醬缸韓國料理

營業中

休息中

好耐未試過係香港搵到咁正宗同好食嘅韓燒👍🏻🥩皇肉排類似牛肋骨部位，軟稔易咬、牛肉味濃，經腌製後非常好味😋😍基本上食原味都非常可口🥰但沾上洋蔥燒汁入口，味道更加昇華☺️🐷五花腩令我回憶起濟洲黑毛豬五花腩嘅味道😚五花腩肥瘦適中，燒得微焦香脆，肉質鮮嫩、有彈性，加上辣味噌沾醬，正啊😍😋🍚韓式牛肉拌飯其實唔差😂但比起上面兩樣無咁出色。雜菜仲多過飯，加上甜辣醬混合，不錯～順帶一提，連配菜啲烤薯仔同泡菜都好好味😆泡菜味道唔太酸，辣味足夠，同係韓國食嘅味道一樣👍🏻餐廳美中不足係個位openrice都出晒名嘅長髮高瘦侍應，態度簡直寸過馬嬲😹💩如果換咗佢，應該會更好😎

慕名而來,醬油蟹冇得彈地方唔算好搵,都搵咗一陣第一次食好驚會腥難入口,竟然好香用餐時發現每一張檯的客人的都有食醬油蟹真係好好食已推薦醬油蟹比好友水冷麵都不錯,溫馨提示芥辣不要落太多

今次已經係第二次食依間啲醬油蟹真係好出色以前其實好驚喺香港食因為驚會唔新鮮但係自從去咗一次之後簡直發現咗新大陸估唔到香港整嘅醬油蟹都可以咁鮮甜🥰三百幾蚊有兩隻蟹喺香港來講其實都算係咁仲包碗紫菜飯 不過紫菜飯嘅份量真係有啲少有啲唔夠喉我直頭可以食三碗🤣🤣🤣之後仲另外嗌多咗個年糕拉麵都好出色拉麵吸晒啲年糕汁超入味🥰本身諗住兩隻蟹會唔係好夠飽點不知食下食下都真係幾漏😂😂😂我同男朋友兩個食啱啱好個年糕拉麵都唔係太食得晒總括嚟講如果掛住醬油蟹都可以去食下當然去韓國食就最正宗🤤🤤🤤

話咁快 係第四次嚟食 食過一次之後隔幾個月就癮起🤣今次朋友生日話想食韓式 咁就帶佢嚟食醬油蟹佢係第一次食醬油蟹 好彩無令佢失望啫⭐️醬油蟹啲蟹膏真係唔係講笑 又多又鮮甜到想不停食每次食佢 我話咁快就秒殺咗一碗飯但今次需要食慢啲 配翻人蔘雞湯一齊食⭐️蟹油蝦比起醬油蟹 佢無咁出色 不過都鮮甜重點係有人服務埋你 殼都唔使自己剝剪埋一口size 個價抵比啦😏⭐️人蔘雞幾耐無去韓國就幾耐無食過人蔘雞朋友話想食 好呀 我個人就最隨和㗎啦😆唔差嘅 但係真係好清淡 記得問店員拎鹽點呀🙌🏻

天氣凍食個熱石頭鍋飯都咪話唔爽。醬缸係人都知係細鋪轉大鋪，已經係信心保證，而且平時過左一點後都開始要排隊。佢既lunch set都幾抵食，石頭窩飯跟好多配菜，正宗韓國菜

好：醬油蟹係唔錯嘅，撈飯一流。醬油蝦就咁食好食啲，以為係細細隻蝦，原來都幾大隻。唔好:首先佢俾我嘅時候就漏咗單，好彩check 咗下。但係個麵就真係唔得😫 (睇相) 仲要咁貴😫😫 好唔抵食

2022年1月8日 晴今日到男朋友同我興祝生日, 知我中意食醬油蟹特登帶我黎食可惜今年以為有得晚市點知最尾都又係冇...醬油蟹 2 隻 $368仲配有好味紫菜飯不過今次比上次細隻左, 可能咁arm 拎左兩隻細ge 吧至於味道方面, 醬油係偏甜, 唔會好鹹, 就咁空口食都可以蟹肉好鮮味多膏, 撈埋飯真係好好食人蔘雞湯(半隻) $75因為我地午市去所以有lunch set 揀, 真係抵好多, 仲有野飲呢湯清清地唔會好濃同鹹幾好不過個雞就有d鞋, 可以有進步空間但以呢個價錢黎講我覺得都唔錯la蒸牛排骨 $90見到隔離枱食緊呢個好香即刻問下佢係咩黎上菜個樣都好吸引蘿蔔有紅蘿蔔同白蘿蔔, 紅蘿蔔超甜超入味, 而白蘿白就水份超多!如果平時唔中意食紅蘿蔔ge  人都一定要試下佢, 因為真係好好食呢至於個牛排骨, 炆到好淋好入味仲有d 韓式粉絲係入面索味同汁成個菜整體味道偏味, 但好好食, 好易餸飯值得留意係呢到午市係收cash only, 好彩今次有帶夠現金姐

