影片
更多
2021-02-10
25 瀏覽
朝早開完會，小妹落深水埗小店同朋友仔聚舊，老死對小妹不錯，竟然食到生酮友善嘅驚喜午餐！ 睇到車仔麵嘅菜單選擇，見到魔芋粉絲已經不得了！跟住之後係有市場少有嘅食材，小妹就擇咗龍鬚菜、麻辣雞脆骨、方磚鴨血、豆皮結、海帶苗、黃金小皮蛋、淮山粉絲、老闆菜、千葉豆腐絲等等。 揀咗呢個組合： 麻辣牛腱片豆皮結黃金小皮蛋冬菇魔芋粉絲秘製麻辣湯（小辣） 見到芝士雞蛋卷、吉列芝士流心豬扒、流心拉絲韓炸雞更加不得之了，梗係叫埋同朋友仔開心 Share XD 知道食好餸要耐心，等咗10分鐘左右。 車仔麵先上，原來每份車仔麵都有芫荽鋪面，怕芫荽嘅朋友記得落單嗰陣話走芫荽。 小妹誤打誤撞叫咗「牛腱片酸辣粉」，上一菜，一祲暖暖嘅辣味飄過嚟。牛腱片肉質保持嫩滑，辣味十足，麻辣湯意外地有酸辣湯嘅風味，但係一啲都唔𢲡脷𢲡胃。魔芋粉絲掛湯唔錯，質感中規中矩。特別要提嘅係黃金小皮蛋，原來醃製過嘅鵪鶉蛋，口感少少煙韌，第一次幫襯嘅朋友一定要試吓！ 食完個「酸辣粉」，跟住就係個芝士雞蛋卷，以為同平時喺韓食炸雞店食嘅差唔多，非也！呢個蛋卷大淨係蛋卷上面嘅醬已經見到師傅嘅心思。原來係用紅莓、茄膏、 雜果同利賓納做醬汁，另外個芝士
朝早開完會，小妹落深水埗小店同朋友仔聚舊，老死對小妹不錯，竟然食到生酮友善嘅驚喜午餐！
睇到車仔麵嘅菜單選擇，見到魔芋粉絲已經不得了！跟住之後係有市場少有嘅食材，小妹就擇咗龍鬚菜、麻辣雞脆骨、方磚鴨血、豆皮結、海帶苗、黃金小皮蛋、淮山粉絲、老闆菜、千葉豆腐絲等等。
揀咗呢個組合：
麻辣牛腱片
豆皮結
黃金小皮蛋
冬菇
魔芋粉絲
秘製麻辣湯（小辣）
見到芝士雞蛋卷、吉列芝士流心豬扒、流心拉絲韓炸雞更加不得之了，梗係叫埋同朋友仔開心 Share XD
知道食好餸要耐心，等咗10分鐘左右。
車仔麵先上，原來每份車仔麵都有芫荽鋪面，怕芫荽嘅朋友記得落單嗰陣話走芫荽。
小妹誤打誤撞叫咗「牛腱片酸辣粉」，上一菜，一祲暖暖嘅辣味飄過嚟。牛腱片肉質保持嫩滑，辣味十足，麻辣湯意外地有酸辣湯嘅風味，但係一啲都唔𢲡脷𢲡胃。魔芋粉絲掛湯唔錯，質感中規中矩。特別要提嘅係黃金小皮蛋，原來醃製過嘅鵪鶉蛋，口感少少煙韌，第一次幫襯嘅朋友一定要試吓！
食完個「酸辣粉」，跟住就係個芝士雞蛋卷，以為同平時喺韓食炸雞店食嘅差唔多，非也！
呢個蛋卷大淨係蛋卷上面嘅醬已經見到師傅嘅心思。原來係用紅莓、茄膏、 雜果同利賓納做醬汁，另外個芝士餡加咗雜果、沙律醬同芥辣，減低芝士又膩又滯嘅感覺，但係仍然識拉絲㗎！
吉列芝士流心豬扒都係芝識拉絲嘅朋友，熱辣辣嘅豬扒正在芝士份量足，師傅用心將豬扒整到薄身，肉質鬆化，配撈麵一流！
接住落流心拉絲韓炸雞係芝士識拉絲局部去骨雞翼，咬一口已經有芝士爆出嚟，口感軟綿綿，可惜小店無賣啤酒，咁唯有買外賣先可以感受炸雞啤酒嘅感受。
向師傅大讚食物好味嘅時候，師傅一開口就深入淺出介紹菜色嘅製法。
原來麻辣湯除咗花幾個鐘將食材炒好，仲加咗當歸、黃芪、白朮、薄荷、藿香、甘草，難怪個湯咁正氣！
仲有晚市嘅串燒等待大家發掘，因為限聚令，座位有限，建議大家買外賣😉
張貼