那個ㄋㄚˋ ㄍㄜ (將軍澳中心)

營業中

休息中

見到有間新既台灣野開張，湊下熱鬧，排隊試下！好彩等左20分鐘就有位喇！ 仲有試業優惠，9折！ 入到去就即刻落單！食物選擇同普通香港既台式餐廳差唔多。香酥脆雞便當，賣相幾好！ 有幾款口味既味粉揀！便當入面既菜同粟米都有炒過,好香好夠味！雞肉外脆內嫩！好Juicy!!仲有叫左個秘制嘉義雞肉飯！之前有試過食嘉義雞肉飯d肉係柴到咬唔到！呢間雞肉飯就冇呢個問題！不過就唔算好嫰滑！ 但味道幾好！唔錯！食台式餐廳，當然唔少得台式飲品！！比大家睇相先！其實我叫左杯凍既蜂蜜麻糬白玉奶茶同埋熱既招牌濃厚奶茶... 飲品一上到黎，我已經即刻問左個年紀大少少既阿姐，佢話呢杯係奶茶喎見佢咁肯定我信佢。飲左兩啖覺得唔對路，完全冇奶茶味😂 好似糖水咁。 我就再問個後生少少既店員（應該比較大粒）。佢好有禮貌咁話幫我換過杯！ 然後真正屬於我既奶茶終於送返上黎。不過，呢間既台式飲品真係麻麻地.. 我個白玉麻糬仲係暖既，仲要係好粉好粉！叫左50%糖都係好甜。價錢中等，如果可以改善下d飲品就好喇！

未食過咁難食嘅台灣菜，菜式好似太古城誠品入面間百方池上便當仲衰啲，滷肉飯超甜香腸不是台灣款式，大碌以為抵嘥氣，奶茶水汪汪，飲品有優惠都無用仲好多都售罄唉中伏，無下次

同阿女玩完將中間新playhouse，見肚餓就去搵野食，見到呢間排晒隊的台式餐廳，好耐無食台灣野，一於排一陣試下。叫左手工丸麵麵，豬軟骨飯，甜不辣，紅豆沙冰，檸檬茶（自己額外加珍惜，因為阿女要🤷🏻‍♀️）。手工丸同麵都好彈牙，阿女都話好正👍🏻自己食晒自己個碗。豬軟骨飯都好大碗，爸爸剩係講左個好字😅紅豆沙冰好好飲，略甜左少少。甜不辣比預期中好食，阿女一個人食晒成舊🫣再來呢度玩的時候，會再返來試下其他野👍🏻

嗰日經過將軍澳中心就入嚟試吓呢間啦， 等候時間5分鐘 可以接受。 服務態度良好。食品質素非常好， 小朋友都好鍾意食。 有時間經過一定要再嚟。 附近咁多間餐廳我都試過， 應該係將軍澳中心附近嘅餐廳最好係呢一間， 食品質素價錢服務，性價比一流。 大家可以試吓。

依家仲係試業階段繁忙時間 用餐時間係75分鐘夜市小吃拼盤（地瓜薯條/甜不辣/蝦卷/台灣腸）整體來講 都好味感覺好似去咗台灣咁甜不辣煙韌 蝦卷香口地瓜薯條熱辣辣 厚度平均台灣腸內有黑椒嘉義雞肉拌麵（套餐）可以揀麵底今次揀咗 關廟麵（扁）雞肉唔鞋口 撈埋麵汁 都唔錯飲品有幾款唔使加錢嘅可選擇加錢飲「台南青檸冰茶」茶味帶點酸酸嘅味道跟餐另加（迷你滷肉飯）滷肉飯唔係煮到好肥好淋嘅口感味道重在滷汁度香酥脆雞雞雞湯麵（套餐）湯底非常濃郁揀咗闊條麵咬落彈牙 配埋湯 搭配唔錯湯底都可以揀揀咗紅燒牛湯亦都可以揀辣嘅湯底雞肉炸得鬆脆 香口嫩滑跟餐揀咗「阿里山蜜香烏龍」茶味帶香味 個人比較鍾意呢杯唔會太甜

平時經過見好多人排隊，排咗大約半個鐘到就入得，都唔算太耐。第一次黎食，諗住試吓滷排骨，見到便當好多配菜好想試，不過份量好似好大，都係食麵先！店員推薦蔥油拌麵配手工拉麵。上到枱，件排骨超大件，大過隻手掌一個女仔真係食唔晒！個皮好酥脆，但食落唔乾身！拉麵好彈牙，真係冇介紹錯。嘢飲試左黑糖冬瓜茶，少甜選擇可以揀75%，如果甜度有得再揀少啲就好，不過都唔算太甜，正常發揮。下次約埋朋友過嚟一齊試吓個便當先！

最近見將軍澳中心開左間~那個~新分店，經常見門外有很多人等位，十分旺場，不知味道如何，心郁郁都想搵日試吓。今天見有空，便去嘗試一下，都要排左一陣隊。我很喜歡食牛😍，所以叫了個紅燒🐮牛魔全席湯面🍜，估唔到有驚喜，啲牛腩肉炆得很淋，很入味，牛丸爽口彈牙有肉汁，正呀👍👍👍。啲麵都彈牙煙靭，唔會淋晒。套餐跟一杯嘢飲，我加錢選了白桃冰茶，清香白桃味，唔會太甜又解渴🍹。另外加了2件三星蔥餡餅，外脆多肉汁，整體唔錯，下次會再幫襯。

