臭鍋配薯粉$98可以選擇辣度，我們選了小辣，臭臭鍋內的食材十分豐富，有臭豆腐，鴨血，血米糕，豬大腸，粉絲，冬菇，枝竹，娃娃菜，蕃茄，鵪鶉蛋，貢丸，豚肉片，蜆等。臭臭鍋是鍋內有臭豆腐而得名的，其實佢一啲都唔臭，仲好好味添。花雕雞卷滷肉飯 配：紫菜貢丸湯及地瓜條$46雞卷充滿花雕酒香味，滷肉飯很入味，地瓜條酥脆內軟綿。士林鹽酥雞$36食台灣嘢鹽酥雞是不可或缺的小食，鹽酥雞炸得外脆，雞肉嫩滑夠Juicy，唔會太鹹，夠惹味。黑糖珍珠奶茶及芋香珍珠奶茶跟餐每杯加$8，大大粒的珍珠加埋香滑的奶茶，又唔太甜，兩杯奶茶真好飲。古早仙草三色芋圓跟餐加$22，仙草滑溜，芋圓煙靭有咬口，這是我至愛的甜品。遇見花蓮餐廳啲嘢好食，又冇加一，真係抵食，值得去完又去。

見好多街坊look嘅人食，所以應該都係行平民台灣菜路線，仲有得打一人邊爐。*古早花雕雞卷麻辣拌麵 $72雞卷得四片，話厚唔厚話薄唔薄，花雕酒味啱啱好，唔會太強。拌麵粗身，麵質唔會太腍，麻辣偏辣多過麻，但未夠香。麻辣鴨血 $28鴨血嫩滑爽彈，偏硬身，麻辣汁對我嚟講好辣，不過好惹味。肉鬆榨菜蛋餅 (逢甲名物) $39蛋餅唔係煙韌又係酥皮，而係一塊crepe外型嘅蛋皮，超級奇怪。餡料包肉鬆榨菜似乎就唔係逢甲名物👉🏻👈🏻冷泡豆里山烏龍 +$8叫主食加$8，可以解渴解辣。

位於炮台山的台式餐廳，平時食開九份飽，今次經過見到價錢都OK，食物選擇都多，就嚟試下。蜜汁滷排骨麻辣拌麵 $68 排骨好大塊👍🏻浸過蜜汁但咬落炸衣仲係脆口。手工麵夠曬咬口，醬汁帶有淡淡麻香辣味😉香口好食。古早芋泥肉鬆蛋餅 $39 呢個價錢嚟講有啲細塊，得3舊。但入面的芋泥好好味😋偏甜的芋泥同肉鬆好夾，用軟軟的蛋餅卷起，入口多重口感，味道好match😀如果大舊啲perfect台式肉蛋吐司 $48 吐司係三款入面最令人失望的🤨雞蛋煮到啱啱好熟，流心效果睇落好加分，但面包太乾又冇醬汁，調味唔夠，同隔離黑布小巷差好遠😥

小編去完附近海岸公園🌊後覓食～行番去炮台山個邊好似多野食啲😝行到一半見到間台灣菜好吸引 裝修都有feel咁啱又有卡位 決定一試🤣📍台式香濃沙茶鍋 ($118)娃娃菜,牛肉片,米血糕,牛九,沙白,粟米,金菇,炸枝竹,鳴門卷,花枝九,韭菜,蕃茄-材料勁豐富 小編2個人share都好飽肚🤪可以揀公仔麵/飯/粉絲/薯粉 (+$10可轉滷肉飯）小編揀咗薯粉 好鬼索汁🫶🏻有少少Q彈丸類每樣各一粒🍡 牛肉大約有5-7片～最估唔到係有米血糕☺️小編就一般湯底就沙嗲為主 唔辣偏淡🤣4個火鍋得呢款唔辣 所以無得揀hahahaha📍 花蓮小食拼盤 ($88)鹽酥雞,甜不辣,櫻花蝦餅,雞卷,滷蛋,香腸,地瓜條,炸花枝丸,麻辣鴨血-呢個擺盤好靚💯九個小食分九個格放～每款2人份 但小編覺得2-4人都可以叫黎share🙌🏻入面所有小食都好熱門🔥叫左可以一次過試哂所以計落都幾抵食💖小編最推麻辣鴨血、鹽酥雞同地瓜條鴨血仲可以放埋係邊爐🫕滾 好正✨📍 慢烤雞腿起司蛋吐司 ($56)黎到上枱已經見到爆哂蛋汁🥚入面仲有雞腿肉+芝士 望到都流口水🤤餐廳出面個層紙無分開到 又勁多膠紙搞到整左好耐先分開到2件 流哂d蛋汁係枱 少失望

