酒盗 (已結業)

幾年前搬離開左呢個住左十八年的北角之後除左間唔中返黎懷緬下過去之外 都好少會試新餐廳今次黎到錦屏街 一條北角街坊都好少入黎的橫巷竟然有驚喜 係一間只有大概十個位的日式料理好彩book左枱 因為全晚full booking了一張6人枱 加上6-8個壽司bar位有燒物 炸物 漬物 小食 食物選擇好多當然重頭戲係壽司 刺身 同清酒啦🍶首先係#Omakase 12貫的壽司($218)師傅係係你面前完全公開整比你 呢個就係Omakase吸引的地方最出色的係ねぎとろ呑拿魚腩蓉うに海膽ボタン海老牡丹蝦特別係牡丹蝦 厚肉大隻 肉質彈牙鮮甜之後係特盛甲羅丼 ($168) 一個蟹膏伴海膽 一個蟹膏伴蟹肉配上一碗三文魚子飯 個人比較中意海膽個個將原個甲羅燒倒入白飯撈均 簡直係無得輸蟹膏同海膽的雙重鮮味將每一粒飯完全包裹 啖啖滿足之後就係串燒 厚切燒牛舌($35) • 燒牛舌($20) • 月見免治雞肉串($40)兩款厚度的牛舌都分別叫左黎試下睇落厚度無乜分別 食落 就知好大分別啦！個人更推介厚切 油脂分泌香好多 脂肪比重高啲相對肉質無咁實 香啲 惹味啲🤤另外月見免治雞肉棒更加係我食親日本野只要Menu有 我

呢間位於北角的日本菜小店，位置不起眼，舖面細細，但卻有超高質素的食物同殷勤的店員，店員會細心咁問我地對食物的意見，又會熱情咁同我地介紹不同嘅酒，因為呢間小店主打好多款特別的酒，經店員介紹後，好少飲清酒嘅我地都忍唔住叫左一支淺嚐一下。黑松露帶子沙律 $58好香黑松露味，帶子略為煎一煎好香口，配埋蕃茄、青瓜、沙律菜，仲有酸酸地嘅沙律醋，係好清新的小食。特盛甲羅丼 $168包括2個松葉蟹蓋，分別係海膽同埋九頭龍清酒煮松葉蟹肉，店員教我地將呢2個蟹蓋嘅料，連埋蛋黃一齊撈落個蟹籽飯，好香好好味呀，仲有少少炭燒的味道，每一啖都有好豐富嘅口感，食完係好滿足！海膽 $280海膽係時價，所以可能價錢會有變，我地以為夾紫菜夾飯會好食，原本唔包飯的，但店員好好話送一碗俾我地，但我地發現原來就咁用紫菜同青瓜絲夾住嚟食先係最鮮味！呢個真係無得輸，海膽又鮮又滑，超好食！長野純米吟釀 $35店員話呢隻係長野縣北阿爾卑斯山嘅之地酒，特點係醇厚香濃，米香扎實，我唔識分架其實，但覺得飲左落去有一陣暖流，好暖胃，米味就唔太重，反而酒味好出，呢度只係2小杯份量，但飲完都有啲wing wing地。

清酒選擇十分之多，也可以按一杯，一合點。食物方面有不同佐酒小吃，串燒等。清酒選了一瓶 いいずら 純米吟醸及惣誉 純米吟醸。いいずら 純米吟醸淡味，清爽，中段頗dry，aftertaste帶旨味。北安醸造產地 長野県大町市使用米 日本產米精米歩合 55%酵母 --Alc 16%日本酒度 --酸度 --飲用時温度 冷飲惣誉 純米吟醸帶菓香味，入口dry，微酸，中段甘味滲出，aftertaste有淡淡甘甜及旨味。惣誉酒造產地 栃木県芳賀郡市使用米 栃木県產五百万石精米歩合 55%酵母 --Alc 15%日本酒度 --酸度 --飲用時温度 冷飲

係北角返工 有時想食好味日本野就會黎酒盜 服務好又坐得舒服！呢日朋友接收工就介紹比朋友 晚市質素都好好 不都係lunch性價比較高！壽司拼盤 依家見到相都流口水 魚生新鮮 飯有咬口又唔會太鬆散 魚生飯 偏細 但係魚生都好新鮮 飽肚之選

