部落美食 (已結業)

朝早開完會，小妹落深水埗小店同朋友仔聚舊，老死對小妹不錯，竟然食到生酮友善嘅驚喜午餐！ 睇到車仔麵嘅菜單選擇，見到魔芋粉絲已經不得了！跟住之後係有市場少有嘅食材，小妹就擇咗龍鬚菜、麻辣雞脆骨、方磚鴨血、豆皮結、海帶苗、黃金小皮蛋、淮山粉絲、老闆菜、千葉豆腐絲等等。 揀咗呢個組合： 麻辣牛腱片豆皮結黃金小皮蛋冬菇魔芋粉絲秘製麻辣湯（小辣） 見到芝士雞蛋卷、吉列芝士流心豬扒、流心拉絲韓炸雞更加不得之了，梗係叫埋同朋友仔開心 Share XD 知道食好餸要耐心，等咗10分鐘左右。 車仔麵先上，原來每份車仔麵都有芫荽鋪面，怕芫荽嘅朋友記得落單嗰陣話走芫荽。 小妹誤打誤撞叫咗「牛腱片酸辣粉」，上一菜，一祲暖暖嘅辣味飄過嚟。牛腱片肉質保持嫩滑，辣味十足，麻辣湯意外地有酸辣湯嘅風味，但係一啲都唔𢲡脷𢲡胃。魔芋粉絲掛湯唔錯，質感中規中矩。特別要提嘅係黃金小皮蛋，原來醃製過嘅鵪鶉蛋，口感少少煙韌，第一次幫襯嘅朋友一定要試吓！ 食完個「酸辣粉」，跟住就係個芝士雞蛋卷，以為同平時喺韓食炸雞店食嘅差唔多，非也！呢個蛋卷大淨係蛋卷上面嘅醬已經見到師傅嘅心思。原來係用紅莓、茄膏、 雜果同利賓納做醬汁，另外個芝士

突然心血來潮想食車仔麵路過見到一個小檔，就行過去試吓習慣上，我覺得油麵先係車仔麵嘅靈魂點知呢間部落嘅選擇都幾非一般🤔🤔咁就叫個車仔撈烏冬試吓配上黃金小皮蛋，麻辣豬耳同麻辣牛腱，小辣見到咁多芫茜，開頭有啲驚但食落個味唔會太搶，個平衡幾好撩起啲餸睇，幾豐富豬耳夠入味夠爽，牛鍵夠厚亦好味黃金小皮蛋其實係醃製過嘅鵪鶉蛋，口感上係爽口嘅，幾得意嘅重點係撈麵個醬，香辣鹹平衡，芝麻味錦上添花，咁樣撈係開心仔嘅清哂，證明堅好食UMAI!另外叫咗個芝士玉子燒最特別係個醬，酸甜有果味，同個玉子燒堅夾☺️如果再路過深水埗，一定再來食

由太子行落深水埗，見呢間新開試下，仲要勁多素食揀，叫左個小辣三餸麵，老闆仲話食素比多個餸😍，小店有樣好，通常親力親為，老闆親自煮，叫佢嘢食都有傾有講，介紹左芝士蛋比我 佢地一放底碗麵，已經覺得有Heart ，有洋蔥絲的車仔麵，加麻辣係最襯咖😍，特別的有白木耳同唔係間間有的麵根，麵根唔算油👍非常好，比老闆sale左叫“老闆菜“，係炸菜但切法唔同會爽口啲，辣就岩我食得小小辣又怕好辣嘅麻煩友。唔鹹嘅湯（我見對面個客人飲左2碗湯😳） 芝士蛋就要等一陣，點知其實我食蛋都飽仲有拉絲.....正！ 老闆同員工都好細心，又好禮貌。小提示：小店要坐店外街邊，如果想食得舒服d，可以外賣😉

行完深水埗鴨寮街見附近有間車仔麵店就黎食個lunch舖面點餐位置舖面另一邊舖面後面餐牌第一頁餐牌第二頁餐廳主要做外賣，但亦可以堂食今日總共嗌咗3樣野食，分別係芝士腸牛丸唐生菜米線、韓式炸雞同埋芝士雞蛋卷米線表面放咗好多芫荽同洋蔥，食落有陣陣啲清新香氣，芝士腸有腸仔味，唐生菜新鮮，米線煙韌有咬口韓式炸雞真係好食，有甜甜地加上有蒜香表皮脆脆地，好過唔少其他餐廳，正芝士雞蛋卷入面充滿流心芝士，同埋雞蛋都有雞香，都幾好食整體食物質素幾好，下次有機會黎附近會再食下

心血來潮想食車仔面，非常幸運俾我搵到一間好有水準既特色車仔面小食店😎😎大推！店面有大大個菜單，招牌仲有超大個QR code 方便網上叫外賣。第一樣叫左5餸撈淮山粉絲，入面有一大卷肥牛、雞軟骨、白木耳、蟹柳同龍鬚菜。佢地既秘製醬汁微辣，非常之令人開胃。真係一大卷肥牛！不得不提嘅係呢個芝士雞蛋捲😍大愛！面頭有秘製甜醬汁，蛋捲中間有流心芝士，仲可以拉絲🙈🙈超滿足呢！最尾心思思叫左個日式燒汁雞扒飯😎雞肉好滑，再配合日式燒汁，伴飯一流！🤗🤗今次黎食咁岩賣晒炸雞，下次去一定要試下先💖💖