影片
營業時間
星期一至日
07:00 - 19:00
以上資料只供參考, 請與餐廳確認詳情
千祈唔好幫襯！未入去嗰陣話自己啲絲襪奶茶好好味，又叫人唔好食海鮮。我今次就真係...，入去之前又無講無餐叫，話除咗下午茶樣樣都有。到攞到個 QR Code 就話而家開始係晚餐時間，18:00 都未夠，你氹我入嚟嗰陣又唔見你咁講？唯有叫個黯然銷魂飯，見佢餐牌括住話秘製醬汁叉燒，同埋佢話絲襪奶茶掂就叫奶茶。奶茶嚟到即刻飲啖，有幾好飲呀？可能我唔識嘢啦，我覺得薄過我平時飲嗰啲普通茶餐廳囉。到碟飯嚟咗，吓？！飯🍚，普通白飯，叉燒，唔好同敏華黯然銷魂比，但都唔好咁普通吖！說好的秘製醬汁呢？普通豉油咋喎，加隻太陽蛋就叫黯然銷魂？咩料呀？我兩人入座，佢催我話二廚就收工，叫我快啲落第二個餐，見到個飯同杯奶茶，已經唔想嗌。問仲有無全日餐，佢話有，點知一樣唔包飲品，咁咩叫餐呀？算，就叫咗個沙嗲牛肉米+火腿太陽蛋，最好食嘅原來係個太陽蛋，我未試過茶餐廳沙嗲牛肉都係唔掂，得黑椒味，辣嘅，唔係沙嗲味，米粉個湯水哼哼，無味！真係懶打字嘅我都忍唔住要出手寫食評。都未講個價錢，由於唔係我埋單，食到一肚氣我問頭先幾多錢，我老公話 $160。$160？我食咗啲咩呀？我老公話佢有加一，激死 x 3！仲諗起個職員喺臨走仲同我哋講，得閒再嚟食過，我哋初一到初四都唔休息㗎。多謝晒啦！請都唔再嚟！
繼續閱讀
lunch叫左個外賣自取，拎嗰陣發現比漏左份多士，好彩發現到，行左幾步返轉頭，餐廳都肯比返我，到食嗰陣發現原來仲比少左份蛋，叫貝殼粉又變左做螺絲粉，十樣野錯九樣，唔知間餐廳搞乜
繼續閱讀
去完西貢露營，返到市中心有啲肚餓就同朋友係西貢搵左間茶餐廳食啲野先返屋企😎我地之所以會揀依間餐廳，全因為個老闆太friendly🤣 由於一坐低嘅時候，佢地有太多單，老闆叫我地可以食住隔離舖嘅葡撻同菠蘿油先，等5-10mins先再落單😆最後我地三個人叫左2個lunch + 1個tea 😋1. 黑松露海鮮炒飯黑松露味係幾重嘅，而且個飯都炒得幾乾淨身！算係正常發揮嘅炒飯👍🏽2. 日式鰻魚蛋飯外貌好吸引嘅，不過味道呢就唔係話好特別🙈3. 日式煎餃子配和風柚子汁依個係出奇好食！個和風柚子汁好開胃🤤餃子煎得咁脆👍🏽👍🏽😋😋值得試！*老闆特別推介凍檸茶，話佢哋個茶底好正🙈個人認為係好飲嘅，不過未至於話真係超級特別🙈🙈🙈
繼續閱讀
喺街頭隨意闖入嘅店鋪，有時就會俾你啲意想不到嘅驚喜！今次我走入一間外表唔起眼，但內在卻好有料嘅小店。👨🍳話說佢哋嘅越式香茅豬扒，顏值正到爆，色澤金黃誘人，令人垂涎三尺。濃香嘅香茅味道撲鼻而來，豬扒煎得啱啱好，外層微酥，內裏肉質腍滑，真係一絕，食落去真係話唔埋口好味。個珍珠飯又係一方面，煙韌有咬口，吸滿咗肉汁，食落克錦克有飽足感。喺度品嚐到嘅另一款龍蝦湯泡飯，亦都唔遜色。湯頭鮮美，龍蝦當然係主角啦，咬落去Q彈，加上油封鴨髀，皮脆肉嫩，咁配搭係唔常得到嘅。真係食碗嘢都要讚聲，好過癮！🦞而家我只能講，下次要係想食平民價錢嘅高級美味，這間店一定喺我嘅首選名單入面。貨真價實，食到飽，開心過癮，真係無得頂！👌💯
繼續閱讀
其實有食開茶記都知，酷啡d野係有心機，同街口三寶（和記、全記、陳權記）比，酷啡價錢唔係最平，但性價比肯定最高同埋我個人覺得幾有人情味，不過可能要西貢街坊先感受到
繼續閱讀