醉美島 (已結業)

Happy Friday 去左呢間都係新開的！佢哋除左係串燒店🍢仲主打海鮮鍋🍲想食嘅話需要前一日預訂㗎！座位坐得闊落👍🏻 仲做緊試業優惠$1盲盒串燒🍢如果要我揀一樣必點，一定係燒生蠔🦪肉質飽滿，落咗好多蒜蓉🥰鮮味非常突出啊😎雞肉串燒嘅選擇都有幾款，我哋就揀咗雞翼同雞軟骨，食落都幾彈牙😆 金菇肥牛串都推薦必點✨食落滲出好多肉汁～娃娃菜加左調味料之後好惹味，絕對值得encore🤓五花肉串肥瘦均勻，油香滿溢🤪 新疆羊肉串配上孜然粉唔會好羶👍🏻魷魚鬚爽口有嚼勁🐙除左串燒，仲有小食雞泡魚乾，不過部份位置有點硬身🥹 如果鍾意飲啤酒嘅朋友可以試吓🤩另外可試下蒜蓉茄子🍆蒜蓉加埋調味料幾惹味，而且燒得幾軟腍同juicy💦 飲品方面沙冰大大杯，非常解膩🍹 提外話，店家會有個爐可以keep住串燒熱啲🔥不過個火只係用蠟燭，所以實際作用不大🥹希望遲啲會有改善啦～Menu:停唔口雞泡魚乾 $48特大蒜蓉燒生蠔 $38/隻醉美五花肉串 $32蒜蓉茄子 $38/份惹味雞軟骨 $28/2串新疆羊肉串 $25金菇肥牛串 $28豬頸肉 $18娃娃菜 $26/2串燒雞翼 $23魷魚鬚 $20特色燒賣 $18台灣原味香腸 $1

住在元朗，但很少去街食飯，難得呀女話請我食飯，梗係開心，最後我們決定去試鷄地嗰邊睇下有咩嘢食，見到新開燒烤店就入去試下！店內裝修很年輕化， 牆上貼滿了富有色彩的膠牌！都幾得意！👍每枱都有一個爐，可以保存串燒溫度，一路食一路傾計，就不怕食物凍哂！👍👍💢店內是用QR code 手機點餐。 Scan code 入去之後，發現有好多不同種類的燒烤食物提供選擇，當然還有其他招牌熱食👍👍我們點了很多不同種類的串燒，有牛肉，羊串，牛舌，金菇牛肉卷，燒蝦，薯片，粟米等等………所有食物燒得剛剛好，不會太乾，味道也相當不錯！💢燒薯片，邊皮脆卜卜，少少辣，幾好味😋😋💢粟米串HK$30/10串口感煙煙韌韌，加上孜然粉和味粉，原來都幾夾，味道唔錯！💢燒韮菜，韮菜唔老，冇渣👍👍💢燒鷄泡魚乾，燒很好香，好好食！用來佐酒一流💢 蒜香燒蠔，蠔好新鮮，蠔味十足，蒜香味濃👍👍💢最後嚟過燒菠蘿結尾，香甜多汁，滿足到爆！😋😋😋差啲唔記得要推荐下佢哋啲沙冰飲品，大大杯超級好飲……💢芒果沙冰，芒果味濃，酸酸甜甜，裡面仲有爆珠，正！💢椰子沙冰，椰子味香濃，不太甜，喜歡椰飲的朋友一定鐘意！😁😁

呢度環境舒服，串燒熱辣辣，串燒原本已經有味㗎啦，但佢都有辣粉同孜然粉俾你灑落啲串燒度👅 我個人覺得唔使曬，因為佢原本調嗰啲味全部都好好食，同埋已經好夠🫦重點係啲嘢食好平🤣兩個人係咁嗌，因為又平又好食😝✨✨✨佢用自己醃製既汁燒魷魚鬚，同燒生蠔，超級好味😛 其他肉類好有肉汁，完全唔會乾身👌🏻誠意推介元朗串燒店！👅：⭐️⭐️⭐️⭐️⭐️💵 ：⭐️