🇰🇷韓國人主理嘅韓國餐廳💁🏻‍♀️好耐之前粗略介紹過一次 今次就補返多啲相同講詳細少少😆除咗必食嘅醬油蟹之外 其他items都好味道 質素穩定！🦀️鮮甜多膏 完全唔腥🤤醬油味道帶甜 好易入口 唔過鹹 就咁食都ok！每碟會送一碗麻油紫菜飯 將飯放喺蟹蓋上面撈埋啲豉油同蟹膏 世界級享受😎甜甜辣辣 豬肉片軟腍入味 惹味又好好餸飯😆煎餅做得非常出色👍🏻厚薄適中、均勻 煎得好酥脆🔥裡面嘅泡菜夠酸🤤除咗泡菜之外 仲有醃蘿蔔、翠肉瓜、洋蔥等配料 口感同味道都好豐富 就算攤凍咗都仲係好好味🤩推薦！

裝修係簡約 實而不華但都坐得舒服醬油蟹 $368會有兩隻 好多膏係香港第一次食 蟹係鮮甜 唔會好重口味果款蟹味好重 醬油味唔會過濃 我鐘意淡少少另外仲有碗紫菜飯 用蟹蓋黎撈飯食 可以食埋d汁辣牛肉湯 韓式冷麵韓國野食要點返個冷麵 有加到辣醬梨片係面頭 酸酸甜甜

星期六去需要walkin 最好早小小去啦🕰⭐️醬油蟹係香港第一次食醬油蟹 一試就食到間咁好食嘅啲蟹好新鮮好鮮甜 重點係個醬唔係死咸死甜一切都係剛剛好 調味點到即止 每日食都唔會厭仲會送碗紫菜飯 醬油蟹蝦都會送一碗⭐️醬油蝦都係好鮮甜 但同蟹油蟹比嘅話會比下去Haha仲有專人幫你剪細細粒易入口 貼心嘅服務⭐️土豆排骨湯係香港未食過咁正宗 自從去唔到韓國之後就搵唔到一間咁好食嘅 好懷念韓國嘅味道呀☹️我敢肯定我將會係長期顧客😎

終於搵到一間非常正宗嘅醬油蟹，以減去我對韓國嘅思念！！而且地理位置好近地鐵站，舖頭風格比較簡約，但係都有韓國嘅感覺。重點就係醬油蟹非常入味，記得蟹高加醬汁留黎拌紫菜飯一流！佢嘅醬油蝦都唔差，掛住食忘記影相😆😆當日仲有叫嘅炸醬拌面，水冷麵，海鮮薄餅都非常好食。燒肉有不同肉類及口味，人多去食最好因為可以叫多幾款，而且有韓國人侍應，得閒會過嚟幫你燒。如果你係好鍾意食醬油蟹同好掛住韓國，呢間一定幫到你！

和朋友約平日夜晚，可惜一直都訂唔到位...呢間鋪頭受歡迎程度可見一斑今個週六我們朝早十二點就來門前等位，等左十分鐘，總算有位置。店舖唔算大，但別有風味。我地嗌左一份醬油蟹，一份牛排骨湯，冷熱搭配。上菜速度好快，十分鐘唔到就全部齊曬。試一試蟹味，都好濃好香，我用蟹殼拖住拌飯，非常鮮美，海鮮啫喱的感覺。牛骨湯都味道鮮美，驚蟹肉寒良的朋友可以試試，食落肚都好溫暖。最後埋單448HKD，價格都唔算平，不過初次想體驗醬油蟹，可以選擇！

醬缸是我第二次去食，第一次是6點前，7點要交枱，所以食得比較趕。第二次是電話預訂位7:30，當日7:15已到達，進行防疫程序，待應詢問有否預約，安排好座位後，位置十分滿意，寬闊嘅位置坐下來很舒服，今次選擇燒烤十醬油蟹。

成日聽人講呢到嘅醬油蟹係必試，今日終於試到啦， 食落蟹味好重，但醬油味唔夠出，如果中意蟹味重嘅人就一定岩曬你地胃口，但如果好怕腥嘅人就未必接受到，蟹肉都好多，不過配飯食反而無左咁好食，一黎飯太硬，同蟹膏融合唔到，二黎醬油味唔夠出，食落硬係差啲咁。但整體嚟講都值得一試嘅👍🏾

又食蟹蟹🦀今次係醬油蟹啊啊啊~傳說中的醬缸終於試到你啦🤩🤩🤩醬油蟹 比起韓國呢度醃得冇咁鹹啲醬油就咁飲都唔會好咸而且仲有蟹的鮮甜味添但蟹呢就韓國鮮甜啲各有千秋啦呢度隻蟹空口食好味啲佢個紫菜飯反而係全餐最鹹嘅嘢會搶左啲蟹味冇韓國嗰邊蟹撈飯1+1>2的絕配感覺如果啲紫菜少啲鹹就好了🦀🦀🦀醬油蝦 大大隻得黎蝦肉爽口彈牙仲已經剝埋殼切埋粒勁啱懶人食不過都係唔算太入味啲蝦撈飯加辣椒加蒜加少少醬油反而引到啲鮮味出黎都係勁正🦐🦐🦐冇遇到傳說中的態度唔好不過個電話好似成日冇人聽搞到🐙要專登過黎book辛苦哂🐙