遇見花蓮北角電氣道183號友邦廣場14-15號舖這次經開炮台山，發現一間台式餐廳，環境舒適，食物高質。😎古早芋泥肉鬆蛋餅面層的醬汁酸酸甜甜的，和蛋餅很夾，蛋餅即叫即製，新鮮煙韌。芋泥甜度適中又夠滑，加上香脆的肉鬆，一試難忘，推薦！🤤古早烤雙色香腸原條台式香腸切片，香濃多汁，口感煙韌，吃到中段可以加蒜片提升層次。😋士林鹽酥雞大廚即叫即炸，外層超級香脆，雞肉醃製得剛剛好，新鮮Juicy不會太鹹，沒有梳打粉味，恰到好處的調味，喜歡香脆口感的朋友一定要試。士林鹽酥魷魚好耐冇食過炸粉薄薄的魷魚，魷魚夠新鮮彈牙。原條魷魚鬚即炸，真材實料，沒有味精，好味道。😍冷泡阿里山烏龍原汁原味，烏龍茶茶味清新，喝完很舒服。遇見花蓮食材新鮮，沒有味精，回頭率高。 🤘🏻

難得約左同住北角嘅buddy一齊食dinner，見到遇見花蓮好近又就腳，就即刻決定食佢雖然唔大份，不過當小食咁係岩岩好，每一啖都係滿滿嘅芋泥超正，而且又唔會好甜。我好鐘意食辣嘢，一見到呢個就決定叫佢，不過真係高估左個辣，對我嚟講辣左啲，不過值得推薦佢嘅排骨，超入味，雖然有汁係上面，但排骨仲保持到少少脆，有驚喜，成碗麵超大碗，我一個人真係食唔晒。朋友就揀咗花雕雞，佢話個雞超香好入味。最後當然要有甜品收尾，食咗我最愛嘅芋圓，味道岩岩好，唔會太甜。聽講呢間係出名食臭臭鍋，望到好多人叫，睇落的確係幾吸引，不過我呢啲傳統嘅人就係覺得台灣嘢係要食古早味食返啲地道嘢以上評論純粹個人意見

今日介紹嘅餐廳位於炮台山AIA附近，適合附近打工一族lunch hour嘅時候去食。鹽酥雞滷肉紫菜貢丸台灣腸$48鹽酥雞好酥脆，外皮炸到金黃色，入口鮮嫩多汁。套餐包括開胃小食，滷肉飯味道鹹香，肉質彈牙，加埋滑嫩嘅紫菜貢丸，好好味😋花蓮小食拼盤$88好豐富嘅花蓮小吃大匯集，入面有好多唔同嘅小食，例如鹽酥雞、鴨肝、糖不甩等等。味道唔同，加埋食材新鮮，好適合一班朋友嚟一齊share。古早烤雙色香腸$36古早花雕雞卷$42呢兩款都係傳統嘅台灣小吃。古早烤雙色香腸係由兩款唔同嘅腸肉經過炭烤，肉質彈牙，好好味。古早花雕雞卷就係用花雕酒浸過嘅雞肉卷，經過烤制，味道香濃，入口嫩滑。起司培根餅$39外皮酥脆，內裡有著芝士味道濃郁，加埋培根，味道更加豐富。📍遇見花蓮 (北角)北角電氣道183號友邦廣場14-15號舖

好耐冇嚟到炮台山附近lu, 口痕想食下台灣野，就入左呢間遇見花蓮，menu都幾多選擇🤩✨花蓮小食拼盤 - 有9格唔同嘅小食，好吸睛又可以食晒咁多款，由清清地滷蛋開始食起，慢慢食到去炸物，都幾享受，我自己幾鍾意鹽酥雞同炸花枝丸😚✨起司培根蛋餅 - 芝士半溶好惹味，裡面有青瓜balance下，唔會好膩🤤✨慢烤雞腿蛋吐司 - 一路咬蛋汁一路流😍 好香蛋味同埋雞腿幾嫩滑👍✨蜜汁滷排骨麻辣拌麵 - 個排骨好大塊，仲大過我手掌😂個麵軟硬度適中，比想像中辣，但辣得幾過癮！✨冷泡台南高山綠茶 - 解膩一流，食完炸野飲啖舒服晒~✨自家芋泥黑糖奶茶 - 叫左少冰少甜剛剛好，芋泥幾有口感😋

遇見花蓮 臭臭鍋好吸引我今日終於有機會食到啦花蓮一品臭臭鍋$118，是台灣特有的火鍋，以臭豆腐和各種蔬菜、肉類為主要食材，份量十足，臭豆腐的獨特味道和香氣，加上熱騰騰的湯汁和食材，讓人垂涎欲滴，仲可以再揀飯或者面，一定夠飽淡水無骨豬手麻辣拌麵$70，豬手炆到皮爽肉質鮮嫩而又不爛，配上Q彈的麵條，吃起來口感十分豐富，豐富的骨膠原，麻辣味不算太重，岩晒食到小小辣的朋友仔，好滿足😌小食 十分甜不辣$28 澎湖花姿丸$32兩款小食都即叫即炸，不過不失總括來說，無論是豬手拌面還是臭臭鍋，都是台灣美食中不可錯過的代表，食物質素與性價比都高