👦🏻話想食串燒，👧🏻揾到間近近地既串燒店，價錢唔算貴，環境舒適～ 最特別嘅地方係每枱都有個用蠟燭點著既熱爐，令食物保持熱度，啱哂傾計食飯既人😆！蒜蓉燒生蠔生蠔大大隻，蠔肉鮮甜，同時吸收咗蒜蓉既香味！燒蝦蝦燒到外皮脆口，蝦肉保持彈牙！用咗椒鹽粉調味，惹味得嚟，又會食到蝦既鮮甜，個殼仲燒到脆卜卜！牛舌一口嚼下，先是牛舌的彈脆感，接著是柔嫩的質感，飽口度滿分💯豬頸肉燒到焦香，豬頸肉油香味出哂嚟。金菇肥牛卷牛肉肥瘦均勻，包住燒香咗既金菇，口感大滿足！燒菠蘿菠蘿酸酸甜甜，表面燒到少少焦香。花甲粉絲花甲無沙，洗得好乾淨。花甲既鮮甜令湯底都非常鮮甜，粉絲吸收哂湯既鮮味！芒果沙冰沙冰入面食到芒果粒粒同芒果爆珠，成杯充滿芒果既香甜味🥭！📍 醉美島 (元朗)元朗鳳攸南街3號好順景大廈地下10號舖

元朗呢頭本身就有好多小店，尤其呢條街好不熱鬧。同朋友過嚟試吓呢間新開嘅餐廳，有海鮮鍋同串燒食。今次badboy同朋友淨係試咗串燒，覺得呢度嘅氣氛好啱同朋友一齊飲吓酒食吓串燒傾吓偈，性價比高👍🏻香燒羊骨扒$58Badboy食過幾次串燒舖嘅羊扒都覺得一般，但呢度嘅羊扒意外地出色，肉汁豐富又嫩口，肉質結實而軟腍😋醉美五花肉串$32五花肉加適量辣粉好惹味，肥美油香，差啲俾badboy食晒搞到朋友無得食🤭-川燒牛串$28肥瘦適中，幾香口。-惹味牛舌$38偏乾身但調味恰到好處，唔錯。秘汁洋蔥魷魚鬚$68魷魚鬚口感彈牙好嚼口，我哋揀咗配金針菇同麻辣味。麻辣唔會好辣，感覺蒜蓉味應該仲正。蒜蓉茄子$38茄子燒得好軟腍，蒜蓉真係同茄子超夾🤤好食👍🏻惹味臭豆腐$20有啲意外佢係黑色😳so cool，聞同食落都唔臭。甜燒菠蘿$28寫明要等15分鐘，所以我哋一嚟就點咗。菠蘿連皮燒，好香碳燒味，超甜超多汁🤤翠肉瓜$28有兩串幾抵食，唔會太乾身，上面嘅醬好好味，好夾翠肉瓜😋停唔口雞泡魚乾$48雞泡魚乾好啱送啤酒，咬吓咬吓🤭秘汁娃娃菜$38娃娃菜鮮甜嫩口🤤朋友好鍾意食娃娃菜，香辣味好惹味，朋友食到連汁都想飲埋😂椰子冰

想Happy Friday同友人邊吹水邊食野，今次揀左元朗一間串燒小店，晚上都幾多人熱鬧，兩個人不經不覺原來食左咁多野😂👍🏻停唔口雞泡魚乾 $68/份脆卜卜既雞泡魚乾咬落好香口鮮甜😍餸啤酒正😋秘汁洋蔥魷魚鬚配金針菇 $68/份魷魚鬚幾爽彈，金針菇吸曬湯汁，食落爽口帶少少麻辣味。👍🏻秘汁娃娃菜 $38/份幼嫩既娃娃菜好軟腍，完美吸收香辣湯汁，夠曬Juicy惹味😋秘汁花甲粉絲 $88/份花甲無沙，味道略嫌唔夠鮮甜👍🏻醉美五花肉串 $32/串五花肉加孜然粉辣粉調味，燒至微焦，油脂滲出，食落咸香，唔錯😋👍🏻甜燒菠蘿 $28/份菠蘿鮮甜，一咬爆汁😍而且食到好香燒烤味，必食之選川燒牛串 $28/串惹味牛舌 $38/串略嫌燒太耐，乾身左少少，調味適中👍🏻章魚鬚串 $22/串章魚爽口彈牙，肉質厚實，香辣惹味😋惹味雞軟骨$28/2串咸香脆口，串燒必點😉👍🏻翠肉瓜 $28/2串火候控制得唔錯，翠肉瓜燒完仲好Juicy🤤厚切食落更有口感，加埋調味粉，味道咸中帶甜😋👍🏻蒜蓉茄子 $38/份邪惡燒物🤤蒜蓉舖滿茄子，蒜香滲入軟腍既茄子肉，每啖都非常香濃惹味😍唔鍾意隊草既友人都食左好多🤭必食無骨鴨掌 $18/串有嚼