去完倫敦，有嚴重home sick of 刺身+串燒+清酒，就想起酒盗Day 1先來最喜歡的熱清酒，今晚就由店長發辦，嘩！最高金賞第一位！果然名不虛傳，平時只識叫大吟釀就不會中伏，但呢支絕對係一支易入口，有米香的靚清酒... 好快就乾掉一支... 輕井澤啤酒的麥味好香，忍不住一支又一支最喜歡的魚之一，金目鯛，魚香清甜彈牙，燒又得，刺身亦得，好好味啊！鮮甜的海膽，入口即溶，滿滿幸福的感覺蝦，去北海道 花ma-ru壽司 要叫六碟 牡丹蝦壽司先大滿足的我，食完一隻蝦+一件壽司後，意猶未盡... 不過止止蝦痕，哈哈。 朋友不好蝦，都話好好味！連串串燒，只有呢個記得影相，熱食嘛，一定要即刻食盡快食銀幸，秋葵，雞軟骨，厚燒牛舌，免治雞肉串配上最得的日本蛋... 佐酒佳品！Day 2 因為回味星期日的鮮美，又想起呢度有最喜歡的螺tsubugai，就revisit了~ 朋友太太係日本人，一嚐輕井澤啤酒，就立點炸雞，哈哈，好韓風~! Tsubugai 係北海道的 風車峨螺，係場外海鮮市場食過，有海報+店員介紹，此螺厚岸產，北海道獨有~ 平時半年要去一次北海道食幾餐好的我，即刻覺得有少少安慰~ 再來姚明牡

連續兩個星期因為公事來到北角，又多一次機會來到錦屏後街搵食，今次揀了「酒盗」。唔知道餐廳日文名字「shuto しゅと」的漢字是否「酒盗」，但肯定此「盗」乃日文漢字，並非中文繁體字「盜」。這間日本小店似乎主打各個品牌的日本燒酌，餐廳門面的其中一幅玻璃就寫上了多個品牌日本燒酌的價錢（估計是每杯作價）；自知對日本酒完全沒有任何認識，但睇價錢估計，應該不是頂級日本燒酌。餐廳面積實在非常細小，只有一個開放式酒吧兼廚房，客人就只能夠坐在窄窄的吧枱前；連同一張擺放得非常勉強的二人枱，整間餐廳只能夠容納10個左右的客人。餐廳的細小程度直逼日本地鐵站商場內的立食壽司店、甚至更細。當然，餐廳細小並不代表出品唔好食，但小店的氣氛及室內環境好明顯是一間非常港式的日本料理，信心即時打了折扣。吧枱雖然細小，但放滿很多支日本燒酌；酒吧後面有一個小雪櫃，內裏同樣放了多樽日本燒酌。很難相信一間這樣細小的居酒屋，竟然有這麼多品牌的日本燒酌，實在非常難得。午市餐牌設計非常簡陋，只是隨便用一個透明塑膠文件夾、內附三張 A4紙製作而成。以餐廳的規模來說，出品款式都唔算少了，有烏冬、壽司、刺身、牛 / 豚 / 鰻魚丼等。考慮良久

今日返總公司攞獎，提早到北角食午餐，上網搵咗呢間後街日本菜，去到門面好細，店內只有一個大開放式廚房吧枱，啲客人圍住吧枱坐，另只有兩張小方桌！深木日本人菜館格局，我一個人去到，唯一女店員安排我坐其中一張小方枱，同我講如果有兩人客到要轉位！結果坐低未落單就要轉去吧枱！午餐定食價錢中價！落單後先上前菜及湯，後上主菜！月見蔥吞拿魚蓉定食（98）賣相靚，粉紅色魚肉撞落蛋黃度，加鮮豔綠好搶，撈勻食，吞拿魚好鮮嫩肥美，加咗蛋黃仲滑溜，少少豉油同芥辣已經足夠吊味！夾少少白飯，珍珠米彈牙！好味跟餐麵豉湯：夠熱，簡單豆腐海帶，豆腐滑，海帶滑溜，麵豉湯唔會太鹹，幾香！跟餐茶碗蒸：蛋好滑，唔太鹹，配料有魚蛋片、銀杏、鮮菇，配料唔使多味道幾夾！跟餐前菜帶子群邊：簡單麻油醃，又香又彈牙！跟餐Washabi雪榚：第一次食芥辣味雪榚，奶味中夾雜啲啲攻鼻喇脷感覺（微微）幾特別！店員有禮，聽到佢同其他客人介紹清酒！佢好熟悉！一個人一腳踢都保持有禮！呢間小店值得去！

#fridayla_northpoint⠀⠀⠀⠀⠀⠀⠀⠀🍾🍺酒盗 Shuto⠀ ⠀⠀💘💘💘百分百感覺💘💘💘⠀⠀⠀⠀⠀⠀ ⠀⠀⠀⠀⠀上次去完「酒盗」，一直「念念不忘，肚有回響」🤤 ⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀今次去主要試埋佢既串燒😍😍⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀之前講過👦因為D食物幾乎都以原味同新鮮做賣點，所以大都十分適合佐酒而吃😋😋⠀ ⠀⠀⠀⠀⠀⠀⠀率先比大家睇下D串燒先😎😎⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀💘💘💘特別推介💘💘💘⠀⠀⠀⠀⠀⠀⠀⠀⠀⠀ ⠀⠀⠀⠀⠀1️⃣免治雞肉串(玉子付) 💲40/串💬免治雞肉燒到剛剛好，好鬆化😍💬連埋玉子食，會多一層蛋香🤤⠀ ⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀2️⃣ 手羽先(雞翼) 💲25/隻💬日本空運到港，非本地雞！💬皮好薄，但燒完之後油脂味好濃😋💬雞有雞味，但本身味道偏淡，💬可以要求蘸d醬油，會惹味好多😎⠀⠀⠀ ⠀⠀3️⃣燒鹿兒島黑豚肉串💲48/串💬黑豚肉與脂肪分明，肉身都幾厚😝💬感覺似食緊醺蹄🤣🤣4️⃣獺祭sake set💲92💬由下至上，為二角三分，三角九分，同五角😎💬數字越大，越接近米心既精華，越純😍💬個人

