那個ㄋㄚˋ ㄍㄜ (軒尼詩道)

營業中

休息中

公司附近其實有唔少台灣菜既選擇...呢間小店係我會不停encore~Lunch 飯堂之選原因 有2個第1 性價比高，大大份第2味道正宗，無論食物定台式飲品🫶同事嗌左嘉義雞肉便當飯配上雞油再配肉鬆小菜 好好送飯，雞肉食落唔乾柴。滷排骨便當🍱 大大塊炸排骨大過個碗炸到金黃酥脆，食到啖啖滷水咸香。食肉獸表示大滿足🤪。另外嗌左個綠豆牛奶沙冰，綠豆沙同牛奶混合比例啱啱好，本身依杯野係香港比較少見，飲落去質感沙沙，入口好綿密。

新店裝修幾靚，入去坐發覺去廁所條通道幾個大回收箱放喺度，冇遮無掩。自助QR code落單，版面亂，睇紙版Menu有啲有圖冇字冇價錢，搞咗好耐先落到單。嘢食係勁大份，似係用份量嚟推高個價錢，「那個滷排骨便當」有配菜粉絲，排骨預切¾左右，冇切到尾，要自己切，但係一大碗飯上面冇乜位俾你切。另外嗌咗個三星蔥餅，入邊勁少蔥，個餅好煙靭，唔係熟悉嘅台灣味，埋單106。嘢食都幾重味，枱面有幾款調味料俾你自由配搭，冇水飲，埋單走咗先發現跟餐杯嘢飲冇出。最後，入口係趟門，不過唔係自動，有時開咗冇人閂，隻門就長開，店員愛理不理，自己都冇手尾，走晒啲冷氣，食食吓飯你會聽到巴士埋站聲聞到馬路廢氣。

近年越開越多分店～食過幾次，覺得便當好食過麵類🤭滷雞球便當 $72滷雞球望落已經唔係球咁簡單，係三塊滷雞塊！將炸完嘅幾塊淋上滷汁，比起香酥雞冇咁乾身，但味道比較重，偏鹹。配菜有椰菜、粉絲同埋菜脯蛋，好滿足！🥰香烤排骨便當 $66排骨冇招牌滷排骨咁巨型，但係份量都唔細，肉質偏乾身，但未至於柴。呢款反而冇汁，整體偏乾。😌秘制嘉義雞肉便當 $66嘉義雞肉個醬料香口又惹味，整體口味唔會好鹹好heavy。配菜嘅麻婆豆腐微辣，又嫩滑。😛招牌滷排骨便當 $78最出名嘅巨大滷排骨！啱曬食肉獸！個人嚟講食到一半覺得開始漏🥲味道係好香嘅滷水味～😍午市套餐有配台式飲品～檸檬冬瓜愛玉 +$9冬瓜茶味比較淡，俾檸檬蓋過咗，好清新。愛玉嘅份量應該有半杯，好足料！花壇翠玉+桂花白玉 +$5翠玉係濃嘅綠茶，桂花白玉冇咩桂花味，白玉比較黏糯，令綠茶底有啲濁。🥺

由係大角嘴好細間分店開始到而家開多左好多分店作為消費者係開心既以前係埃華街出面排隊又曬又落雨都覺得好值得因為以前堂食會令人有「幸福」既感覺咁外賣都俾人有「好味」既感覺另外舊時大角嘴店店員超級細心當時我ot 遲了半小時有多未打外賣竟然打嚟問我幾時拎外賣 重新做過一個新既俾我所以抵你地開甘多分店疫情時最開心就係食 那個😍臺南蝦卷便當蝦卷新鮮炸好蝦卷同其他街外既唔同，蝦肉厚實而且彈牙香烤排骨便當都係新鮮炸好（坦白係因為好想食香酥但睇落好大塊）都係甘好味那個吸引既地方就係配菜麻婆豆腐仍然好好味 （少少辣架）粉絲好似失色左少少 以前好似係幾惹味架唔同分店 唔同既環境今次無揀野飲下次再去其他分店再試

来到湾仔呢边，见到有间台湾餐厅环境都可以，所以入去试下啦！环境感觉都舒服的，也是份量大大份，味道就无咩惊喜，不过不失啦！价格都算公道的！如果大家经过都可以去试下……

今次經朋友介紹，來到灣仔聚餐，第一次來到，就點了，台灣有名的鹽酥雞+麵（香酥脆雞雞湯麵），麵有三款選擇，我就揀左日本拉麵試試看朋友就選擇了秘製紅燒牛腱湯麵...之後我們再點了幾個小食：炸蝦卷（香酥台南蝦捲）甜不辣（鹽酥甜不辣）炸雞皮卷 （夜市雞皮卷）炸魷魚酥（香酥魷魚足）飲品方面，就選擇了：愛文芒冰茶，及台南青檸冰茶飲品好快就送到，先喝愛文芒冰茶，覺得非常好飲，大熱天時真的很需要凍飲之後兩個麵都送到，鹽酥雞，非常脆以及多汁，而日本拉麵都相當煙韌，牛腱湯麵也非常好味道蝦卷非常好味（我太喜歡蝦）甜不辣，好味邪惡炸雞皮卷，好味炸魷魚酥，好味食到超級飽，約定朋友們下次再去“那個“聚一聚餐試試其他食物香酥脆雞雞湯麵：秘製紅燒牛腱湯麵：香酥台南蝦捲：香酥魷魚足：甜不辣：愛文芒冰茶，及台南青檸冰茶

今次第二次食 那個 已經開左好多分店門口每次都要排隊等位不過係真好食 抵佢愈開愈大脆雞便當三大舊雞件 配菜有粉絲、蛋同啲菜飯唔算多但啲料都夠哂飽雞肉拌麵第一次食拌麵 味道好得意唔知咩味 但幾好食加左兩個小食台灣腸一條花枝丸兩粒正常發揮

