醬缸韓國料理 (已結業)

雖然食物水準還可以但服務態度認真差劣！唔需要面帶笑容但亦唔好唔抽唔采黑口黑面！最衰其實係店內居然冇厠所！午市還可以接受但晚市通常用膳都一至兩個鐘..飯前冇得洗手都算！食完醬油蟹隻手腥哼哼冇得洗手！如果真的要去厠所就要攞鎖匙，行出街搵到邦民右轉行入一條又黑又多垃圾嘅後行！當晚仲要落住雨😟冇帶雨傘冇帶電話又冇錢包身份証...心諗有啲乜嘢事跣腳跌親暈低都冇人知！其實食物點好都由自可，下次一定唔使旨意我再幫襯！

其實之前係佐敦已經食過幾次架喇, 今次係灣仔見到有分店又忍唔住又入去食過, 之前係度食過個醬油蟹同泡菜煎餅, 真係好好味講返今次先, 今次係去食lunch, 一入到去就例牌放低d前菜食下先之後我order左個石頭鍋飯, 我同事就叫左豬肉泡菜湯同鐵板炒牛肉個石頭鍋飯好夠熱, 仲食到少少飯焦, 正其他個d冇影到相, 不過個泡菜湯都好好味, 係個鐵板牛肉差少少, 我個人覺得好一般

好耐冇食過韓國嘢，所以今日同朋友揀咗呢間喺灣仔嘅醬缸諗住食一個簡單嘅晚飯。 佢哋嘅菜單提供好多選擇，可以簡簡單單食嗰飯，亦都可以要部隊鍋或者打邊爐。老闆娘同員工都幾好客， 我哋一坐低佢哋就斟咗茶同遞咗三碟伴菜畀我哋。但係如果想再添伴菜就要俾5蚊。我哋一共嗌咗一個牛肉炒粉絲同埋海鮮拌飯。 兩碟菜嘅份量都幾大，我覺得如果係女仔食嘅話可能三個人share兩個飯或者兩個麵都已經好夠。炒粉絲嘅用料非常豐富新鮮，包括有洋蔥， 大蔥等等。 我覺得美中不足嘅地方就係啲粉絲有啲淋同太咸。而我朋友點嘅海鮮拌飯好足料，但係嗰賣相同menu上面嘅有啲出入，而且無雞蛋，所以有少少失望。最後特別想讚下佢哋嘅小菜，尤其係三椒炒草菇，非常入味好食。

昨晚去了這間開業年幾嘅醬缸，本身環境尚算okay, 但食物質素實在有待改善，餐牌有個價錢$298的部隊鍋，我見女友想食就叫一個，誰知照片同實物差天共地！照片排到密麻麻，但實物只有三兩樣午餐肉，腸仔同豆腐。咁嘅價錢就算俾多少少餸都唔係好過分啫！我問服務員，佢搵咗個高級啲嘅普通話經理同我理論，同我講話係圖片只作參考，但Menu先無寫的，就算圖片只作參考都唔使差咁遠掛？其餘食物方面，年糕炒拉麵得個甜，同特辣，大醤湯極普通，烤牛肉係極度乾，此餐廳不宜再光顧

灣仔區返工, 晏就真係唔知食乜好, 難得今日空閒少少, 就約左朋友行遠少少食新野!條隊都算reasonable ge, 12點半, 大概我前面有2 個parties la (都係兩個兩個咁), 搭九就可以排到頭位再先嗌飯( LIKE iT!  夠EFFICIENT!!!!) 搭十一左右都有位有野食了唔記得影相,因為放飯再要排隊己經好餓,唔太夠時間, 食物一泥到就被秒殺被鯨吞, 儀態是什麼????前菜係薯條(喂呀..唔係炸個啲呀..LOL), 同埋kimchi~~~, 個薯條, 即係土豆條好爽好味, 有得添就好嘻嘻食左兩樣主食同朋友開心share:   雞肉石頭鍋飯, 泡菜豬肉飯先講雞肉石頭鍋飯, 加左大約兩湯匙醬汁, 唔算辣, 好好味,  唔會太乾, 飯焦適量,  飯軟硬適中, 餸同飯既比例都好好再講泡菜豬肉飯,   個飯上面本身有隻蛋, 第一樣美中不足就係佢個蛋係全熟, 你話如果有少少流心咁幾好呢!!!! 整體係好好味架, 濃味既但唔算油利,  個次序先食石鍋, 再食依個就perfect池~  (佢上菜亦都係咁啱依個順序 !不過我估係咁啱而己hahaa)如果有lunch set 貴少

人參雞湯 ($78)帝皇式享受 lunch食個人參雞絕對唔係奢華既事，足料釀左糯米既半隻雞上台會有專人剪開，滾燙既奶白湯水帶有雞、人參、紅棗同蔥既香氣，自行加入另上既幼鹽後，引出雞湯既鮮味。輕輕用筷子將雞拆件，骨肉輕易分離，肉質嫩滑。成個湯都好清甜唔油膩，鐘意人參甘苦味既人會嫌唔夠濃，但入面有原塊手指咁長既人參補數。糯米同湯底完美融合為一，就算跟餐冇飯，食完都好滿足。餃子年糕湯 ($58)份量竟然可以用一大盆去形容，同樣奶白色既湯底入面有無限泡菜餃子、切片年糕同雜菜。雖然餃子似係現成貨色，但年糕煙韌入味，配合紫菜碎同湯係好正宗既味道，仲抵食過我個人參雞湯。

