都薈廊

營業中

休息中

星期日中午去試下食，喺門口已經發覺間野冇乜人，都估到應該一係唔抵食，一係就唔好食。入到去坐低睇睇餐牌，確認係冇餐嘅，叫嘢食亦都冇話有折扣加餐牌上的飲品。喺一個住宅區黎講，嘢食同埋嘢飲完全分開來收費，唔係好啱呢一個市場嘅定位。佢嘅價錢亦同山頂凌霄閣唔差好多。今次一家兩大兩小朋友，叫咗個卡邦尼意粉（約$120），一個美式漢堡（約$160），一個五重芝士pizza（長型、不太大size 約$120），另加一杯玫瑰咖啡、一杯抺茶latte(各約$38）。同行嘅朋友一家三口亦有叫另外的食物。大家都認為食物質素係可以的。價錢我本身可接受，但唔會成日食，因為同一個商場大把同樣有質素的平價選擇。馬鐵綫的石門站亦有不少西餐。簡單啲講，呢間野要多啲生意，午市及茶市要做啲優惠。