4點幾和朋友一起到"那個"去吃小食當下午茶，全程一路傾計一路吃不停。雙色QQ 球，正x3 ，外脆內軟，我特別鍾意食。地瓜薯條，也是另一脆口甜食。2款都適合小朋友食，不多油。蝦卷內的蝦肉超彈牙，落咗2次單。當日的豬軟骨已售罄，如果唔係應該買返屋企當晚餐。 結果買了香酥排骨便當，阿仔試吃一口，佢食完問我重有冇多件，好好吃。阿仔食紅燒牛腱湯麵，水準ok. 不過不失。下次都係試朋友推薦的豬軟骨。不過她說不是經常有。

Despite how long the queue was - I had to wait for 15 minutes during lunch hour, the quality of the food provided was top notch. I chose the deep fried pork cutlet with rice, which came with a side of vegetables and cellophane / glass noodles. While I would not consider myself as a big eater, the portion that was provided, particularly the pork cutlet itself, was superb, compared to a bunch of other restaurants that served the same, not to mention the portions of the side dishes and the rice its

落單App 唔方便落咗之後無得睇單要搵服務員去作實服務態度可以，但對產品認識唔夠牛肉麵湯底太甜，感覺似飲緊肉骨茶麵質比想像中可以但同行人的麵未煮熟牛腩 牛腱 可以的飲品夠大其他一般

7月24日諗住「那個」新開試吓！叫左個鹵肉飯、炸魚麵！鹵肉飯賣相已經唔吸引又肥到死，味道又唔得，仲要收$70幾、炸魚麵個炸魚好乾冇咩味，唔得🙄另外叫咗杯芒果沙冰$40幾，正常應該好好味，但又係冇咩芒果味，飲咗2啖已經唔想飲。失敗😔最後2個人埋單冇記錯好似$280。真係冇下次！真係不知所為！試業中係咪要檢討下個廚房點解可以做得咁差？將軍澳咁多食肆、咁多選擇，我唔需要揀間咁貴、質數又咁差嘅食肆囉！🥲🥲

諗住將軍澳終於開返間台灣嘢就去試吓排咗半個鐘頭隊，終於入到坐低見到餐牌好多嘢都暫停供應諗住係事業期間，所以都應該值得原諒兩人嗌咗一個酥炸排骨飯一個嘉義雞肉便當，仲有加配小食台灣腸以及甜不辣酥炸排骨好大塊，但原來食得嘅部份只有好少，又乾又嚡又無味，另外便當嘅配菜全部都冇味，感覺係所有嘢嘅味道都分開啲飯煲得好爛，似平日食淨咗啲隔夜飯至於嘉義雞肉便當，所有雞肉係凍的，冇醃過，賣相不討好加配小食台灣腸，裏面係暖偏凍，甜不辣亦都炸到完全乾身，唔知自己食緊乜如果想浪費金錢可以過嚟食一次，唔相信以呢個質素，會有回頭客再去

門口好多人排隊，以為好好食，排咗半個鐘，終於入到去，坐嘅位好迫。點咗一個牛腩麵一個雞扒麵，雞扒冇汁超乾身，兩個面都係未煮熟，超硬，湯好甜好重味精飲一啖，即刻要係咁chur水，啲位又坐得唔舒服，食咗一陣三個字到就俾人收晒啲碟，職員趕人走，大部份嘢飲都售罄，不如唔好賣啦。我聽到隔籬枱杯嘢飲根本冇落糖俾佢，嗌咗啲小食都話唔好食。整體嚟講唔好食，又貴。試業中有九折。但係收返+1服務費，不過一啲服務都冇。三個字，唔推薦。

下午茶時間，諗住同事話食完幾好食咪過嚟試吓囉，叫咗個炸雞飯，睇落靚仔咁，咬多兩啖有啲變質，跟住同店員反映，佢話啲雞冇事係咁個喎，係經過特別嘅醃製喎但係唔知點解會酸嘅，我都覺得好特別但係真係接受唔到，早幾日響第二度食嘢啲店員嘅答案都係咁樣，我發覺依啲係佢哋食物變咗俾人投訴嘅對白😭，跟住話換過俾我其實我都覺得冇問題，仲話送多個小食俾我㖭，大約等咗15至20分鐘我都見冇嘢食，我覺得佢似有啲玩弄我，所以我就走咗啦，咁我啲嘢食當然取消啦，我只係飲咗幾啖烏龍茶就走咗，其實講真你仲要啱啱事業當中，啲嘢有問題解決係好事，但係其實等於冇解決，搞到我要去第二度食嘢，不過一肚戲，下次都唔會再選擇，之前食附近啲台灣嘢都唔會有咁嘅情況出現，唔知有冇人食過啲雞係酸餿味係覺得正常呢？！

叫左個排骨便當 排骨又乾又鞋 啲粟米又唔知點解要陪黑椒 搶曬粟米嘅甜味 9折之後80蚊 冇優惠呢碗嘢要89蚊真係冇下次係啲服務幾好態度環境又乾淨衛生 但呢個價錢呢個質素寧願食其他