灣仔都幾多韓國野食嫁，今日黎到968 巴士站旁邊嘅醬缸韓國餐廳食Lunch，無得訂台要齊人入，而且次次都要排隊，實有佢原因嘅，因為佢抵食又好味囉，排隊仔龍長，但其實好快都入到座，所以唔洗太擔心嘅。首先我地叫左個牛肉炒粉絲配飯，我地將牛肉轉左豬肉，佢無整係粉炒絲，一定要配飯。粉絲都幾入味，撈埋飯食都幾惹味。然後我地再要左個豬肉石鍋拌飯，辣醬自己食幾多加幾多，拌飯同平時韓國餐廳果d大同小異，無咩大特別，份量都足夠。最後就辣一辣，叫個辣炒年糕公仔麵，都幾辣嫁，不過好好味，入面有魚糕，有蛋，如果鐘意辣嘅人一定要試。最後埋單$184，中午無加一，唔收卡，三人食，每人平均$60，係灣仔黎講食個中午飯算Okay嫁啦。

平時都有同同事黎開呢間食韓國菜，水準都ok，醬油蟹都幾鮮甜。琴日星期五7點幾收工同媽媽諗住黎食醬油蟹，見餐廳客人不多又有個卡位就入左去（我媽對卡位情有獨鍾），點知個講廣東話既韓國女人（應該係經理/老闆娘)話個卡位已經俾人訂左（無reserve牌就咁吉左係度），叫我地坐近門口的餐台。咁算啦可能真係有人book左，當我地睇緊menu之際，又有一枱卡位客出去埋單，咁我地就問個waitress可唔可以轉枱，佢話可以轉。當我地坐左過去果陣個老闆娘又叫番個waitress黎同我地講張枱又有人book左，叫我地坐番中間的餐枱，又無道歉又無盛，淨係見到個老闆娘係counter離遠咁啤住我地。張卡位之前的顧客岩岩走又即刻有人book左？如果之前班客一路唔走, book左果張枱既客咪有排都唔使入座？之後我同我媽估計佢係想安排多d人坐門口位等個場睇落旺d，最後嬲嬲地即走。全個過程十幾分中都唔見出面有人等位入座，兩張卡位同好多餐枱都空置既。咁既服務態度我決定唔會再幫襯

醬缸喺灣仔開咗之後, 我間唔中都有幫襯. 味道唔錯, 份量足, 價錢相宜. 我今日如常同朋友去食lunch, 食食下有位比較高大年輕既waiter一手拎住白飯一手拎住鐵板牛肉喺我側邊轉身. 然後我就感覺到手臂同背脊熱熱地. 除件外套出嚟睇, 發現有幾撻牛肉汁遍佈件外套臂同背脊位置. 我朋友即刻落濕紙巾出嚟俾我同幫我手抹. 有位waitress主要企門口位置落單同帶位, 佢見到走埋嚟問咩事, 我話佢知之後, 佢問返肇事waiter, 肇事waiter用韓文落佢"無 唔知道", 無道過歉就走開咗. 我後面位女仕就出聲話佢都被淋到, 位waitress就行返嚟視察一下我地背脊同地下, 好無誠意地講聲sorry就走開繼續工作, 無意慾或行動攞多幾張濕紙巾或毛巾俾我地處理. 我見件外套係淺藍色, 啲汁唔係好顯眼, 加下lunch hr好繁忙佢地唔得閒, 就諗住唔著住件外套, 拎返工司先處理就算喇. 如是者行咗幾條街返到公司, 同事告知先發現我件白色上身既背部都有幾撻牛肉汁! 食飯時我朋友坐我對唔見唔到, 位waitress視察我背脊之後唔話我知, 我就咁著住件純白色有幾達牛肉汁既衫行咗幾條街返公

晚上去找點新店吃吃，看到有家開在地鋪的韓國菜館，心想在金巴利街一帶吃多了，在灣仔很少見，就進去試試。一看菜單，滿是圖片，看菜式感覺非常正宗，心裡滿有期望。由於進店時已接近關門，就點了一湯一餅試試。這是我吃過最難吃的人蔘雞湯。就算是超市買的錫紙包裝的那種也比她好吃。直接點說那湯就不是煲出來的。味道像開水一樣的湯，在客人點餐後加入一隻從冰箱拿出來的雪雞，再加點剛浸泡好的「人蔘」進湯至湯開奉客。怎麼能這樣說呢？湯是沒味道的，不管是雞味和蔘味都沒有。雞一切開裡面糯半是一硬塊的，証明雞在解凍後沒有煮透。那「人蔘」就更不像話，硬的，你說這說明什麼？我對隨便去做這些有民族意義的菜式非常反感。牛肉餅是可以的，滿滿的牛肉，畢竟這是賣一百五十塊的。再想想，這價錢也能吃六、七個清真牛肉餅。好吧，餅配上這店的乾蔥醬油也是好吃的。老實說，我是還想去試試那些炒粉絲、炸醬面、伴飯，看上去很地道的。但還是堅持一貫宗旨，一家食店如果連基本菜也做不好，也不能對她其它菜有所期望了。經營食店不容易，我是明白的，但我相信食物比只用來填飽肚子有更深一層的意義。

