醬缸韓國料理 (已結業)

上網看過如果要醬油蟹 所以一早訂枱的同時我們也訂了三隻蟹 由於做了功課 看見這間餐廳的評論大家都不謀而合地說那個 黑口黑面的服務員所以朋友未齊 我們也不敢開口問 乖乖地在門口等 哈哈怎料女服務員讓我們邊坐邊等  一點不禮貌無禮的都沒有 感覺很好喔我們坐下看餐單的時候 覺得3隻蟹好像太多  先叫2隻再加一碟粉絲以前在韓國或香港的韓燒店都有試過醬油蟹在韓國，那些正宗傳統的還是任食的都很新鮮甜美但有次在香港某間韓燒店試完就怕怕 好腥帶臭 然後就沒有在香港再挑戰醬油蟹今次再試是因為朋友大大力推 果然！ 味道鮮甜 完全不帶腥 感覺也很衛生 可以放心吃下 蟹膏也很多很濃郁！配紫菜香油飯簡直是一流！最後我們三個都是要多一隻蟹 實在太好吃！！！我們一直怕肥不是太吃飯 但我們把整碗都拌蟹膏完成！（美食總是肥 但我們都豁了出去XD）每人一碗飯一飯蟹再加粉絲 其實實在太多下次只叫醬酒蟹就可以 哈哈!

這間餐廳原來在九龍區又有分店。和朋友一起相約試一試這間餐廳。醬油蟹的份量要預先打電話預約，這間餐廳是專吃醬油蟹，應該最出色的菜單也是醬油蟹。另外也叫了牛肉炒粉絲，它的味道比較甜，適合女仔吃，味道也算不錯，但牛肉的份量比較少。另外也叫了一個辣炒豬肉，因為是鐵鍋奉上，所以那些炒豬肉會越來越辣，但味道也可以。後來也叫了那個芝士年糕炆牛骨，牛肉是好吃的，牛肉下面也有很多蘿蔔吸收了味道。可是那些年糕真的是最敗筆，年糕十分硬，完全吸收不到牛肉的味道，醬汁是不錯，但年糕真的太失敗。另外另外叫了人蔘雞湯，沒有太重的人蔘味也沒有雞味，但會提供鹽作調味，可以忽略。

不知所謂的服務態度！一入門口見到個男人，他應該是老闆。他不但沒有歡迎的態度，還好似我欠咗佢咁個樣！跟住我見到另一女待應，我話book 咗姓陳3位6:30pm。她黑口黑面加好冇禮貌咁盤問：你啲朋友係邊到？我話：嚟緊。佢話：唔得喎！你啲朋友未到齊唔準坐喎！我話：吓！唔係卦！?你間餐廳一個客人都冇喎！你冇嘢呀？你唔係唔俾我坐呀？佢話：要齊人先可以俾枱我！我話：都話嚟緊！你間餐廳又唔係滿，得我一個客咋喎！跟著佢就指住張抬，咁你坐嗰度啦！我其實已經火火地。我去到坐位仲要大力用張餐牌放在抬上！我真係火都來！即時call 我朋友，朋友話立即走唔好幫襯！我也即時起身走！四個字：不知所謂！

喺灣仔Tower188洗完牙過咗隔離食韓國嘢。這間韓國食肆第一次光顧，地方唔算大，裝修格局還可以，但座位排列比較逼夾，枱櫈亦很細張，給人侷促嘅感覺，最唔好的地方就是沒有洗手間在餐廳內，要去到鄰近的商廈。午市套餐可算優惠，而且不收加一服務費，難怪十二點半後上班一族陸續光願。食物偏辣，餃子餡也是用泡菜做的，我不嗜辣的就沒有太多的選擇。侍應服務態度有D似茶餐廳feel,唯獨有個唔係幾識講中文嘅侍應就比較有啲笑容，比較有禮貌。

其實唔係黎呢頭野我根本唔會突登食，咁岩係軒尼詩道就沿住行，第一間食韓國快餐。繼續行見到呢間門口menu有水冷麵就黎食。又見佐敦總店好多好評心痕痕。見到有評價係話態度唔好，我本來係想話食個飯就走，默默食完就急腳走，但都遇到傳說中態度差既侍應。一開始佢已經黑口黑面，我問咗拎餐具，因為我張係右台無，點知係左邊台，佢唔耐煩黑住面咁講:咪呢度囉。個時已經想快手食完走。一開始我目標明確:水冷麵，就立即落單。兩碟正常味道既小菜水冷麵，個麵質偏硬太實身。個蘿蔔、水梨都酸酸地醃過，加埋黃芥末、醋一齊食去消下暑。味道正常唔伏但唔會話好好食個麵有少少硬。呢個時候就3點，過咗食飯高峯時間。其實我好明白飲食業辛苦，所以我會講唔該。但呢臨走既時候舉手埋單:唔該埋單。個店員講:呢邊啊姐姐仔。(個語氣好差輕挑個種)唔會再返黎呢間食。

