鄉下仔

營業中

休息中

晚餐叫左碗外賣雲吞面食左幾擔覺得d面苦 以為自己問題 叫埋屋企人試都話係苦味😰😰一半都冇食到就攞返落去同個人講 要求退錢個呀姐冇解釋面點解苦 亦話食過唔比退錢（大佬我唔食我會知苦？） 淨係比過碗新既比我 講真 我都唔係在意幾十蚊或要多碗面 係驚食左有問題冇得追究！ 不如解釋下點解面會有苦味？ 你做既食物有問題唔退錢？ 如果唔覺有問題你可以自己試下架呀姐？ 態度差 食物安全差 唔好黎👎🏼👎🏼👎🏼👎🏼👎🏼

今日太和站落車本身諗住食早餐 見到間粉麵舖諗住試吓 點知體驗真係差到我第一次需要特登打篇食評嚟鬧佢 生平未試過食啲粉面舖食得咁受氣 叫咗個牛腩河 湯底好鹹難以下咽 牛腩基本冇乜肉剩係得一堆肥膏 服務態度仲好差完全係黎受氣

呢間餐廳平時都會食，係我諗唔到食咩就會食佢既選擇！次次都叫牛腩米線！每一次都唔會令我失望😋啲餸同麵都係大份夾抵食！牛腩好腍會好好難咬，而且湯底夠曬濃，啱曬我呢重口味人士😝

今日去咗太和嘅鄉下仔度食飯，黎親太和想食粉麵嘅都會想食呢一間，鄉下仔🤩🤩🤩👍🏻👍🏻👍🏻今日都係叫返平時食開嘅牛腩河粉😍😍佢嘅牛腩好好食，唔會太瘦亦都唔會太肥，同埋好鬆軟，容易入口！！！！唔會好似出邊咁有啲牛腩會好韌，咬極都咬唔開🥶🥶同埋佢嘅牛腩湯底都好濃郁，配埋河粉食十分之好食👍🏻👍🏻👍🏻👍🏻仲要佢價錢又唔貴，叫一碗牛腩河粉都係30幾蚊，係依家黎講，都真係算幾平下添🥳🥳

這間鄉下仔據講是因為想將自己同「香港仔魚蛋粉」分開，🤔所以改成這個名字。它在太和街市下邊，店子都不算太小，不過桌子不太多，因此坐進來挺為寬闊的。😀食過兩次，第一次食牛腩米線攞走，感覺麵條碎濕濕，全部都是碎的米線，不過牛腩都算唔錯， 30幾蚊有10件、8件。牛腩都算是有肥有瘦，有點脂肪，瘦的地方亦都不覺得太過鞋口。另一次就是牛雜，牛雜米線，米線都是碎濕濕的，不過牛雜份量極多，有10多件之多。牛肚又林又入味，反而平日大家最不喜歡牛膀，只有一兩件；牛腸像粉腸一半，脂肪亦都不少，彈牙，份量夠多，夠爽如果以牛腩牛雜麵店來說，應該都是大埔墟街市那間鴻發奪冠，不過如果在太和這邊，這間鄉下仔也算是價廉物美，大件夾抵食。因此我覺得大埔區內的牛腩麵連贏位，應該就是鴻發及鄉下仔。

剛剛搬黎大埔，梗係要搵下平食啦～～行行下去左太和街市， 見到呢間鄉下仔粉麵好多人食，而我又餓餓地，簡簡單單食碗粉算喇～唔該，紫菜雲吞河一來到😍有6粒雲吞，而且好大碗，好味絕對係平靚正選擇

鄉下仔係一間位於屋邨商場街市裏面， 非常唔起眼嘅粉麵檔。 但係我真心覺得佢啲嘢好好食， 就算搬走咗， 有時返開嚟都會落去食碗牛腩米。 位置喺太和商場落電梯, 落到街市嗰層, 一轉入去麵包舖旁邊就係， 應該都係街坊熱門小店。 畢竟係太和近近哋想食間好味牛腩米， 都真係唔知喺邊度搵。 我自己黎親最常食嘅係雲吞或者牛腩米， 有時都會叫碗淨魚蛋。 覺得佢嘅牛腩炆得非常淋， 食咁多次都未試過中伏。 雲吞係好多蝦嗰種， 唔會覺得裏面加咗好多其他嘢，皮薄餡靚。❤❤ 唔知大家有冇試過出面食碗雲吞米但係個米粉勁難食， 完全理解唔到點解賣粉麵個面底竟然可以咁難食， 所以我更加珍惜鄉下仔呢度食乜嘢面都中規中矩🤤🤤好抵讚。 另外都想推介下魚皮， 買包返屋企打邊爐都一樣好味。

