醉標泰粵小廚

營業中

休息中

平時兩人來吃過幾次小份的清湯酸菜魚，每次都起碼有四五碗魚肉，吃得非常滿足。今天多了一個人，就點了一份大份的紅湯酸菜魚，魚上台，比小份多了一個魚頭，酸菜有加量還很多，起碼八九碗酸菜，魚肉僅有最多三碗。大份和小份的價錢相差了44%，不明白魚肉的配比是如何量度的。職員説老闆親自掌廚，都是有比例的。好吧，我真明白不了所謂的比例就只是增加魚頭和酸菜🤔 以後我老了，如果開餐廳的話，今日這個操作絕對是很好的參考👍🏻

今日lunch時間，當然要幫襯小店。新蒲崗區有不少美食，都有好多小店，在附近搵野食野，咁岩見到依間小店lunch set都好抵，只係$42只有一碟可能雞飯加一杯凍飲，所以決定一試。入到去就order左set lunch。等左一陣，野食就來到。這個海南雞飯雞肉不會太鞋亦不會太生，恰到好處，配上充滿香味的雞油飯，非常不錯。海南雞飯的辣醬亦很好，不會過辣。美中不足是餐廳環境一般，有時有小昆蟲周圍飛。可能小店要搵滅蟲公司解決這方面問題。

今日係openrice睇到呢間有烤魚，所以即刻揸車去食😋點知好有驚喜 條魚勁大條好好味！好滑！好可惜朋友唔食辣 我本人於10月16日係此店食飯，然後打了篇食評，見隔離枱個辣烤魚都好吸引😍最最最好食係個豆皮！好入味好好食！ 不過茄子就唔係好夠味店裏面有兩個員工服務態度都好好 食得好開心🥳

打完羽毛球，朋友帶我去哩間，門面一般啦，地方都逼逼地入去坐低，見到餐牌，泰菜，酸菜魚，串燒，小菜都有，咁堅4個大胃王，要食幾多先飽呢？酸菜魚～$188大份，唔貴，入面d魚好大塊，大辣湯底有d辣度，用料不過不失，切合返個價錢蝦膏炒飯～有大粒蝦仁係入面，味道不錯，泰式重口味。生菜包～辣度夠，我中意，肉粒偏肥d，但惹味蒸烏頭～大大條，新鮮的，肉嫩，不過我食唔慣咸檸個味炒蜆～咸左d，份量少d，無咩特別去骨口水雞～味道不錯，其實係海南雞加麻辣醬，幾有創意小炒王～有魷魚新鮮，好正常既小炒王評價～我會再食哩間，性價比不錯，多選擇

經常去吃！今晚都是兩點了以下幾樣1， 兩人份量酸菜魚， 如欲依然嫩滑但味道淡了些2， 海南雞飯$55又有咁份量又 新鮮有口感算係呢區最值得一食3，50$ 2隻 元貝，呢次食好梅又唔新鮮而 粉絲好硬4，50$ 2 隻 生蠔， 好咸食以前都不是這樣，今次最差

——————————————————————#白湯酸菜魚 $1282人份量只需要$128算抵！呢款酸菜魚個湯好好飲，同平時食開幾唔同，用左鮮魚同鮮雞熬成，飲落除左酸酸辣辣之外仲幾鮮甜！魚方面用左鱸魚🐟，肉質食落都好嫩滑，亦加左好多酸菜，幾惹味！好味指數：9.2/10#口水雞 $42辣得尼帶點麻，最緊要d雞好嫩而且好抵食！好味指數：9.1/10抵食程度：9/10回頭度： 9.2/10——————————————————————📍地點：醉標泰粵小廚 (新蒲崗)新蒲崗錦榮街5-7號東誠大廈地下B&C舖🈺️營業時間：星期一至五、星期日12:00-02:00、星期六18:00-02:00☎️電話：28332188

去開附近做完野就搵啲野食 見到有間餐廳就入去啦，點知食物超有驚喜！ 推介推介！ 係好辣好辣嘅酸菜魚，一黎到係勁大盤又好香，湯好清甜，魚肉質好有口感好滑，可惜我唔係好食得辣，所以去到半路我要特登不走啲辣椒先食到，但如果中意食辣應該勁正。仲叫左啲串燒食，又係冇得彈！ 唔知意思，比較大食 可以叫左好多金菇肥牛正！ 但最正係個五花腩肉，處理得唔好會成口肥膏，但佢係有油香但入面唔肥！ 牛仔骨都係超好味！ 至於其他都正常，味道唔差！ 人情味小店，靚姐好好傾！

