里的茶 (已結業)

太熱！這個夏天，不能避暑。只可以宅在家，開冷氣食西瓜。把夢想旅程泡在金寶番茄湯吧！真要上街…買杯茶。里的茶，名字大雅。看看menu，真心喜歡上「黑糖珍珠鮮奶」，好像很豐富，很和諧的三個元素做配搭。也曾遲疑它的卡路里，但…一杯嘛!等了幾分鐘，茶到好時候。上手不覺微醺；一呷方知夏至。這回事是先嚐到了黑糖的醇厚；再回味到它的絲絲甘甜。正覺得濃烈的剎那；舌尖上卻彈跳出珍珠的煙靱，而一份鮮奶又正好稀釋了這杯糖水的純淨…青青春茶；年少風流。是里的茶涼也喝，一場短雨話平生。

今日行過商場見到就想飲既里的茶,同埋佢地做緊買一送一,就同朋友決定叫烏龍焙茶同芒果奶蓋,大大杯都抵飲既,烏龍焙茶都幾有茶味,我朋友都幾鐘意,但我個杯芒果奶蓋就一般啦,奶蓋做得唔太好,不過買一送一就冇咩所謂既

服務在門外放有排隊位放有個牌，精美又清晰，係付錢位上方亦有顯示螢幕，付款位亦有飲品牌，好窩心的服務，方便我地睇牌。另外，門外仲有自助購買機，人多時唔洗排隊，非常方便。四季春奶蓋茶我已經第二次買里的茶，上次飲茉莉奶蓋綠茶，今次買四季春奶蓋茶，第一啖似奶蓋超好飲，再飲耐啲飲到啲茶，非常夾，四季茶唔太濃，仲好滑。紫芋甘薯紫芋甘薯係新產品，一去付款櫃枱見到個牌好似好吸引，而且我好鐘意甘薯，於是叫左杯試下，好香香芋味，似落可以飲到兩種味，好好飲。

.🔻里的茶.本身諗住似天仁，但係早阻收工，就近上阻去商場1f ,間野位置都幾'了能', 係mee...lemongrass隔離，唔行入去都睇唔到，見佢又做開買一送一優惠，咁就試下佢啦~.🔻鮮橙四季春茶 ($31) 入面有一塊橙同一塊西柚，味道偏酸，唔係好飲到茶味，好普通.🔻富士蘋果茉莉綠茶 ($35) Um.....蘋果綠茶，完。.總結係唔難飲既，而且飲得晒，但就算買一送一，圍返都差唔多$20/杯，但真係好普通，茶味一d 都唔夠，係好似好新鮮咁囉，有塊生果係入面，不過我都係飲返天仁好了😯

今日同男朋友經過，第一次見到里的茶，因為我地2個都未試過飲呢間，而且又見到都多人排梗隊，覺得唔會太差，所以見到都想試下。餐牌上面，飲品既選擇都好多，各種茶款,茶底都有得簡。不過甘多款入面，我同男朋友2個都係最鍾情飲奶茶。我簡左芝士黑糖珍珠鮮奶，佢地呢度d杯夠晒大杯，但平均一杯都係賣梗廿十五蚊左右，其實性價比都幾高，抵飲之選!值得提既係呢間d黑珍珠幾特別，唔係好似其他茶飲店1甘煮到軟林林，咬落去好有咬感，唔會漿住晒!落既黑糖都夠，而且又唔會太甜，岩我呢d怕甜既人士!

同屋企人行街，行到有少少口渴，就去咗買里的茶😆😆😆佢哋做緊買一送一嘅優惠，同朋友一人一杯，都係10幾蚊，好抵飲👍🏻👍🏻如果得自己一個，飲唔晒兩杯，單買一杯就減$8，當然買兩杯先係最抵😋😋今次買咗富士蘋果芝芝冰茶 $37 同鮮果茉莉茶 $34富士蘋果芝芝冰茶層次分明，見到有最頂層嘅芝士奶蓋，中間係蘋果沙冰，最底就係蘋果茶，芝士奶蓋咸咸香香，沙冰打得算幼細，好香既蘋果味，會見到啲蘋果皮，真材實料，味道清新，飲完好透心涼呀😆😆😆鮮果茉莉茶係我媽咪叫既，有好多嘅生果片，一入口就有香濃嘅百香果味，酸酸甜甜，繼而都飲到清澈嘅茉莉茶味，如果食完飯想消濟下，我覺得飲呢杯都唔錯👍🏻👍🏻💖