入元朗食串燒見天氣涼涼地就同老公去食串燒～呢間串燒會有個爐仔熱住d串燒，可以慢慢食～而且佢逐串逐串咁燒出黎，所以串串都熱辣辣，每款都可以揀辣同唔辣！精選串燒及烤物串燒臭豆腐，作為臭豆腐關注組必叫！外脆內多汁入哂味，正！珍寶生蠔，好似拳頭咁大，肥嘟嘟又多汁，勁多蒜蓉！羊扒，勁淋勁多肉燒到脆邊，好抵食！另外仲叫左烤羊串、牛串、蝦串、五花肉、魷魚等，款式都算多。秘汁花甲：見枱枱都叫，跟風又叫一碟。個汁勁惹味，花甲鮮甜，食完一隻又一隻，正！飲品：叫左杯百仙果沙冰，多到就黎滿瀉🤣兩個人一杯都夠飲！食到辣辣配沙冰，爽！

串串燒烤。海鮮鍋好滋味✨招牌海鮮鍋海鮮鍋有分小煲（2-4人）和大煲（5-8人），內含肉蟹、魷魚鬚、花甲、鮑魚，蝦、萵筍、粟米、薯仔，金針菇、娃娃菜、豆卜、蔥、芫荽，用料多樣。如果唔夠可以追加粉麵肉片海鮮，變成火鍋🍲驟眼睇，幾乎每一台客人都會點一鍋！✨串串串果然是串燒專門店，種類多，上菜的速度也非常快。小店賣點是每一枱有一個串燒烤架，烤架上鋪了牛油紙可以放上串燒，底下是用明火蠟燭保持溫度。總體串燒味道不俗，充滿孜然，辣椒粉香氣✨必點蒜蓉生蠔🦪生蠔手掌般大隻，加上蒜蓉非常香口。不少客人都半打半打咁叫。食得非常「豪」爽。

今日試咗位於元朗嘅醉美島，主打都係食燒烤嘅。香口嘢啱晒我。我地兩個人叫幾樣嘢。黑色嘅臭豆腐乾，本身索晒汁，好濃味，但如果有返少少獨有臭味會更佳。厚燒牛舌幾香口。羊肉串唔駛擔心羊羶味，但個人覺得稍為乾咗少少。魷魚板串唔錯，好香魷魚味亦唔會燒到乾晒。粒粒粟米串幾可愛，每串細細粒，煙煙韌咁又香甜。腐皮就正常口感啦，冇乜特別嘅。蒜蓉茄子好好味，推介，烤完好香好軟，加埋足料蒜蓉，食唔停口。錫紙兜上嘅秘汁娃娃菜都唔錯，娃娃茶索晒汁好正。秘汁蝦配粉絲，蝦感覺都幾彈牙，有鮮味，配埋粉絲索咗汁好正。飲品叫咗百香果沙冰同芒果沙冰。百香果好香，飲落酸味味好開胃，食完串燒飲一啖特別爽。但我更推介芒果沙冰，有少少奶底，少少似溶咗嘅芒果雪糕味，亦似楊枝金露，好解渴。整體嚟講唔錯，食物有質素，值得一試。

不論食物定飲品份量都係大大份😆首先一黎就係滿到漏出黎的百香果沙冰，味道岩岩好，唔會太酸，仲有爆爆珠係入面燒茄子🍆係必食，大大的一條又好多汁仲有好少見既臭豆腐，其實係一d都唔臭，只係個皮係黑色，同平時的豆卡差唔多要推薦大家食多春魚，我一直覺得燒多春魚要好有技巧先可以燒得靚，而佢燒得靚之餘都好好味😋😋😋

