影片
港鐵土瓜灣站B出口, 步行約4分鐘
繼續閱讀
開飯介紹
Cafe以白色、木料為設計主軸，室外空間則放置藤椅，更可以接待寵物，配上咖啡及西式輕食，氣氛悠閒寫意。
繼續閱讀
營業時間
星期一至二
10:00 - 18:00
星期三至日
10:00 - 20:00
以上資料只供參考, 請與餐廳確認詳情
警世！星期日下晝滿心歡喜嗌意粉食，睇相好似幾唔錯點知2百幾蚊嗌兩個意粉，份量極少 又凍一個軟殼蟹意粉一個煙三文魚腩意粉，食落極一般同日晚上即刻肚屙（全日只食左意粉）星期一全日又屙又嘔仲要餐廳話翻佢哋本來份量同質素就係咁大家諗清楚先好去…食到食物中毒一定唔會有下次絕對永久黑名單！
繼續閱讀
一入去覺得環境好舒適，店員Nice叫咗洋蔥湯、極脆炸雞漢堡配黑松露薯條、洋蔥湯、朱古力撻洋蔥湯好濃郁，好多洋蔥，正嘅！極脆炸雞漢堡配黑松露薯條好大塊雞扒，外皮真係好脆，雞肉嫩滑juicy個包都好軟熟，加埋沙律菜、蕃茄，成件事好夾黑松露薯條薯條有少量調味，朋友覺得要再加鹽同店員拎咗啲鹽佢哋都好Nice，而且畀咗好多鹽我覺得ok，正常發揮黑松露醬有淡淡黑松露味，不錯！朱古力撻濃郁嘅朱古力味，配Americano 係正嘅另外店嘅理念都欣賞嘅成為大家嘅鄰舍，以愛還愛，讓大家有個舒適嘅聚腳點今次去主要係想試吓啲食物，同friend 諗吓喺嗰度搞小聚會嘅可能性會回頭😉
繼續閱讀
幫襯過幾次，嘢食雖然一般，但環境舒服、優美，仍然好貼心。記得有次去食，廚師唔小心炸得唔好食物，但仍補上別的食物當賠償。另外，飲品都幾好飲…知道他們好有心改進環境方面，主要是以優質裝修為主，有酒櫃同戶外空間可以坐，亦可以自由選擇坐屋內。與朋友坐幾耐無限制，人流唔多，傾計都一流。點餐可以scan檯上嘅qr code或到台前俾又得。有興趣，都可以一嘗嘅！PS 他們有提供聚會到會服務，如果需要都可以打去查詢。
繼續閱讀
作為一個土瓜灣街坊，其實想搵間餐廳靜靜地chill就唔係咁容易嘅最近新發現食過晒佢早午晚三餐各有各正嘢先講個早餐，我上次就食咗一個all day breakfast都係嗰啲正常嘢但係個薯餅係有驚喜嘅佢，因為佢真係有一啲薯仔嘅肉喺裏面! 比較有咬感芝士腸爆汁又係正嘅中午我食過佢個漢堡包，塊包有比心機烘過，牛肉juicy最近呢度已經成為咗我嘅飯堂今日食呢個牛油果蟹肉沙律，真心讚佢將啲蟹肉擺咗喺牛油果裏面，除咗靚之外，好方便食嗰啲好珍貴嘅蟹肉，唔會癡晒喺隻碟度新鮮，同細心完全食到廚師嗰份愛 ❤️❤️❤️同埋咁樣會有兩隻味，本身沙律有醋嘅味，如果加埋蟹肉就甜啲一個沙律，兩種口味🤗
繼續閱讀
依間真係有啲名過於實，見OpenRice 甘多好評諗住唔會差得去邊，要左份最簡單嘅牛角包牛油果加大菇三文治，先唔好講味道，講吓賣相一見到個樣已經唔開胃，所有材料跌哂散收收，好比拎兩技牙籤固定好先拎比客人啦！依個講吓味道啦，牛角包係淋嘅一食就知隔夜，仲要係細細個，完全同啲材料分離哂，明明係叫三文治，但每樣嘢都要分開食，好彩嘅係牛油果都叫做新鮮！凍美式咖啡價錢唔係抵，但size細杯到呢…….真係唔會有下次
繼續閱讀