見openrice上啲相幾靚, 就諗住晚飯兩個人去試下。我一個人先到, 同個一早已經黑口黑面嘅侍應話兩位, 佢答要人齊先入座。 我望下餐廳四週, 一半座位都係吉嘅, 亦都冇預約牌放喺枱上面。 我打畀朋友問佢幾時到, 佢話十分鐘內, 我問侍應十分鐘內可唔可以坐住等, 佢冇睬我。 我諗住企到我朋友嚟就走， 隔多咗五分鐘個待應先示意我坐低。 隨后再將啲餐具餐牌嘭嘭聲逐樣逐樣掟上枱, 唔知邊個得罪咗佢。到點餐時, 我個韓國朋友諗住用韓文點菜, 點知佢答 “廣東話。" 冇禮貌或冇嘗試有禮貌地要求用廣東話點餐。我朋友最終用廣東話“呢個”“呢個”“呢個”完成點餐。之后主餐 上枱嘅時候我問佢三小碟其中可唔可以加D泡菜, 佢又黎冇尾音式答"每碟五蚊。" 想快啲食完快啲走。食物普通, 韓國朋友話唔係正統韓國料理。 其實香港化唔正統都唔係問題，只係食餐飯咁受氣何必呢。到去收銀處埋單， 佢又唔攞張單出嚟，淨係口噏噏話幾多錢。 佢以為自己做緊茶餐廳多啲囉。 到最後見我哋有疑惑、先攞返張單出嚟。其實成餐飯我只见到兩個樓面serve 十幾廿張枱包收銀, 應該係唔夠人做得辛苦， 所以對客人態度極差 。香港韓國餐廳多的

係灣仔食Lunch黎講，$60正常不過，仲要係一個韓國湯飯，叫抵食了😂😭佢裡面有兩隻蝦，豆腐，雞蛋，蜆，魷魚，蔬菜同洋蔥等等，材料方面都幾多，泡菜湯底味道唔會好辣，相信大部份大可以接受到。唔錯😋👍

醬油蟹 $398醒目既小編做哂資料搜集💁🏻‍♀️知道要早兩日打去book檯同埋留醬油蟹！唔洗等位又唔怕walk in無得食😼 醬油蟹一份有兩隻 每份會送一大碗紫菜飯 啲蟹膏多到流哂出黎 食一啖已經好有幸福感🥰醬油蟹用既醬油都幾鹹下 所以配飯一流 醬油蟹非常新鮮 第一次食生既蟹肉覺得幾特別 肉質漿漿地 而且估唔到都幾多肉 最後用蟹蓋啲蟹膏撈埋紫菜飯一齊食🤤好正！.牛肉炒粉絲 $98粉絲份量超多 建議3-4個人先好嗌 唔係就會食唔落其他野 粉絲彈牙 而且好多料 略嫌啲料炒得唔夠香 導致味道有啲寡🧐.芝士豬肋骨 $218拉絲芝士鋪滿喺面頭 仲有好多甜甜酸酸既醬汁 我地揀左唔辣 但啲醬汁已經好惹味 豬肋骨勁入味且軟腍 好易就離骨 每條骨都好厚肉 加埋芝士好飽肚😂呢到既野食份量都好多 下次兩個人都係唔好嗌咁多野

屋企無飯食，所以搵左同樣無飯食的同事一齊食個晚餐可以有放工都約埋的同事，都幾難得！佢係一個韓式料理愛好者，所以專登搵返間韓國料理餐廳黎食門面唔算大，但平日晚餐時間黎講算多人。見到有醬油蟹同韓式火鍋供選擇，但我地都係偏向食韓國家庭料理所以都係列入考慮。點完餐後就有三小碟俾我地炒年糕係同事最愛，我自己就一向麻麻地，但因為呢碟有隻蛋，所以我就負責食左隻蛋呢碟的醬唔太辣，入到口，而同事comments係好食，年糕軟硬適中！大醬湯配左白飯，黎就係滾滾下架！所以好熱！咸咸地用黎送飯唔錯，材料都有蜆、洋蔥呢d！人參雞有半份同一份揀，我地得兩個人所以就要半份，雞係滑，都有齊糯米、紅棗呢類補氣的材料，但略嫌人參味唔夠。海鮮煎餅好大塊，兩個人食就多左，呢塊煎餅幾香，食到蔥同少少魷魚味