疫情未開始時黎呢間食過，餐牌上都有幾多款式，老板介紹我地食酸菜魚，我地仲點左蒜蓉包、肉碎生菜包。香脆蒜蓉包：蒜蓉包整得好香好脆，想食完再食，不過要留返個肚食主菜！惹味酸菜魚：酸菜魚份量好多，落足料，入面有好多酸菜同埋魚肉！最正係個湯底，食之前飲左幾啖魚湯先，魚湯酸酸辣辣，非常醒胃，好適合送飯！我同朋友都好鍾意食酸菜，酸度適中，可以中和返辣味，好開胃！裡面有好多魚肉，已經去好骨，味道好鮮甜！肉碎生菜包：肉碎好香口，加埋爽脆嘅生菜一齊食好正！我同朋友都叫左椰汁飲，我叫左椰汁冰，好有椰香味，非常消暑解渴。朋友叫左椰汁珍多冰。

係爆肺炎之前食過...希望快D爆完可以再食啦黎E間食飯一定要叫酸菜魚 點解?因為D魚炸得好甘香脆滑, 浸落D湯度先可以吸晒D味同埋條魚D骨大大條又唔多, 差唔多係啖啖肉, 食得輕鬆但如果唔食得辣既人可以早D夾走D辣椒, 因為會越浸越辣架除左酸菜魚餐廳仲有勁多款串燒任君選擇, 加埋啤酒一流我叫左牛肉串, 牛仔骨同雞翼三樣串燒都燒得岩岩好, 外層有D焦香, 內層又唔會乾晒肉汁加埋D辣粉真係好野味最後仲有燒矮瓜, 同樣係有辣粉, 但有D蔥花中和返而且唔係好油, 推薦

前排冇乜嘢就出下街，又食我至愛的酸菜魚，今日專登嚟新蒲崗食酸菜魚，舖頭環境唔算大，叫做一間專食酸菜魚同烤魚的小店。我仲有叫一啲串燒，都唔錯，推介俾大家。👍👍👍酸菜魚好高質，魚的份量適中，加上酸菜，陣陣香味湧出來，再試下個湯，個湯好濃郁，又有魚味，叫返碗飯撈下就正啦。😊😊😊依間仲有串燒叫，我同朋友叫左幾串就算，因為酸菜魚加飯實在太飽了！牛舌都爽口既，不過黎依間食，我都係推介酸菜魚多d👍仲叫咗杯咸檸7，平時好少飲汽水嘅我都忍唔住嗌返杯飲下，咸檸7比我嘅感覺就好似以前舊式大排檔咁，好有風味！😀😀下次多d人一定要試埋個烤魚呀😀😀😀

今日放假夜晚去左黃大仙下村探朋友，之後拉左佢出去食飯，哩度近住新蒲崗，果面食野比較多選擇。天氣甘熱，最想食d 開胃野，見到哩間小菜館有泰國菜又有酸菜魚食，一於入去望下先。唔單止有基本既泰國菜，粵式小炒、串燒等都有，而酸菜魚都唔算好貴$128，店員落單時介紹酸菜魚既湯底係用左雞骨加魚骨熬製而煮，鱸魚係無骨，大小朋友都可以放心食，仲可以揀唔同程度既辣，我揀左要小小辣，朋友仲揀左些串燒，話唔想淨係食魚甘寡喎。等了又等，終於見到店員捧住好大盤的魚放到我們面前，熱騰騰，魚片食落好滑身，雖然都有好多辣椒、花椒係當中，但唔算好辣，好容易入口，食食下，店員問我地要唔要叫兩碗白飯送，我地當然要啦，而食到臨尾，我同朋友仲連湯都飲埋，話哂都係精華嘛。串燒方面，我地揀左一口和牛: 食落Juicy，燒茄子: 蒜蓉同孜然混合埋，味道又唔錯喎，蜜糖雞翼: 肉質燒得好嫩滑，加埋孜然既香味係當中,野味，羊肉串:食落唔蘇，唔鞋、豬仔脾: 本身醃得巳經好夠味，唔會韌。我地仲叫左兩杯飲品，分別係龍眼冰同咸檸檬梳打，天口甘熱，飲啖咸檸檬梳打，消下暑仲可以清下喉嚨，而龍眼冰都幾清甜。我地坐下等下，愈來愈夜，人流就愈來愈多，出菜時