堂食及外賣都試過牛腩 或 魚蛋 乜丸等 清湯粉麵都很咸 😖😖應該味精很重手 🤪🤪店員態度語氣很差已經比過幾次機會 太和冇咩選擇不過次次咁咸唔會再幫襯寧願行遠D😛😛

好耐冇食過牛雜麵喇😍😍 以前間唔中都會食下 但係地道茶餐廳好似越黎越少呢度專賣車仔麵/潮洲粉麵🤣 性價比高又算乾淨～平時都幾多人幫襯!🍜牛雜麵 ($32)睇落去好似唔大碗 但其實size幾標準！牛雜份量屬於多👏🏻👏🏻 每個部位都有起碼兩舊😍 仲要係大大舊既 好有咬口唔會淋又唔會痴牙👍🏻 食完d麵仲有牛雜剩😌 麵條都夠爽口 氶水做得好好👏🏻 overall性價比好高 值得再食😝

今天跟家人到太和拜年.其間未開飯.有少少肚餓.由於很多店舖都沒有開店.堂哥說太和街市內有鋪車仔麵.營業時間很長.於是便去碰下運氣.店舖很新.因為是領展新裝修的街市.食物都很平宜.一碗有餸的車仔麵都只是$3 2！堂哥點了 🥢牛什河拼雲吞 💰3 2 + 7雲吞有二粒.但蝦肉很多.有二粒蝦.亦很彈牙爽口.牛什量很多亦新鮮.這價錢能吃到這碗牛什拼河粉.真是良心小店.👍🏻牛什麵的腩汁比普通都的香濃很多.喜歡腩汁的可以一試.我點了🥢牛筋米拼雲吞 💰 3 2 + 7牛筋量也太多了吧.滿滿骨膠原.很值得一讚是牛筋都沒有毛.很乾淨.總結是一間性價比十分高的店.有機會一定會來再吃.

最近交通擠塞，返放工都用多左好多時間。今日九點先返到大埔，好多餐廳都賣得七七八八，無咩選擇，而太和既食肆選擇好有限，諗住去幫襯某連鎖快餐店經過呢間潮式粉面，傳來好多既腩汁味，就叫左碗牛筋米試下，牛筋數量非常多，唔知係咪因為就收工，炆得軟滑入味，雖然米粉比較碎，但整體不錯。

呢間鄉下仔D 牛腩都唔錯,叫碗牛腩米外賣都幾多腩, 但係D 店員都真係冇乜禮貌, 叫外賣都還好,堂食就真係唔好啦~~~~~~~~~~~~~~~~~~~~~~~~~~~~~ 唔想行咁遠都係一個選擇黎既, 但如果店員態度好D 相信會更加好生意~~~~~~~~~~~~~~~~~~~~~~~~~~牛腩如果唔想要太肥記住叫瘦腩,如果唔係佢有機會俾左D 勁肥冇咩肉既俾你~~~~~~~~~~~~~~~~~~~~~~~~~~~~

過去我每次星期2，3次都搭車過來這間爽腩河，由於我只喜歡吃爽腩河，我都吃過一次都會習慣性去同一間吃，今天我將平時一樣吃同一樣野，來到碗河和我平時不一樣，我當然要轉過，唔係我搭車過黎食為乜，周圍都無得食咩，之後態度欠佳，有得換都這無得換，無就當初跟我講，唔好整左個不對板既麵比我就完成責任，我承認我浪費，我只要求牛腩換爽腩，話扣返錢比我，最後也沒有扣，很好的服務，賺到錢可以任性，我人不好祝你加租加到無法接受，小財不出大財損失。