由於係呢頭返工，lunch想食韓國野既時候第一時間就會黎呢間😋之前成日韓劇同韓綜，深深咁迷上左泡菜！黎親呢度十次有八次都會叫泡菜豬肉湯，跟埋一碗白飯（$60)，佢嘅泡菜份量非常多，煮得好淋，豬肉就係半肥瘦，切到好細舊，其他配料仲有豆腐，香蔥。個湯唔會話太辣，味道調得好好，真係可以送晒成碗飯，正啊🤗————————————（5⭐️滿分，💫為半分）整體環境：⭐️⭐️⭐️💫食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️————————————📍醬缸韓國料理 (灣仔)灣仔軒尼詩道188-190號地下#hkfood #hkfoodie #foodie #hongkongfoodie #instafood #hkig #hkigfood #hkeat #eat #f4f #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #相機食先 #吃貨 #食好西 #食評

今日lunch又去搵嘢食，我同事話唔想食中國餐，咁我哋就搵日本或者韓國嘢食，凍凍地 諗起石頭鍋飯，回味番醬缸韓國餐廳，平時lunch時間十二至一點就排長龍，今日唔算多人，就入左去。我叫咗個食過返尋味嘅牛肉石頭鍋飯，佢的茶同前菜都幾好味，加埋辣醬撈埋來食，真係一流，好有暖粒粒嘅感覺。好彩座得快， 唔使一陣啲人龍又再出現， 建議十二點三前嚟等位就差唔多，我見到隔離位嘅鐵板牛肉配白飯都好好味，啲牛肉份量都多， 下次可以試下

《醬缸韓國料理》 #食在灣仔📍灣仔軒尼詩道188-190號地下-繼續韓國野食極都唔厭😂 上次就食左同一條街另一間韓國野 今次呢間價錢差唔多 但環境好好多 平日lunch hour真係排哂長龍架🔹鐵板韓式烤牛肉 $60烤牛肉份量都唔小 鐵板上保持熱度 調味唔會過濃 岩岩好食哂一碗飯 好想encore！ 真係幾惹味 雖然$60都唔算平 但呢間環境ok 服務ok 連前菜都好好味 絕對會有下次！我都係keep住星期六lunch hour先會黎食😂真係小人好多佢地個泡菜真係好好味 夠爽口 味道又夠 好想就咁買黎食🍴9/10

天氣甫轉涼，熱食都係受歡迎既~ 中午一點 ，門裡到外排了一條短人龍，大概七八個，侍應會遂一問我地食咩，落定單。三人等左廿分鐘左右，終於有位，對於得一小時食飯既打工仔，都算要考慮下排唔排隊😅，好彩係有落定單，後來坐低不久就上主菜。前菜係三個人share的一碟泡菜和土豆絲。但搭枱的旁邊一人自己食都係兩碟，不解丫😅泥鰍湯入邊都係得白菜、菜干同蔥三樣，係無魚肉，但可以飲到泥鰍味好重，同湯有粉狀的碎，應該係溶了的魚吧，大概🤔。同場兩友人的泡菜豬肉湯的豬肉好細塊，似上海菜的咸肉浸白菜的肉的小長方磚塊，肉量都係少，另一石頭飯都係肉少啲，但大家都認為味道ok。總括而言，款式幾多，多菜少肉，熱氣騰騰，一般質素🤔

喜歡吃韓式食物，但苦於份量太多，而且價格較高。今天中午吃的餐廳便解決了上述的兩個問題。點菜後店員便送上配菜兩碟，除了常見的泡菜外，竟然是薯絲！味道雖然沒有太大驚喜，但也是一碟不失禮的配菜。石鍋拌飯上場了！雞肉是免治的狀態，有非常多的蔬菜，包括芽菜，蘿蔔絲，紫菜，將雞蛋拌混後，滑滑的非常好吃。而且飯的份量不多，中午飯剛剛好。比較失色的是$60元只有上述這些，不配湯或飲品，總好像有點不完全的感覺。但店有主動供應暖水，算是略略的一點補助吧。

下午2點鬆d經過就入左去食過lunch，睇下餐牌大部份飯食同面食都係60蚊左右，個別貴d咁，全部唔跟飲品既。 我地3個人，坐低就有2小碟泡菜同土豆絲，唔知有冇得refill呢，不過土豆絲就幾爽口，唔錯!天氣凍凍地，我地都揀熱辣辣石頭鍋飯，石頭鍋飯可以選配雞、牛、豬肉，我地各選唔同肉，但三碗都貌似一樣樣~飯既份量就唔多，配菜有青菜，紫菜，芽菜，蘿蔔絲同埋生雞蛋，女仔就夠食既，男仔可能差少少啦。上枱時真係熱辣辣，食完個碗都仲出煙，但係飯焦又唔會好多，係邊邊同底下有點脆咁。