醉美島 (已結業)

對於鍾意食肉既人，海鮮加串燒呢個組合有一股神奇既吸引力🤭🐚海鮮鍋（2-4人）入面已經有一隻大肉蟹🦀，仲有花甲、鮑魚、蝦🦐同埋魷魚鬚🦑。蔬菜就有萵筍、粟米、薯仔，金針菇、娃娃菜、豆卜。用一個大電爐上，可以當打邊爐再追加唔同料，例如肥牛，生菜，加埋紅薯粉，粉絲就夠哂飽喇。我地怕太辣選左小辣，平時唔食得辣既我地都接受到。🦪蒜蓉燒生蠔生蠔長過一隻手掌，蠔肉飽滿，作為蒜蓉怪，真係非常推薦。🍡牛舌🍢醉美五花肉串🐏新彊羊肉串肉串非常入味，有明火爐坐住，確保放入口係熱辣辣。餐廳可以選擇坐室內或者室外，凍冰冰室外打邊爐都係另一番風味🍃