12：37到達，人流較多，大約有15人在輪侯，等侯至12：50才入坐。配菜薯仔絲和泡菜。值得一提的是那土豆絲，比上一次更軟身更香，我特別喜歡。入坐前已點菜，點了一個人參雞全份(118元)，打算兩人一同吃。等侯至1：00，結果上來的是2個人參雞半份(78元)，追問下發現幫忙點菜的女待應“下錯單”，因為午膳時間比較趕忙，我們也沒叫他們再改單了，亦沒有追問是否不可以共食一份，只好默默地自認倒霉，二個人看著眼前大大碗的熱滾的人蔘雞，默默地奮力作戰。每一個人參雞半份，有半隻雞和人參一支。上來的湯很滾燙，值得一讚。可是味道跟份量都有點失望。味道很淡也沒有香氣，似是滾湯，真的是“人參冇人參味，雞冇雞味”。另外，份量很少，我們兩個小女人胃口不是特別大的也吃不飽。

假期前夕OT完同個同事撐檯脚，就去咗公司附近嘅醬缸韓國料理。都係第1次食醬缸嘅晚餐，入到去已經見到好似oppa招呼同埋有幾多外國人，韓國人都有幾檯。因為同同事兩個都唔係好肚餓，所以只叫了簡簡單單嘅泡菜炒飯同埋蔘雞湯。泡菜炒飯先嚟到，看似簡單只是泡菜炒飯加隻煎熟蛋同碎紫菜，但食落口真係覺得好香好好味，跟飯嘅紫菜湯同樣地簡單但又好味，最後嚟到蔘雞湯，叫了嘅係半隻雞，裏面一樣係有人蔘，飯同埋葱，食落唔止雞幾滑，飯唔會太淋同埋啖湯好清甜，食完餐飯真係大滿足😆😆

約了好兄弟到修頓球場打籃球 ，由於各人下班時間不同， 我先到了灣仔。由於下午太忙午餐也沒吃，沒有力氣怎樣打好球賽呢 ？所以我就隨便在openrice 搜尋一下附近的餐廳， 便搜尋到這間我之前在佐敦也吃過的醬缸。店內大部分服務員也是韓國人，裝修比較摩登簡約。我點了一份人蔘雞湯 和 燒魚人參雞湯像韓國傳統的餐館一樣，是比較清甜的一種 ， 只是簡單以蔥花調味 ，不像西式湯加入很多的調味料。雞肉不算太鞋口，可以接受。喝完後感覺很有力氣。烤魚比較乾身，魚肉比較實淨，但是我喜歡比較滑溜的口感，伴碟的青瓜可見師傅的小心思。

驚喜係呢度裝修幾好，好Morden，俾人感覺地方好乾淨。比佐敦好好多！仲有就係店員大部份都係靚仔oppa XD服務亦唔錯，如果可以加密少少茶就最好啦。2個人叫了醬油蟹，辣牛肉湯，牛肉炒粉絲，差D飽到反肚 哈哈失望係d咩⋯⋯就係醬油蟹唔夠入味。有蟹膏但唔係多，醬油味道ok, 可惜蟹肉唔夠味， 蟹鉗d肉完全無味, 好似餣得唔夠耐，要一路食一路點汁。我一個人食2隻蟹，4隻蟹鉗都無夾散，我要自己夾，食完2隻蟹隻手覺得好累 😂 紫菜飯爆多紫菜！辣牛肉湯 有白飯唔太推介，入面有d材料我唔鐘意食，我比較種意泡菜湯。牛肉炒粉絲好大碟，粉絲煮得好入味！好好食。我會再黎架，因為近我又唔使排隊！

到韓國旅行，土俗村和百濟蔘雞湯都是我必去的地方，我喜歡那簡單的鮮甜味道。早前同事嚷着要去試試醬缸（灣仔分店）的午餐，但由於每次的午膳時間人龍太長了，我們只好放棄。今天我們來的時候差不多已到二時，完全不用等位，直接進去。醬缸的午餐與同區的韓國餐館比較，不止味道更好，而且價格更相宜，同區韓國餐館的午餐一般需要＄100左右，這裏的只是$50至＄80 。小碟土豆絲爽口清甜泡菜是泡了一段時間經過發酵，帶酸的那種，味道可以加辣一點海鮮豆腐湯 HKD58同事說辣度和調味適中，但內的的魷魚和蝦很韌。人參鷄湯（半隻）HKD78今天天氣突然急降，來一碗蔘雞湯驅驅寒意，暖暖胃。雞肉可以煮得再嫩一點，湯底清甜，不像中式湯那麼濃郁，內裏的糯米飯煮得有點像意大利飯，喝完後感到全身溫暖起來。我們又多了一個午餐好地方了。