影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
依間餐廳已經食過好多次🤣每次都保持到水準！真係好抵讚😍😍😍😍今次嗌左大啡菇burger 同雙層牛肉芝士🧀漢堡！一如既往 大啡菇🍄🟫burger非常juicy! 啲汁不斷滴落黎><但佢地好貼心架～準備左張紙俾我地包住個burger食！所以唔會食到好狼狽～～至於雙層牛肉芝士漢堡 個牛肉好出色～唔會煎到太乾身 啲肉汁又係爆晒出黎🤤🤤成個包又唔會太鹹！薯條方面 非常脆！！🤣🤣🤣必嗌！！！！因為係即叫即整嘅～但我怕熱氣所以叫左沙律～食完夠晒飽！！！！拍得住出面啲貴價 burger!🍔
繼續閱讀
😋😋😋經過見到呢間漢堡包店啲款式睇落好吸引，就入咗去試吓，見到餐牌上面都有好多唔同款式嘅漢堡包，最普通嘅牛肉漢堡、烤雞菠蘿漢堡同埋素嘅漢堡包都有，第一次去到真係覺得好難揀，好似全部都好想試吓咁。朋友叫咗個鄰居漢堡🍔，即係大雜燴咩都有嘅漢堡包，我就叫咗個大啡菇漢堡包，兩個都好好食，漢堡扒嘅肉汁充足，而且真係即叫即整，麵包嘅質感又好軟熟，比得上一啲賣到好貴價嘅漢堡包，有質素過某啲嘅連鎖店，真係值得一試。佢全部都係單叫嘅，但係都可以加錢轉做set,佢有一個叫做雙色薯條幾特別，好似係返薯條同埋薯條，但係由於我唔係幾鍾意食炸嘢，所以就冇叫到。佢亦都又唔係炸嘅選擇，就係可以配沙律，呢個選擇都幾好，岩d 唔想太Heavy嘅人👍👍👍 同埋佢哋嘅漢堡包擺盤一啲都唔馬虎，雖然都係快餐店形式咁經營，但係擺盤好似Cafe咁，你鍾意用刀叉食又得，佢都有張紙可以俾你包住揸上手食，呢方面都幾好。下次再嚟荃灣，一定再試吓其他款式。
繼續閱讀
19-4-2025（Sat）傍晚，同老公送完回收物資品後食個晚飯，去邊喥食？我諗起呢間，於是走嚟，嚟到時都已經有3枱客，我哋坐低睇完menu，就要：1. $52.00嘅意大利黑松露醬滑蛋熱狗，加$22.00變成套餐，要雙色薯條同汽水黑松露醬落得好夠，蛋係滑，熱狗本身落咗黃芥末味道都好夾。雙色薯條外脆內軟，番薯條本身夠甜就唔使蘸任何醬食。2. $66.00嘅香草雞扒菠蘿漢堡，都加$22.00變成套餐，要沙律菜同汽水個包係烘脆咗，雞扒juicy，菠蘿解到膩。沙律菜新鮮，醋嘅味道亦係唔錯。抵食係2.7分上次食評係2024年1月27日刊登嘅呢篇：https://www.openrice.com/zh/hongkong/review/yeah-%E8%A5%BF%E5%86%B7%E5%B7%AE%E5%92%97%E5%95%B2-e5264984
繼續閱讀
是日平日，適逢係下午茶時間，見到有下午茶優惠：只要讚好餐廳專頁，就買任何漢堡/意粉，送薯條及飲品（只限平日下午茶時段），等於一個套餐。🍔鄰居漢堡有手打牛肉扒、煙肉、蘑菇、菠蘿、車打芝士、蕃茄、紅洋蔥、羅馬生菜、自家醬汁組成嘅鄰居漢堡，牛肉好juicy，肉質嫩好好味！煙肉更有驚喜，唔會只是乾韌同好咸，配搭埋菠蘿，口感一絕。🍔大烤菇牛肉漢堡大烤菇唔乾，好juicy ！🍔雙重芝士牛肉漢堡雙重芝士用嘅係Mozzarella cheese, cheddar cheese 。有薯條同蕃薯條好正，好滿足，食材新鮮，食得出係用心製作。
繼續閱讀
店子很少，只有十多個座位，眼見由兩位年青人主理。 雙層牛肉芝士漢堡 $74麵包有烘過，兩塊很厚的牛肉，食得出是自家手打，牛肉味很濃，有肉汁，夾有洋蔥蕃茄和沙律菜，用料有水準。因為是下午茶時段，還包了雙色薯條(薯仔和蕃薯)和罐裝飲品，薯條炸得鬆脆入味。性價比很高，這個水準和份量，在其他食店肯定要超過$100+。 椰漿脆雞翼 $44/6隻雞翼炸得酥脆，外脆內嫩有肉汁，椰味比較淡，而且畧鹹了一點，但都已經很好吃。 所有食物都是即叫即製，所以上桌時都是熱辣辣的。雖然食品種類不多，但很用心製作，要讚。 我打算下次會試西冷牛扒。
繼續閱讀
您可能會有興趣的...