今次因為有優惠的緣故，來到一試這間有不同清酒選擇的日本料理，前菜麵豉青瓜雖然青瓜不多，麵豉醬很有黃豆味，推介。黑松露帶子沙律抵食、開胃，茶漬飯茶味香濃，服務員推介燒厚牛舌，很juicy, 燒雞軟骨唔錯，燒羊架味道不'蘇'，值得一試。魚生、壽司整體都ok. 清酒「龍龍龍龍」有果香，不太濃烈，唔錯。女服務員不錯，有禮，服務周到。其他師傅都很有禮貌。整體來說，感覺良好。環境方面，很容易找到，由書局街入會更好。

走簡約清靜的路線，位置不太容易察覺。已經係一個月內第二次去呢間居酒屋。清酒的選擇都比較多，最吸引的係佢的獺祭3set！亦有好幾種平時少見的酒可以品嘗。食物方面都有驚喜。燒喜之次，牛舌，味淋魚干，西京燒！比較特別的，是佢地的海膽天婦羅！不過openrice 的地址好像街名錯了。

以清酒和串燒為主打、值得推介的一家居酒屋，好像新開張沒多久。清酒除了可以像平常地點一合，店裡也有推出3杯+１客小食的set，又可以單點60ml，對喜歡多試幾款或者酒量淺的人來說，簡直是福音。另外我們也點了免治雞肉串，但肉質比較像切碎了的雞肉，所以是無法整串取起、而是會散掉的。不過，可以吃得出是自家製而不是來貨，黑椒洋蔥的味道很突出，十分美味。有生雞蛋是一大加分位！工作人員十分友善，會很有耐性地按客人的口味推介清酒。雖然店面比較小，但氣氛很舒服，不會很吵，是適合兩三個人去聊天的地方。

北角有好多野食，價錢唔平。最近開了間的骰日本居酒屋類的小店，就趁lunch試下！餐牌有2頁，叔叔點了鰻魚飯。整體價錢以北角區黎講算貴。。鰻魚原條，佢係即燒，好正無雪味，軟熟，堅正！亦有蛋同小食，個蛋好滑，好味。如果可以平多少少就十分好啦！ps.佢服務好，因為得10個位左右，但有2個侍應。會再來試魚生飯！

坐月之後第一餐日料，所以都抱住期待的心情。一間好的骰的小店，坐位應該有十位左右，一入到店鋪內，我和我老公本打算座bar台，不過店員聲稱如果有4-5位客人到要讓座，好奇怪.....咁就座返2位台。當時仍抱住期待的心情。間鋪名叫酒盗，有好多種不同款式的清酒，可惜暫時未能飲酒。先上烏冬，感覺偏咸，可能是送酒菜，味道是特別重。到燒烤啦，咸到可以比十級咸。到刺身都OK既，因為我地叫左師傅拍版的壽司，出事了...魚生沒有芥末跟上，張台太細隻碟太大，吃得好吾方便，有部分魚生腥腥地，不新鮮。海膽壽司有雪係入面，食完馬上埋單.....跟手去第二度再食。

是日來到北角行街，看到小巷入面別有洞天，有中，西，日，星馬菜，嚴如一條小食街，見到呢間叫酒盜的，心血來潮想飲清酒，於是便跟友人進去。 一入去是亦西亦日的裝修，佈置樸素簡約，出品部是半開放式的，相信對衛生有一定保證。不過場地實在細小，我與友人進去之後已是高朋滿坐，外面已有人排隊了。坐下先點個什錦漬物，有醃蘿蔔，紫蘇唔知乜，牛蒡醬油漬，酒盜芝士，款式都算多，佐酒一流。 點完食物就點清酒，今晚支酒來自京都，用的自然是地水，米種來自當地比較少見的米種，酒質溫和，香氣適中，是一個好的開始。這裡的酒多達卅多款，很多都是出面少有的牌子，仲可以一杯杯的落單，如果想試多幾款的話，呢度係唔錯嘅選擇 食完漬物就食燒物，呢個銀鱈魚西京燒冇乜特別，不過見佢98蚊份量唔少都算係咁，中間條姜芽好食過主菜，姜味鮮嫩而不辛辣，唔知呢啲係唔係妹仔大過主人婆呢。 呢個店家推介的日本鷄翼，索價25蚊一隻覺得偏貴，但友人想試唯有應酬一番，本來冇乜期望之下竟然有驚喜，咬落去皮脆肉嫩，鷄味十足，非一般雪藏貨可比，可以算得上物有所值。 牡丹蝦刺身就食得多喇，天婦羅就未試過，就叫兩隻食下，咬落肉彈鮮甜，但都係唔及