今日黎開香港仔，老公話想飲珍珠奶茶，見到有買一送一優惠，咁抵，即刻買兩杯黎試吓，自助購買功能好方便，易用芒果芝芝冰茶($33) 芝士奶蓋幾好味，唔太鹹，芒果味幾香飲到最尾先有小小茶味，呢個天氣飲最啱火焰芝士黑糖珍珠鮮奶（$28）唔係好覺得有芝士味，黑糖搶晒味，唔知係唔係未攪溶啲粉，飲落去有雜質，味道還可以，同出面普通珍珠奶茶冇乜大分別$33 飲到兩杯真係好抵，平平地又可以解喝都唔錯，因為係隔離餐廳食嘢，仲可以坐喺度慢慢飲

香港仔呢度有間飲品店，個名都幾特別。😂 而且，標榜真材實料，當時仲有買一送一，於是就試一試。⁣🤔⁣富士蘋果芝芝冰茶($37) 【好味度：7/10】⁣⁣⁣⁣⁣⁣⁣呢個芝士奶蓋，都好有芝士味。🧀 但係同出面嗰種，就覺得有啲啲唔同，因為佢嘅芝士味道竟然比較似芝士蛋糕，都幾特別。🍰 而且見到沙冰入面夾雜好多碎碎嘅蘋果皮嘅，可見有用新鮮果肉打造而成，果然足料。🍎 蘋果茶嘅味道都好清新。⁣😙⁣芒果芝芝冰茶($33) 【好味度：7/10】⁣⁣⁣⁣⁣⁣⁣呢個同樣都係嗰款嘅芝士奶蓋，下面嘅芒果味都好天然。😋 佢嘅芒果就比較重，反而比較難搵到個茶嘅味道。🥭 不過，勝在芒果味夠。👍🏻 同埋，佢都偏甜。⁣☺

假日同肥🐽去香港仔一日遊但面對住太陽伯伯強烈嘅攻勢我地終於頂吾順，求其搵左間商場過下冷河😂就係咁，又比我地發掘到一間抵飲又有特色嘅台式飲品店「里的茶」.🔸抵飲無論係自私飲定係大家SHARE同樣都有優惠！可以揀單杯減$8，又或者買一送一真係抵！抵！抵！😍.🔸特色台式飲品最近咁HIT但來來去去都係奶蓋四季春，台式波霸奶茶， 芋頭鮮奶果D而呢間嘅款式就更為特別如杏仁黑糖仙草鮮奶，冰糖雪梨芝芝冰茶火炙芝士黑糖珍珠鮮奶等等樣樣都好特別，好吸引.🔸富士蘋果芝芝冰茶 $37單單一見到富士蘋果+芝士奶蓋我已經二話不說，決定係佢啦🙈除左我超中意富士蘋果呢個原因仲有係喺依家呢個台式飲品橫行嘅時期只有呢間先有富士蘋果芝士奶蓋呢！芝士奶蓋入口濃郁厚滑，吾會感到稀或淡而奶蓋份量亦十足，更佔整杯既三分之一配上富士蘋果特殊嘅甘香味PERFECT MATCH 呀.🔸芒果芝芝冰茶 $33同樣上層都係濃厚嘅芝士奶蓋由於茶底更為突出入口係濃郁嘅芒果香帶茶底嘅回甘微酸帶點甜，好解渴

其實係飲上水分店的 😝😝😝open kitchen設計 我去既時候應該係岩岩開張做緊買一送一 可以叫不同款式 俾貴啲個杯就可以了選擇都好多 都係香港人鐘意既 水果茶，奶蓋之類今次叫左一杯東方美人奶蓋茶 少冰另一杯叫左芒果芝芝冰茶全部野飲即叫既整 大概等左十五分鐘左右先有芒果芝芝冰茶有少少失望 佢係用現成芒果漿做飲得出好假！同埋偏甜既 奶蓋做得偏厚 厚到其實飲管飲晤到 用咀直接食都有少困難 不過奶蓋味道幾好 芝士夠咸香東方美人茶底有驚喜 係好淡既茶味 但有回甘既感覺 解到渴👍下次再黎會叫番淨係東方美人茶😝