值得推薦俾大家😍同friend想搵聚腳點、飲下食下，呢間店隱藏左係舊樓地下、一條內街，係幾適合不過之選！😋分別點左杯芒果沙冰🥭🍧同埋百香果沙冰🍧真心有驚喜喎👍🏻首先係好靚😆好香鮮光味、勁大杯、裡面仲有爆珠😍點咗好多串燒，台灣腸、魷魚鬚、燒雞腎、雞軟骨、金菇肥牛、臭豆腐等等，全部都燒得剛剛好，好好咬口，上盤仲有蠟燭爐🕯️暖住d食物，傾住計慢慢食都唔怕吹凍🥰是日特別之選：燒雞泡魚乾🐡、糯米粟米🌽（佩服廚師一粒一粒串，💲30/10條抵到爛😅）食完咁多香口野，最後食返碟燒菠蘿🍍同燒茄子🍆（大過塊面）中和返剛剛好👍🏻好林、又唔係爛晒，夾起都係一大條一大條，讚！整體來講，係一個好好hea、好適合兩個人、一班朋友嘅聚腳點，來chill、來吵吵鬧鬧都真心正！

對於鍾意食肉既人，海鮮加串燒呢個組合有一股神奇既吸引力🤭🐚海鮮鍋（2-4人）入面已經有一隻大肉蟹🦀，仲有花甲、鮑魚、蝦🦐同埋魷魚鬚🦑。蔬菜就有萵筍、粟米、薯仔，金針菇、娃娃菜、豆卜。用一個大電爐上，可以當打邊爐再追加唔同料，例如肥牛，生菜，加埋紅薯粉，粉絲就夠哂飽喇。我地怕太辣選左小辣，平時唔食得辣既我地都接受到。🦪蒜蓉燒生蠔生蠔長過一隻手掌，蠔肉飽滿，作為蒜蓉怪，真係非常推薦。🍡牛舌🍢醉美五花肉串🐏新彊羊肉串肉串非常入味，有明火爐坐住，確保放入口係熱辣辣。餐廳可以選擇坐室內或者室外，凍冰冰室外打邊爐都係另一番風味🍃

夜晚晚喺元朗睇完戲想搵間串燒店食宵夜行到去雞地想食嗰間無開又見到呢間新嘢 一於試吓佢平日晚上黎講都算坐得多人 店內有一邊牆 舖滿唔同顏色嘅打卡字句呢間店係用電話自助點餐 不過都有一本Menu俾人參考 打開本嘢仔細睇啲價格 覺得偏貴不過食得串燒宵夜都預咗唔會平食物嚟到當下 有啲嚇親 $18一串雞腎 竟然疏疏落落咁只得4嚿 所有串燒都會放喺呢個保溫爐上面keep住個溫度 大部分肉類串燒都好重孜然粉味唔太似香港一般嘅串燒 風味反而似大陸嗰啲🍂羊架 ($58一件)好細件嘅羊架要價有啲高 不過味道係成晚所有野入面最好重羊味 不過少少臊🍂兩串韭菜味道正常發揮 係惹味嘅🍂蒜茸烤茄子如果將蒜再打成茸 而唔係蒜粒 會好食啲另外再叫咗一份燒菠蘿 但唔記得影相同朋友叫咗支大藍妹share $32💡其實呢間啲串燒味道唔錯只係所有肉都燒得比較乾同其他串燒店嘅價錢差不多 但份量細好多 CP值黎講好低 300幾蚊好似食到好少嘢🫣

前兩日放咗工之後就去咗元朗食一間串燒店，呢度竟然有得食黑色嘅臭豆腐，真係從來未食過，鍾意食豆腐既我又覺得幾唔錯喎👍🏻燒粒粒粟米🌽老闆娘話呢個有別於一般嘅甜粟，會比較煙煙銀銀，食落去比較有咬口，佢仲話仲可以隨客人意願燒脆啲，話有時啲人飲咗酒會鍾意食脆嘅粟米🤤燒蠔🦪非常推介！落咗好多蒜蓉，蠔的鮮味再吸收埋蒜蓉嘅香味，正，我連啲汁都飲晒😍羊肉串🐑好好食，啲孜然粉嘅份量啱啱好，食落去唔會好蘇，但係好惹味，我最喜愛的串燒之一🤤

天氣凍凍地朋友想食串燒，見到呢間串燒店新開就去試吓，地方細，要等位，價錢唔平，最慘係啲嘢都唔好食，串燒分量細就預咗，但係食串燒啲嘢唔熱就係接受唔到，雖然佢攞個蠟燭爐黎暖住啲嘢食，但係啲食物根本都未燒熱，餐牌上嘅食物我哋都差唔多嗌咗一串黎試，但基本上全部都唔係好熱，味道就一般。最好食嘅就可以算係粉絲麻辣魷魚，同埋蒜味娃娃菜，因為夠晒熱。其他實在不值一提。 試過一次就夠拜拜