上司請食lunch,見有間新野試下叫香烤變左香酥，滷排骨其實就係香酥排骨加滷汁，都係炸既，係好大塊但係真係好乾，就算有滷汁都係乾既，係連入面啲肉都係乾飯汁係甜既嘉義雞肉便當即係蔥油雞胸飯，雞係鞋既手工丸湯麵即係花枝丸麵，正正常常但係個湯係甜既唯獨啤酒豬軟骨係ok好surprise做台灣菜啲香酥野係連肉都乾到柴咁，完全顛覆我對台灣野既認知，除左跟足台南野偏甜之外無諗過炸野會咁乾，係有啲失望，希望做好啲啦

黎到灣仔行下順便搵埋野食, 因為想試下台灣野所以就揀左呢間試下.環境方面就算整齊乾淨, 之後就點野食.最後點左香酥雞便當, 台灣腸.香酥雞便當, 份量算OK, 雞份量都算多, 大大舊的, 味道就正常吧, 對於我又唔算好吸引或者呢個便當食落有D乾, 沒咩汁之下再食香酥雞, 就會比較口乾既感覺.所以都有叫野飲既.小食台灣腸味道就真係一般, 感覺價錢就有D唔抵了.整體黎講, 就係不過不失, 只係食到有D口乾, 不過叫野飲搭夠, 小食就味道平平.試過一次就夠了.

星期日1點同朋友經過門口見有幾個人排隊，5-10分鐘度入到去，裝修都幾光猛乾淨。雞球便當嚟到覺得份量比想像中大，比起雞球，應該叫大雞塊，炸雞淋了甜咸味的滷汁十分滋味，部分位置淋醬後仍然能夠保留脆的質感，口感十分喜歡。配菜方面有炒雜菜、粉絲及粟米粒，好味而且有花功夫，起碼唔係白烚菜。飯量加左大，仲可以免費加飯好貼心。湯麵湯汁較甜，朋友很喜歡，附送一串豆皮十分特別，吸滿湯汁好食。炸雞排厚肉且不乾柴，枱面仲有三種調味粉提供，我地最鍾意紫菜味。雞扒份量非常多，所以食到最後可能會膩，同朋友交換餸菜就Perfect。加左一個地瓜球小食，味道香甜好食，但好像內裡中空位置不大，粉糰層比較厚。講真今時今日呢個價錢，有咁大份量又好食，我地認為呢間餐廳高質素，會再經常嚟食。

屋企對面新開咗冇耐，老婆就一直都想試吓，今日落雨，所以就帶埋小朋友一齊去試一試依間餐廳依間餐廳環境都OK ，不過有兩個門口，我哋坐正門口位，成日都開開關關，所以覺得個冷氣唔係太夠，除此之外，環境都尚算OK主打台式飲品加台灣食物，我就比較鍾意食台灣滷肉飯，所以今次叫咗個雙腸的滷肉飯，另外叫咗一個拌麵，同埋兩個迷你飯，呢個係雞肉滷肉個人覺得佢哋個餸係大大件，的確幾吸引，略嫌加多啲啲飯就會更好另外佢哋個撈麵，甜甜地，我就唔算食得太習慣，不過味道方面尚可當然亦有點到佢哋地道的奶茶金鳳奶茶王，不過台式嘅奶茶始終都唔夠本港的奶茶吸引下次都可以試吓其他唔同種類的飲品.整體味道和環境都唔錯，如果晚餐你計價錢都完全太貴會再幫襯

I had been dying to visit 那個 and was disappointed when it announced that it was closing its Tai Kok Tsui location, but was happy to learn of its expansion in many districts lately. Finally paid it a visit last night and it did not disappoint. I ordered less rice because of the satisfying portion of protein and side dishes, and even so there was still plenty of carbs to go with my meal. The chicken was tender but still chewy, the pop of flavor from the sakura shrimp chili oil really taking it to

晚餐只有單點沒有套餐，嗌咗份滷香雞飯，嗰層炸皮又鹹又甜，咬落去嗰浸油益味好難頂，然後嗌咗杯鳳梨冰茶，杯野成$36 ，諗住有啲鳳梨，點知成杯嘢就好似川貝枇杷露 成一篤糖漿喺個底 仲要自己攪勻佢🥵 ，成杯咳水咁L樣。總之，野又難食，價錢又唔合理 。唔會再試。

見佢新開張又有人排隊就入去試吓啦，點了鹽酥雞扒同炸蝦两個餐，上菜時間都ok ，十分鐘就有嘢食，點知嗰塊炸雞扒的味道真是難忘，嗰種油益味應該係用咗成個禮拜嘅千年油味道，感覺很差！ 果杯果茶，淡而無味。 呢間店無下次了！

｛那個｝灣仔分店新開張🎊經常都聽到人講依間台灣菜餐廳好食，但一次都未食過🙈餐廳走復古風，有寬闊嘅卡位，周圍人亦有不少裝修小擺設，氣氛唔錯～✴️嘉義雞肉拌麵✴️依碗拌麵好好食，非常有驚喜！！😍佢嘅雞肉好有咬口，但唔係好韌會索口水個種雞肉！雞肉份量多，塊塊都好大好厚🐔不過重點係拌麵，平時食台式拌麵嚟嚟去去都係肉燥汁，依碗拌麵嘅醬汁帶甜，有陣豬油嘅香氣，所以每條麵條都有光澤✨面頭有炸乾蔥、蔥、炸蒜，撈勻食加分不少！✴️紅茶✴️大大杯，茶味甘醇，入口唔會苦澀👍🏻👍🏻