今日突然想飲里的茶，買一送一，就同朋友決定一人一杯珍珠奶茶，我就叫咗伯爵珍珠奶茶正常味，而朋友就叫咗烏龍茶珍珠奶茶少甜，其實真係好抵飲，大大杯。伯爵珍珠奶茶個茶味好出同好濃，喺口腔度嗰陣茶味可以留好耐，啲珍珠亦都好彈牙，喺出邊飲珍珠奶茶我覺得啲珍珠好少，但係呢一間啲珍珠真係比到好足，食唔曬～至於朋友杯烏龍茶珍珠奶茶少甜，當然我都會有試飲啦，估唔到兩隻茶味個分別可以咁大，完全係飲到兩種唔同味道，同埋少甜顯得個茶味更加出，唔太漏～～

平時經過見到有好多人，好彩今日唔洗等好耐。見到大大嘅餐牌，好清晰顯示25款飲品，有圖有字，唔洗估估下個樣。杯杯都好大杯，又平又抵飲。係飲品杯外會有一卡紙，呢樣野好貼心，唔洗直接掂到個杯凍親。芒果芝芝冰茶杯野面有層厚厚嘅海鹽奶蓋，咸咸地嘅奶蓋幾好味，唔錯，聞落好香芒果味，飲落芒果味都好重，將奶蓋同芒果茶攪勻，另有一番風味。茉莉奶蓋綠茶表面都有層厚厚嘅海海鹽奶蓋，第一啖飲就飲到重重嘅奶蓋，吸引到我好想繼續飲落下，混合埋綠茶，有輕輕淡淡嘅奶茶味，好夾。

夏天熱辣辣 行一陣都出晒汗 勁想飲野😥咁岩係香港仔見到有呢間里的茶 望落好似好好味咁 而且個名又咁得意 吸引左我同朋友去左買野飲🤤由於想解渴 同埋解暑 我地嗌左茶飲 分別叫左凍頂烏龍奶蓋 同埋白桃烏龍奶蓋平時我都習慣嗌少糖 但今次掛住傾計冇嗌到 有啲擔心會太甜 但飲落又唔甜喎 甜度岩岩好👍🏻👍🏻啲奶蓋奶味偏重 奶香味都正！可以值得一試 而白桃烏龍既茶味比起凍頂烏龍茶濃少少 如果中意濃啲茶味既 建議買白桃烏龍🤤整體黎講係解渴之選！

今日行街熱辣辣，見到香港仔有間台式嘢飲就去試吓啦！我就飲咗伯爵珍珠奶茶同埋個朋友飲咗生果四季茶，最近仲做緊買一送一抵到爛啦！伯爵珍珠奶茶茶味清香珍珠煙銀有口感，唔會話係林pat pat 嗰啲珍珠，伯爵珍珠奶茶真係第一次飲，平時嗰啲珍珠奶茶都只係普通茶包。伯爵珍珠奶茶嘅感覺好似食緊英式下午茶咁，真係好特別架。而雜果四季茶就甜而不膩，裏邊仲有好多生果㗎例如蘋果橙。呢一個啱晒食到飽飽濟濟嘅時候飲，更適合夏天飲！

香港仔中心開了間新餐廳, 我們最鐘意試新嘢, 星期六放假無嘢做, 唔駛煮飯便特登走過去食個午飯, 但發覺這餐廳的旁邊開了間好有特色的茶鋪, 叫”里的茶”, 有好多款好吸引的日本沖繩黑糖鮮奶系列, 有珍珠奶茶,水果茶, 仲有火灸芝士仙草茶等等, 咁吸引, 我們咁係要買杯來飲下啦. 我們分別買了富士蘋果芝芝冰茶及玄米喬麥珍珠奶茶, 我嗰杯富士蘋果芝芝冰茶真的有攪碎了的蘋果肉在裡面, 一啖啜落去, 啜到些沙冰, 仲有些超細粒的蘋果粒, 蘋果粒爽口, 酸酸甜甜, 超好味! 最上面嗰層是芝士, 待我再攬勻杯嘢飲, 又啜到香濃綿滑的芝士味道, 一D都唔會覺得漏, 反而覺得芝士好香, 啜完一啖仲想啜, 好好飲呀! 另一杯玄米喬麥珍珠奶茶屋企人都話好好飲, 玄米及喬麥都有好香濃的炒米香, 飲咗真的有種鮮暑消滯的感覺, 而且茶香得來, 粒粒珍珠都好煙韌, 啜啖茶嚼下珍珠真的好滋味! 呢間”里的茶”好啱我哋口味, 我經過香港仔中心一定會再上去買番杯來嘆下.