醉標泰粵小廚 (新蒲崗).鑽石山係我倆嘅中間點(⁎⁍̴̛ᴗ⁍̴̛⁎)附近搵到間有酸菜魚同埋全小食鋪頭，仲要係營業到凌晨2:00！.⚜️酸菜魚⚜️.一上枱見到勁大盤酸菜魚，叫之前店員有問過我哋食唔食得辣，雖然望落好似好多辣椒🌶️但食落一啲都唔會辣啊！因為我一個完全唔食得辣嘅人ψ(｀∇´)ψ魚🐟質係起滑，湯底係用雞湯同魚湯煲成，魚肉配埋湯，好味！ .⚜️炒豬頸肉配冬陰公汁⚜️.豬頸肉炒得好冧，每件都唔會太肥，再配上冬陰公汁，我哋仲叫咗一個油飯配埋食！.⚜️龍眼冰及青檸梳打⚜️.呢度有泰式飲品飲，個龍眼冰好足料啊！上面有勁多龍眼肉(⁎⁍̴̛ᴗ⁍̴̛⁎).⚜️香脆蒜蓉包⚜️.個蒜蓉包超級之好食，蒜蓉味香，啱啱焗起非常之香脆！ ！ .⚜️雞泡魚乾，金菇肥牛卷，燒韭菜⚜️.個人其實幾欣賞佢嘅串燒，我見隔離有位客人入嚟都淨係叫串燒同埋啤酒🍻燒韭菜一串都係$12，呢度嘅價錢都非常之適宜！重點係味道都係一流(⁎⁍̴̛ᴗ⁍̴̛⁎)個金菇肥牛卷都唔錯！ 如果住喺附近嘅朋友夜晚食宵夜，呢度絕對係一個極好嘅選擇！—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌醉標泰粵小廚 (新蒲崗)新蒲崗錦榮街

畢業之後都好少黎新蒲崗，今日同朋友咁啱經過呢邊，所以係附近食埋晚餐。新蒲崗真係多左好多食店，最後揀左呢間叫醉標泰粵小廚嘅食店，門口嘅餐牌好似唔錯咁。我地叫左蒜蓉包、肉碎生菜包同埋老板介紹嘅酸菜魚。泰式蒜蓉包好香蒜蓉味，沾左蒜蓉粒粒，外層烤得非常香脆，內裡鬆軟，作為餐前小食唔錯。酸菜魚份量非常足，入面有大量去左骨既魚肉同埋酸菜。湯底非常正，酸辣濃郁，酸酸辣辣非常開胃，用黎送白飯一流！酸菜好爽脆，份量好多，中意食酸菜既朋友唔好錯過！魚肉好嫩滑彈牙，非常入味，大啖大啖魚肉咁食好爽！肉碎生菜包肉碎好香，帶少少辣，好惹味，加生菜包住可以中和辣味。最後叫左杯椰汁，係自家製，椰香味好濃，質地好滑。酸菜魚真係好好食，重點推介！

星期六同幾兄弟姊妹一齊去新蒲崗泰粵食晚飯，去到店內好細，不過可以選擇坐外面，比較有大排檔風味，等咗5分鐘等店員執好位就可以入坐，坐底咗之後，我地一人點了一個餸，分別點了支竹羊腩煲，羊腩非常多，好淋身，湯底好豐富料足之後點了酸菜魚，魚肉滑身，湯底中辣，酸菜配搭魚肉一齊食非常開胃最後點了白切雞，白切雞好一般冇乜特別，同埋海鮮炒飯，炒飯還可以，炒得夠乾身飯粒分明，味道唔錯夠香，份量相當足食飽後細妹話想試下啲串燒，所以叫多個芝士串試下，芝士太咸，食落有少少漏，整體上菜色都唔錯，價錢上因為晚飯時段都合理，坐出面有大排檔風味，比較舒適

酸菜魚確名不虛傳，湯頭美味，酸度啱啱好，鍾意食辣可加入，定更好味。無骨魚肉好滑，啱啱好，唔會好油、好鹹，連魚頭都食埋。燒茄子也做得好，串燒都有水準，燒波蘿也不錯，反而泰式菜就一般：海南鷄飯嘅飯比較乾，用鷄油飯、潤濕些會更好；炒金邊粉做得唔油，但味道就中規中矩，蝦餅份量夠大，也是即炸，味道可以更好。看見其他枱大都食酸菜魚或爐烤魚，相信係鎮店之寶了，希望下次試吓其他粵式小炒，泰菜有改善就perfect嘞！重有一句很重要：價錢唔貴，唔使$150一位，很抵食！