那個ㄋㄚˋ ㄍㄜ (軒尼詩道)

營業中

休息中

星期日1點同朋友經過門口見有幾個人排隊，5-10分鐘度入到去，裝修都幾光猛乾淨。雞球便當嚟到覺得份量比想像中大，比起雞球，應該叫大雞塊，炸雞淋了甜咸味的滷汁十分滋味，部分位置淋醬後仍然能夠保留脆的質感，口感十分喜歡。配菜方面有炒雜菜、粉絲及粟米粒，好味而且有花功夫，起碼唔係白烚菜。飯量加左大，仲可以免費加飯好貼心。湯麵湯汁較甜，朋友很喜歡，附送一串豆皮十分特別，吸滿湯汁好食。炸雞排厚肉且不乾柴，枱面仲有三種調味粉提供，我地最鍾意紫菜味。雞扒份量非常多，所以食到最後可能會膩，同朋友交換餸菜就Perfect。加左一個地瓜球小食，味道香甜好食，但好像內裡中空位置不大，粉糰層比較厚。講真今時今日呢個價錢，有咁大份量又好食，我地認為呢間餐廳高質素，會再經常嚟食。