都薈廊

營業中

休息中

上次寫完食評話佢定位過高，無套餐，今日行過見佢竟然真係推出左套餐！價錢方面變得親民好多，加上食物質素本身唔錯，應該會變得更受歡迎。今次叫左合3人餐，包3個主菜，我們選擇了卡邦尼意粉、一個五重芝士pizza、一個肉眼扒（200g)。套餐本身不包飲品，但加茶或咖啡半價，感覺都好化算（呢樣好重要，實際上真係抵唔抵唔係最重要，最重要係俾人「覺得抵」，其實半價左都要加十幾蚊，但就覺得好抵）。值得一讚係套餐包甜品，初初以為係好細件蛋糕嗰啲，原來份量都好 generous. 會多啲黎幫襯。

星期日中午去試下食，喺門口已經發覺間野冇乜人，都估到應該一係唔抵食，一係就唔好食。入到去坐低睇睇餐牌，確認係冇餐嘅，叫嘢食亦都冇話有折扣加餐牌上的飲品。喺一個住宅區黎講，嘢食同埋嘢飲完全分開來收費，唔係好啱呢一個市場嘅定位。佢嘅價錢亦同山頂凌霄閣唔差好多。今次一家兩大兩小朋友，叫咗個卡邦尼意粉（約$120），一個美式漢堡（約$160），一個五重芝士pizza（長型、不太大size 約$120），另加一杯玫瑰咖啡、一杯抺茶latte(各約$38）。同行嘅朋友一家三口亦有叫另外的食物。大家都認為食物質素係可以的。價錢我本身可接受，但唔會成日食，因為同一個商場大把同樣有質素的平價選擇。馬鐵綫的石門站亦有不少西餐。簡單啲講，呢間野要多啲生意，午市及茶市要做啲優惠。

今天同朋友去食lunch,因為有d 朋友其實無好肚餓，所以我們四個人點了一個pizza,一份salad 同一份意粉。overall 食物質素不錯，不過份量比較小份，尤其係個pizza,真係好細。不過，最失望是個別服務員態度其差，有個扎馬尾比較年青的女waitress, 叫多次佢請教下佢menu都已經黑面，仲要challenge 我們點得不夠唔夠食。不過其他服務員都ok 的除左這位女服務員。其實wegomall 咁多食店，本身metro cafe 價錢已經比較貴，我們真係唔需要俾錢受氣。

星期六 下午茶時段但沒有tea set供應 於是點左餐牌上既食物 辣豆肉醬熱狗同玫瑰咖啡熱狗個飽趣口 薯條是即炸 玫瑰咖啡真係有🌹味整體來講不過不失 但價錢偏貴 $146.5

The waiter in glasses is nice. He always carries a smile to patrons (and even to potential patrons). Nonetheless, the quality of food is poor. It is the first time that I visited this restaurant. Indeed, it will be the last time. In gist, I had the following experience :1. My cup of latte is cold. It is supposed to be hot. The barista should be retrained ;2. All the items in the so-called full English breakfast are not up to the requisite standard - the toast is as hard as stone ; the bacon is t

話說見到We go mall開左間新西餐，鍾意試新野嘅我梗係要去試下啦。晚餐係無套餐要散叫的。我地叫左個三文魚薄餅同蕃茄花蟹肉墨汁意粉。首先，個三文魚薄餅上枱嗰下，我呆一呆，因為無諗過咁細個，諗住收$118點都唔會細份得去邊掛，味道方面，唔難食都唔係特別好食。跟住到意粉，好足料，味道ok，啖啖蟹肉，不過每啖蟹肉都會咬到蟹殻，明白拆蟹肉呢個工序都好辛苦嘅，所以不能挑剔。總結：呢間cafe價錢唔算平又無套餐，要知道target customer係附近啲居民（相信都無乜人特登走入黎We go mall行街）希望遲下價錢同份量可以調整下啦

馬鞍山區新開商場We go mall，係海濱住宅區入面，人流唔多。而呢間Metro Cafe就係商場門口。因為係G樓，樓底高，環境開揚，無壓迫感。食飯時間，出面馬路都唔多車經過。*餐廳環境Metro Cafe色彩繽紛，適合一家大細嚟食。*煙三文魚扁意粉今次只係叫咗兩份食物。先嚟嘅意粉有咬口，唔會過淋。配有黃椒、紅椒粒，啲味入埋意粉。如果菠菜可以多幾條就好了。😋*紐約分享碟一碟有三隻水牛城雞翼、薯皮、芝士棒、炸洋蔥圈。仲有三隻醬汁。雞翼好食，炸得岩岩好。雞肉唔鞋🤓 薯皮太乾身，右邊個件變咗深啡色。食落有啲餡、皮分離，麻麻地。洋蔥圈內的洋蔥是厚身的，咬落都juicy至於芝士條，就一樣係好脆，不過就唔係鬆脆個種。值得讚一讚店員態度都好好。同埋餐廳仲有糕餅、雪糕。下次經過再嚟食過😆。

We Go Mall有新餐廳，雖然係岩岩開，但食物種類都有唔少，門口放左好多蛋糕蛋捲，而且仲有咖啡賣☕️試咗pizza，味道唔錯唔錯👍🏻期待聖誕會推優惠👀👀👀